இறைவன்

SUNDAR · மூத்த உறுப்பினர்

தேவ ஊழியர்களை /ஆவிக்குரியவர்களை குறைகூறுதல்!

SUNDAR · மூத்த உறுப்பினர்

சில வகை பிசாசுகளின் செயல்பாடுகள்!

SUNDAR · மூத்த உறுப்பினர்

ஆண்டவரின் கடிந்து கொள்தலில் அறிந்துகொண்ட சில காரியங்கள்!

உண்மையாக ஆத்துமாகளின் மேலுள்ள பரிதபிப்பில் ஆண்டவருக்காக ஆத்துமாக்களை ஆதாயப்படுத்தும் பணியில் ஈடுபடும் ஒருவர், மேலே பட்டியலிடப்பட்ட ஓரிரு செயலை செய்தாலும் அதில் குற்றம் கண்டு பிடிக்கப்படமாட்டாது. ஏனெனில் அழிவுக்கு நேரான ஒரு ஆத்துமாவை ஆதாயப்படுத்தற்கு முன்னால் இந்த உலகவேலைகள் எல்லாம் ஒன்றுமே இல்லை

உலக வேலையில ஈடுபட்டு பிறமனிதர்களுக்கு ஊழியம் செய்து சம்பாதிக்கும் என் போன்றவர்களை விட, உண்மையாக தேவனுடைய ராஜ்ஜியம் கட்டப்படவேண்டும் என்ற உண்மை வாஞ்சையில் உலக வேலையை உதறி தள்ளிவிட்டு ஊழியம் செய்பவர்கள், பிறரது காணிக்கையில் வாழ்வதில் எந்த தவறும் இல்லை

I கொரிந்தியர் 9:14 அந்தப்படியே சுவிசேஷத்தை அறிவிக்கிறவர்களுக்குச் சுவிசேஷத்தினாலே பிழைப்பு உண்டாகவேண்டுமென்று கர்த்தரும் கட்டளையிட்டிருக்கிறார்.

மனிதர்களுக்கு ஊழியம் செய்யம் ஒருவர் தேவனுக்கு ஊழியம் செய்யும் ஒருவரை குறைகூற எவ்விதத்திலும் தகுதியற்றவர். அவர்களுக்காக கொடுக்கும் ஒவ்வொரு காசுக்கும் நிச்சயம் அதற்க்கான பலன் நமக்கு கிடைக்கும்

மத்தேயு 10:42 சீஷன் என்னும் நாமத்தினிமித்தம் இந்தச் சிறியரில் ஒருவனுக்கு ஒருகலசம் தண்ணீர் மாத்திரம் குடிக்கக் கொடுக்கிறவனும் தன் பலனை அடையாமற்போகான் என்று மெய்யாகவே உங்களுக்குச் சொல்லுகிறேன் என்றார்

நான் பார்க்கும் இந்த உலக வேலைக்கே என் முதலாளியாகிய மனுஷனிடம் இருந்து எனது வாழ்க்கைக்கு தேவையான பணம் பெறும்போது, தேவாதி தேவன் தனது ஊழியக்காரர்களுக்கு எவ்விதத்திலாவது தேவையான பணத்தை கொடுக்க போதுமானவர்.

மேலே சொல்லப்பட்ட குறைகள் உள்ள ஒரு ஊழியரிடமோ விசுவாசியிடமோ தெரியுமாகின் உனக்கு அவர்களுக்கு பணம் கொடுத்தால் அதை தேவனுக்கு கொடுப்பதாக நினைத்து கொடுக்க வேண்டும், கொடுக்க விருப்பம் இல்லை என்றால் எந்த குறையும் கூறாமல் விலகிவிடுவதே நல்லது. தானும் ஊழியங்களுக்கு பணம் கொடுக்காமல் கொடுப்பவர்களையும் இடற செய்வது மிகுந்த பாவத்தையும் தண்டனையையும் கொண்டுவரும்

நான் அல்லது நீங்கள் கொடுக்கவில்லை என்றால் எந்த உழியக்காரர்களும் தாங்க ஆளில்லாமல் தவிக்க போவது இல்லை ஏதாவது கல்லைக்கொண்டாவது காகத்தை
கொண்டாவது கூட அவர்களுக்கு தேவையானதை கொடுத்து அவர்களை பாதுகாக்க தேவனுக்கு தெரியும்.

பணத்தின்மேல் ஆசைகொண்டு விசுவாசத்தைவிட்டு விலகி போவது தான் பாவம்! மற்ற எல்லா காரியங்களுக்கும் தண்டிப்பதோ அல்லது அதை அனுமதிப்பதோ தேவனின் விருப்பம். அவர்களை குறைகூற நமக்கு அனுமதி இல்லை.

பொதுவாக தேவன் தனது ஊழியக்காரர்கள் மேல் வைராக்கியம் உள்ளவராக இருக்கிறார். அவர்களை தண்டிப்பது தட்டிகொடுப்பதும் தேவனின் விருப்பம் இங்கு நாம் தலையிட்டு குறைகூறுவது ஏற்றதல்ல!

ரோமர் 14:4 மற்றொருவனுடைய வேலைக்காரனைக் குற்றவாளியாகத் தீர்க்கிறதற்கு நீ யார்? அவன் நின்றாலும் விழுந்தாலும் அவனுடைய எஜமானுக்கே அவன் உத்தரவாதி; அவன் நிலைநிறுத்தப்படுவான்; தேவன் அவனை நிலைநிறுத்த வல்லவராயிருக்கிறாரே

உலகத்துக்கடுத்த அலுவல்களில் மாட்டிகொண்டு சம்பாதித்து உண்பவன், தான் தேவ ஊழியக்காரரை விட உயர்ந்தவன் எற்று எவ்விதத்திலும் மார்தட்டவேண்டாம்!

ஏசாயா 66:14 கர்த்தருடைய ஊழியக்காரரிடத்தில் அவருடைய கரமும், அவருடைய சத்துருக்களிடத்தில் அவருடைய சினமும் அறியப்படும்

SUNDAR · மூத்த உறுப்பினர்

RE: தேவ ஊழியர்களை /ஆவிக்குரியவர்களை குறைகூறுதல்!

SUNDAR · மூத்த உறுப்பினர்

இந்த திரி இன்னும் முடிவு பெறாமல் இருப்பதால் எனது கருத்துக்கான அடிப்படை புரிதலை இங்கு விளக்கிவிடுவது நல்லது என்று கருதுகிறேன்.

I கொரிந்தியர் 2:15 ஆவிக்குரியவன் எல்லாவற்றையும் ஆராய்ந்து நிதானிக்கிறான்; ஆனாலும் அவன் மற்றொருவனாலும் ஆராய்ந்து நிதானிக்கப்படான்.

இவ்வசனத்தின் இரண்டு பகுதிகள்:

1. ஆவிக்குரியவன் எல்லாவற்றையும்யும் நிதானிக்கிறான்.

2. ஆனாலும் அவன் மற்றொருவரால் ஆராய்ந்து நிதானிக்கப்படான்.

இங்கு எழும் கேள்வி:

எல்லாவற்றையும் நிதானித்தரியும் ஆவிக்குரியவனால் ("மற்றொருவனாலும் நிதானிக்க முடியாது" என்று வசனம் சொல்லும்) இன்னொரு ஆவிக்குரியவனை நிதானிக்க முடியுமா?

அல்லது

மற்றோருவாராலும் நிதானித்து அறிய முடியாத ஆவிக்குரியவனை எல்லாவற்றையும் நிதானித்து அறியும் ஆவிக்குரியவன் நிதானிக்க முடியுமா?

இங்கு வசனம் மிகத்தெளிவாக சொல்கிறது

ஆவிக்குரியவனால் எல்லாவற்றையும் ( all things - எல்லா காரியங்களையும் எல்லோரையும் அல்ல) நிதானித்து அறியமுடியும்.ஆனால் அந்த ஆவிக்குரியவனை மற்றோருவனால்லும் ( no one. இன்னொரு ஆவிக்குரியவனாக இருந்தாலும் நிதானித்து அறிய முடியாது என்பதுதான் இதன்பொருள் என்று நான் கருதுகிறேன்.

இதன் தொடர்ச்சியாக வேத அடிப்படையில் ஒரு உதாரணமும் நடைமுறை உதாரணம் ஒன்றும் பார்க்கலாம்!

நடைமுறை உதாரணம்.

சகோ. எசேக்கிய பிரான்சிஸ் அவர்களின் ஆவி அபிஷேக திட்டத்துக்கு கட்டணம் நியமித்ததை எடுத்துகொள்ளலாம்.

ஆவிக்குரிய மனிதனாகிய அவர் அந்த திட்டத்துக்கு செலவாகும் கால அளவு / செலவாகும் தொகை மற்றும் உணவு இருப்பிடம் தொடர்ந்து அதனால் எதிர் காலத்தில் பெருகப்போகும் கர்த்தரின் சேனைகள் மற்றும் உழியர்கள், சொல்லப்பட போகும் சுவிஷேகம் போன்ற அனைத்தையும் ஆவியில் நிதானித்து அறிந்து ஒரு திட்டத்தை வெளியிடுகிறார்.

அவரது திட்டத்தின் அனைத்து காரியங்களையும் முழுமையாக அறியாத நம் போன்றவர்களால் அவரை வசனம் சொல்வதுபோல் நிதானித்து அறியமுடியாது!. அவ்வாறு இருக்கையில் அவரை அவரது திட்டத்தை குறைசொல்வது வசனத்தின் அடிப்படையில் ஏற்றதா?

வேத அடிப்படையில் உதாரணம்!

ஆவிக்குரியவராகிய பவுல் எழுதிய அனேக காரியங்களை ஆவிக்குரிய அப்போஸ்த்தலனான பேதுருவாலேயே அறிவதற்கு அரிதாகவும் நிதானிக்க முடியாததாகவும் இருந்தது! ஆகினும் அதை குறை எதுவும் கூறாமல் மற்றும் தவறாக எதுவும் விமர்சிக்காமல் கீழ்கண்டவாறு கூறுகிறார்.

II பேதுரு 3:16 எல்லா நிருபங்களிலும் இவைகளைக்குறித்துப் பேசியிருக்கிறான்; அவன் சொன்னவைகளில் சில காரியங்கள் அறிகிறதற்கு அரிதாயிருக்கிறது

ஒருவருடைய அனுபவமோ அல்லது ஒருவருக்குள்ள வெளிப்பாடோ இன்னொரு வருக்கு இல்லை என்றால் உடனே அவரை தவறாக விமர்சிப்பது ஏற்றதல்ல என்பது எனது கருத்து. ஆண்டவரின் நாமத்துக்கு பங்கம் வராமல் அவரின் ஏவுதலின் அடிப்படையில் ஒருவர் செய்யும் எவ்வித காரியமும் தவறல்ல, அதனால் ஏற்ப்படபோகும் நன்மை தீமைகளை நிதானிக்க நமக்கு போதிய ஞானம் இல்லை என்றே நான் கருதுகிறேன்.

எவ்வாறேனும் ஆண்டவரின் நாமம் மகிமைப்பட வேண்டும்! அதுவே எல்லோரின் எதிர்பார்ப்பும்.

(சமீபத்தில் வலைத்தளத்தில் உள்ள கருத்துக்களை படித்து ஒரு அருமை இந்து சகோதரர் தன் நண்பர்களுடன் என்னை சந்திக்க வந்தார். அவரிடம் நான் "நீங்கள் முதலில் இயேசுவை சொந்த ரட்சகராக ஏற்றுக் கொள்ள வேண்டும்" என்று கூறினேன். அதற்க்கு அவர் வலைத்தளம் முழுவதும் உங்களுக்குள்ளேயே வாக்கு வாதமும் ஒருவரை குறைத்து ஒருவரும், ஒருவரின் திட்டத்தை இன்னொருவர் விமர்சித்தும் ஒருவர் அனுபவத்தை இன்னொருவர் பரிச்கசித்தும் பதிவுகளை இட்டுக்கொண்டு இருக்கும்போது, யாரிடம் என்போன்றவர்கள் உண்மையை அறிவது? முதலில் நீங்கள் ஒரு முடிவுக்கு வாருங்கள் என்று பதில் தந்தார்

அந்த அன்பருக்கு ஒராவ்ளவு சரியான பதில் எழுதி அனுப்பிவிட்டாலும், நாம் முடிந்த அளவு சக ச்கோதரர்களையும் அவர்களது திட்டம் மற்றும் போதனைகளை அனைத்துமத அன்பர்களும் வந்துபோகும் பொதுவான தளங்களில் தனிப்பட்ட முறையில் விமர்சிப்பதை தவிர்க்கலாம் என்பது எனது கருத்து. பொதுவான கட்டுரைகள் மூலம் புரிய வைக்க முயற்சிப்பதே நல்லது என்று கருதுகிறேன்

(இல்லை எனக்கு அந்த தகுதி இருக்கிறது தேவையான ஆதாரம் இருக்கிறது
என்று ஒருவர் கருதுவாராகில் அதில் நான் தலையிட விரும்பவில்லை)

நன்றி!

SUNDAR · மூத்த உறுப்பினர்

தேவ ஊழியர்களை /ஆவிக்குரியவர்களை குறைகூறுதல்!

SUNDAR · மூத்த உறுப்பினர்

RE: தேவ ஊழியர்களை /ஆவிக்குரியவர்களை குறைகூறுதல்!