இறைவன்

இறைவன் யாருக்கும் தன்னை மறைக்கவும் விரும்பவில்லை யாரும் தன்னை வீணாக வணங்கவேண்டும் என்றும் தான் ஒரு முதலாளிபோல இருக்கவேண்டும்
என்று அவர் விரும்பவும் இல்லை.

மனிதன்தான் அவரது பரிசுத்தத்துக்கும் முன் நிற்க முடியாமல் அவரை விட்டு பிரிந்து பிரிந்து  பின்னால் ஓடுகிறான். ஏனெனில் அவர் மனிதனுக்குள் வைத்திருக்கும் மனசாட்சிக்கும், அவர் உலகில் நியமித்திருக்கும் நீதி நியாயங்களுக்கும், உலகின் உள்ள சட்டதிட்டங்களுக்கும் ஏதாவது  ஒரு இடத்தில் கீழ்படியாமல் நடக்கும் போதும், நாம் அவரை விட்டு ஒரு காததூரம் பின்னால போகிறோம்.

சரி! இன்றே ஆண்டவர் வந்து "நான் தான் இறைவன்" என்று  எல்லோரிடமும் சொன்னால் என்ன நடக்கும்? உடனே அவர் சொல்வதை எல்லாம் கேட்டு,  எல்லோரும் அவருடைய  முழுமையாக கீழ்படிந்து பொய், திருட்டு, வஞ்சம், பொறாமை, எரிச்சல், இச்சை, பண ஆசை, எல்லற்றவ்ற்றையும் விட்டுவிட்டு அவரின் சொல்லுக்கு முழுமையாக கீழ்படிந்து வாழ்ந்துவிட முடியமா?  

அவ்வாறு அவர் எல்லோருக்கும் தன்ன வெளிப்படித்தினால், எனக்கு அது வேண்டும் இது வேண்டும் என்று கேட்பதற்குத்தான் கோடி கூட்டம் நிர்க்குமேயன்றி அவருடைய விருப்பம் என்னை? அவர் நம்மிடம் என்ன எதிர்ப்பார்க்கிறார் என்று அறிந்து அதன்படி நடக்க ஆயிரத்தில் ஒருவர் கூட முன்வர மாட்டார்கள்.  

 

ஒருவர் எந்த இறைவனையும் கும்பிட வேண்டிய தேவையே இல்லை, எந்த கோவிலுக்கும் போகவேண்டிய தேவையும்  இல்லை. உங்கள் தேவைகளை விட பிறர் தேவையையும், உங்களை  நேசிப்பதை விட பிறரை நேசிப்பதிலும், உங்களுக்காக செலவழிப்பதை விட பிறருக்கு செலவழிப்பதில் மகிழ்ச்சி உடையவராகவும், பிறருக்காக எதையும் இழக்க தயாராகும், ஒரு குழதையை போல கீழ்ப்படியும் தன்மை உடையவராகும் இருந்தால்  நான் 100% உறுதியாக சொல்கிறேன் நீங்கள் எங்கு இருந்தாலும்  இறைவன் உங்களை தேடிவருவார்.

அவர் மனிதனை நடத்தும் விதம் நமக்கு பயித்தியமகத்தான் தெரியும். ஏனெனில்
அதில் உள்ள உண்மை என்னவென்பது  நமது சாதரண அறிவுக்கு எட்டாது. அவர் தனது அறிவில் கொஞ்சம் நமக்கு தரும் போதுதான் எல்லாமே நியாயம் என்று நமக்கு புரியம். நாம்  நாளைய நிலையை பற்றி சித்திப்போம் இறைவன் 400 வருடங்களுக்கு அப்பால் உள்ளதை  சிந்திப்பார். எனவே நீர் ஏன்  என்னை இதை செய்ய சொல்கிறீர் என்று நாம் அவரிடம் கேள்வி கேட்ககூடாது.  நமது தகப்பன் நமக்கு நல்லதை தான் சொல்வார் என்ற நம்பிக்கையோடு எல்லா கட்டளைக்கு கீழ்படிந்து செயல்பட்டால் அது நமக்காக மட்டுமல்ல இந்த உலகில் எல்லோருக்கும் நன்மையாக முடியும்.

அப்படி ஒருவர்  இருக்காதவரை  அவர் தன்னை அவர்களுக்கு  தெரியப்படுத்தினால் 
யாருக்கும் எந்த பயனும் இல்லை.  "நான் எனது இஸ்டப்படி வாழ்வேன் அவர் வந்து என்னை சந்திக்க வேண்டும்" என்று நினைப்பது, எந்த தகுதியும் இல்லாமல் "எனக்கு IAS பட்டம் வேண்டும்" என்று கேட்பதற்கு சமம்.  

 
முதலில் உங்களை நீங்கள் தகுதிபடுத்துங்கள் இறைவன் உங்களை தேடி வருவார்.

நாம் இறைவனை தேடுவதைவிட  100மடங்கு அதிகமாக அன்போடும் பாசத்தோடும் மனிதனை தேடிக்கொண்டு இருக்கிறார். நீங்கள் ஒரு அடி அவரை நோக்கி முன்னால் எடுத்து வைத்தால் அவர் பத்து அடி உங்களை நோக்கி ஓடிவருவார்.