இறைவன்

சகோ. அன்பு  wrote...
////இவரைத் தொழுவதாக இருக்கட்டும், அவரைத் தொழுவதாக இருக்கட்டும் என நாம் நம் விருப்பத்திற்குத் தக்கதாக எடுக்கமுடியாது. உள்ளதை உள்ளதென்றும் இல்லதை இல்லதென்றும் சொல்லும்படி இயேசு கூறியுள்ளார். எனவே “சமரசம்” என்ற பேச்சுக்கே இடமில்லை///.
///ஒரே தேவன், ஒரே மத்தியஸ்தர் என்ற கோட்பாட்டை மட்டுந்தானே கூறினார்கள். மூவரில் ஒருவர் ஒருவரில் மூவர் எனும் கோட்பாட்டைச் சொன்னார்களா, அல்லது திரித்துவத்தைச் சொன்னார்களா? அவர்கள் எதுவும் சொல்லாதிருக்கையில், வேதாகம காலத்திற்குப் பின்வந்த சபையார் அவர்களாக ஆராய்ச்சி செய்து திரித்துவத்தைச் சொல்லி, பிதா தான் இயேசுவாக வந்தார் எனச் சொல்லி, தற்போது “இயேசுவை ஆராதிப்போம்” என்ற நிலை வரை வந்துள்ளனர்.///

////பிதா, இயேசு இருவரின் நிலை பற்றி சகோ.சுந்தரின் கருத்தை ஆமோதித்துள்ளீர்கள். ஆனால் சுந்தரின் கருத்தை என்னால் ஏற்கமுடியவில்லை. சுந்தர் தந்துள்ள உதாரணம், பொருந்தாத உதாரணம்.////

சகோதரர் அன்பு  அவர்களே தங்களின் பல கருத்துக்கள் என்னுடைய கருத்தோடு ஒத்திருந்தாலும் நான் சொல்லியிருக்கும்  கடல் மற்றும் சமுத்திரம் உவமையை தாங்கள் ஏற்காத பட்சத்தில்  நமது இருவருக்கும் இடையில் அடிப்படைகருத்தில் வேறுபாடு உண்டாகிறது இயேசு யார் என்ற விஷயத்தில் தாங்கள்  உண்மையை அறியாமல் சில கருத்துக்களை முன் வைக்கிறீர்கள் என்றே நான் கருதுகிறேன்.

வேதத்தின் அடிப்படையில் நான் அறிந்தபடி  பிதாவாகிய தேவன் ஆண்டவராகிய இயேசு மற்றும் ஆவியானவர் இம்மூவரும் மீட்பின் திட்டத்தில் வெவ்வேறு  பணிகளை செய்யும் ஒருவரே.   இவ்விதமான தேவனின் செயல்பாட்டுக்கு திரித்துவம் என்று விசுவாசிகளால் பெயரிடப் பட்டுள்ளது. திரித்துவம் என்ற அந்த வார்த்தை வேதத்தில் இல்லை என்பது மட்டும்தான் உண்மையே தவிர தேவனின் செயல்பாட்டில் எந்த மாற்றமும் இல்லை.     

இயேசுவின்  மூலம் தேவனை மட்டும் ஆராதிக்கலாம் என்ற கருத்தை வேண்டுமானால் ஏற்றுக்கொள்ளலாம் ஆனால் இயேசுவை தொழுவது சரியல்ல என்ற கருத்தை என்னால் ஏற்க்க முடியாது.  காலம் வரும்வரை அவரை சேவிப்பதற்கு அவருக்கு தேவனால் அதிகாரம் கொடுக்கப்பட்டுள்ளது. அதையே தானியேல் புத்தகம் சொல்கிறது. மேலும் "தேவன் தனி"  "இயேசு தனி" என்று நாம் முற்றிலும் தனியாக பிரித்து பார்க்கமுடியாது. எனவேதான் பவுல்கூட சில இடங்களில் இயேசுவையே  அந்த மெய்  தேவனாக குறிப்பிடுகிறார்.   

ரோமர் 9:5 மாம்சத்தின்படி கிறிஸ்துவும் அவர்களில் பிறந்தாரே, இவர் என்றென்றைக்கும் ஸ்தோத்திரிக்கப்பட்ட சர்வத்திற்கும்மேலான தேவன்.

1.தீமோ 3:16 தேவன் மாம்சத்திலே வெளிப்பட்டார்,

இயேசுவையும் ஒரு தேவன்  என்று சொல்லும் நீங்கள் ஒரு பெரிய தேவன் இன்னொரு சின்ன தேவன் என்று இரண்டு தெய்வ கோட்பாட்டுக்கு கொண்டு செல்கிறீர்கள். தேவன் ஒருவரே! அந்த ஒரே தேவனின் மூன்று நிலைகளே  பிதா  ஆவியானவர் மற்றும் இயேசு.   

சகோ. அன்பு  wrote...
////ஏனெனில் ஆராதனை முறைமைக்கு முக்கியமான தேவை “பலி” (யாத்திராகமம் 12,29,30 அதிகாரங்களைப் படிக்கவும்). இயேசுவானவர் தம்மையே ஒரே பலியாகக் கொடுத்ததன் மூலம் “அந்த ஆராதனை முறைமை” தற்போது ஒழிந்து போய்விட்டது. அப்படியிருக்க, ஆராதனைக்குரிய பலியான இயேசுவை ஆராதிப்போம் எனக் கூறுவது பொருத்தமானதா?/// 

பாவங்களுக்கு பலியாவதற்கு தேவனால் படைக்கப்பட்ட ஒரு பலி  இயேசு அல்ல!  இக்கருத்து மிகவும் தவறானது. அவர் பாவங்களுக்கு  பலியாக வந்தாலும் அவர் தேவனின் வார்த்தையானவர். ஆராதனைக்கு முக்கிய தேவை  பலி என்று கருதும் நீங்கள் அந்த பலியிடும்செய்கை ஏன்உருவானது என்பதையும் ஏன் "இயேசு தவிர வேறு ஒரு பலி இல்லை" என்று வேதம் சொல்கிறது  என்பதையும்  தீர ஆராய்ந்தால்தான்  இயேசு யார் என்பதை அறியமுடியும். 

அதாவது இந்த உலகம் பாவத்தில் விழுந்தபோது  எந்த வார்த்தைகளால் இந்த உலகத்தையும் அதிலுள்ளவைகளையும் தேவன் படைத்தாரோ,  அந்த வார்த்தையையே மாமிசமாக்கி அதற்க்கான பலியாக  கிரயத்தை செலுத்தி மீட்டார். அதைதான் யோவான் "வார்த்தை மாம்சமானது" என்று சொல்கிறார்  பின்னர் அவர் பாடுகளை  முடித்தபின்னர்  தேவனோடு சேர்ந்து ஐக்கியம ஆகிவிடாமல் தேவனின் வலது பாரிசத்தில் அமர்ந்துவிட்டார்   

"என் மகிமையை வேறொருவருக்கு கொடேன்" என்று சொன்ன கர்த்தரே  "கர்த்தரின் மகிமை வெளியரங்கமாகும், மாம்சமான யாவும் அதை ஏகமாக காணும்" என்று ஏசாயா மூலம் குறிப்பிட்டார். வேறொருவருக்கு கொடுக்கா விட்டால் மாம்சங்கள் யாவும்  காணும்படி மகிமையின் பிரகாசமாய் வந்த இயேசு யார்?  அதுவும் அவராகத்தானே இருக்க முடியும்?   இவ்வாறு தேவனின் வார்த்தையுடன் சேர்ந்து வெளிப்பட்ட கர்த்தரின் மகிமையே தேவனின் தர்ச்சொரூபமான இயேசு.    

எபிரெயர் 1:3 இவர் அவருடைய மகிமையின் பிரகாசமும், அவருடைய தன்மையின் சொரூபமுமாயிருந்து

திரித்துவத்தை நம்பும் பலருக்கு அதன் உண்மை பொருள் மற்றும் நோக்கம் போன்றவை  சரியாக தெரியாத காரணத்தால் அவர்களால் விளக்க முடிய வில்லையே அன்றி மற்றபடி அந்த தத்துவம் உண்மையே!     

கர்த்தர்தான் இயேசுவா -  ஆம் / இல்லை
தேவன்தான் இயேசுவா  -  ஆம் / இல்லை 

இதுவே எனது பதில்!

அற்ப மனிதனே இரண்டு மூன்று வேடங்களில் நடித்து நம்மை அசர வைத்துவிடுகிறான் அவ்வாறு இருக்க தேவனின் இந்த நிலைக்கு  மனித அறிவுக்கு எட்டும்படி விளக்கம் கூற முடியவில்லை.  

நான் குறிப்பிட்ட "கடல் உவமையில்" எப்படி எங்கோ இருக்கும் வங்காள விரிகுடா கடலில் இரங்கி பயணித்தால் நம்மால் பசுபிக் சமுத்திரத்தை அடைந்துவிட முடியுமோ அதே போல் இயேசு என்னும் அவருக்குள் இறங்கி திறந்த மனதோடு  தேடினால்  தேவத்துவத்தின்  அனைத்தையும் அறிந்துவிட முடியும் என்பதே உண்மை!   

இப்பொழுது ஆராதனை என்பதும் தொழுகை என்பதும் சேவிப்பது என்பதும் எனக்கு மூல பாஷை வரை சென்று ஆராயதெரியாது அதற்க்கு அவசியமும் இல்லை எனவே அதற்க்கான சரியான விளக்கத்தை கொடுக்க முடியவில்லை. ஆகினும் ஒரு விளக்கத்தை என்னால் கொடுக்க முடியும். 

 வெளி 5 12. அவர்களும் மகா சத்தமிட்டு: அடிக்கப்பட்ட ஆட்டுக்குட்டியானவர் வல்லமையையும் ஐசுவரியத்தையும் ஞானத்தையும் பெலத்தையும் கனத்தையும் மகிமையையும் ஸ்தோத்திரத்தையும் பெற்றுக்கொள்ளப் பாத்திரராயிருக்கிறார் என்று சொன்னார்கள்.

இந்த காரியத்தைத்தான் இன்றைய சபைகளில் செய்துகொண்டு இருக்கிறார்கள், 
ஆண்டவராகிய இயேசுவுக்கு ஸ்தோதிரத்தையும் கனத்தையும் மகிமையையும் செலுத்திக்கொண்டு இருக்கிறார்கள் ஆனால் ஜெபிக்கும்போது இயேசுவின் மூலமாக பிதாவிடத்தில் ஜெபத்தை ஏரெடுக்கிறார்கள். இதைதான் தொழுதல் ஆராதித்தல்  என்று நான் கருதுகிறேன் மற்றபடி இதில்  தவறு என்று நீங்கள் சுட்ட இங்கு ஒன்றும் இல்லை!