இறைவன்

SUNDAR · மூத்த உறுப்பினர்

சர்ப்பம் என்ற சாத்தானும் சர்வவல்ல தேவனும்!

SUNDAR · மூத்த உறுப்பினர்

இவ்வாறு நன்மைதீமை அறியா ஆதாம் ஏவாளை,தந்திரம் உள்ள சர்ப்பம் வஞ்சிததற்கு, என்னென்ன காரணம் இருக்கலாம் என்று ஆராயும்போது, கீழ்க்கண்ட கருத்தை பலர் முன்வைக்கின்றனர்:

கடவுள் சாத்தனை தானே படைத்து ஆதாம் ஏவாளை சோதிக்க முற்ப்பட்டிருக்கலாம்.

இந்த கருத்து சரியானதா என்பதை ஆராயும் முன் தேவன் மகா நீதிபரர் என்றும்

யோபு 37:23 சர்வவல்லவரை நாம் கண்டுபிடிக்கக் கூடாது; அவர் வல்லமையிலும் நியாயத்திலும் பெருத்தவர்; அவர் மகாநீதிபரர்

என்றும்

உபாகமம் 32:4 அவர் கிரியை உத்தமமானது; அவர் வழிகளெல்லாம் நியாயம், அவர் நியாயக்கேடில்லாத சத்தியமுள்ள தேவன்; அவர் நீதியும் செம்மையுமானவர்.
என்றும்
சங்கீதம் 7:11 தேவன் நீதியுள்ள நியாயாதிபதி; என்றும் அவர் சர்வலோக நியாயாதிபதி என்றும்
வேதம் சொல்வதை நாம் கருத்தில் கொள்ள வேண்டும்.

1.இவ்வளவு நியாயம் உள்ள தேவன் அதாவது நீதி நியாயம் என்னும் சிங்காசனத்தின்மேல் அமர்ந்திருக்கும் தேவன் இப்படி நன்மை தீமை அறியா அப்பாவிகளை ஒரு தந்திரக்காரனை வைத்து சோதிக்கும் நியாயமற்ற சோதனையை செய்து பிறகு இருவருக்கும் சாபம் கொடுப்பார் என்று எண்ணுவது முற்றிலும் அவர் நீதிக்கு முரணான கருத்து எனவே தேவன் இங்கு விரும்பி இந்த சோதனையை செய்யவில்லை.

2. இப்படி ஒரு நியாயமற்ற சோதனையினால், மனிதனின் உண்மை தன்மை என்னவென்பது ஒருபோதும் தெரிய வாய்ப்பேஇல்லை.சமபலம் உள்ளவர்களை சோதித்தால்தான் உண்மையை அறியமுடியும்! இங்கோ தந்திரக்காரன் மற்றும் நன்மைதீமை அறியா குழந்தை போன்றவர்கள். இவ்வகை சோதனையில் எந்த உண்மையையும் அறியமுடியாது.

3. தேவன் "சத்துரு" அதாவது தனக்கு எதிரி என்று குறிப்பிடும் ஒருவனை தானே படைத்து, தனக்கு தானே எதிரியை உண்டக்கிகொள்வதும் இறுதியில் சோதனை முடிந்தபிறகு அவனை அக்கினி கடலில் போட்டு வாதிப்பது என்பதும் எவ்விதத்திலும் தேவநீதிக்கு ஏற்றதாக இருக்க வாய்ப்பில்லை. தாவீது செய்த பாவத்துக்கு சத்துரு தூஷிப்பான் என்று சொல்லியே கர்த்தர் அவனுக்கு சில தண்டனைகளை கொடுக்கிறார். இவ்வாறு தனக்கு தானே சத்துருவை சாதாரண மனிதன் கூட படைக்கமாட்டன். அவ்வாறிருக்க தான் படைத்த மனிதனை தனக்கு சத்துருவானவனை வைத்து தேவன் சோதிக்க நினைத்தார் என்பதெல்லாம் கற்பனையே!

4. அப்படியே ஒருவேளை சாத்தனை அவர் வேண்டுமென்றே உருவாக்கியிருந்தாலும், மாட்டை பற்றி கூட கவலைப்படும் தேவன், தவறு செய்தவர்களுக்காக ஆடு/ மாடு/ புறா என்று அனேக உயிர்களை துடிக்க துடிக்க பலியிட சொல்லி, இறுதியில் தனது குமாரனை மாமிச உடம்பாக பூமிக்கு அனுப்பி மனிதர் கையில் சித்ரவதைக்கு ஒப்புகொடுப்பது அதன் மூலம் இரட்சிப்பை கொடுப்பது என்பது தானே பிள்ளையையும் கிள்ளி தொட்டிலையும் ஆட்டும் ஒரு நாடகதரராக தேவனை காட்டுமேயன்றி எவ்வதத்திலும்
அவர் நீதிக்கு இந்த கொள்கைக்கு ஒத்துவராது.

5. தான் படைத்த மனிதனின் தன்மை இப்படித்தான் இருக்கும் என்பதை அவர் படைக்கும்போதே அறியாமல் இன்னொருவனை வைத்து சோதித்துதான் தனது படைப்பைபற்றி தேவன் அறியவேண்டும் என்றும், அவனை சோதித்துதான் நிதயராஜ்யத்துக்கு தேர்ந்தெடுக்கவேண்டும் என்ற அவசியம் அவருக்கு நிச்சயம் இல்லை இது இறைவனின் சர்வவல்ல தன்மையை மட்டுபடுத்துகிறது .

6. தேவன் சர்வவல்லவர்! அவர் நினைதிருந்தால் மனிதனை படைக்கும்போதே வாடடர் பரூப் வாட்ச்போல பாவம் ஊடுருவ முடியாத பாதுகாப்புடன் மனிதனாக படைத்து அவனுக்கு பாவம் என்றால் என்னவென்றே அறியாத நிதியமும் பேரின்ப வாழ்வை கொடுத்திருக்க நிச்சயம் அவரால் முடியும்! இங்கு மனிதனை சோதிக்க வேண்டிய அவசியம் அவருக்கு தேவையேயில்லை.

7. "துன்பம் என்ற ஓன்று இருந்தால்தான் இன்பத்தின் மேன்மை தெரியும்" என்று சிலர் கருதுகின்றனர் அது உண்மை. ஆனால் அதற்காக யாரும் இன்பம் எப்படியிருக்கிறது என்பதை பார்க்க துன்பத்தை ஓடிவந்து வாங்கி கட்டிகொள்வது இல்லை. துன்பமே இல்லாத
இன்பமான வாழ்வுதான் எல்லா உயிரிகளும் நாடுவது. அதை சர்வவல்ல தேவன் படைப்பிலே கொடுத்து துன்பத்தையே காணாமல் அவர்களை நித்தியத்துக்கும் சந்தோஷமாக வைத்திருக்கலாமே! துன்பத்தின் கொடுமையை அறிந்த அநேகர் கூட, அந்த துன்பத்தை கொண்டுவரும் பாவத்தை விட்டோழிக்க விருப்பமில்லாமல் அதிலேயே மூழகி கிடக்கின்றனர். ஆகையால் தேவனின் நோக்கம் அதுவல்ல.

ஆரே நாட்களில் வானத்தையும் பூமியையும் எல்லாவற்றையும் படைத்த சர்வவல்ல தேவன், கடந்த ஆறாயிரம் வருடங்களுக்கு மேல் அனேக ஆடுமாடுகளையும் ஆயிரமாயிரம் உயிர்களையும் தனது ஒரு குமாரனையும் கூட பலிகொடுத்து எண்ணில்லா யுத்தங்கள் இயற்க்கை பேரழிவுகள் எல்லாவற்றையும் நடத்தி தனது நித்யரஜ்யத்துக்கு ஆட்களை தேடிக்கொண்டு இருக்கிறார் என்ற கருத்து எவ்விதத்திலும் சரியானது அல்ல!

இப்படி சோதித்து மனிதனை நித்யராஜ்யத்து தேர்ந்தெடுத்தாலும் மனிதன் ஏற்கெனெவே நன்மை தீமையை அறிந்துகொண்டுவிட்டதால் பாவத்தின் ருசியறிந்த மனிதன் இனி நித்யராஜ்யத்தில் பாவமில்லாமல் இருப்பான் என்பதற்கு எத்த உத்தரவாதமும் இல்லை.

எல்லாவற்றிக்கும் மேலாக சாத்தானைபற்றி வேதம் சொல்லும்போது:

ஏசாயா 14:12 அதிகாலையின் மகனாகிய விடிவெள்ளியே, நீ வானத்திலிருந்து விழுந்தாயே! ஜாதிகளை ஈனப்படுத்தினவனே, நீ தரையிலே விழ வெட்டப்பட்டாயே

13. நான் வானத்துக்கு ஏறுவேன், தேவனுடைய நட்சத்திரங்களுக்குமேலாக என் சிங்காசனத்தை உயர்த்துவேன்; வடபுறங்களிலுள்ள ஆராதனைக் கூட்டத்தின் பர்வதத்திலே வீற்றிருப்பேன் என்றும்,
14. நான் மேகங்களுக்கு மேலாக உன்னதங்களில் ஏறுவேன்; உன்னதமானவருக்கு ஒப்பாவேன் என்றும் நீ உன் இருதயத்தில் சொன்னாயே.
15. ஆனாலும் நீ அகாதமான பாதாளத்திலே தள்ளுண்டுபோனாய்.

தேவனுடைய நட்ச்சத்திரங்களுக்கு மேலாக தனது சிங்காசனத்தை உயர்த்த நினைத்த அதிகாலையின் மகனாகிய விடிவெள்ளி என்பவன் தேவனால் தள்ளப்பட்டு ஆகாதவனாக மாறிப்போனான் என்றுதான் வேதம்
சொல்கிறது! இதன் மூலம் சாத்தான் என்பவன் தேவன் வேண்டுமென்றே உருவாக்கியவன் அல்ல என்பதை தெளிவாக புரியமுடியும். அதை தேவன் வேண்டுமென்றே உருவாக்கினார் என்ற கருத்து முற்றிலும் அவர் நீதிக்கும் வசனத்துக்கும் அப்பாற்பப்ட்டது!.

தேவன் வேண்டுமென்றே சாத்தானை சோதிப்பதற்காக

படைக்கவில்லை என்றாலும் அவர் "நானே எல்லாவற்றையும் செய்கிற கர்த்தர்" என்று சொல்கிறார்.

ஏசாயா 44:24 உன்னை உருவாக்கினவருமான கர்த்தர் சொல்லுகிறதாவது: நானே எல்லாவற்றையும் செய்கிற கர்த்தர்

என்றும்

ஏசாயா 45:7 ஒளியைப் படைத்து, இருளையும் உண்டாக்கினேன், சமாதானத்தைப் படைத்து தீங்கையும் உண்டாக்குகிறவர் நானே; கர்த்தராகிய நானே இவைகளையெல்லாம் செய்கிறவர்

இவ்வார்த்தைகளின் பொருள் என்னவென்பதையும் நாம் ஆராய கடமைப்பட்டிருக்கிறோம்.

-- Edited by SUNDAR on Wednesday 24th of February 2010 01:23:02 PM

SUNDAR · மூத்த உறுப்பினர்

RE: சர்ப்பம் என்ற சாத்தானும் சர்வவல்ல தேவனும்!