இறைவன்

//பரிசுத்த ஆவியின் வரத்தை பெற்றிருக்கீர்களா? என்று கேட்டேன். அதற்க்கு ஆம் பெற்றிருக்கிறேன் என்றார்கள். மீண்டும் சந்தேகத்துடன் அவ்வாறு திருப்பி  கேட்டேன். ஆனால் உறுதியாக நான் அபிஷேகத்தை பெற்றிருக்கிறேன் என்று சொன்னார்கள்.//

நீங்கள் இப்படிக்கேட்டதற்கு பதிலாக,

நேற்று (அ) இன்று காலை அபிஷேகத்தில் நிறைந்து ஜெபித்தீர்களா?
இன்றும் தேவனோடு ஐக்கியம் இருக்கிறதா?

என்று கேட்டிருக்கலாம். ஏனெனில், நீங்கள் கேட்ட கேள்வியை லூசிபரிடம் கேட்டாலும் அவன் ஆம் என்று தான் கூறுவான்.

ஒரு வேளை சவுலிடம் கேட்டால் ஒரு குறிப்பிட்ட தேதியைக் கூட அவரால் கூற முடியும். ஆனால், பின்னாட்களில் தேவ ஆவியானவர் அவனை விட்டு நீங்கினார்.

I சாமுவேல் 16:14 கர்த்தருடைய ஆவி சவுலைவிட்டு நீங்கினார்; கர்த்தரால்
வரவிடப்பட்ட ஒரு பொல்லாத ஆவி அவனைக் கலங்கப்பண்ணிக்கொண்டிருந்தது.

பழைய ஏற்பாட்டில் மட்டுமல்ல; புதிய ஏற்பாட்டிலும் ஏன் நாம் வாழும் இந்த நாட்களிலும் பரிசுத்த ஆவியை பெற்றவர்கள் இன்னும் கிருபையின் வரங்களைப் பெற்றவர்கள் கூட அசுத்த ஆவியால் தாக்கப்பட்டும் ஆட்கொள்ளப் பட்டும் இருக்கிறார்கள்.

ஒரு உதாரணம்:

<<1921-ல் கேரள மாநிலம் மூணாறு பகுதியில் இருந்த லட்சுமி தேயிலைத் தோட்டம் எனும் இடத்தில் திருநெல்வேலி மாவட்டம், சாத்தான்குளம் அருகிலுள்ள அடையமங்கலம் கிராமத்தைச் சேர்ந்த தேவராஜையா என்பவரின் மகனாகப் பிறந்தவர் பாலாசீர் லாறி. இவர் தனது பள்ளிக் கல்வியை தூத்துக்குடி மாவட்டம் நாசரேத்திலும், கல்லூரிக் கல்வியை பாளையங்கோட்டை, சென்னை தாம்பரம் கிறித்துவக் கல்லூரியிலும் படித்து வேலூர் மருத்துவமனையில் பணியாற்றி வந்தார். 1947-ல் நெல்லை மாவட்டத்தைச் சேர்ந்த எபநேசர் நட்சத்திரம் என்பவரை வாழ்க்கைத் துணையாக்கிக் கொண்ட இவருக்கு ஆன்மீக நாட்டம் அதிகமாக இருந்ததால் 1953-ல் தனது பணியைத் துறந்து இறைபணியாகப் பிரசங்கங்கள் செய்து வந்தார். >>

<<ஆரம்ப நாட்களில் பாலாசீர் லாறிக்கு பிரசங்கிக்க சரியாக வருவதில்லை. ஆனால் இரவு நேரத்தில் எல்லாரும் படுக்கச் சென்றால் இவர் மாத்திரம் முழஃங்கால் அடியிட்டு ஆண்டவரே கிருபை தாரும் என்று தேவனிடத்தில் மன்றாடுவார். காலையில் எல்லாரும் எழும்பும்போது பார்த்தாலும் அவர் இரவில் ஆரம்பித்த அதே ஜெப நிலையில்தான் இருப்பார். நான் கேள்விப்பட்டவரையில் இந்தியாவில் தேவன் பயன்படுத்திய மனிதர்களில் பாலாசீர்லாறி போன்று எவரையும் பயன்படுத்தவில்லை என்று உறுதியாகக் கூறுவேன். சாம்பிளுக்கு ஒன்றைக் கூறுகிறேன் கேளுங்கள். இவருடைய கூட்டங்களில் திரளாய் அற்புதம் நடைபெறுவதுண்டு. இவருடைய நிழல் படும் இடங்களில் எல்லாம் அற்புதம் நடந்தது. அதற்காக இவருடைய நிழல் அனேகம் பேர் மீது பட வேண்டும் என்பதற்காக பெரிய விளக்குகள் மூலம் ஏது செய்தனர். ஆனால் இவரின் முடிவு என்ன? திரித்துவத்திலிருந்து ஒருத்துவத்திற்கு மாறினார். பின்பு சிறிது காலத்தில் கிறிஸ்துவும் கிருஷ்ணரும் ஒன்றே என்றார். அதன்பின்பு நானே கலியுகக் கல்கிபகவான் என்று கூறினார். தனக்கு மரணம் கிடையாது என்று கூறினார். சொல்லி சில நாட்களிலேயே மரித்தும்(1989ல்) போனார். இன்றும் இவருடைய ஆசிரமம் எங்கள் நெல்லை மாவட்டத்தில் உள்ளது. வஞ்சிக்கப்பட்ட ஒரு கூட்டம் உலக மக்கள் அங்கே காத்துக் கொண்டிருக்கின்றனர் கூழையும் கஞ்சியையும் குடித்துக் கொண்டு.>>

நன்றி: http://ta.wikipedia.org/wiki/%E0%AE%AE%E0%AE%A9%E0%AF%81%E0%AE%9C%E0%AF%8B%E0%AE%A4%E0%AE%BF_%E0%AE%86%E0%AE%9A%E0%AE%BF%E0%AE%B0%E0%AE%AE%E0%AE%AE%E0%AF%8D

http://www.muthukamalam.com/muthukamalam_puthakaparvai33.htm

http://tamilchristians.com/index.php?option=com_content&view=article&id=412%3A2009-04-03-22-05-41&catid=91%3A2009-03-30-07-38-03&Itemid=197

மத்தேயு 24:24; மாற்கு 13:22 ஏனெனில், கள்ளக்கிறிஸ்துக்களும் கள்ளத்தீர்க்கதரிசிகளும் எழும்பி, கூடுமானால் தெரிந்துகொள்ளப்பட்டவர்களையும் வஞ்சிக்கத்தக்கதாகப் பெரிய அடையாளங்களையும் அற்புதங்களையும் செய்வார்கள்.

ஆயிரம் அனுபவங்களைப் பெற்றிருக்கலாம். இன்று தேவனோடு ஐக்கியம் இருக்கிறதா?

ஆவிக்குரியவர்களை அசுத்தஆவிகள் தாக்குமா?
ஆவிக்கு உரியவர்களை அசுத்த ஆவிகள் தாக்க இயலாது.


-- Edited by timothy_tni on Tuesday 20th of April 2010 01:05:57 PM

பரிசுத்தாவியின் அபிஷேகத்தை ஒருமுறை பெற்றாலே பரலோகம் சென்றுவிடலாம் என்பது பலரது எண்ணம். அபிஷேகம் பெற்ற ஒருவர் பாவம் செய்வது மட்டுமல்ல மறுதலிக்கவும் கூடிய அபாயம் உண்டு என்பதை வேதம் சொல்வதைத் தான் அங்கு கூறியிருந்தேன்.

பரிசுத்த ஆவியை பெற்ற ஒருவனால் பாவம் செய்ய முடியுமா?
எனும் கேள்வியின் பதிலாகவே அந்த வசனம் குறிப்பிடப்பட்டிருந்ததைக் கவனிக்கவும். எனவே அதனை நான் சூழ்நிலை சார்ந்து கூறவில்லை.

//அனால் நான் குறிப்பிட்டுள்ள சகோதரி மருதலித்து  போனவர் அல்ல.  கிறிஸ்த்துவுக்குள் இருக்கும்போதே அசுத்த ஆவியால்  பீடிக்கப்பட்டவர். எனவே இந்த வசனம் இங்கு பொருந்தாது என்று நான் கருதுகிறேன்.//

இங்கு அந்த சகோதரியின் நிலை குறித்து நான் எதுவும் எழுதவில்லை. உங்கள் எழுத்துக்கள் மூலமே அவரைக் குறித்து அறிகிறோம்.

அவருடைய பிரச்சனை:

1. அசுத்த ஆவியின் பாதிப்பு
2. வயிற்று வலி
3. சரிவர ஜெபிக்க இயலவில்லை.

அவருடைய நிலை:

1.கிறிஸ்துவை அறிந்தவர்
2. ஞானஸ்நானம் மற்றும் அபிஷேகம் பெற்றவர்
3. நற்சாட்சியுடையவர்

//மீண்டும் அந்த அசுத்த ஆவி உள்ளே வராமலிருக்க தொடர்ந்து வேதம் வாசிக்கும்படியும் பரிசுத்தமாக வாழும்படியும் அறிவுரை சொல்லி அனுப்பினோம்.//

நல்ல ஆலோசனையே. விடாமுயற்சியோடு ஜெபிக்கவும் உற்சாகப் படுத்தலாம்.

புலம்பல் 3
40. நாம் நம்முடைய வழிகளைச் சோதித்து ஆராய்ந்து, கர்த்தரிடத்தில் திரும்பக்கடவோம்.
41. நாம் நம்முடைய கைகளோடுங்கூட நம்முடைய இருதயத்தையும் பரலோகத்திலிருக்கிற தேவனிடத்திற்கு ஏறெடுக்கக்கடவோம்.

சங் 139
23. தேவனே என்னை ஆராய்ந்து, என் இருதயத்தை அறிந்துகொள்ளும், என்னைச் சோதித்து, என் சிந்தனைகளை அறிந்துகொள்ளும்.
24. வேதனை உண்டாக்கும் வழி என்னிடத்தில் உண்டோ என்று பார்த்து நித்திய வழியிலே என்னை நடத்தும்.


//ஆண்டவர் குடிகொண்டுள்ள இடத்தில் அசுத்தஆவி வருவதா?  எனக்கு புரியவில்லை!//
//பரிசுத்த ஆவியை பெற்றுள்ள ஒரு மனிதனுக்குள் மீண்டும் அசுத்தஆவி வந்து தங்கி வேலைசெய்வது சாத்தியமா?  //

http://www.tamilchristianassembly.com/tcaforum/viewtopic.php?f=99&t=58

விசுவாசிகளுக்குப் பிசாசு பிடிக்குமா?
(எழுதியவர்: ஆர்.ஸ்டான்லி)

கீழ்வரும் தெளிவான திட்டமான தேவ வாக்குகளை நோக்குங்கால், எப்படித்தான் தேவனது பிள்ளை ஒருவனுக்குப் பிசாசு பிடிக்குமோ என்று நினைத்தும் பார்க்கமுடியவில்லை.

யாக்கோபுக்கு விரோதமான மந்திரவாதம் இல்லை, இஸ்ரவேலுக்கு விரோதமான குறிசொல்லுதலும் இல்லை (எண்.23:23).

சத்துருவின் சகல வல்லமையையும் மேற்கொள்ள உங்களுக்கு அதிகாரம் கொடுக்கிறேன். ஒன்றும் உங்களைச் சேதப்படுத்தமாட்டாது (லூக்.10:18-19)

என் ஆடுகள் என் சத்தத்திற்குச் செவிகொடுக்கின்றன.... அவைகளை எனக்குத் தந்த பிதா எல்லாரிலும் பெரியவராயிருக்கிறார். அவைகளை என் பிதாவின் கையிலிருந்து பறித்துக்கொள்ள ஒருவனாலும் கூடாது (யோ.10:27-29).

உலகத்திலிருக்கிறவனிலும் உங்களிலிருக்கிறவர் பெரியவர் (1.யோ.4:4).

விசுவாசியொருவன் பிசாசுகளால் வாதிக்கப்படலாம். அவனது வாழ்க்கையின் சில பகுதிகளில் பிசாசுகளால் வெகுவாய்ப் பாதிக்கவும் படலாம். ஆனால் ஒருபோதும் அவன் ஒரு அவிசுவாசியைப்போல் பிசாசினால் பிடிக்கப்படமுடியாது. நாம் பிசாசினால் வஞ்சிக்கப்படலாம். நெருக்கப்படலாம், ஆனால் பிடிக்கப்படமுடியாது (மத்.24:21, 1.பேது.5:8-9). ஆவியானவரின் நடத்துதலைப் பின்பற்றத் தவறும்போது பிசாசுகள் நமது எண்ணங்கள், உணர்வுகள், செயல்கள் ஆகியவற்றைப் பாதிக்கும். ஒருமுறை பேதுரு தனது சிந்தனையில் சாத்தானால் ஆட்டிப்படைக்கப்பட்டான் (மத்.16:23). அனனியா, சப்பீராளைப் பெந்தெகொஸ்தேக்குப் பின்னுள்ள ஓர் எடுத்துக்காட்டாகக் கூறலாம் (அப்.5:3-,9). ஆனால் இவையொன்றும் பிசாசு பிடித்தலோடு சேராது.

நமது உடல் பரிசுத்த ஆவியானவரின் ஆலயமாயிருக்கிறது. பரிசுத்த ஆவியானவரும் அசுத்த ஆவிகளும் சேர்ந்து குடியிருக்கமுடியாது. (2.கொரி.6:15-16). ஆவியானவரை நாம் எதிர்க்கலாம், துக்கப்படுத்தலாம், அணைக்கலாம். ஆனால் பாவம் செய்யும்போது அவர் நம்மை விட்டுப் போய்விடுவதில்லை. பழைய உடன்படிக்கையின் காலத்தில் கூட, தாவீது பாவம் செய்தபின், பரிசுத்த ஆவியைத் திரும்பப் பெற்றுக்கொள்ளும்படி அவன் ஜெபிக்கவில்லை. மாறாக... உமது பரிசுத்த ஆவியை என்னிலிருந்து எடுத்துக்கொள்ளாமலிரும் என்றுதான் மன்றாடினான் (சங்.51:11).

ஆலயத்தைக் குறித்து இயேசு பக்தி வைராக்கியங்கொண்டிருந்தார் (மத்.21:12-13). அப்படியே ஆவியானவரும் நமது உடல்களைக் குறித்து வைராக்கிய வாஞ்சையாயிருக்கிறார். இயேசுவின் விலைமதியா இரத்தத்தால் கிரயங்கொள்ளப்பட்ட ஓர் உடலை தேவனது பரம எதிரிக்காக ஆவியானவர் காலி செய்யமாட்டார் (1.பேது.1:18-19, எபேசி.4:30). வாடகைக்காரரைக் கிளப்புவதே இந் நாட்களில் கடினம்! ஒரு குறைந்த சக்தியானது தேவனாகிய சொந்தக்காரரைக் காலிசெய்து வெளியனுப்புவது சாத்தியந்தானோ? வெள்ளம்போல் சத்துரு வரும்போது கர்த்தருடைய ஆவியானவர் அவனுக்கு விரோதமாய்க் கொடியேற்றுவார் என்றிருக்கிறதே (ஏசா.59:19).

விசுவாசிகள் எப்பொழுதும் போராயுதங்களணிந்து எதிரியை முறியடிக்க விழிப்புடனிருக்கவேண்டுமென எபேசியர் 6:10-18 போன்ற பகுதிகள் வலியுறுத்துகின்றன. ஆவியானவராலும் வசனத்தாலும் நிறைந்திருப்பது பிசாசு பிடித்தலுக்கு எதிரான அயுள் காப்பாகும். விசுவாசிகள் பின்வாங்கி, மற்ற விசுவாசிகளின் ஐக்கியத்திலிருந்து தங்களைத் துண்டித்துக் கொண்டு, பாவக்காரியங்கள் மந்திரக் காரியங்களில் ஈடுபட்டு, வசன எச்சரிப்புக்கும் ஆவியானவரின் சத்தத்திற்கும் நெடுகவே செவியடைக்கும்போது, அவர்கள் தாங்களாகவே ஆபத்தான எல்லைக்குள் நடைபோடுகிறார்கள்.

விசுவாசிகள் சிலருக்கு பிசாசு பிடித்திருப்பதாகச் சில தகவல்கள் அங்குமிங்கும் இந்நாட்களில் சொல்லப்படுகின்றன. பல காரியங்களை இங்கு அலசிப் பார்க்கவேண்டியதிருப்பதால் அவ்வளவு சுலபமாக இதற்கு விளக்கம் கொடுத்துவிடமுடியாது. புதிய உடன்படிக்கை அமுலானபின்னர் வேதத்தில் விசுவாசிகளுக்குப் பிசாசு பிடித்ததென்று தெளிவான எடுத்துக்காட்டு ஒன்றுகூட இல்லாதபட்டசத்தில், ஆங்காங்கே கேள்விப்படும் சம்பவங்களை வைத்துக்கொண்டு, உபதேச சத்தியமாக ஒன்றையும் நிலைநாட்டமுடியாது.

விசுவாசிகளுக்குப் பிசாசு பிடிக்குமா? பிடிக்காது. ஆனால் விழித்திருங்கள் !!!!

இத்திரியில் அசுத்த ஆவிகள் தாக்குமா என்று தான் ஆராய்கிறோம். எனினும், இக்கேள்வி சார்ந்து எழும் மற்ற சந்தேகங்களுக்கு இது ஓரளவு உதவும் என நினைக்கிறேன்....

விசுவாசிகளுக்கு புதிதாக பிசாசு பிடிக்கும் என்று தோன்றவில்லை ஆனால் அவிசுவாசியாக இருந்த போது பிடித்த பிசாசு விசுவாசியாக ஆன பிறகு, பல காலம் ஆன பிறகும் கூட போகாமல் இருக்க வாய்ப்பு உண்டு. இத்தகைய நிலைமை பொதுவாக புதிதாக இயேசுவை ஏற்றுக் கொள்பவர்களுக்கே இருக்கும்.

(நீங்கள் குறிப்பிட்ட சகோதரி புதிதாக இயேசுவை ஏற்றுக் கொண்டவர்களா இல்லையா என்று உறுதிப்படுத்தவும்)

-- Edited by SANDOSH on Wednesday 21st of April 2010 09:55:03 PM

ஒரு மெய் கிறிஸ்தவனுக்குள் அசுத்த ஆவி வாசம் பண்ண முடியாது. ஆனால் அவன் கிறிஸ்துவுக்கு மெய் ஊழியம் செய்பவனாயிருந்தால் அவனை மற்றவர்களை அந்த ஆவிகள் ஏவி விட்டு சோதனை செய்யலாம், தாக்கலாம், மனசொர்வுகளைக் கூட கொண்டு வரக் கூடும். ஏன், பொய்யான ஊழியர்களை அவனுக்கு விரோதமாக எழுப்பி விடுவான் . ஆனால் கிறிஸ்து இயேசு அவனோடு கூட இருப்பதால் வெற்றி நிச்சயம். அல்லேலுயா!!!

-- Edited by SUNDAR on Wednesday 28th of April 2010 11:49:19 AM