இறைவன்

SUNDAR · மூத்த உறுப்பினர்

பரலோகம்/பாதாளம் மனுஷன் காண்பது சாத்தியமா?

SUNDAR · மூத்த உறுப்பினர்

ஸ்தேவானின் அனுபவம்:

அடுத்ததாக பூமியில் இருக்கும்போதே பரலோக தேவமகிமையையும் அவரது குமாரனையும் பார்க்கும் பக்கியம்பெற்ற இரத்த சாட்சியாகிய தேவானின் அனுபவம் பற்றி பார்க்கலாம்:

அப்போஸ்தலர் 7: 55. அவன் (ஸ்தேவான்) பரிசுத்த ஆவியிலே நிறைந்ததவனாய், வானத்தை அண்ணாந்துபார்த்து: தேவனுடைய மகிமையையும், தேவனுடைய வலதுபாரிசத்தில் இயேசு நிற்கிறதையும் கண்டு;
56. அதோ வானங்கள் திறந்திருக்கிறதையும், மனுஷகுமாரன் தேவனுடைய வலதுபாரிசத்தில் நிற்கிறதையும் காண்கிறேன் என்றான்.

பரிசுத்த ஆவியினால் ஒருவன் வல்லமையாக நிரப்பப்படும்போது கண்கள் திறக்கபட்டு மாம்சகண்கள் பார்க்கும் காரியங்களுக்கு மேலான காரியங்களை பூமியில் இருந்தே பார்க்க முடியும் என்பதை இவ்வார்த்தைகள் நமக்கு தெரிவிக்கின்றன.

பரிசுத்த ஆவி என்பது நமக்கு கொடுக்கப்படும் ஒருசிறு அக்கினி பொறி போன்றது. அது தேவனோடு நமக்கு ஒரு உறவு நிலை /தொடர்பு இருப்பதற்கான ஆதாரம்தான். ஆனால் அந்த ஒரு சிறுதொடர்பு நிலையின் மூலம் நாம் அளவில்லாத தேவ ஆவியினால் நிரப்பபட்டு அபூர்வ நிலையையும் அடையவும் அதிசய காரியங்களை பார்க்கவும் முடியும். அதே நேரத்தில் எந்த அனலும் இல்லாமல் அலட்சியமாக இருந்து பெற்ற ஆவியை மட்டுபடுத்தி புதைத்து வைப்பதுபோல் வைத்துவிட்டு ஒரு சிறு ஆவிக்குரிய வெளிப்பாடோ அனுபவமோ கூட இல்லாமலும் இருக்கமுடியும். அது நமது விசுவாச நிலையிலும் கீழ்படிதலிலும்தான் இருக்கிறது.

வேதம் இவ்வளவு தெளிவாக ஸ்தேவான் பரிசுத்த ஆவியில் நிறைத்து தேவ மகிமையையும் இயேசுவையும் கண்டான் என்று கூறும்போது இங்கு அனுபவம் இல்லாதவர்கள் அனுபவபட்டவர்களை பொய்யார்க்க என்று வர்ணிப்பது சற்றேனும் ஏற்றதா? அவர்கள் ஒருவளை பொய்யர்களாக இருந்தால் கூட இக்காரியங்கள் வேத வசனத்தின் அடிப்படையில் சாத்தியமாக இருக்கும்போது நம்மால் உறுதியாக அவர்களை பொய்யர்கள் என்று கூறிவிட முடியாது என்பதே எனது கருத்து.

உங்கள் மன கடினத்துக்காகவே தேவன் உங்களுக்கும் ஒன்றையும் வெளிப்படுத்த விரும்ப வில்லையேஅன்றி தரிசனங்களை கண்டவர்கள் பொய்யர்கள் அல்ல தேவனிடம் மனம் கசந்து அழுங்கள் ஒருவேளை உங்களுக்காக இரங்கி உண்மைகளை உணர்த்தலாம்.

எப்பொழுது ஒருவர் ஆண்டவரை பற்றிய காரியத்தில் தீர்மானமாக இவ்வளவுதான் இதற்குமேல் ஒன்றும் இல்லை. நான் அறிந்துகொண்டதுதான் சரி அதற்குமேல் ஒன்றுமேயில்லை என்று கருதி அடுத்தவர்கள் கருத்தை மதிக்காமல் பெரிய வியாக்கீனம் கொடுக்க ஆரம்பிதுவிடுகிரானோ அன்றோடு அவனது ஆவிக்குரிய நிலை பளுதடைந்துவிடும் என்பதை கருத்தில் கொள்க.

தேவனிடமிர்ந்து ஒன்றைஅறிய மிகுந்த தாழ்மை அவசியம்! மாய்மாலமான தாழ்மை அல்ல, குழந்தை போன்ற தாழ்மை அவசியம்!

SUNDAR · மூத்த உறுப்பினர்

யோவானின் அனுபவம்!

அடுத்ததாக நாம் பார்க்கபோவது திவ்ய வாசகனாகிய யோவானின் அனுபவம். யோவான் அனேக தரிசனங்களை கட்டு எழுதினான் அதில் பரலோக தரிசனமும் அடங்கும். இத்தரிசனங்களை அவன் காணும் முன்னர் ஆவிக்குள்ளாக்கப்பட்டான் என்று வேதம் சொல்கிறது.

வெளி 1: 10. கர்த்தருடைய நாளில் ஆவிக்குள்ளானேன்

தேவனால் முற்றிலும் ஆவிக்குள்ளாக்கபட்ட மனிதன் இயற்க்கைக்கு அப்பாற்ப்பட்ட விதமாக தரிசனங்களை காண முடியும் என்பதை யோவானின் அன்பவம் உணர்த்துகிறது.

ஆவிக்குள்ளக்கப்பட்ட யோவான்:

1. இயேசுவை மகிமை அடைந்தவராக காண்கிறான் (1:13)

2. சபைகளின் தூதர்களை குத்துவிளக்குகலாக காண்கிறான் (1:20௦)

3. பரலோகம் திறக்கப்பட்டிருப்பதை பார்க்கிறான் (4:1 )

4. சிங்காசனத்தின் மீது வீற்றிருப்பவரை காண்கிறான் (4:3)

5. தேவனின் ஏழு ஆவிகளாகிய அக்கினி தீபங்களை காண்கிறான் (4:5)

இப்படி ஆரம்பித்து இன்னும் அனேக காரியங்களை அவன்கண்டு எழுதுகிறான். இது நமக்கு ஒரு சாட்சியாக இருக்கிறது. தேவனால் ஆவிக்குள்ளக்கப்பட்ட ஒருவர் பரலோகத்தையும் அங்கு நடப்பவைகளையும் ஆவியில் உணர்ந்து பார்க்க முடியும் என்ற உண்மையை இது உணர்த்துகிறது.

மேலும் ஆவிக்குள்ளன ஒருவன் காணும் பொருள் அறியமுடியாத காட்சிகள் எல்லாமே அவனுக்கு விளக்கி சொல்லப்படும். அவர்கள் கேட்கும் பாஷைக்கு பொருள் இருதயத்திலேயே சொல்லிகொடுக்கப்படும்.தேவன் ஒருவருக்கு போதிக்க நினைத்தால் அவர் எப்படி வேண்டுமானாலும் அவனுக்கு போதித்துவிட முடியும். தேவன் ஒருவருக்கு ஒன்றை காண்பிக்க நினைத்தல் அவர் எப்படி வேண்டுமானாலும் காண்பித்துவிட முடியும்.

வசனப்படி இதுவெல்லாம் சாத்தியமாக இருக்கும் பட்சத்தில், இப்படிப்பட்ட ஒரு உன்னதமான அனுபவம் இல்லாமல் வெறும் விசுவாசத்தில் மட்டும் வாழும் ஒருவர் பிறரின் அனுபவங்களை அவமதிக்க வேண்டாம்! என்பதே எனது வேண்டுகோள்!

(சிலர் பொய்யான சில காரியங்களை தாங்கள் அனுபவமாக கூறினாலும் அதன் உண்மை தன்மை நமக்கு தெரியாத பட்சத்தில் அதை திட்டமாக தீர்ப்பு செய்வது சரியான செயல்அல்ல)