இறைவன்

ஏக தேவன் : 

1. ஆதியிலே தானே உண்டான, தன்னை அறிந்த தேவன் ஒருவர் இருந்தார். 

அவர் தன்னைத்தான் அறிந்தார்

14. அதற்குத் தேவன்: இருக்கிறவராக இருக்கிறேன் என்று மோசேயுடனே சொல்லி, இருக்கிறேன் என்பவர் என்னை உங்களிடத்துக்கு அனுப்பினார் என்று இஸ்ரவேல் புத்திரரோடே சொல்வாயாக என்றார்.

தன்னைத்தவிர யாரும் இல்லை,  எதுவும் இல்லை என்று அறிந்தார்

10. நானே அவரென்று நீங்கள் உணர்ந்து, என்னை அறிந்து விசுவாசிக்கும்படிக்கு நீங்களும் நான் தெரிந்துகொண்ட என் தாசனும் எனக்குச் சாட்சிகளாயிருக்கிறீர்கள் என்று கர்த்தர் சொல்லுகிறார்; எனக்கு முன் ஏற்பட்ட தேவன் இல்லை, எனக்குப்பின் இருப்பதும் இல்லை.

6. நான் முந்தினவரும், நான் பிந்தினவருந்தானே; என்னைத்தவிர தேவன் இல்லையென்று, இஸ்ரவேலின் ராஜாவாகிய கர்த்தரும், சேனைகளின் கர்த்தராகிய அவனுடைய மீட்பரும் சொல்லுகிறார்.

8. இருக்கிறவரும் இருந்தவரும் வருகிறவருமாகிய சர்வவல்லமையுள்ள கர்த்தர்: நான் அல்பாவும், ஓமெகாவும் ஆதியும் அந்தமுமாயிருக்கிறேன் என்று திருவுளம்பற்றுகிறார்.

(அல்பா, ஒமேகா - கிராப் படம் வரைபவர்கள் அதில் எக்ஃஸ் ஆக்ஸிஸ், ஒய் ஆக்ஸிஸ் என்று குறிப்பிட்டு அதன் தூரத்துக்கு எல்லை கிடையாது என்று குறிக்க ஒரு ஏரோ மார்க் போடுவார்கள். இந்த எல்லையில்லா கிடை மட்டும் நெடுக்கு கோடுகளே அல்பா, ஒமேகா எனப்படும். தேவன் இடம் மற்றும் காலத்தை உண்டாக்கினார்)

அவருக்கு முன்பு என்று ஒரு காலம் இருந்ததில்லை. அவரே காலத்தை உண்டாக்கினார். அவர் ஆதி சக்தியானார்.

13. நாள் உண்டகாததற்கு முன்னும் நானே இருக்கிறேன்; என் கைக்குத் தப்புவிக்கத்தக்கவன் இல்லை; நான் செய்கிறதைத் தடுப்பவன் யார்?.

தன்னுடைய உணர்வு நிலையை தக்க வைத்து கொள்ள வேண்டுமானால் தேவன் பல்வேறு உயிர்களை படைத்தாக வேண்டும். ஆதலால் அவருக்குள் உயிர்களை படைக்க வேண்டும் என்ற ஆசை உருவானது.

அவர் இச்சா சக்தியானார்.

இதை குறிக்கும் வசனங்கள் நேரடியாக இல்லை அல்லது கிடைக்கவில்லை. ஆனால் உயிர்களை படைத்த பிறகு ஏழாவது நாளில்

ஆதி 2.2. தேவன் தாம் செய்த தம்முடைய கிரியையை ஏழாம் நாளிலே நிறைவேற்றி, தாம் உண்டாக்கின தம்முடைய கிரியைகளையெல்லாம் முடித்தபின்பு, ஏழாம் நாளிலே ஓய்ந்திருந்தார்.

3. தேவன் தாம் சிருஷ்டித்து உண்டுபண்ணின தம்முடைய கிரியைகளையெல்லாம் முடித்தபின்பு அதிலே ஓய்ந்திருந்தபடியால், தேவன் ஏழாம் நாளை ஆசீர்வதித்து, அதைப் பரிசுத்தமாக்கினார்.

இங்கே ஓய்வு நாள் என சொல்லப்பட்டுள்ளது (உயிர்களை படைத்ததினால் அவர் சோர்ந்து போய் விட்டு பிறகு ஓய்வு எடுப்பது போல) உண்மையில் இந்த நாள் கொண்டாட்டத்தின் நாள் என பொருள்படும். இந்த நாள் தேவனுடைய மனமகிழ்ச்சியின் நாள். படைப்பை குறித்த அவர் ஆசைகள் நிறைவேறின நாள். அவர் ஒருவேளை ஆனந்த நடனம் கூட ஆடியிருக்கலாம்.

ஏசாயா 40:28 பூமியின் கடையாந்தரங்களைச் சிருஷ்டித்த கர்த்தராகிய அநாதிதேவன் சோர்ந்துபோவதுமில்லை, இளைப்படைவதுமில்லை; இதை நீ அறியாயோ? இதை நீ கேட்டதில்லையோ? அவருடைய புத்தி ஆராய்ந்து முடியாதது.

4. வெளிச்சம் நல்லது என்று தேவன் கண்டார்; வெளிச்சத்தையும் இருளையும் தேவன் வெவ்வேறாகப் பிரித்தார்.

தான் நினைத்த ஒவ்வொன்றையும் தேவன் படைத்த பிறகு அதைப் பார்த்து மிகவும் மகிழ்ந்தார்.

தேவன் பல ஆத்துமாக்களை உருவாக்கி. அவற்றை தன்னுடைய ஆவியினால் நிரப்ப ஆசை கொண்டார்.  இதுவே அவரது மிகப் பெரும் ஆசையாக இருந்தது. இந்த ஆசையை நிறைவேற்றவே தான் உணர்வு நிலை பெற்றதாக தேவன் சொல்கிறார்.

25. நான் விடாய்த்த ஆத்துமாவைச் சம்பூரணமடையப்பண்ணி, தொய்ந்த எல்லா ஆத்துமாவையும் நிரப்புவேன்.

26. இதற்காக நான் விழித்துப்பார்த்துக்கொண்டிருக்கிறேன்; என் நித்திரை எனக்கு இன்பமாயிருந்தது. 

ஞானம் :

அவர் தனக்குள்ளிருந்த ஞானத்தை கண்டு கொண்டார். (உள்ளுணர்வு)

அவர் அளவில்லா ஆவியை உடையவராக இருந்தார்.

அவருடைய ஞானம் அளவிடப்பட முடியாதது. ஞானமானது கர்த்தரின் பெண்சக்தியாகும்.. அவர் தன்னுடைய ஞானத்தோடு ஆலோசனை செய்தார்.

13. கர்த்தருடைய ஆவியை அளவிட்டு, அவருக்கு ஆலோசனைக்காரனாயிருந்து, அவருக்குப் போதித்தவன் யார்?
யோபு 12.13. அவரிடத்தில் ஞானமும் வல்லமையும் எத்தனை அதிகமாய் இருக்கும்? அவருக்குத்தான் ஆலோசனையும் புத்தியும் உண்டு.
14. தமக்கு அறிவை உணர்த்தவும், தம்மை நியாயவழியிலே உபதேசிக்கவும் தமக்கு ஞானத்தைக் கற்றுக்கொடுக்கவும், தமக்கு விவேகத்தின்வழியை அறிவிக்கவும், அவர் யாரோடே ஆலோசனைபண்ணினார்?

11. அவர் நீர்த்துளிகளை மேகத்தில் ஏற்றி, மின்னலினால் மேகத்தைச் சிதறப்பண்ணுகிறார்.
12. அவர் அவைகளுக்குக் கட்டளையிடுகிற யாவையும், அவைகள் பூச்சக்கரத்தில் நடப்பிக்கும்படி, அவர் அவைகளைத் தம்முடைய ஞான ஆலோசனைகளின்படியே சுற்றித் திரியப்பண்ணுகிறார்.

யோபு 15.7  (யோபுவை பார்த்து அவர் நண்பர்)  மனுஷரில் முந்திப் பிறந்தவர் நீர்தானோ? பர்வதங்களுக்குமுன்னே உருவாக்கப்பட்டீரோ?
8. நீர் தேவனுடைய இரகசிய ஆலோசனையைக் கேட்டு, ஞானத்தை உம்மிடமாய்ச் சேர்த்துக்கொண்டீரோ?

ஞானம் சொன்னது :

நீதி8.14. (ஞானம் சொன்னது) ஆலோசனையும் மெய்ஞ்ஞானமும் என்னுடையவைகள்; நானே புத்தி, வல்லமை என்னுடையது.
15. என்னாலே ராஜாக்கள் அரசாளுகிறார்கள், பிரபுக்கள் நீதிசெலுத்துகிறார்கள்.
16. என்னாலே அதிகாரிகளும், பிரபுக்களும், பூமியிலுள்ள சகல நியாயாதிபதிகளும் ஆளுகைசெய்து வருகிறார்கள்.
22. கர்த்தர் தமது கிரியைகளுக்குமுன் பூர்வமுதல் என்னைத் தமது வழியின் ஆதியாகக் கொண்டிருந்தார்.
23. பூமி உண்டாகுமுன்னும், ஆதிமுதற்கொண்டும் அநாதியாய் நான் அபிஷேகம்பண்ணப்பட்டேன்.
24. ஆழங்களும், ஜலம் புரண்டுவரும் ஊற்றுகளும் உண்டாகுமுன்னே நான் ஜநிப்பிக்கப்பட்டேன்.
25. மலைகள் நிலைபெறுவதற்கு முன்னும், குன்றுகள் உண்டாவதற்கு முன்னும்,
26. அவர் பூமியையும் அதின் வெளிகளையும், பூமியிலுள்ள மண்ணின் திரள்களையும் உண்டாக்குமுன்னும் நான் ஜநிப்பிக்கப்பட்டேன்.
27. அவர் வானங்களைப் படைக்கையில் நான் அங்கே இருந்தேன்; அவர் சமுத்திர விலாசத்தை வட்டணிக்கையிலும்,
28. உயரத்தில் மேகங்களை ஸ்தாபித்து, சமுத்திரத்தின் ஊற்றுகளை அடைத்து வைக்கையிலும்,
29. சமுத்திர ஜலம் தன் கரையை விட்டு மீறாதபடிக்கு அதற்கு எல்லையைக் கட்டளையிட்டு, பூமியின் அஸ்திபாரங்களை நிலைப்படுத்துகையிலும்,
30. நான் அவர் அருகே செல்லப் பிள்ளையாயிருந்தேன்; நித்தம் அவருடைய மனமகிழ்ச்சியாயிருந்து, எப்பொழுதும் அவர் சமுகத்தில் களிகூர்ந்தேன்.

ஞானத்தோடு சேர்ந்த தேவன் ஞான சக்தியானார்.

பிதா :

குமாரனை வெளிபடுத்தின பிறகு ஏக தேவன் பிதாவாக ஆனார். அவரால் தன்னுடைய மிகப் பெரிய உணர்வு நிலையை, வல்லமையை ஒரு இடத்துக்குள்ளிருந்து செயல்படுத்த வைக்க முடிந்தது. அவர் குமாரன் மற்றும் ஆவியானவர் மூலமாக வானங்களை படைத்து தன்னுடைய வல்லைமையின் பெரும் பகுதியை ஒரு இடத்தில் தக்க வைத்து கொள்ள பரலோகம் என்னும் இடத்தை தனக்கு உண்டு பண்ணிக் கொண்டார். ஆவியான பிதாவும், குமாரனும் ஒளி சரீரம் உடையவராய் ஆனார்கள்.

தேவன் பராசக்தியானார்.

சங்கீதம் 104.2. ஒளியை வஸ்திரமாகத் தரித்து, வானங்களைத் திரையைப்போல் விரித்திருக்கிறீர்.

வெளி 4.2. உடனே ஆவிக்குள்ளானேன்; அப்பொழுது, இதோ, வானத்தில் ஒரு சிங்காசனம் வைக்கப்பட்டிருந்தது, அந்தச் சிங்காசனத்தின்மேல் ஒருவர் வீற்றிருந்தார்.
3. வீற்றிருந்தவர், பார்வைக்கு வச்சிரக்கல்லுக்கும் பதுமராகத்துக்கும் ஒப்பாயிருந்தார்; அந்தச் சிங்காசனத்தைச்சுற்றி ஒரு வானவில்லிருந்தது; அதுபார்வைக்கு மரகதம்போல தோன்றிற்று.

ஆவி :

உணர்வுள்ள ஆவியானவர் வார்த்தையாகிய குமாரன் சொல்கிறபடி, பிதாவின் ஆசையை நிறைவேற்றும் பொருட்டு மூலப் பொருளின் மேல் அசைவாடி உலகை படைத்தார்.

2. பூமியானது ஒழுங்கின்மையும் வெறுமையுமாய் இருந்தது; ஆழத்தின்மேல் இருள் இருந்தது; தேவ ஆவியானவர் ஜலத்தின்மேல் அசைவாடிக்கொண்டிருந்தார்.

இவ்வாறு படைக்கும் போது எது உண்டாக வேண்டுமோ அது மட்டும் உண்டாகமல் கூடவே அதற்கு எதிர் பொருள்களும் உண்டாயின. தேவன் அந்த எதிர் பொருள்கள், உயிர்களோடு போராடி அவைகளை மேற்கொண்டு படைக்க வேண்டியவைகளை உண்டாக்க வேண்டியதாயிருந்தது. மூலப் பொருளானது ஜலம் என்றும் அதில் உண்டான வேண்டாதவைகள் வலு சர்ப்பம் என்றும் வேதத்தில் சொல்லப்படுகிறது. இந்து மதத்தில் இந்த மூலப் பொருள் பாற் கடல் என்று சொல்லப்படுகிறது.

சங்கீதம் 89.9. தேவரீர், சமுத்திரத்தின் பெருமையை ஆளுகிறவர்; அதின் அலைகள் எழும்பும்போது அவைகளை அடங்கப்பண்ணுகிறீர்.
10. நீர் ராகாபை வெட்டுண்ட ஒருவனைப்போல் நொறுக்கினீர்; உமது வல்லமையான புயத்தினால் உம்முடைய சத்துருக்களைச் சிதறடித்தீர்.
சங்கீதம் 74.13. தேவரீர் உமது வல்லமையினால், சமுத்திரத்தை இரண்டாகப் பிளந்து, ஜலத்திலுள்ள வலுசர்ப்பங்களின் தலைகளை உடைத்தீர்.
9. எழும்பு, எழும்பு, பெலன்கொள்; கர்த்தரின் புயமே, முந்தின நாட்களிலும் பூர்வ தலைமுறைகளிலும் எழும்பினபடி எழும்பு; இராகாபைத் துண்டித்ததும் வலுசர்ப்பத்தை வதைத்ததும் நீதானல்லவோ?
10. மகா ஆழத்தின் தண்ணீர்களாகிய சமுத்திரத்தை வற்றிப்போகப்பண்ணினதும், மீட்கப்பட்டவர்கள் கடந்துபோகக் கடலின் பள்ளங்களை வழியாக்கினதும் நீதானல்லவோ?

மேற்கண்ட வசனங்கள் செங்கடலை பிளந்த தேவனை பற்றி சொல்லுவதாக இருந்த போதிலும், படைப்பின் போது நிகழ்ந்தவைகளையும் சொல்வதாகவே நான் கருதுகிறேன்.

வானம் :

தேவன் தன்னுடைய ஆவியாகிய செறிவுள்ளதான மூலப்பொருளை வெறுமையான இடத்தில் விரித்தார். அது வானம் எனப்பட்டது.

12. தண்ணீர்களைத் தமது கைப்பிடியால் அளந்து, வானங்களை ஜாணளவாய்ப் பிரமாணித்து, பூமியின் மண்ணை மரக்காலில் அடக்கி, பர்வதங்களைத் துலாக்கோலாலும், மலைகளைத் தராசாலும் நிறுத்தவர் யார்?

சங்கீதம் 104.2. ஒளியை வஸ்திரமாகத் தரித்து, வானங்களைத் திரையைப்போல் விரித்திருக்கிறீர்.

எரேமியா (10.12,13) 51.15. அவர் பூமியைத் தமது வல்லமையினால் உண்டாக்கி, பூச்சக்கரத்தைத் தமது ஞானத்தினால் படைத்து, வானத்தைத் தமது பேரறிவினால் விரித்தார்.

(தொடரும்)