இறைவன்

வேதத்திலே தீர்கதரிசனங்கள்  ஒன்றும் சுயதோற்றம் உடையதாய் இராமல் தேவனுடைய ஊழியகார்கள் தேவ ஆவியினால் ஏவப்பட்டு தீர்கதரிசனங்கள் சொன்னார்கள் என்று குரிபிடபட்டுள்ளதே.

  

நான் ஒரு விடுதலை நற்செய்தி கூட்டத்திற்கு சென்றிருந்தேன். அந்த கூட்டத்தின் இறுதியில் ஒரு ஊழியக்காரர் ஜெபிக்கும்போது அநேகருடைய பெயரை சொல்லி அனேக காரியங்களை சொன்னார். அனேக தரிசனங்களையும் சொன்னார்.

எனக்கு அவரிடத்தில் ஒரு கேள்விகேக்க வேண்டும் என்று இருந்தது ஒருவேளை நான் நான் கேட்பதை அவர் தவறாக புரிந்துகொண்டால் நான் பரியாசம் செய்கிறவனாய் தோன்றுமோ என்று எண்ணி கேட்கவில்லை எனக்கு ஏற்பட்ட இந்த சந்தேகத்தை இங்கே பதிவிட்டால் அதற்கான பதிலை தெரிந்து கொள்ளலாம் என்று நினைக்கிறன்.

தல சகோதர்கள் தங்களுக்கு தெரிந்த விளக்கத்தை வசன ஆதாரத்துடன் தந்தால் என்னை போன்ற அநேகருக்கு பயன்படும் என்று நினைக்கிறன்.

என்னுடைய சந்தேகம் 

பெயர் சொல்லி அழைகிரார்களே..! இந்த பெயர்  எப்படி அவர்களுக்கு தெரியும் ..? அது அவர்களுக்கு முன்பாக எழுதபட்டு  இருக்குமோ ..! அல்லது தங்களை அறியாமலே தங்கள் நாவில் இருந்து வருமா...? அல்லது தேவன் அவர்களுக்கு சொல்லுவாரோ...?

 

நான் இப்போது இதை காண்கிறேன். என்று சொல்லுகிற காரியங்கள் சில உண்மையாகவும் இருக்கிறது சிலது பொய்யாகவும் இருக்க வாய்ப்பு இருக்கிறது. இதை எப்படி இனம்கண்டுகொள்வது.

 

நான் எந்த நோக்கதுடன் இதை பதிவிடுகிறேன் என்பதை கர்த்தர் அறிவர் (இருதயங்களை ஆராய்கிறவர்) பரியாசம் செய்வதற்காக இல்லை ..! குற்றம் சொல்ல்வதர்காகவும் இல்லை,..! எனக்கு நீண்ட நாட்களாக இதை பற்றி அறிந்து கொள்ள ஆவல் யாரிடதிலாகிலும் கேட்டால் நம்மை தவறாக புரிந்து கொள்வார்களோ என்று எண்ணி அமைதியாக இருந்து விட்டேன்.

ஆனால் இத்தளத்தில் பதிவிடும் சகோதர்கள் அனேக காரியங்களை மிக தெளிவாக அன்போடு சொல்லுகிரபடியல் நான் இங்கு ஏன் சந்தேகத்தை முன் வைக்கிறேன்.

 

பதிலுக்காக ஆவலுடன் காத்திருக்கிறேன்.