இறைவன்

SUNDAR · மூத்த உறுப்பினர்

கள்ள உபதேசங்களா? அவை எவை?

SUNDAR · மூத்த உறுப்பினர்

பயித்தியக்காரன் ஒருவனுக்கு தான்தான் சரியானவன் போலவும் நல்லவர்களை பார்த்தால் பயித்தியம் பிடித்தவர்கள் போலவும் தெரியுமாம்.

என்னை ஆண்டவர் சுமார் ஆறு நாட்கள் அபிஷேகித்து நடத்தியபோது, உலகில்உள்ள எல்லா மனிதர்களும் எனக்கு பேய்கள்போல தெரிந்தார்கள், ஆனால், உலக நடத்தைகளை விட வேறுபாடான எனது நடத்தைகளை பார்த்த இந்து கோஷ்டிகள் எனக்கு பேய் பிடித்து விட்டது என்று கருதி, சங்கிலி போட்டு காலை கட்டிவைத்து விட்டார்கள்.

அதுபோல்

அநேகர் சேர்ந்து (சுமார் 90௦% கிறிஸ்த்தவர்கள்) ஒரு கூட்டத்தை கள்ள உபதேசம் என்று சொல்ல, அவர்களோ நாங்கள்தான் சரியான வழியில் இருக்கிறோம் மற்ற எல்லோருமே கள்ள உபதேசம் என்று சொல்லிக்கொண்டு எல்லா ஊழியர்களையும் தவறாக விமர்சித்து வருவது ஆச்சர்யமே! .

உண்மையை ஆராய்ந்து பார்த்தால் ஒவ்வொருவரும் யானையின் ஒரு பக்கத்தை கண்டு கொண்டார்கள். இப்பொழுது விடாபிடியாக அதுதான் யானை என்று சொல்லி சாதிக்கிறார்கள் என்பதுபோல் எனக்கு தெரிகிறது. அனேக பிரிவினர் சொல்வதில் தவறில்லைதான் ஆனால் "அந்த ஒரு பக்கம் மட்டும் யானை அல்ல, இன்னும் அது பெரிதாக இருக்கும்" என்று சொன்னால் அதை நம்பும் அளவிற்கு அவர்களுக்கு மனபக்குவம் இல்லை.

இன்று பல்வேறு கிறிஸ்த்தவ பிரிவுகள் உள்ளன ஒருவரை ஒருவர் கள்ள உபதேசம் என்று ஒதுக்குகின்றனர். எனக்கு எல்லோர் சொல்வதிலும் சில உண்மைகள் இருப்பது தெரிவதால் நான் யாரையும் கள்ள உபதேசம் என்று தீர்க்க விரும்பவில்லை.

எது கள்ள உபதேசம் எது நல்லஉபதேசம் என்று ஆண்டவர் ஒருவரே அறிவார்!

I கொரிந்தியர் 4:5 ஆனதால், கர்த்தர் வருமளவும் நீங்கள் காலத்துக்கு முன்னே யாதொன்றைக்குறித்தும் தீர்ப்புச் சொல்லாதிருங்கள், இருளில் மறைந்திருக்கிறவைகளை அவர் வெளியரங்கமாக்கி, இருதயங்களின் யோசனைகளையும் வெளிப்படுத்துவார்

தேவனின் மகத்துவங்கள் மகாபெரியது! ஒருவரும் அவரை முழுமையாக அறியவும் முடியாது அறியவும் கூடாது!

arulmraj · இளையவர்

தேவனின் மகத்துவங்கள் மகாபெரியது! ஒருவரும் அவரை முழுமையாக அறியவும் முடியாது அறியவும் கூடாது! (What I read here is the voice of Satan as it happened in case of Apostle Peter, Matt 16. Any man can know God to the extent He has revealed Himself in His Word (Bible is the only Word of God)).

ஒருவரும் தேவனை ஒருபோதும் கண்டதில்லைதான். ஆனால் இயேசு கிறிஸ்து மாம்சத்தில் வெளிப்பட்ட போது என்னைக் கண்டவன் பிதாவைக் (தேவனை) கண்டான், என்னை அன்றி ஒருவனும் பிதாவினிடத்தில் வரான் என்றும் கூறப் பட்டிருக்கிறதே. வேதம் தேவத்துவத்தை வெளிப்படுத்திய அளவுக்கு நாம் அவரை அறிந்து கொள்ள பிரயாசப் பட வேண்டும். அதை செய்யும் உண்மை ஆத்துமாக்கள் சிலவே. அவர்கள் தவறை தவறென்றும்; உண்மையை உண்மையென்றும்; சத்தியத்தை சத்தியம் என்றும்; சத்தியம் அல்லாதவற்றை மற்ற மக்களுக்கு எடுத்துரைத்து - செல்லும் வழி தவறென்றும் சொல்ல வேண்டும். அதுவே சரி என்று எனக்கு தோன்றுகிறது.

ஏனென்றால், மனுக்குல போது சத்துரு "சாத்தான்" இந்நாட்க்களில் உண்மை ஊழியர்களை வெகுவாக தாக்குகிறான். சத்துரு கொஞ்ச காலம் மாத்திரமே உண்டென்று அறிந்து. உண்மை விசுவாசிகளையும் ஊழியர்களையும் எல்லா வகையிலும் அடக்கவும், தாக்கவும் முற்பட்டிருக்கிறான்.

Wish you well. God bless you all. There are lot of extra-Biblical churches that are preaching or insisting on unnecessary things which can not SAVE the SOULS. But they are giving false assurance to the simple souls. If we wait until Christ Jesus come, then it shall be too late. It is always better to express boldly "What is RIGHT at The RIGHT TIME and the TRUTH MUST BE APPROPRIATED ALWAYS WITHOUT ANY DELAY". Now (TODAY) is the TIME OF SALVATION. Not tomorrow. God bless you.

-- Edited by arulmraj on Tuesday 24th of August 2010 06:17:58 PM

SUNDAR · மூத்த உறுப்பினர்

arulmraj wrote:
sundar wrote:
தேவனின் மகத்துவங்கள் மகாபெரியது ஒருவரும் அவரை முழுமையாக அறியவும் முடியாது அறியவும் கூடாது!

arulmraj wrote:
(What I read here is the voice of Satan as it happened in case of Apostle Peter, Matt 16. Any man can know God to the extent He has revealed Himself in His Word (Bible is the only Word of God)).

ஒருவரும் தேவனை ஒருபோதும் கண்டதில்லைதான். ஆனால் இயேசு கிறிஸ்து மாம்சத்தில் வெளிப்பட்ட போது என்னைக் கண்டவன் பிதாவைக் (தேவனை) கண்டான், என்னை அன்றி ஒருவனும் பிதாவினிடத்தில் வரான் என்றும் கூறப் பட்டிருக்கிறதே.

சகோதரர் அருள் அவர்களே உங்கள் பதிவுகளுக்கும் உங்கள் கருத்துக்களுக்கும் மிக்க நன்றி.

நான் சுயமாக மேற்கண்ட வார்த்தைகளை எழுதவில்லை சகோதரரே கீழ்க்கண்ட
வேதவார்த்தைகளை சற்று ஆராய்ந்து பாருங்கள்:

யோபு 36:26 இதோ, தேவன் மகத்துவமுள்ளவர், நாம் அவரை அறிய முடியாது;

சங்கீதம் 145:3 கர்த்தர் பெரியவரும் மிகவும் புகழப்படத்தக்கவருமாயிருக்கிறார்; அவருடைய மகத்துவம் ஆராய்ந்துமுடியாது

மேலே சொல்லப்பட்டுள்ள வேத வசனங்களின் அடிப்படையிலேயே தேவனின் மகத்துவத்தை யாரும் முழுமையாக அறியமுடியாது என்று எழுதினேன்.

அவ்வாறிருக்கையில் இவ்வரிகள் சாத்தானின் வார்த்தைகள் என்றும் பேதுருவின் வார்த்தைகளுக்கு ஒப்பிட்டு எப்படி சொல்கிறீர்கள் என்று புரியவில்லை. ஒருவேளை அது பழைய ஏற்பாட்டு வசனம் என்று தாங்கள் கருதினாலும்

புதிய ஏற்பாட்டு காலத்தில் இயேசு மாமிசத்தில் வெளிப்பட்டதால் எல்லோரும் தேவனை முழுமையாக அறிந்து பார்த்துவிட்டதாக வேதம் கூறுகிறதா?

யோவான் 1:18 தேவனை ஒருவனும் ஒருக்காலுங் கண்டதில்லை, பிதாவின் மடியிலிருக்கிற ஒரேபேறான குமாரனே அவரை வெளிப்படுத்தினார்.

"இயேசு தேவனை வெளிப்படுத்தினார்" என்றுதான் வேதம் கூறுகிறது இதற்க்கு பொருள் என்ன? "தேவன் யார், எப்படிப்பட்டவர் என்ற உண்மையை இயேசுவே வெளிப்படுத்தினார்" என்றுதான் எடுக்க முடியும் ஏனெனில் இதைஎழுதிய யோவான் மீண்டும் தனது நிருபத்தில்

I யோவான் 4:12 தேவனை ஒருவரும் ஒருபோதும் கண்டதில்லை

என்று எழுதுகிறார்.

யோவான் இயேசுவோடு இருந்தவர். இயேசுவின் மார்பின் சாய்ந்து அனுபவித்தவர் அவரே மீண்டும் தேவனை ஒருவரும் ஒருகாலும் கண்டதில்லை என்று எழுதுவதால் இயேசுவை கண்டுவிட்ட அவர் தேவனை முழுமயாக கண்டுவிட்டதாக எழுதவில்லை எனவே நான் எழுதிய வார்த்தையில் எந்த தவறும் இருப்பதுபோல் எனக்கு தெரியவில்லை.

I தீமோத்தேயு 6:16 ஒருவராய், சாவாமையுள்ளவரும், சேரக்கூடாத ஒளியில் வாசம்பண்ணுகிறவரும், மனுஷரில் ஒருவரும் கண்டிராதவரும், காணக்கூடாதவருமாயிருக்கிறவர்;

இதுவும் இயேசுவின் தரிசந்ததை கண்ட பவுலே "தேவன் மனுஷன் ஒருவரும் காணக்கூடாதவராக இருக்கிறார்" என்று திட்டவட்டமாக கூறுகிறார். "காணக்கூடாதவர்" இதன் பொருள் தேவனை காணும் அளவுக்கு மனித கண்களுக்கு சக்தியில்லை என்பதுதான்.

எனவே தேவனை யாரும் முழுமையாக அறிய முடியாது!

"தேவனை நான் முழுமையாக அறிந்துவிட்டேன்" என்று சொல்வதோ அல்லது "நான்தான் கடவுள்" என்று சொல்வதோதான் சாத்தானின் வார்த்தைகள் என்று எடுக்கமுடியும்.

மற்றபடி தங்களின் எழுத்துக்களில் சத்தியத்தின் மேலுள்ள வாஞ்சையும் சத்தியத்தை சத்தியம் என்று துணித்து சொல்ல தூண்டும் நல்ல கருத்துக்களையும்
அறிய முடிகிறது!

தொடர்ந்து பதிவுகளை தாருங்கள். ஆண்டவர் உங்களை ஆசீர்வதிப்பாராக!