இறைவன்

ராட்சதர்கள் யார்?

ஆதி 1.27. தேவன் தம்முடைய சாயலாக மனுஷனைச் சிருஷ்டித்தார்; அவனைத் தேவசாயலாகவே சிருஷ்டித்தார்; ஆணும் பெண்ணுமாக அவர்களைச் சிருஷ்டித்தார்.

ஆதியிலே (ஆறாம் நாள்) தேவன் ஆதாமை ஆணும், பெண்ணுமாக (அர்த்த நாரி, சிவ சக்தி)  சிருஷ்டித்து அவர்களை தன்னுடைய பிரதினிதியாக பூமியை ஆளும்படி வைத்தார். அவர்களும் தேவ பிரதினிதியாக பூமியை அரசாண்டனர். ஆனால் பல வருடங்களுக்கு பிறகு ஆதாமுக்கு தனித்து இயங்க வேண்டும் என்ற ஆசை உண்டானது. ஆதாமுக்கு இந்த ஆசை வந்த உடனே அவனிடமிருந்த தேவ சாயல் எடுக்கப்பட்டு ஜீவாத்துமாவாக உருவாக்கப்பட்டு பூமியில் ஏதேன் தோட்டத்தை காத்துக் கொள்ளும்படி வைக்கப்பட்டான். (எட்டாம் நாள்?)

ஆதி 2.7. தேவனாகிய கர்த்தர் மனுஷனைப் பூமியின் மண்ணினாலே உருவாக்கி, ஜீவசுவாசத்தை அவன் நாசியிலே ஊதினார், மனுஷன் ஜீவாத்துமாவானான்.

8. தேவனாகிய கர்த்தர் கிழக்கே ஏதேன் என்னும் ஒரு தோட்டத்தை உண்டாக்கி, தாம் உருவாக்கின மனுஷனை அதிலே வைத்தார்.

மேலும் அவனோடு இருந்த சக்தியை அவனிடம் இருந்து பிரிக்கும்படிக்கு அவனுக்கு தேவன் அயர்ந்த நித்திரை வரப் பண்ணினார். தூங்க விரும்பாத அந்த சக்தி ஆதாமிடம் சண்டையிட்டு (தூங்க கூடாது என்று) ஆதாமை விட்டு பிரிந்து போனது. இதன் மூலம் தேவன் ஆதாமின் சக்தியை பல மடந்து குறைத்தார். (சாத்தானுடன் சேர்ந்து மிக பெரிய சக்தியாக உருவாகும் வாய்ப்பு இருப்பதால்) அதன் பிறகு அவனுடைய விலா எலும்பிலிருந்து ஏவாளை படைத்தார்.

ஆதி 2.21. அப்பொழுது தேவனாகிய கர்த்தர் ஆதாமுக்கு அயர்ந்த நித்திரையை வரப்பண்ணினார், அவன் நித்திரையடைந்தான்; அவர் அவன் விலா எலும்புகளில் ஒன்றை எடுத்து, அந்த இடத்தைச் சதையினால் அடைத்தார்.

22. தேவனாகிய கர்த்தர் தாம் மனுஷனில் எடுத்த விலா எலும்பை மனுஷியாக உருவாக்கி, அவளை மனுஷனிடத்தில் கொண்டு வந்தார்.

ஆதாமிடமிருந்து பிரிந்த சக்தி பல சக்திகளாக பிரிந்து இந்த உலகம் முழுவதும் பரவியது.

(இதுவே இந்து மதத்தில் தன் தந்தையின் யாகத்திற்க்கு செல்ல வேண்டும் என சக்தி சிவனுடன் சண்டையிட்டு யாகத்தில் விழுந்து உயிர் நீத்த கதையாக சொல்லபடுகிறது. சக்தியின் இறந்த உடலை பார்த்து சிவன் கதற கதற அழுதது புராணங்களில் சொல்லப்பட்டுள்ளது. இந்த சக்தியின் அழுகிய உடலை உயிர் பிழைக்க வைக்க சிவன் வைத்தியரை தேடி சுமந்து செல்ல அந்த உடல் அழுகி விழுந்த இடங்கள் சக்தி தலங்களாகின.

அதன் பிறகு சக்தி பூமியில் வந்து பிறக்க (ஏவாள்) சிவன் மனிதனாக பூமிக்கு வந்து சக்தியை மணந்ததாக புராணங்கள் சொல்கின்றன)

இந்த சக்தியே உலகம் முழுவதும் பரவியுள்ள பெண் தெய்வ வழிபாட்டுக்கு காரணமாகும். இந்த சக்தி கடவுளும், சாத்தானும் அல்லாமல் உலகம் முழுவதும் பரவி உள்ள ஒரு சுதந்திரமான (LIBERTY) சக்தியாகும். இந்த சக்தியின் ஒரு சில அம்சங்கள் மனிதனுக்கு நன்மை செய்பவையாகவும். சில அம்சங்கள் மனிதனுக்கு தீமை செய்பவையாகவும் உள்ளன. மற்றும் சில மனிதனின் எதிர்காலத்தை சொல்பவையாக உள்ளன. தீமை செய்யக்கூடிய சில சக்திகள் மந்திர தந்திரங்களால் கட்டுப்படுத்தப்பட்டு ஒரு சில மனிதர்களால் (ஆதி சங்கரர் போன்ற) நன்மை செய்யக்கூடிய சக்தியாக மாற்றப்பட்டன.

இந்த சக்தி மகா பாபிலோன் என்ற பெயரால் குறிப்பிடப்பட்டு அதற்கென்று தியாயத் தீர்ப்பும் நிர்ணயிக்கப்பட்டுள்ளது. மகா பாபிலோன் என்பது ஒரு நகரத்தையும் குறிக்கும். ஆகவே இந்த சக்திக்கும் அந்த நகரத்துக்கும் ஒரே நேரத்தில் நியாயத்தீர்ப்பு உண்டு என் அறியலாம். இந்த சக்தி பவுலின் வாழ்க்கையிலும் குறுக்கிட்டது.

அப்.16.16. நாங்கள் ஜெபம்பண்ணுகிற இடத்துக்குப் போகையில் குறிசொல்ல ஏவுகிற ஆவியைக்கொண்டிருந்து, குறிசொல்லுகிறதினால் தன் எஜமான்களுக்கு மிகுந்த ஆதாயத்தை உண்டாக்கின ஒரு பெண் எங்களுக்கு எதிர்ப்பட்டாள்.
17. அவள் பவுலையும் எங்களையும் பின்தொடர்ந்து வந்து: இந்த மனுஷர் உன்னதமான தேவனுடைய ஊழியக்காரர், இரட்சிப்பின் வழியை நமக்கு அறிவிக்கிறவர்கள் என்று சத்தமிட்டாள்.
18. இப்படி அநேகநாள் செய்துகொண்டுவந்தாள். பவுல் சினங்கொண்டு, திரும்பிப்பார்த்து: நீ இவளை விட்டுப்புறப்படும்படி இயேசுகிறிஸ்துவின் நாமத்தினாலே உனக்குக் கட்டளையிடுகிறேன் என்று அந்த ஆவியுடனே சொன்னான்; அந்நேரமே அது புறப்பட்டுப்போயிற்று.

காயீனுடைய கொலையால் மனம் நொந்த ஆதாம் பல வருடங்களுக்கு ஏவாளை சேராமல் தவத்தில் இருந்ததாக தெரிகிறது. அவ்வாறு தவத்தில் இருந்த ஆதாமின் விருப்பமில்லாமல் ஆதாமை சேர்ந்து அதன் விளைவாக ஆதாம் சிந்திய விந்து துளிகளால் இந்த சக்தி பல விசித்திர உருவமுள்ள உயிர்களை உண்டாக்கியதாக தெரிகிறது (யானை தலையுடன் (தன் மேலிருந்த அழுக்கை (விந்து?) ஒன்று திரட்டி, குரங்கு முகத்துடன், நாங்கு கைகளுடன் இப்படி பல) இப்படி பிறந்த உயிர்களும் (ஆவிகளும்) சில நேரங்களில் மனிதர்களுக்கு நன்மை செய்வதாக உள்ளன. டார்வின் கொள்கையை நிரூபிக்க இந்த (குரங்கு முக) உயிர்கள் வாழ்ந்த ஆதாரத்தை தேடி வருகின்றனர். ஒரு நாளில் இவைகள் கிடைத்தாலும் கிடைக்கலாம். ஆனால் இவை ஆதாமிடமிருந்து முறையற்ற விதமாக உண்டாக்கப்பட்டவை. இவைகள் உண்மையில் EVOLUTION அல்ல DEVOLUTION

ஆதி 5.3. ஆதாம் நூற்று முப்பது வயதானபோது, தன் சாயலாகத் தன் ரூபத்தின்படியே ஒரு குமாரனைப் பெற்று, அவனுக்குச் சேத் என்று பேரிட்டான்.

மேற்கண்ட வசனத்திலிருந்து ஆதாம் பல வருடங்களுக்கு தன் சாயலாக. தன் ரூபத்தின்படி இல்லாமல் பல உயிர்களை பெற்றது தெரிய வரும்.

யோபு 31.33. நான் ஆதாமைப்போல என்மீறுதல்களை மூடி, என் அக்கிரமத்தை என் மடியிலே (ஒளித்து) வைத்துவைத்தேனோ?

அக்கிரமத்தை மடியில் ஒளித்து வைப்பது என்பதற்க்கு இதுதான் அர்த்தம் என்று சொல்லலாம்.

இந்த சக்திக்கு குழந்தை பெறும் பாக்கியமோ அல்லது பால் கொடுக்கும் பாக்கியமோ இல்லை என்று தெரிய வருகிறது.

ஆதாமுக்கு பிறகு காயீனின் விருப்பத்துடன் இந்த சக்தி சேர்ந்து பல உயிர்களை உருவாக்கியதாக தெரிகிறது. இராட்சதர்கள் என்பவர்கள் இந்த சக்தியால் காயின் அல்லது ஆதாமிடமிருந்து உண்டாக்கப்பட்டவர்கள் என்று அறியலாம்.

தீமை செய்யும் இந்த சக்தியின் அம்சம் லிலித் என்னும் பெயரால் வழங்கபடுகிறது. இந்து மதத்தில் நன்மை செய்யும் இந்த சக்தியின் அம்சம் லலிதா என்னும் பெயரால் வழங்கபடுகிறது. இஷ்டார் என்னும் பெயரால் இந்த சக்தி நெபுகாத்னேச்சர் காலத்தில் வணங்கபட்டது. இன்னும் பல பெயர்களில், பல தன்மை உடையனவாய் பல இடங்களில் வணங்கபடுகிறது. (பார்க்க படம்)

SANDOSH wrote:

---

காயீனுடைய கொலையால் மனம் நொந்த ஆதாம் பல வருடங்களுக்கு ஏவாளை சேராமல் தவத்தில் இருந்ததாக தெரிகிறது. அவ்வாறு தவத்தில் இருந்த ஆதாமின் விருப்பமில்லாமல் ஆதாமை சேர்ந்து அதன் விளைவாக ஆதாம் சிந்திய விந்து துளிகளால் இந்த சக்தி பல விசித்திர உருவமுள்ள உயிர்களை உண்டாக்கியதாக தெரிகிறது   

---

நீங்கள் வேதாகமத்தின் விடுபட்டபகுதியாகிய ஏனோக்கின் புத்தகத்தை படிக்கவும்.. அல்லது book of enoch தகவலிறக்கம் செய்தும் படிக்கலாம்..

(யூதா1:14,15) ஆதாமுக்கு ஏழாந்தலைமுறையான ஏனோக்கும் இவர்களைக்குறித்து: இதோ, எல்லாருக்கும் நியாயத்தீர்ப்புக் கொடுக்கிறதற்கும், அவர்களில் அவபக்தியுள்ளவர்கள் யாவரும் அவபக்தியாய்ச் செய்துவந்த சகல அவபக்தியான கிரியைகளினிமித்தமும், தமக்கு விரோதமாய் அவபக்தியுள்ள பாவிகள் பேசின கடின வார்த்தைகளெல்லாவற்றினிமித்தமும், அவர்களைக் கண்டிக்கிறதற்கும், ஆயிரமாயிரமான தமது பரிசுத்தவான்களோடுங்கூட கர்த்தர் வருகிறார் என்று முன்னறிவித்தான்..

ஏனோக்கு இவ்வாறாக சொன்னதை பழைய ஏற்ப்பாடு எங்கும் நீங்கள் அறிய முடியாது.. எனவே தனியாக தகவலிறக்கம் செய்து படிக்கவும்..
இம்மனிதன் தேவனோடு குடும்ப வாழ்கையில் இருக்கும் போதே உறவாடினவர் ..கர்த்தரால் எடுத்துகொள்ளபட்டவர்..
இவர் நோவா காலத்திற்கு முற்பட்டவர் ..

இவரது இப்புத்தகத்தில் தேவ தூதர்களின் விழுகை பற்றியும்,
ராட்சசர்கள் பற்றியும், ஆதி தூதர்கள் பற்றியும், அவர்களின் வேலை பற்றியும், பெண்கள் மீது தேவ தூதர்கள் மோகம் கொண்டதையும்..வெளிபடுத்தின விசேஷத்திற்கு ஒத்த வசனங்களையும் காணலாம்..

 book of enoch  தமிழ் லிங்கை எதிர்பார்த்து காத்திருக்கிறேன் .

ராட்சதர்கள் எனப்படுபவர்கள்  யார்?

இவர்கள் ஆதாமின் வழி வந்தவர்கள். சேத் ஆதாமின் மூன்றாவது குமாரன் மேலும் தேவ திட்டத்திற்காக தேவன் அவனை தெரிந்ததால் அவன் வாரிசுகள் தேவ பிள்ளைகளானார்கள். ஆதாமின் வழிவந்தவர்கள் சாபத்தால் கொட்டியதை செய்து தீமையான வழிகளில் பிரவேசித்தார்கள். இவர்களைத்தான் அரக்கர்கள் என்று தமிழ் மொழிபெயர்ப்பு கூறுகிறது. மொழிபெயர்ப்பில் உள்ள சிறு குறை இது. எபிரேய மொழியில் இந்த குறை காணப்படாது. மேலும் ஆதாமின் வாரிசுகளும், சேத்தின் வாரிசுகளும் உறவுகொள்வதை தேவன் விரும்பவில்லை. சேதத்தை புனித திட்டத்திற்காக தேவன் வைத்திருந்தார். ஆனால் அவர்களில் பலர் ஆதாமின் வம்சத்து பெண்களின் அழகில் மயங்கி அவர்களோடு சேர்ந்தனர். இதனால் புனித குலைச்சல் உண்டாகியது. எனவே தேவன் ஜலப்ரளையம் கொண்டு உலகை மீண்டும் புதிதாக்கினார். சேத்தின் வம்சத்தார் தேவகுமாரர் என்றும். வேட்டையாடுவதில் பறக்கரமத்திலும் நிறைந்திருந்த காயனின் வாரிசுகளை ராட்சதர்கள் என்றும் வேதம் கூறுகிறது. 

பின்பு தேவகுமாரர் மனுஷகுமாரத்தி களோடே கூடுகிறதினால், இவர்கள் அவர்களுக்குப் பிள்ளைகளைப் பெற்றபோது, இவர்களும் பூர்வத்தில் பேர்பெற்ற மனுஷராகிய பலவான்களானார்கள்...