இறைவன்

6. அதன்பின்பு அவர் ஐந்நூறுபேருக்கு அதிகமான சகோதரருக்கும் ஒரேவேளையில் தரிசனமானார்; அவர்களில் அநேகர் இந்நாள்வரைக்கும் இருக்கிறார்கள், சிலர் மாத்திரம் நித்திரையடைந்தார்கள்.
7. பின்பு யாக்கோபுக்கும், அதன்பின்பு அப்போஸ்தலரெல்லாருக்கும் தரிசனமானார்.
8. எல்லாருக்கும் பின்பு, அகாலப்பிறவிபோன்ற எனக்கும் தரிசனமானார்

அதிலும் மரித்து உயிர்த்த பின்னர் பவுலுக்கு ஒளி வடிவத்தில் தரிசன்னமாகி குரலை மட்டும்தான் அறிய தந்தார் முகமுகமாக தரிசனம் ஆகவில்லை.    

பரம் ஏறியபிறகு, ஸ்தேவன் மரிக்கும் தருவாயில் பிதாவானவர் வலது  பாரிசத்தில் இயேசுவை காண்கிறார்.   

அப்போஸ்தலர் 7:55 அவன் பரிசுத்த ஆவியிலே நிறைந்ததவனாய், வானத்தை அண்ணாந்துபார்த்து: தேவனுடைய மகிமையையும், தேவனுடைய வலதுபாரிசத்தில் இயேசு நிற்கிறதையும் கண்டு;
அப்போஸ்தலர் 7:56 அதோ வானங்கள் திறந்திருக்கிறதையும், மனுஷகுமாரன் தேவனுடைய வலதுபாரிசத்தில் நிற்கிறதையும் காண்கிறேன் என்றான்.

இறுதியாக யோவான் ஆவிக்குள்ளான நிலையில் மகிமையடைந்த நிலையில் இயேசுவை காண்கிறார்:

வெளி 1 13. அந்த ஏழு குத்துவிளக்குகளின் மத்தியிலே நிலையங்கி தரித்து, மார்பருகே பொற்கச்சை கட்டியிருந்த மனுஷகுமாரனுக்கொப்பானவரையும் கண்டேன்.

வேறு யாருக்கும் இயேசு முகமுகமாக தரிசனமானது போல் தெரியவில்லை.  இவ்வாறு இருக்க, இன்றைய பல ஊழியர்கள் இயேசுவை முகம் முகமாக காண்பதாகவும் அவர்களோடு கூட இந்த உலகில்  அமர்ந்து உலகத்தை பற்றிய சில திட்டங்களை தீட்டுவதாகவும் பிரசங்கிப்பதை கேட்கமுடிகிறது. 

இதை குறித்து தள சகோதர/சகோதரிகளின் கருத்து அல்லது அனுமானம் என்ன என்பதை அறிய விரும்புகிறேன்.