இறைவன்

SUNDAR · மூத்த உறுப்பினர்

தாமதமாகிப்போகும் ஆண்டவரின் வருகை!

SUNDAR · மூத்த உறுப்பினர்

சாலையில் ஒரு குருடரையோ அல்லது வேதனை அனுபவிக்கும் மனிதனையோ அல்லது ஒரு முடவனையோ அல்லது பல்வேறு துன்பங்களில் அடிபட்டு அலையுண்டு கிடக்கும் மக்களையோ காணும்போது அங்கு என்னை நானே
குற்றவாளிபோல் கருதுகிறேன். இன்றுவரை இவைபோன்ற கொடூரங்கள் துன்பங்கள் எல்லாம் இந்த பூமியில் நடைபெற்றுக் கொண்டு இருப்பதற்கு நானும் ஒரு காரணமாகவே எண்ணி கலங்குகிறேன்.

ஆணடவர் சாத்தனை ஜெயிப்பதற்கு தேவையான அனைத்து ஆயுதங்களும் பரிசுத்த ஆவியானவர் என்னும் கூடுதல்பெலனும் நமக்கு தந்திருப்பதோடு, சரியான வழியை வேதாகமத்தில் தெளிவாக எழுதி கொடுத்துள்ளார்! அனால் எல்லா மனிதர்களும் எதாவது ஒரு காரியத்தில் சாத்தானின் தந்திரமான திட்டத்தல் பிடிக்கப்பட்டு சாத்தானோடு அட்ஜஸ்ட் செய்துகொண்டு வாழ்வதில் திருப்தியடைந்து விட்டனர். இன்றுவரை அவனை ஒருவரும் ஜெயம்கொள்ள முடியாமல் போனதையும் நினைத்து மிகுந்த வேதனை அடைகிறேன்.

தன்னிடம் உள்ள குறை குற்றங்கள் தெரியாமல் அடுத்தவரை குறை கூறி திரிகின்றனர். தான் தேவனை சரியாக அறியாமல் அடுத்தவர்களுக்கு அதிகமதிகம் ஆலோசனை சொல்கின்றனர். ஓடி ஓடி ஒருவருக்கு கிறிஸ்த்துவை அறிவிக்கும் பலர் தாங்கள் அவரது உபதேசத்தில் நடக்கிறோமா என்பதை ஆராய்ந்து பார்க்க தவறி விடுகின்றனர். அதிகமாய் ஜெபிக்கின்றனர் அதிக அதிகமாய் வேதத்தை ஆராய்கின்றனர் ஆனால் ஆண்டவரின் வார்த்தைகளுக்கு கீழ்படிவதில் அக்கரை யில்லாமல் இருக்கின்றனர்.

தேவனால் தெரிந்துகொள்ளப்பட்ட ஒரே ஒரு மோசே ஆறு லட்சைபேரை பார்வோனின் பிடியில் இருந்து மீட்டுவிட முடியும். இந்த "ஆறுலட்சம்" என்பது
எகிப்த்தில் இருந்து விடுதலையாக்கப்பட்ட மொத்த இஸ்ரவேல் ஜனங்களையும் குறிக்கிறது. அந்த ஆறுலட்சம் பேரில் அநேகர் முறுமுருப்பவர்களும், ஆகார பிரியர்களும் திருப்தியில்லாதவர்களும் தேவனை பரீட்சை பார்ப்பவர்களுமாக இருந்தார்கள். அவர்களால் எந்த பயனும் இல்லை! மோசே போல் ஒருவன்தான் தேவனுக்கு தேவையின்றி ஆசைகளில் சிக்குண்டு கிடக்கும் அநேக கூட்டம் ஆண்டவருக்கு தேவைஇல்லை!

அவரது வார்த்தைக்கு முழுமையாக கீழ்படிந்து நடக்க விரும்பும், தன்னை முழுமையாக தேவனின் கரத்தில் அர்ப்பணிக்கும் தன்னை தானே வெறுத்து தேவனின் பின்னால் வர துணியும் ஒரு ஒரு மனிதன் போதும்! அனைத்து ஜனங்களையும் சாத்தான் கையில் இருந்து மீட்டுவிட தேவனால் முடியும்!

எரேமியா 51:20 நீ எனக்கு தண்டாயுதமும் அஸ்திராயுதமுமானவன்; நான் உன்னைக்கொண்டு ஜாதிகளை நொறுக்குவேன்; உன்னைக்கொண்டு ராஜ்யங்களை அழிப்பேன்.
எரேமியா 51:21 உன்னைக்கொண்டு குதிரையையும், குதிரை வீரனையும் நொறுக்குவேன்; உன்னைக்கொண்டு இரதத்தையும் இரதவீரனையும் நொறுக்குவேன்.
எரேமியா 51:22 உன்னைக்கொண்டு புருஷனையும் ஸ்திரீயையும் நொறுக்குவேன்; உன்னைக்கொண்டு கிழவனையும் இளைஞனையும் நொறுக்குவேன்; உன்னைக்கொண்டு வாலிபனையும் கன்னிகையையும் நொறுக்குவேன்.
எரேமியா 51:23 உன்னைக்கொண்டு மேய்ப்பனையும் அவனுடைய மந்தையையும் நொறுக்குவேன்; உன்னைக்கொண்டு உழவனையும் அவனுடைய உழவுகாளைகளையும் நொறுக்குவேன்; உன்னைக் கொண்டு அதிபதிகளையும் அதிகாரிகளையும் நொறுக்குவேன்.

தேவன் அனைவரையும் /அனைத்தையும் நொறுக்குவதற்கு ஒரே ஒருவன் போதும்!

"தேவன்தான் எல்லாவற்றையும் செய்கிறவர் செய்யபோகிறவர், அவர் ஆவியாலேயன்றி ஒன்றும் இங்கு ஆகாது! ஆனால் அவர் நினைத்ததை செய்வதற்கும் அவர் திட்டத்தை நிறைவேற்றுவதற்கு ஒரு ஆபிரகாம் போல ஒரு மோசே போல ஒரு எரேமியா போல கீழ்படிதல் உள்ள ஒரு மனுஷன்தான் தேவனுக்கு வேண்டும்"

இந்த உலகமும் இதில் வாழும் வாழ்க்கையும் ஒன்றுமில்லை சகோதரர்களே! இதைவிட எவ்வளவோ மேன்மையான நித்தியம் நமக்கு இருக்கிறது! சாத்தானுடன் எந்த காரியத்திலும் அட்ஜஸ்ட் செய்து கொள்ளவேண்டாம்

தேவனது வார்த்தைகளுக்காக ஜீவனையும் இழக்க நீங்கள் தயாராக இருக்கும் அவன்தான் அந்த "தண்டாயுதமும் அஸ்திராயுதமுமானவன்"
அவனை கொண்டுதான் தேவன் அனைத்தையும் சாதிக்க முடியும்!

அடுத்தவரை உன்று பார்க்காதீர்கள்! அவனிடம் ஆயிரம் குறைகள் உங்களுக்கு நிச்சயம் தெரியும். உங்களை நீங்களே சோதித்து அறியுங்கள்! அப்பொழுது மகிமைமேல் மகிமை அடைந்து மறுரூபம் ஆவீர்கள்!

-- Edited by SUNDAR on Tuesday 9th of November 2010 03:38:05 PM