இறைவன்

EDWIN SUDHAKAR · வெற்றியாளர்

மரணமிலாப் பெருவாழ்வு வாழும் வழி

John · இனியவர்

//சாதி மத பேதங்களற்று அனைவரும் ஆன்மநேய ஒருமைப்பாட்டுடன் உண்மை அன்பால் இறைவனை ( ஆதியும் அந்தமும் இல்லா அருட்பெருஞ்ஜோதி) வழிபடுவதே .//

யார் அந்த இறைவன்? இந்துக்களும் , முஸ்லிம்களும் அந்த இறைவனை வழிபடுகிறார்களோ?

SUNDAR · மூத்த உறுப்பினர்

John wrote:
//சாதி மத பேதங்களற்று அனைவரும் ஆன்மநேய ஒருமைப்பாட்டுடன் உண்மை அன்பால் இறைவனை ( ஆதியும் அந்தமும் இல்லா அருட்பெருஞ்ஜோதி) வழிபடுவதே .//

யார் அந்த இறைவன்? இந்துக்களும் , முஸ்லிம்களும் அந்த இறைவனை வழிபடுகிறார்களோ?

அவர்கள் எந்த தெய்வத்தை கும்பிடுகிறார்கள் என்பது நமக்கு தெரியாது ஆனால் வேதம் இவ்வாறு சொல்கிறது

யாக்கோபு 1:17 நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை.

மனுஷர்களாகிய நமக்கு ஆயிரம் மாறுதல்கள் வேற்றுமைகள் நான் பெரியவன் அவன் சிறியவன் என்ற எண்ணம் இருக்கலாம். ஆனால் சோதிகளின் பிதாவிடத்தில் எந்த வேற்றுமையும் இல்லை.

பிலிப்பியர் 2:3 மனத்தாழ்மையினாலே ஒருவரையொருவர் தங்களிலும் மேன்மையானவர்களாக எண்ணக்கடவீர்கள்.

என்று வேதம் சொல்லும் பட்சத்தில் யாரையும் அற்பமாக என்ன வேண்டாம் என்பதே எனது கருத்து.

மத்தேயு 21:31 இயேசு அவர்களை நோக்கி: ஆயக்காரரும் வேசிகளும் உங்களுக்கு முன்னே தேவனுடைய ராஜ்யத்தில் பிரவேசிக்கிறார்கள் என்று மெய்யாகவே உங்களுக்குச் சொல்லுகிறேன்

யாரை பற்றியும் நாம் முடிவான எந்த கருத்தையும் கூறிவிட முடியாது!

சகோ. எட்வின் அவர்களுக்கு:

மாற்றுமத சகோதரர்களின் கருத்துக்களை இங்கு பதிவிடுவதை தவிர்ப்பது நல்லது என்று கருதுகிறேன். அதன் அடிப்படையில் யாரவது கேள்விஎழுப்பினால் அவர்கள் கருத்துக்கு நாம் விளக்கம் கொடுக்க முடியாது.

John · இனியவர்

// யாக்கோபு 1:17 நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை.

மனுஷர்களாகிய நமக்கு ஆயிரம் மாறுதல்கள் வேற்றுமைகள் நான் பெரியவன் அவன் சிறியவன் என்ற எண்ணம் இருக்கலாம். ஆனால் சோதிகளின் பிதாவிடத்தில் எந்த வேற்றுமையும் இல்லை. //

சோதிகளின் பிதாவினிடத்தில் கிறிஸ்துவை ஏற்று கொண்டவன் அல்லது ஏற்று கொள்ளாதவன் என்ற வேற்றுமை இருக்கிறதா இல்லையா?

//
பிலிப்பியர் 2:3 மனத்தாழ்மையினாலே ஒருவரையொருவர் தங்களிலும் மேன்மையானவர்களாக எண்ணக்கடவீர்கள்.

என்று வேதம் சொல்லும் பட்சத்தில் யாரையும் அற்பமாக என்ன வேண்டாம் என்பதே எனது கருத்து.//

இந்த வசனம் யாருக்கு பொருந்தும்? அவர்களை குறித்து பரிதபிப்பது சரி ஆனால் அவர்களும் தேவனை வணங்குகிறார்கள் என்று சொல்லுவது அக்கிரமம்!

ஏசாயா செய்வது சரியா? தவறா?

ஏசாயா 44:19 அதில் பாதியை அடுப்பில் எரித்தேன்; அதின் தழலின்மேல் அப்பத்தையும் சுட்டு, இறைச்சியையும் பொரித்துப் புசித்தேன்; அதில் மீதியான துண்டை நான் அருவருப்பான விக்கிரகமாக்கலாமா? ஒரு மரக்கட்டையை வணங்கலாமா என்று சொல்ல, தன் மனதில் அவனுக்குத் தோன்றவில்லை; அம்மாத்திரம் அறிவும் சொரணையும் இல்லை.

SUNDAR · மூத்த உறுப்பினர்

John wrote:
Sundar: // யாக்கோபு 1:17 நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை.. //

சோதிகளின் பிதாவினிடத்தில் கிறிஸ்துவை ஏற்று கொண்டவன் அல்லது ஏற்று கொள்ளாதவன் என்ற வேற்றுமை இருக்கிறதா இல்லையா?

"அவரிடத்தில் யாதொரு வேற்றுமையும் இல்லை" என்று வசனம் சொல்லும் கருத்தை காட்டிய பிறகு "இயேசுவை ஏற்றுக்கொள்ளுதல் குறித்த வேற்றுமை உண்டா" என்பதற்கு நான் என்ன பதில் தரமுடியும் சகோதரே? அப்படியே ஒரு வேற்றுமை இருந்தாலும் இறுதி நியாயதீர்ப்புவரை யார் எந்த பக்கம் சாய்வார்கள் என்பது நமக்கு தெரியாது.

John wrote:

---------------------------------------------------------------------------------------sundar://பிலிப்பியர் 2:3 மனத்தாழ்மையினாலே ஒருவரையொருவர் தங்களிலும் மேன்மையானவர்களாக எண்ணக்கடவீர்கள்.
என்று வேதம் சொல்லும் பட்சத்தில் யாரையும் அற்பமாக என்ன வேண்டாம் என்பதே எனது கருத்து.//

இந்த வசனம் யாருக்கு பொருந்தும்? அவர்களை குறித்து பரிதபிப்பது சரி ஆனால் அவர்களும் தேவனை வணங்குகிறார்கள் என்று சொல்லுவது அக்கிரமம்!

ஏசாயா செய்வது சரியா? தவறா?

ஏசாயா 44:19 அதில் பாதியை அடுப்பில் எரித்தேன்; அதின் தழலின்மேல் அப்பத்தையும் சுட்டு, இறைச்சியையும் பொரித்துப் புசித்தேன்; அதில் மீதியான துண்டை நான் அருவருப்பான விக்கிரகமாக்கலாமா? ஒரு மரக்கட்டையை வணங்கலாமா என்று சொல்ல, தன் மனதில் அவனுக்குத் தோன்றவில்லை; அம்மாத்திரம் அறிவும் சொரணையும் இல்லை.
--------------------------------------------------------------------------------------------------------

வள்ளலாரில் சமரச சன்மார்க்கவழி என்பது விக்கிரக ஆராதனை செய்யும் மார்க்கம் அல்ல. அவர்கள் "அருட் பெருஞ்சோதி" என்னும் உருவமில்லாத பெரோழியாக இறைவனை வழிபடுகிறவர்கள். அவர்கள் இந்துக்கள் வழிபடும் எந்த தெய்வங் களையும் இறைவன் என்று ஏற்ப்பது இல்லை. மேலும் விக்கிரகத்தை வழிபடுவது பற்றி, சகோ. எட்வினோ நானோ இங்கு எதுவும் பேசவில்லை. அது தேவனுக்கு அருவருப்பானது என்பது நாம் அனைவரும் அறிந்த ஒன்றே. அதை ஊக்குவிக்கும் எந்த கருத்தும் இங்கு இல்லை!

அத்தேனே பட்டணத்தார் அறியப்படாத தேவனை வழிபடுவதை பார்த்த பவுல் அதுவேறு இதுவேறு என்று ஒதுக்காமல்

அப்போஸ்தலர் 17:23 எப்படியென்றால், நான் சுற்றித்திரிந்து, உங்கள் ஆராதனைக் குரியவைகளைக் கவனித்துப் பார்த்தபொழுது, அறியப்படாத தேவனுக்கு என்று எழுதியிருக்கிற ஒரு பலிபீடத்தைக் கண்டேன்; நீங்கள் அறியாமல் ஆராதிக்கிற அவரையே நான் உங்களுக்கு அறிவிக்கிறேன்.

என்று சொல்லி, அவர்களுக்கு ஆண்டவரை பற்றி எடுத்து சொல்லி சரியான வழியை காட்டியது போல, சரியான வழியை அறியாமல், யார் தேவன் என்பது தெரியாமல் ஆராதிதித்துகொண்டிருக்கும் அவர்களை, இயேசு என்னும் ஒரே சரியான வழியில் மூலமாக தேவனை அடையும் வழியை அறிவிக்க வேண்டியதே நமது கடமை என்று கருதுகிறேன்.

தேவபக்தி உள்ள எவரும் "தனக்கு மேல் ஒரு சக்தி இருக்கிறது அதை நாம் ஆராதிக்க வேண்டும் அதை தொழவேண்டும்" என்ற எண்ணத்திலேயே இறைவனை தேடுகின்றனர். அனால் அவர்கள் வழிமுறைகள் தவறாக இருப்பதால் அது தேவனுக்கு ஏற்ற நிலையில் இல்லாமல் இருக்கிறது. சரியான வழியை காட்டுவதே யன்றி வேறு பிரிவினையை ஏற்ப்படுத்துவதை நான் விரும்பவில்லை. காரணம், ஒருகாலத்தில் அறியாமல் அக்காரியங்களை செய்துகொண்டிருந்த நம்மையும் தேவன் தம் பெரிதான கிருபையால் இரட்சித்திருக்கிறார். எனவே இறுதியில் யார் எந்தப்பக்கம் இருப்பார்கள் என்று நிர்ணயிக்க முடியாதவரை நான் யாரையும் பற்றி எதுவும் சொல்லபோவது இல்லை.