இறைவன்

 

 

இறுதியாக,  கர்த்தரை தொழுதுகொள்ளும்போது  "உண்மையாக தொழுதுகொள்ள வேண்டும்" என்று வேதம் வலியுறுத்துகிறது. இவ்வாறு உணம்யாக தொழ முடியாமல் நம்மை கெடுக்கும் சில காரணிகளை இங்கு ஆராயலாம்:

 

 

மனமானது உலக காரியங்களால், நிகழ்வுகள், பிரச்சனைகள் அல்லது  டிவி/ சினிமா நிகழ்ச்சிகளால் நிறைந்திருக்கும்போது ஒருவரால் ஆண்டவரை உண்மையாக தொழ முடியாது. நமது செய்கையும் வாயும் தேவனை தொழுவது போல இருந்தாலும் நமது இருதயமோ தேவனை விட்டு தூரமாக இருக்கும்.  

 

மத்தேயு 15:8 இந்த ஜனங்கள் தங்கள் வாயினால் என்னிடத்தில் சேர்ந்து, தங்கள் உதடுகளினால் என்னைக் கனம்பண்ணுகிறார்கள்; அவர்கள் இருதயமோ எனக்குத் தூரமாய் விலகியிருக்கிறது.

இந்த உண்மையில்லா  தொழுகையினால் ஒரு பயனும் இல்லை. நமது முழு இருதயத்தையும் கர்த்தரிடம் ஊற்றி உண்மையாக் ஜெபிக்க வேண்டும். தொழும் நேரத்தில் மனதை ஒருமனப்படுத்த சிறிது நேரம் தியானத்தில் ஈடுபடுவது நல்லது.  மனிதர்களாகியநாம் அன்றாடம் ஆயிரம் பிரச்சனைகளை சந்திக்கிறோம். ஒவ்வொரு நாளும் இவ்வுலகில் வாழபோராடுகிறோம் எனவே நமது மனதில் உலகம் சம்பந்தப்பட்ட பிரச்சனைகள்  நெருக்குவது சகஜமே. ஆகினும் நாம் தொழுவது சாதாரண ஆள் அல்ல! நமது பிரச்சனைகள் எல்லாவற்றையும் ஒரு பனியைப்போல நீக்க வல்லவரான சர்வவல்ல தேவனை நாம் தொழுகிறோம். எனவே அந்நேரத்தில் எல்லா உலக பிரச்சனைகளையும் தூக்கி கர்த்தர் மேலேயே வைத்துவிடுவது நல்லது!

   

II நாளாகமம் 16:9 தம்மைப்பற்றி உத்தம இருதயத்தோடிருக்கிறவர்களுக்குத் தம்முடைய வல்லமையை விளங்கப்பண்ணும்படி, கர்த்தருடைய கண்கள் பூமியெங்கும் உலாவிக்கொண்டிருக்கிறது

 

என்ற உண்மையை அறிந்து கர்த்தர்மேல் பாரத்தை வைத்துவிட்டு அவரை நோக்கி முழு மனதோடு தொழ பிரயாசம் எடுக்கவேண்டும். அதுவே மிகுந்த பயன் தரக்கூடியது.

 

 

இரண்டாவதாக மாய்மால தொழுகைகள் தேவனுக்கு அருவருப்பானவைகள். அதாவது பிறருக்கு முன்னால் தேவனை தொழுவதுபோல் நடிப்பது அல்லது பிறர் தன்னை  உயர்வாக எண்ண வேண்டும் என்ற எண்ணத்தில் செயல்பட்டு தொழுவது போன்றவை இதில் அடங்கும். சபைகளில் பல நேரங்களில் தொழுகைகளில் பார்க்கும்போது அநேகர் பிறரில் கண்களுக்கு பரிசுத்தமாக தெரிய வேண்டும் என்பதற்காகவே தொழுவதையும். சிறிது நேரம் தொழுவிட்டு பிறகு சுற்றிவர யார் நம்மை கணிக்கிறார்கள் என்று பார்ப்பதையும் அறியமுடியும்.

 

அதொபோல் ஜெப கூட்டங்கள் மற்றும் போது தொழுகையின்போது பலருக்கு பிறர் தம்மைப்பற்றி நல்ல ஒரு கருத்துக்கு வரவேண்டும் என்ற எண்ணத்திலோ தொழுவது அனைத்து இந்த மாய்மால தொழுகையே சேரும்.  

 

லூக்கா 20:46 நீண்ட அங்கிகளைத் தரித்துக்கொண்டு திரியவும், சந்தை வெளிகளில் வந்தனங்களை அடையவும், ஜெபஆலயங்களில் முதன்மையான ஆசனங்களில் உட்காரவும், விருந்துகளில் முதன்மையான இடங்களில் இருக்கவும் விரும்பி,
மாற்கு 12:40  பார்வைக்கு நீண்ட ஜெபம்பண்ணுகிற வேதபாரகரைக்குறித்து எச்சரிக்கையாயிருங்கள்; அவர்கள் அதிக ஆக்கினையை அடைவார்கள் என்றார்.

 

 

 

தேவனை தொழுதுகொள்ளும் இடத்தில் பணம் எந்த பங்கும் வகிக்ககூடாது. பணத்தை நோக்கமாக கொண்ட தொழுகைகள் தேவனுக்கு அருவருப்பானவைகள். 

 

தேவனுடைய பார்வைக்கு நமது மனதில் மறைவானது எதுவும் இல்லை. நமது மனதில் ஒரு சிறு கருப்புபுள்ளி இருந்தால் கூட அது தேவனுக்கு தெரிந்துவிடும்   

 

எபிரெயர் 4:13 அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய கண்களுக்கு முன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்.

என்பதை கருத்தில் கொண்டு தேவனை உண்மையாக தொழுவோமாக.