இறைவன்

ஆதாம் ஏவாளை வஞ்சித்து  தேவன்  விலக்கிய கனியை புசிப்பதற்கு தூண்டிய சர்ப்பத்துக்கு தேவன் கீழ்க்கண்ட சாபத்தை கொடுத்தார்:

 

ஆதியாகமம் 3:14 அப்பொழுது தேவனாகிய கர்த்தர் சர்ப்பத்தைப்பார்த்து: நீ இதைச் செய்தபடியால் சகல நாட்டு மிருகங்களிலும் சகல காட்டுமிருகங்களிலும் சபிக்கப்பட்டிருப்பாய், நீ உன் வயிற்றினால் நகர்ந்து, உயிரோடிருக்கும் நாளெல்லாம் மண்ணைத் தின்பாய்;
15. உனக்கும் ஸ்திரீக்கும், உன் வித்துக்கும் அவள் வித்துக்கும் பகை உண்டாக்குவேன்; அவர் உன் தலையை நசுக்குவார், நீ அவர் குதிங்காலை நசுக்குவாய் என்றார்.
  

இங்கு சர்ப்பத்தின் தலை நசுக்கப்படும் என்று வசனம் கூறுகிறது.

 

 

ஆண்டவராகிய இயேசு சர்ப்பத்தின் தலையை நசுக்கினார் என்று பரவலாக
நம்பபட்டாலும்  வேதபுத்தகத்தின் "சர்ப்பத்தின் தலை நசுக்கப்பட்டது" போன்ற வசனம் எங்கும் இல்லை.

 

மேலும் ஆண்டவராகிய இயேசு மரித்து உயிர்த்தபின்னும் இன்னும் சாத்தான் தனது
வேலையை ஜோராக செய்துகொண்டுதான் இருக்கிறான். இன்னும் அதிகமதிகமாக தீய காரியங்கள் அரங்கேறுகிறதேயன்றி குறைந்தபாடில்லை.   

 

ஒருவேளை சாத்தனுக்கு தலை நசுக்கப்பட்டு இருந்தால் அவனுக்கு யோசிப்பதற்கு மூளை இருக்காது. ஆனால்  

 

எபேசியர் 6:11 நீங்கள் பிசாசின் தந்திரங்களோடு எதிர்த்துநிற்கத் திராணியுள்ளவர்களாகும்படி, தேவனுடைய சர்வாயுதவர்க்கத்தையும் தரித்துக்கொள்ளுங்கள்.
 

என்ற வசனம், இன்னும் அவன் தந்திரக்காரனாக இருக்கிறான் என்பதை நமக்கு தெரிவிக்கிறது.

 

ஒருவேளை சர்ப்பத்தின் தலை நசுக்கப்பட்டிருந்தால் அதனால் இலக்கை நோக்கி நகர்ந்து செல்ல முடியாது.  ஆனால் அவன் எப்படி யுதாசினுள் சென்று கிரியை செய்தானோ அதேபோல்  இயேசு மரித்து உயிர்த்த பிறகும் சிலரது உள்ளங்களினுள் சென்று நிரப்பியிருக்கிறான் 

 

அப்போஸ்தலர் 5:3 பேதுரு அவனை நோக்கி: அனனியாவே நிலத்தின் கிரயத்தில் ஒரு பங்கை வஞ்சித்துவைத்து, பரிசுத்த ஆவியினிடத்தில் பொய்சொல்லும்படி, சாத்தான் உன் இருதயத்தை நிரப்பினதென்ன?

மேலும்  காலம் நிறைவேறியபோது தேவன் தன் குமாரனை அனுப்பி நமது பாவங்களை சிலுவையில் சுமந்து நமக்கும் தேவனுக்கு இடையே இருந்த பகைமையை கொன்று கையெழுத்தை குலைத்து  தேவனோடு நம்மை ஒப்புரவாக்கினார் என்றுதான் வசனம் சொல்கிறதே தவிர சர்பத்தை பற்றி ஒன்றும் கூறவில்லை  

 

கலாத்தியர் 4:5 காலம் நிறைவேறினபோது, ஸ்திரீயினிடத்திற் பிறந்தவரும் நியாயப்பிரமாணத்திற்குக் கீழானவருமாகிய தம்முடைய குமாரனை தேவன் அனுப்பினார்....  7. ஆகையால் இனி நீ அடிமையாயிராமல் புத்திரனாயிருக்கிறாய்; நீ புத்திரனேயானால், கிறிஸ்துமூலமாய் தேவனுடைய சுதந்தரனாயுமிருக்கிறாய்.

இதனால் நாம் தேவனுடைய புத்திரராகும் பாக்கியம் உண்டானது.

 

கொலோசெயர் 1:20 அவர் சிலுவையில் சிந்தின இரத்தத்தினாலே சமாதானத்தை உண்டாக்கி, பூலோகத்திலுள்ளவைகள் பரலோகத்திலுள்ளவைகள் யாவையும் அவர் மூலமாய்த் தமக்கு ஒப்புரவாக்கிக்கொள்ளவும் அவருக்குப் பிரியமாயிற்று.

மேலும்:

கொலோசெயர் 2:14 நமக்கு எதிரிடையாகவும் கட்டளைகளால் நமக்கு விரோதமாகவும் இருந்த கையெழுத்தைக் குலைத்து, அதை நடுவிலிராதபடிக்கு எடுத்து, சிலுவையின்மேல் ஆணியடித்து;

கொலோசெயர் 2:15 துரைத்தனங்களையும் அதிகாரங்களையும் உரிந்துகொண்டு, வெளியரங்கமான கோலமாக்கி, அவைகளின்மேல் சிலுவையிலே வெற்றிசிறந்தார்.

சாத்தானின் அதிகாரத்தை எல்லாம் இயேசு பரித்துகொண்டதொடு அவ்வதிகாரங்களை பயன்படுத்தும் வல்லமையை மனிதனுக்கு கொடுத்தார். இதுவே அவர் சிலுவையில் செய்து முடித்த முக்கிய காரியங்கள் என்பது எனது கருத்து.   

எனவே எனது கருத்துப்படி ஆண்டவராகிய இயேசு சிலுவையில் மரித்ததன் மூலம் அவன் அதிகாரங்களை பறித்துக்கொண்டு  சாத்தானின் தலை நசுக்கப்படுவதற்கு வழியை ஏற்ப்படுத்திகொடுத்து  சத்துரு அழிக்கப்படுவதற்கு காத்துகொண்டு இருக்கிறார் என்று கருதுகிறேன்.

 

எபிரெயர் 10:13  தம்முடைய சத்துருக்களைத் தமது பாதபடியாக்கிப்போடும்வரைக்கும் காத்துக்கொண்டிருக்கிறார்.