இறைவன்

SUNDAR · மூத்த உறுப்பினர்

வாழ்வின் துன்பங்களுக்கான காரணத்தை கண்டறிதல்!

Nesan · MODERATOR

வாழ்வில் வரும் துன்பங்கள் தொல்லைகள் குறித்து பிரசங்கி இவ்வாறு சொல்கிறார்:

பிரசங்கி 1:13 மனுபுத்திரர் இந்தக் கடுந்தொல்லையில் அடிபடும்படிக்கு தேவன் அதை அவர்களுக்கு நியமித்திருக்கிறார்.

பிரசங்கி 9:2.எல்லாருக்கும் எல்லாம் ஒரேவிதமாய்ச் சம்பவிக்கும்; சன்மார்க்கனுக்கும் துன்மார்க்கனுக்கும், நற்குணமும் சுத்தமுமுள்ளவனுக்கும் சுத்தமில்லாதவனுக்கும், பலியிடுகிறவனுக்கும் பலியிடாதவனுக்கும், ஒரேவிதமாய்ச் சம்பவிக்கும்; நல்லவனுக்கு எப்படியோ பொல்லாதவனுக்கும் அப்படியே; ஆணையிடுகிறவனுக்கும் ஆணையிடப் பயப்படுகிறவனுக்கும் சமமாய்ச் சம்பவிக்கும்.

தேவன் இங்கு நியமிதபடிதான் இவைகள் எல்லாம் நடக்கிறது என்றும், சன்மார்க்கர் துன்மார்க்கர் எல்லோருக்கும் சமமாகவே சம்பவிக்கிறது என்று வசனம் கூறுகிறது.

நமது இரட்சகராகிய இயேசுகூட:

யோவான் 16:33 உலகத்தில் உங்களுக்கு உபத்திரவம் உண்டு, ஆனாலும் திடன்கொள்ளுங்கள்; நான் உலகத்தை ஜெயித்தேன் என்றார்.

என்றுதானே சொல்லி சென்றிருக்கிறார். இந்நிலையில் துன்பங்களுக்கான காரணத்தை கண்டறிந்து அவைகள் வராமல் தவிர்ப்பது சாத்தியமா என்ற கேள்வி எழுகிறதே.

SUNDAR · மூத்த உறுப்பினர்

RE: வாழ்வின் துன்பங்களுக்கான காரணத்தை கண்டறிதல்!

Rajan26 · இளையவர்

பெரும்பான்மையான துன்பத்துக்கு மனிதரே காரணம்!!! அவர்கள் போர்கள் தொடுக்கிறார்கள், பெருங் குற்றங்களை செய்கிறார்கள். சூழ்நிலைகளைச் தூய்மைக்கேடு செய்கிறார்கள், சகமனிதர்களின் அக்கறையும் அன்பும் இல்லாமல் பேராசைனால் தூண்டப்பட்ட ஒரு முறையில் பெரும்பாலும் தொழில் நடத்துகிறார்கள், மேலும் தங்கள் உடல் நலத்துக்கு தீங்கு உண்டாக்கக் கூடும்மென்று தாங்கள்

அறிந்துள்ள பழக்கங்களில் மனம்போனபோக்கில் சில சமயங்களில் ஈடுபடுகின்றனர். இவற்றை அவர்கள் செய்கையில், மற்றவர்களுக்கும் தங்களுக்கு தாங்கலேஉம் தீங்கு செய்கிறார்கள். மனிதர் தாங்கள் செய்பவற்றின் இயல்பான விளைவுகளால் தாக்கப் படாமல் காக்கப்பட்டிருக்க வேண்டுமென்று எதிர்பார்க்க வேண்டுமா?

(கலா 6 :7 நீதி 1: 30௦-33 ) மனிதர் தாமே செய்யும் இந்தக் காரியங்களுக்காக கடவுளைக் குற்றம் சாட்டுவது நியாயமா?

Nesan · MODERATOR

மனுஷன் ஒரு தீமையான காரியத்தை செய்கிறான் என்றால், அதை மனுஷனே தனது சொந்த மூளையால் செய்கிறானா? அல்லது அவனுக்கு சாத்தான் புகுந்து அப்படி ஒரு தீமையை செய்ய வைக்கிறானா? என்பதை விளக்க முடியுமா?

சாத்தான் இருதயத்தை நிரப்பியதால்தான் அன்னிய சப்பீராள் ஆவியானவரிடம் பொய்சொல்லி வீழ்ந்தனர். சாத்தான் யூதாசினுள் புகுந்ததால்தான் அவன் இயேசுவை காட்டி கொடுத்து மாண்டான். இவ்வாறு ஒரு மனுஷனை தீமையை செய்ய தூண்டுவது சாத்தானால் நடக்கும் காரியமாகவே தெரிகிறதே.

இதில் மனுஷனின் பங்கு அல்லது தவறு என்னவெனில் நன்மை தீமையை அறிய தெரிந்திருந்தும் தீமையை விட்டு விலகாமல் அதை செய்து மாட்டிகொள்வதுவே.

சாத்தானால் தூண்டப்படும் மனுஷன் தீமையை செய்து அதன் மூலம் தனக்கு தானே குழி தோண்டி கொள்கிறான். எனவே அனைத்து துன்பத்துக்கும் அடிப்படை காரணம் சாத்தானே என்று நான் கருதுகிறேன்.

sekariam · இளையவர்

திரு சுந்தர் ஐயா,
தங்களின் "வாழ்வின் துன்பங்களுக்கான காரணத்தை கண்டறிதல்" என்ற
இந்த கட்டுரை சரியான பாதையில் தான் சென்று கொண்டுள்ளது.
மேலும் அறிய ஆவலாயிருக்கிறேன்.
தொடர்ந்து எழுதுங்கள்.

SUNDAR · மூத்த உறுப்பினர்

sekariam wrote:
திரு சுந்தர் ஐயா,
தங்களின் "வாழ்வின் துன்பங்களுக்கான காரணத்தை கண்டறிதல்" என்ற இந்த கட்டுரை சரியான பாதையில் தான் சென்று கொண்டுள்ளது. மேலும் அறிய ஆவலாயிருக்கிறேன்.
தொடர்ந்து எழுதுங்கள்.

நன்றி சகோதரரே விரைவில் தொடர்கிறேன்!

SUNDAR · மூத்த உறுப்பினர்

வாழ்வின் துன்பங்களுக்கான காரணத்தை கண்டறிதல்!

SUNDAR · மூத்த உறுப்பினர்

இந்த திரியை இன்னும் அதிகமாக இழுக்க விரும்பாமல் எனது கருத்தை சுருக்கமாக சொல்லி முடிக்க விரும்புகிறேன்.

ஒரு சாமான்ய மனிதனால் மாம்சத்தில் தானாகவே உருவாகும் ஆசைகளை ஒழிக்க முடியாது என்பது தேவனுக்கு நன்றாகவே தெரியும். எனவேதான் தன்னுடைய வார்த்தைகள் அடங்கிய வேதபுத்தகம் என்னும் ஒரு வரையறையை மனிதர்களுக்கு எழுதி கொடுத்துள்ளார். அந்த வரையறையை விட்டு வெளியே வந்து கிரியைகளை நடப்பிக்கும்போது மட்டுமே அங்கு துன்பங்கள் உண்டாகும். தேவன் நிர்ணயித்துள்ள வரையரைக்கும் எந்த ஒரு செயலை செய்தாலும் அதனால துன்பங்கள் உண்டாகாது.

உதாரணமாக: கொரிந்தியர் 7:2 வேசித்தனம் இராதபடிக்கு அவனவன் தன் சொந்த மனைவியையும், அவளவள் தன் சொந்தப் புருஷனையும் உடையவர்களாயிருக்கவேண்டும்.

என்று வசனம் சொல்கிறது. அதற்க்கு ஏற்ப திருமண பந்தத்துக்குள் மனுஷன் தனது மாம்சதேவையை பூர்த்திசெய்ய தேவன் அனுமதியளிக்கிறார். ஆனால் மனுஷன் அதில் திருப்தியடையாமல்

லேவி 20:10 பிறனுடைய மனைவியோடே விபசாரம் செய்தால், பிறன் மனைவியோடே விபசாரம் செய்த அந்த விபசாரனும் அந்த விபசாரியும் கொலைசெய்யப்படக்கடவர்கள்.

என்ற வார்த்தையின் அடிப்படையில் துன்பம் அனுபவிக்க நேரிடும்.

அதாவது ஆதாமும் ஏவாளும் நன்மை தீமை அறியாமல் வாழ்ந்த வரை அவர்களுக்கு தேவனே ஒரு பாதுகாப்பு வளையமாக இருந்தார் அவர்களுக்கு எந்த கட்டளையும் இல்லை. ஆனால் என்று அவர்கள் என்று நன்மை விலக்கபட்ட

கனியை புசித்து பாவம் செய்து நன்மை தீமைகளை அறியும் நிலையை அடைந்தார்களோ அன்றே அவர்கள் தங்களின் மீறுதலுக்கு தண்டனை அடைந்ததோடு, தொடர்ந்து செய்யும் தீமைகள் எல்லாவற்றிக்குமே தண்டனை உண்டு என்பதை அறிந்துகொண்டனர். எனவே தீமையை தவிர்த்து நன்மையை மட்டுமே செய்யவேண்டும் என்ற கட்டாய நிலைக்குள் தள்ளப்பட்டனர்.

இந்நிலையில் தேவன், தீமை எதுவென்பதை உணர்த்தும் ஒரு மனசாட்சியை மனுஷனுக்குள் உண்டாக்கினார். பின்னர் அதை தொடர்ந்து வந்த காலங்களில் நன்மை எது தீமை எது என்பதை வரையறுக்கும் நியாயப்பிரமாண கட்டளைகளை எழுதி கொண்டுத்து உங்களுக்கு நன்மை உண்டாக அதில் நடவுங்கள் என்று சொன்னார்.

எரேமியா 7:23 என் வாக்குக்குச் செவிகொடுங்கள், அப்பொழுது நான் உங்கள் தேவனாயிருப்பேன், நீங்கள் என் ஜனமாயிருப்பீர்கள்; நான் உங்களுக்குக் கற்பிக்கும் எல்லா வழியிலும், நீங்கள் உங்களுக்கு நன்மை உண்டாகும்படிக்கு நடவுங்கள்

ஆகினும் தேவன் கொடுத்த நியாயபிரமாணத்தின்படி நடக்க முடியாமல் மனுஷர்கள் விழுந்து பட்டயம் பஞ்சம் போன்ற அதிக துன்பத்துக்குள் கடந்து போகவே, இந்த கடைசி காலங்களில், மனுஷனுக்குள் வந்து தங்கியிருந்து பாவத்தை கண்டித்து உணர்த்தும் பரிசுத்த ஆவியானவரை கிறிஸ்த்துவின் பலியின் மூலம் தந்தருளினார். இவை எல்லாற்றிலும் தேவனின் நோக்கம் மனுஷன் எவ்வாறேனும் பாவத்தை விட்டு மனுஷன் விலகவேண்டும் என்பதே என்பதை தெளிவாக அறிய முடியும்.

கிறிஸ்த்துவின் இரத்தத்துக்கு மிஞ்சிய பாவம் என்று ஒன்றும் இல்லை என்பது உண்மை ஆனால் ஒரு மனுஷனின் மீறுதல்கள் மற்றும் பாவங்களை காரணம் காட்டி அவனது வாழ்க்கையில் இரட்டத்தனயாக துன்பங்களை கொண்டுவர தேவனிடம் அனுமதிபெற சாத்தானால் முடியும்!

அன்றில் இருந்து இன்றுவரை தேவனின் வார்த்தைகளை மீறுவதே மனுஷர்களின் துன்பத்துக்கு அடிப்படை காரணமாக உள்ளது. தேவனும் மனசாட்சியின் பிரமாணம், நியாயப்பிரமாணம் என்று பல்வேறு கற்பனைகள் கட்டளைகள் மூலம் மனுஷர்கள் துன்பத்தில் இருந்து விடுபடுவதர்க்கு வழிகளை நமக்கு போதித்தார். ஆனால் பாவத்தின் மேல் எப்பொழுதுமே நாட்டம் கொண்ட மனுஷன் ஏதாவது ஒரு சாக்கு போக்கு சொல்லி தேனின் வார்த்தைகளை மீறி நடப்பதிலேயே அதிக ஆசை கொள்கிறானேயன்றி "சரி தேவனின் கட்டளைகளுக்கு அப்படியே கீழ்படிந்துதான் பார்ப்போமே" என்று சற்றேனும் முயற்சிப்பதில்லை. இந்த நிலையை தனக்கு சாதகமாக்கிக்கொண்ட சாத்தான் வசனங்களை தவறாக புரட்டி தேவனின் கற்பனைகளை கைகொள்ளுவது கிருபையை இழக்க செய்யும் என்பதுபோன்று மாயமாக போதித்து, உண்மை உத்தமம் நீதி நியாயத்தை செய்யவிடாதபடி ஏமாற்றி ஜனங்கள் அனேக துன்பத்தை அநுபவிக்கும் நிலையை கொண்டு வருகிறான்.

இங்கு நான் "எவ்வாறேனும் பாவத்தை தவிர்த்தல், உண்மை உத்தமம் மற்றும் நீதி/நியாயம், தாழ்மை/விட்டுகொடுத்தல் போன்றவற்றைபற்றி அதிகமதிகமாக எழுதுவதால் அதற்க்கு எப்பொழுதுமே எதிரியாக இருக்கும் சாத்தானுக்கு சற்றும் பிடிப்பதில்லை. நம்மோடு இணைந்து செயல்படகூட பலர் விரும்புவதில்லை. "இனம் இனத்தோடுதான் சேரும்" என்பது சரியான பழமொழி அல்லவா?

வசனம் என்ன சொல்கிறது என்பதை சற்று கவனமாக ஆராயுங்கள்:

கலாத்தியர் 5:4 நியாயப்பிரமாணத்தினால் நீதிமான்களாக விரும்புகிற நீங்கள் யாவரும் கிறிஸ்துவைவிட்டுப் பிரிந்து கிருபையினின்று விழுந்தீர்கள்.

"நியாயபிரமாணத்தால் நீதிமானாக விரும்புகிறவர்களே" கிருபையில் இருந்து விழுவார்கள். ஆனால் நாமோ இயேசுவின் மாசற்ற இரத்தத்தால் நீதிமானாக்க பட்டுள்ளோம். அவ்வாறு நீதிமானாக்கபட்ட நாம், நம்மை இலவசமாக கிருபைனால் நீதிமானாக்கியவரின் வார்த்தைகளுக்கு செவிகொடுத்து அவரின் கற்பனைகளை கைகொள்ள வாஞ்சிக்கிறோம். இதில் விழுவதற்கு ஒன்றுமில்லை.

"கொலை செய்யாதிருப்பாயாக" "விபசாரம் செய்யாதிருப்பாயாக" 'களவு செய்யாதிருப்பாயாக" என்று வசனம் சொல்கிறது. அதை கைக்கொண்டு நடக்க ஒருவன் பிரயாசம் எடுத்தால் அவன் கிருபையில் இருந்து விழுந்துவிடுவனா?

எப்படியெல்லாம் சாத்தானின் ஏமாற்றுவேலைகள் நடைபெறுகிறது!

எனவே இந்த உலக வாழ்வில் வரும் எந்த துன்பங்களுக்கும் முக்கிய காரணம் தேவனின் வார்த்தைகளை மீறி செயல்படுவதே. என்ற உண்மையை அறிந்து

உங்களுக்கு நன்மையுண்டாக ஒவ்வொருவரும் வேத வார்த்தைக்கு கீழ்படிந்து நடக்க பிரயாசம் எடுக்கும்படி அன்புடன் வேண்டுகிறேன்.

-- Edited by SUNDAR on Friday 3rd of June 2011 09:47:22 PM

SANDOSH · நமது நண்பர்

RE: வாழ்வின் துன்பங்களுக்கான காரணத்தை கண்டறிதல்!

SUNDAR · மூத்த உறுப்பினர்

SANDOSH wrote:
சகோதரர் சுந்தர் அவர்கள் எழுதியது..

//கிறிஸ்த்துவின் இரத்தத்துக்கு மிஞ்சிய பாவம் என்று ஒன்றும் இல்லை என்பது உண்மை//

இந்த கருத்தானது பாவத்தில் எல்லாம் பெரிய பாவம் இயேசுவின் ரத்தமே என்னும் பொருள் தரும்படி உள்ளது. இதற்கு இது சரியான பொருள் இல்லை என்று சொல்வீர்களானால் சரியான பொருள் தரும்படியான சரியான வார்த்தைகளை உபயோகிக்கலாமே...

தங்களின் சுட்டுதலுக்கு நன்றி சகோதரரே! ஒரு வழியில் பார்த்தால் தாங்கள் சொல்வதுபோல் பொருள்பட வாய்ப்பிருக்கிறது எனவே அந்த வார்த்தைக்கான நான் பயன்படுத்தியதன் பொருளை நான் இங்கு சொல்லிவிடுகிறேன்

"இயேசுவின் இரத்தத்துக்கு மிஞ்சிய பாவமில்லை" என்று நான் எழுதியந்தன் பொருள்

"ஆண்டவராகிய இயேசுவின் இரத்தத்தால் கழுவ முடியாத பாவம் என்று ஒன்றும் இல்லை" என்பதே!

SUNDAR · மூத்த உறுப்பினர்

SANDOSH wrote:
சகோதரர் சுந்தர் அவர்கள் எழுதியது..

//ஆனால் ஒரு மனுஷனின் மீறுதல்கள் மற்றும் பாவங்களை காரணம் காட்டி அவனது வாழ்க்கையில் இரட்டத்தனயாக துன்பங்களை கொண்டுவர தேவனிடம் அனுமதிபெற சாத்தானால் முடியும்! //

தான் இயேசுவின் ரத்தத்தால் பாவங்களற கழுவப்பட்டேன் என உணரும் மனிதனை துன்புறுத்த எப்படி சாத்தான் தேவனிடம் அனுமதி பெற முடியும்?

சகோதரர் அவர்களே, பாவங்களற கழுவப்பட்டேன் என்று உணரும் மனுஷனை சாத்தானால் ஒன்றும் பண்ண முடியாது என்பது உண்மை. ஆனால் அது இந்த பூமிக்கடுத்த காரியம் அல்ல!

பாவங்களற கழுவப்படுதல் என்பது ஒரே நாளில் முடிந்துவிடும் சம்பவமும் அல்ல. இந்த பூமியில் நாம் வாழும் நாள் வரையில் நாம் ஏதாவது ஒரு விதத்தில் பாவங்களை செய்துகொண்டே இருக்கிறோம் எனவே ஒவ்வொருநாளும் தேவனுடன் ஒப்புரவாகி நம்மை நாமே நிதானித்து அறிந்து, நாம் செய்த பாவங்கள் ஏதாவது இருக்குமாயின் அதை அறிக்கை செய்து மனஸ்தாபபட்டு இயேசுவின் இரத்தத்தின் மூலம் நம்மை நாமே சுத்திகரித்துகொள்ள வேண்டியது அவசியம்.

ஒரு துணியை எவ்வளவுதான் துவைத்து அழகாக உடுத்தினாலும் ஓரிரு நாட்களில் அதில் அழுக்கு படிந்துவிடுவதை யாராலும் தடுக்க முடியாது. பின்னர் அதை கட்டாயம் சலவை செய்யவேண்டும். இது அடிக்கடி நிகழும் நிகழ்வு.

அதுபோல் நமது இருதயமானது எவ்வளவுதான் பரிசுத்தமாக்கப்பட்டாலும் இந்த உலகத்தின் பாவ கரைகள் ஒவ்வொருநாளும் உள்ளே ஒட்டிகொள்கிறது. எனவே அனுதினம் அந்த கரைகளை வேதவெளிச்சத்தில் ஆராய்ந்து, உணர்ந்து இயேசுவின் இரத்தத்தால் கழுவி சுத்தம் செய்யவேண்டியது அவசியமாகிறது.

ஆனால் இந்த சுத்திகரித்தல் என்பது எதற்க்காக?

ஒருவர் தன்னை நித்தியத்துக்கு தகுதியுள்ளவராக ஆக்கிகொள்ளவே!

மற்றபடி இந்த மாம்சத்தில் நாம் செய்யும் பாவங்களுக்கும் மீருதல்களுக்கும் இந்த உலகத்தில் நிச்சயம் தண்டனை உண்டு என்பதை அறியவேண்டும்.

ஆண்டவராகிய இயேசுவின் போதனை என்ன?

மத்தேயு 4:17 மனந்திரும்புங்கள், பரலோகராஜ்யம் சமீபித்திருக்கிறது

ஆம் பரலோகதுக்கு அதாவது நித்தியத்துக்கடுத்த காரியங்களை குறித்தே இயேசு அதிகம் போதித்துள்ளார். அத்தோடு

யோவான் 18:36 இயேசு பிரதியுத்தரமாக: என் ராஜ்யம் இவ்வுலகத்திற்குரியதல்ல, .......என் ராஜ்யம் இவ்விடத்திற்குரியதல்ல.

என்றும் தெளிவாக சொல்லிவிட்டார்.

இவ்வுலத்திலுள்ள பிரமாணம் என்னவென்றும் வேதம் நமக்கு தெளிவாக சொல்கிறது

ரோமர் 2:9 பொல்லாங்குசெய்கிற எந்த மனுஷ ஆத்துமாவுக்கும் உபத்திரவமும் வியாகுலமும் உண்டாகும்.
ரோமர் 2:10 எவன் நன்மைசெய்கிறானோ அவனுக்கு மகிமையும் கனமும் சமாதானமும் உண்டாகும்.

ரோமர் 13:4 நீ தீமைசெய்தால் பயந்திரு; பட்டயத்தை அவன் விருதாவாய்ப் பிடித்திருக்கவில்லை; தீமைசெய்கிறவன்மேல் கோபாக்கினை வரப்பண்ணும்படி, அவன் நீதியைச் செலுத்துகிற தேவஊழியக்காரனாயிருக்கிறானே.

அதாவது: ஒருவன் தீமையையும் பாவத்தையும் செய்துவிட்டு பின்னர் தேவனோடு ஒப்புரவாகி அவருடைய பாவங்கள் கழுவப்பட்டுமாகில் அந்த பாவம் அவரது நித்தையத்துக்கடுத்த காரியங்களை எவ்விதத்திலும் பாதிக்காது! ஆனால் பாவம் செய்த ஒருவர் என்னுடய பாவங்கள் எல்லாம் கழுவப்பட்டுவிட்டது என்று என்னதான் விசுவாசமாக வாழ்ந்தாலும், அவர் தான் மீருதலிநிமித்தம் இவ்வுல தண்டனையாகிய துன்பங்களில் இருந்து ஒருநாளும் தப்பிவிட முடியாது. மனுஷன் எதை விதைத்தானோ அதற்க்கான பலனை திருப்பி கொடுப்பதே இந்த உலகத்தின் நியதி.

ஒருவர் இவ்வுலகில் தேவனுடய வார்த்தைகளை மீறி பாவம் செய்யும்போது சாத்தானானவன் அவன்மீது தேவனிடம் குற்றம் சுமத்துகிறான். இரவும் பகலும் அவனுக்கு அதுதான் வேலை என்று வேதம் சொல்கிறது

வெளி 12:10 இரவும் பகலும் நம்முடைய தேவனுக்குமுன்பாக நம்முடைய சகோதரர்மேல் குற்றஞ் சுமத்தும்பொருட்டு அவர்கள் மேல் குற்றஞ்சாட்டுகிறவன்

மனுஷர்களின் பாவத்தின் பொருட்டு அவர்களுக்கு தண்டனை கொடுக்கும்படி தேவனிடம் சத்துரு குற்றம் சுமத்துகிறான். சில நேரங்களில் அந்த பாவத்துக்கு தகுந்த தண்டனை கொடுக்க சத்துருவின் கையிலேயே மனுஷன் ஒப்புகொடுக்கப்படுகிறான். .

எசேக்கியேல் 39:23 அவர்கள் எனக்கு விரோதமாய்த் துரோகம்பண்ணினபடியால், என் முகத்தை நான் அவர்களுக்கு மறைத்து, அவர்கள் சத்துருக்களின் கையில் அவர்களை ஒப்புக்கொடுத்தேன்;

இந்த் திரியின் தலைப்பை பொறுத்தவரை "வாழ்வின் துன்பங்களுக்கான காரணத்தை கண்டறிதல்" என்பதாகும். இவ்வுலக வாழ்வை பொறுத்தவரை "பாவம் செய்தவன்" அல்லது தேவனின் வார்த்தைகளை மீறி செயல்படுபவர் யாராக இருந்தாலும் அவர்கள் துன்பமடைய நேரிடும் என்பது நடைமுறை உண்மை!