இறைவன்

Nesan · MODERATOR

எல்லாமே தேவ சித்தமா? எதற்கும் ஜெபம் வேண்டாமா?

Nesan · MODERATOR

இந்த பூமியில் நடக்கும் நன்மைதீமை எல்லாமே இறைவனின் சித்தம்தான் என்றும், ஏதோஒரு நல்ல முடிவுக்காக இறைவன் இவ்வாறு தானே தீமையை அனுமதித்து அனைத்தையும் நடத்துகிறார் என்றும், நாம் ஏதாவதுசெய்து தேவனுக்கு உதவி செய்யவேண்டிய அவசியம் இல்லை என்றும்., நாம் என்னதான் கிரியை செய்தாலும்,இறைவனின் சித்தம் எதுவோ அதுதான் நிறைவேறும் என்றும் கீழண்ட வசனங்களின் அடிப்படையில் விவாதிக்கிறார்கள் சில கிறிஸ்த்தவ சகோதரர்கள்.

ஏசா 45: ஒளியைப் படைத்து இருளையும் உண்டாக்கினேன்,சமாதானத்தைப் படைத்து தீங்கையும் உண்டாக்குகிறவர் நானே; கர்த்தராகிய நானே இவைகளையெல்லாம் செய்கிறவர்."

யோபு42:.2. தேவரீர் சகலத்தையும் செய்ய வல்லவர்; நீர் செய்ய நினைத்தது தடைபடாது என்பதை அறிந்திருக்கிறேன்.

பிர 1:13.மனுப்புத்திரர் இந்தக் கடுந்தொல்லையில் அடிபடும்படிக்குத்தேவன் அதை அவர்களுக்கு நியமித்திருக்கிறார்.

21. அந்தச் சிருஷ்டியானது சுய இஷ்டத்தினாலே அல்ல, கீழ்ப்படுத்தினவராலேயே மாயைக்குக் கீழ்ப்பட்டிருக்கிறது.

ரோம 9:18‍‍ ‍‍‍‍... ஒரு பாத்திரத்தை கனவீனமான காரியத்துக்குப் பண்ணுகிறதற்கு அவனுக்கு அதிகாரமில்லையோ?"

ஏசா 63:17 கர்த்தாவே, நீர் எங்களை உம்முடைய வழிகளை விட்டுத் தப்பிப்போகப்பண்ணி, எங்கள் இருதயத்தை உமக்குப் ப்யப்படாதபடிக்கு கடினப்படுத்துவானேன்?.

ரோமர் 11:32 எல்லார்மேலும் இரக்கமாயிருக்கத்தக்கதாக, தேவன் எல்லாரையும் கீழ்ப்படியாமைக்குள்ளே அடைத்துப்போட்டார்.

தேவனுடைய செயலைக் கவனித்துப்பார்; அவர் கோணலாக்கினதை நேர்மையாக்கத்தக்கவன் யார்?

அப் 17:26 மனுஷஜாதியான சகல ஜனங்களையும் அவர் ஒரே இரத்தத்தினாலே தோன்றப்பண்ணி, பூமியின்மீதெங்கும் குடியிருக்கச்செய்து, முன் தீர்மானிக்கப்பட்ட காலங்களையும் அவர்கள் குடியிருப்பின் எல்லைகளையும் குறித்திருக்கிறார்;

ஏசா 46:10 அந்தத்திலுள்ளவைகளை ஆதிமுதற்கொண்டும், இன்னும் செய்யப்படாதவைகளைப் பூர்வகாலமுதற்கொண்டும் அறிவிக்கிறேன்; என்ஆலோசனை நிலைநிற்கும், எனக்குச் சித்தமானவைகளை யெல்லாம் செய்வேன்

இதே கருத்தை சில இந்து சகோதரர்களும் சொல்வதை நான் கேள்விப்பட்டுள்ளேன "

அவனின்றி அணுவும் அசையாது" என்பது இந்துத்துவாவின் தத்துவம் . சில திரித்துவ சகோதரர்கள்கூட "தீமைகள் அனைத்துக்கும் காரணம் தேவன்தான்" என்றும் நம்புகின்றனர்.

இந்த கருத்துப்படி பார்ப்போமாகில்,நோவா காலத்து மனுஷர்களை இறைவன் படைக்கும்போதே அவர்கள் தீயவர்களாகவோ அல்லது தீமை செய்வார்கள் என்று அறிந்தேதான் படைத்திருப்பார். பின்னர் அவர்கள் அவரின்

திட்டப்படி தீயவர்களாகி தீமை செய்தபோதோ அவர் மனஸ்தாபபட வேண்டிய அவசியம் என்ன?

ஆதியாகமம் 6:6 தாம் பூமியிலே மனுஷனை உண்டாக்கினதற்காகக் கர்த்தர் மனஸ்தாபப்பட்டார்; அது அவர் இருதயத்துக்கு விசனமாயிருந்தது.

எந்த ஒரு மனுஷனாவது தன்னுடய சித்தம் சரியாக நிறைவேறி வருவதற்காக மனஸ்தாபபடுவானா? ஆனால் இங்கு இறைவன் மனஸ்தாபபடுகிறார் என்றால் அதை அவர் எதிர்பார்க்கவில்லை என்றே தோன்றுகிறது.

அதேபோல் சவுலை ராஜாவாக ஆக்கியதும் கர்த்தர்தான் ஆனால் அவன் கர்த்தரிட்ட கட்டளையை மீறியபோது கர்த்தர்:

நான் சவுலை ராஜாவாக்கினது எனக்கு மனஸ்தாபமாயிருக்கிறது; அவன் என்னைவிட்டுத் திரும்பி, என் வார்த்தைகளை நிறைவேற்றாமற்போனான் என்றார்; I சாமு 15:11

இங்கு சவுல் தன்னுடய வார்த்தையை மீறுவான் என்று கர்த்தருக்கு முன்னமேயே தெரிந்திருந்தால் அல்லது மீறவேண்டும் என்பது இறைவனுடைய சித்தமானால் அதேபோல் சவுல் மீறும்போது அவர் மனஸ்தாபபடவேண்டிய அவசியம் நிச்சயம் இல்லையே.

எனவே சுயசித்தம் செய்யும் மனுஷன் "மதில்மேல் பூனை" போன்றவர் அவன் எந்த பக்கம் சாய்வான் என்பது யாருக்கும் தெரியாது. எனவேதான் சவுலின் மீருதலுக்காக கர்த்தர் மனஸ்தாபபட்டிருக்க வேண்டும் என்று எடுத்துகொண்டாலும், தான் ராஜாவாகபோகும் மனுஷன் என்னசெய்வான் என்பதை சர்வவல்ல இறைவனால் முன்னால் அறியமுடியாதா? என்ற கேள்வியும் சேர்ந்தே எழுகிறதே.

இதற்க்கான விளக்கம் என்ன?

-- Edited by இறைநேசம் on Friday 15th of July 2011 03:41:06 PM

SUNDAR · மூத்த உறுப்பினர்

RE: எல்லாமே தேவ சித்தமா? எதற்கும் ஜெபம் வேண்டாமா?

SUNDAR · மூத்த உறுப்பினர்

ஒரு கம்பனி சுமார் 1லட்சம் பொருட்களை உற்பத்தி செய்யவேண்டும் என்று முன் திட்டமிட்டு 1000பேரை வேலைக்கு அமர்த்தி, ஒவ்வொருவருக்கும் சில குறிப்பிட்ட வேலையை நிர்ணயித்து பகிர்ந்து கொடுக்கிறது.

அந்த ஆயிரம்பேரில் சிலர்"இந்த கம்பனி யார் வேலை செய்தாலும் செய்யா விட்டாலும் கண்டிப்பாக தன்னுடயஇலக்கை அடைந்துவிடும்! எனவே நாமெல்லாம் வேலைசெய்வது அவசியமற்றது" என்று எண்ணிக்கொண்டு, வேலை எதுவும் செய்யாமல் மற்றவர்களையும் இடற செய்துகொண்டு இருந்தால், அது போன்றவர்களை அந்த நிர்வாகம் என்ன செய்யும் என்பதை யோசித்து பாருங்கள்.

அந்த நிர்வாகம் உங்களை தள்ளி வேறு யாரையாவது விசுவாசமானவர்களை வேலைக்கு வைத்து தன்னுடய திட்டத்தை நிச்சயம் செய்து முடிக்கும்! ஆனால் அதில் உங்களுக்கு எந்த பங்கும் பாத்திரமும் இல்லாமலே போய்விடும்,

அதுபோலவே தேவனின் திட்டங்களும்! தேவன் தன்னுடய சித்தத்தை ஒரு கழுதையை கொண்டேனும் செய்து முடித்துவிடுவார். ஆனால் "அவர் செய்து முடித்துவிடுவார்" என்று எண்ணிக்கொண்டு, நாம் தேவனின் வார்த்தைகளுக்கு கீழ்படியாமல் எதிர்த்து நடந்து நமக்கு ஒப்புவிக்கபட்ட பொறுப்புகளை தட்டிகழித்து, பிறரையும் இடரவைத்து கொண்டு இருந்தால், இறுதியில் நமக்கு அதற்க்கான தண்டனை கிடைப்பதோடு, தேவன் அருளும் நன்மையில் நமக்கு பங்கும் பாத்திரமும் இல்லாமல் போகும்! அதற்க்கு அனேக உதாரணங்கள் வேதத்தில் உண்டு!

மகிமையான ஒரு தூதன் எவ்வாறு ஆகாதவன் ஆகிபோனான்?

பிறரை காப்பாற்றுவதர்க்காக தேவனால் அபிஷேகம் பெற்றவன் தனக்கு நிர்ணயிக்க ப்பட்ட கடமையை செய்யாமல் பாவம்செய்தான்

எசேக்கியேல் 28:16 உன் கொடுமை அதிகரித்து நீ பாவஞ்செய்தாய்; ஆகையால் நான் உன்னை தேவனுடைய பர்வதத்திலிருந்து ஆகாதவனென்று தள்ளி, காப்பாற்றுகிற கேருபாய் இருந்த உன்னை அக்கினிமயமான கற்களின் நடுவே இராதபடிக்கு அழித்துப்போடுவேன்.

அதனால் தன்னுடய மகிமையான நிலையைவிட்டு தள்ளப்பட்டு சாத்தானாகி போனான். "அதுவும் தேவனுடய சித்தம்தான்" என்று சிலர் எண்ணினால். அவன் தள்ளப்படுவதுபோல் அக்கினி கடலில், அவனோடு சேர்த்து நித்தியத்துக்கு தள்ளப்படுவதும் தேவனின் நியமணம்தான்!

வெளி 20:15 ஜீவபுஸ்தகத்திலே எழுதப்பட்டவனாகக் காணப்படாதவனெவனோ அவன் அக்கினிக்கடலிலே தள்ளப்பட்டான்.

தேவனை பெரியதாக உயர்துவதுபோல் ஒரு மாயத்தோற்றத்தை ஏற்பட்டுத்தி "தேவன் பெரியவர்! நடப்பது எல்லாமே தேவசித்தம், நான் தவறு செய்வதும் தேவ சித்தம்" என்ற தவறான ஒரு கருத்தை போதித்து பாவத்தை விட்டு விலகியோட மனதில்லாமல், தானும் இடருவதோடு அடுத்தவரையும் இடறவைப்போர்கவனிக்க வேண்டியது!

கர்த்தர் நினைத்துகூட பார்த்திராத சில காரியங்களை மனுஷர்கள் செய்திருக் கிறார்கள் என்பதை நமக்கு கீழ்கண்ட வசனம் சொல்கிறது!

எரேமியா 7:31 தங்கள் குமாரரையும் தங்கள் குமாரத்திகளையும் அக்கினியிலே தகனிக்கிறதற்காக, அவர்கள் இன்னோம் குமாரனின் பள்ளத்தாக்கிலுள்ள தோப்பேத்தின் மேடைகளைக் கட்டினார்கள்; அதை நான் கட்டளையிடவுமில்லை, அது என் மனதில் தோன்றவுமில்லை.

தேவன் மனதிலேயேதோன்றாத காரியங்களை தேவசித்தப்படிதான் மனிதன் செய்கிறான் என்பது மிகப்பெரிய அபந்தம்!

தேவன் விரும்பாததை மனுஷன் செய்யமுடியும்என்பதை கீழ்கண்ட வசனம் நமக்கு எடுத்துரைக்கிறது:

ஏசாயா 66:4 நான் கூப்பிட்டும் மறுஉத்தரவுகொடுக்கிறவனில்லாமலும், நான் பேசியும் அவர்கள் கேளாமலும், அவர்கள் என் பார்வைக்குப் பொல்லாப்பானதைச் செய்து, நான் விரும்பாததைத் தெரிந்து கொண்டதினிமித்தம், நானும் அவர்களுடைய ஆபத்தைத் தெரிந்துகொண்டு, அவர்களுடைய திகில்களை அவர்கள்மேல் வரப்பண்ணுவேன்.

"தேவன் விரும்பாததை தேவசித்தப்படிதான் மனிதன் செய்கிறான்" என்று விளக்குவது எவ்விதத்திலும் சரியான கருத்து அல்ல!

கீழ்கண்ட வசனத்தை பார்த்தால் மேலும் சில உண்மைகளை அறியலாம்!

I சாமுவேல் 2:35 நான் என் உள்ளத்துக்கும் என் சித்தத்துக்கும் ஏற்றபடி செய்யத்தக்க உண்மையான ஒரு ஆசாரியனை எழும்பப்பண்ணி, அவனுக்கு நிலையான வீட்டைக் கட்டுவேன்;

அப்படியெனில், பல ஆசாரியர்கள் தேவனின் உள்ளத்துக்கும் சித்தத்துக்கும் ஏற்றத்தை செய்யவில்லை என்பதை அறியமுடிகிறது!

"தேவனுடய சித்தத்துக்கும் விருப்பத்துக்கும் விரோதமாக மனுஷன் கிரியை செய்யமுடியும்" என்பதை நாம் இன்னும் அனேக வசனங்கள் மூலம் அறிய முடியும்!

இவ்வாறு தேவனுடய சித்தத்துக்கு விரோதமாக செயல்படுபவர்கள் தேவனின் நியமணத்தின் அடிப்படையில் தண்டிக்கப்படுவார்கள்! நாம் நம் சுய தெரிவின் அடிப்படையில் செய்யும் ஒவ்வொரு காரியம் தேவனுக்கு முன்னமே தெரிந்தாலும் தெரியாவிட்டாலும் அதற்க்கு அந்த காரியத்தை செய்தவனே பொறுப்பாளி

என்பதை அறியவேண்டும்!

வேதபுத்தகத்தில் உள்ள மனுஷர்களில் அநேகர் அவரவர்செய்த பாவங்களினிமித்தம் தேவனால் தண்டிக்கப்பட்டுள்ளனர்! அதில்எங்குமே தேவன், "இவன் என் சித்தப்படி தான் செய்தான்" என்று சொல்லி அவனை தண்டிக்காமல் விடவில்லை. மாறாக,

எசேக்கியேல் 18:13 எல்லா அருவருப்புகளையும் செய்தானே; அவன் சாகவேசாவான்; அவன் இரத்தப்பழி அவன்மேல் இருக்கும்.

"அருவருப்புகளை செய்தவன் சாகவேசாவான்" என்று கர்த்தர் திட்டமாக சொல்கிறார். ஆதி திருச்சபையில் "ஆனநியாவும் சப்பீராளும் என்னுடைய சித்தப்படிதான் என்னிடத்தில் பொய் சொல்ல துணிந்தார்கள் எனவே அவரளுக்கு தண்டனை இல்லை" என்று தேவன் சொல்லவில்லை!

அப் 5 : 9. பேதுரு அவளை நோக்கி: கர்த்தருடைய ஆவியைச் சோதிக்கிறதற்கு நீங்கள் ஒருமனப்பட்டதென்ன? இதோ, உன் புருஷனை அடக்கம்பண்ணினவர்களுடைய கால்கள் வாசற்படியிலே வந்திருக்கிறது, உன்னையும் வெளியே கொண்டுபோவார்கள் என்றான். 10. உடனே அவள் அவனுடைய பாதத்தில் விழுந்து ஜீவனை விட்டாள்

தேவ ஆவியானவர் முன்னால் ஒரு பொய் சொன்னதற்கு கிடைத்த தண்டனையே இவ்வளவு பெரிதாக இருக்கிறது!

சரி! நடப்பது எல்லாமே தேவனின் சித்தமாகவே அவர் அறிந்து திட்டமிட்டு செய்வதாகவே இருந்தாலும்கூட , தேவன் எந்த காரியத்துக்கு யாரை நியமித்திருக்கிறார் என்பது யாருக்குமே தெரியாது. இயேசுவை காட்டிகொடுக்க யூதசைதான் தேவன் நியமித்தார் என்பது முதலில் யாருக்குமே தெரியாது. இந் நிலையில் நாம் தேவனுக்கு பயந்து அவருடய வார்த்தைகளுக்கு கீழ்படிந்து வாழ முயற்ச்சிப்போம்! மற்றபடி நம்மீதான தீர்மானம் எதுவாக இருந்தாலும் அவர் சித்தப்படி செய்துவிட்டுபோகட்டும்!

மாறாக, "அவருக்கு எல்லாமே தெரியும்" "நான் இப்படிதான் செய்ய வேண்டும் என்பது தேவனுடய சித்தம்" "எல்லோரும் பாவி என்பது தேவனுக்கு தெரியும்" என்பது போன்று எண்ணிக்கொண்டு, தேவனுக்கு கீழ்படியாமல் காரியத்தை செய்வோமாகில், தண்டனைக்கு தப்பமுடியாது என்பது நிதர்சனமான உண்மை!

SUNDAR · மூத்த உறுப்பினர்

எல்லாமே தேவ சித்தமா? எதற்கும் ஜெபம் வேண்டாமா?