இறைவன்

அண்ணா ஆவியினால் பிறப்பது அபிஷேகம் என்பது ஏற்க கூடியதாக உள்ளது.

ஆனால் ஜலத்தினால் பிறப்பது என்பது ஞானஸ்நானம் எனில் ஞானஸ்னானம் பெறாதவர்கள் தேவனுடைய ராஜ்யத்தை காண முடியாது என்பதை ஏற்றுக் கொள்ளலாமா?

பரலோகம் போக வேண்டுமெனில் கட்டாயம் ஞானஸ்நானம் பெற வேண்டும் என்று வேதம் போதிக்கிறதா?

சிலுவையில் மனந்திரும்பிய கள்வன் கூட ஞானஸ்நானம் பெறவில்லையே?

இந்நிலையில் மரண வேளையில் மனந்திரும்பி இரட்சிப்படைகிறவர்களின் நிலை?

அண்ணா நான் ஏற்கனவே தெரிந்து வைத்துக் கொண்டு உங்களை சோதிப்பதற்காக கேட்கவில்லை.
ஜலத்தினால் பிறத்தல் என்பது வார்த்தையினால் பிறப்பதாகும் என்று சிலர் கூறுகின்றனர்.

அது சரி போலவே தோன்றுகிறது.
ஏனெனில் வார்த்தையினால் பிறப்பதைக் குறித்து வேதம் கூறுகிறது.

I பேதுரு 1:23 அழிவுள்ள வித்தினாலே அல்ல, என்றென்றைக்கும் நிற்கிறதும் ஜீவனுள்ளதுமான தேவவசனமாகிய அழிவில்லாத வித்தினாலே மறுபடியும் ஜெநிப்பிக்கப்பட்டிருக்கிறீர்களே.

யாக்கோபு 1:18 அவர் சித்தங்கொண்டு தம்முடைய சிருஷ்டிகளில் நாம் முதற்பலன்களாவதற்கு நம்மைச் சத்திய வசனத்தினாலே ஜெநிப்பித்தார்.

எனது கருத்து எனக்கு உங்கள் கருத்து உங்களுக்கு என்பது சரியானதல்ல அண்ணா. எனக்கு யார் சொன்னாலும் சரியான கருத்தை அறிய விரும்புகிறேன். ஒரு கருத்துக்கு எதிரான கருத்தை அறியாதவரையில் அக்கருத்து சரியானது போல தேன்றும். அதுதான் நான் இன்னும் படிக்க விரும்புகிறேன். மேற்குறிப்பிட்ட விடயத்தை பொறுத்தவரை எனக்கென்று கருத்துகள் எதுவும் கிடையாது. ஏனெனில் எனக்கு இதைக்குறித்த விளக்கம் இல்லை.

ஜலம் என்பது வார்த்தைக்கு ஒப்பிட்டு வேதத்தில் கூறப்பட்டதாக நான் அறியவில்லை. எனவே நீங்கள் கூறுவதிலும் நியாயம் இருக்கிறது.

ஆனால் நீங்கள் கூறிய இந்த கருத்துக்கு விளக்கம் தேவை
//////////தேவ ஆவி / தேவ வார்த்தை / பரிசுத்த ஆவி எல்லாமே தேவ கிருபையினால் வரும் ஒரே பொருளைதான் குறிக்கிறது எனவே ஆவியில் பிறத்தல் என்பதில் தேவன் சம்பந்தப்படட எல்லாமே அதில் அடங்கிவிடும்.//////////