இறைவன்

SUNDAR · மூத்த உறுப்பினர்

நீதிமான் முன்னால் வைக்கப்படும் இடறல்கள் !

SUNDAR · மூத்த உறுப்பினர்

நீதிமான்களின் முன்னால் இயேசுவை விசுவாசிக்கவேண்டும் என்ற தடுக்கல் கல் ஏன் வைக்கப்பட்டுள்ளது என்ற காரணத்தை ஆராய்ந்து வருகிறோம்

2. மனிதனின் பிடிவாத குணத்தை தகர்க்க!

எந்த ஒரு மனிதனுக்குமே தன்னுடைய கருத்துதான் சரி என்றும் தான் அறிந்து கொண்டதுதான் உண்மை என்றும் எண்ணம் இயல்பாகவே இருக்கும். பிறரின் கருத்துக்களில் உண்மை இருந்தாலும் அதை ஏற்க்க மனம்வராது. காரணம் தான் அறிந்ததைவிட மேல் எதுவும் இருக்கமுடியாது என்றொரு சுயபெருமையும் பிடிவாதமுமே இதற்க்கு காரணம். ஆண்டவர் மனிதனிடம் எதிர்பாப்பதோ "ஒரு சிறு பிள்ளைபோல் தேவனுடைய ராஜ்யத்தை ஏற்றுக்கொள்ளவேண்டும் என்பது!"

லூக்கா 18:17 எவனாகிலும் சிறுபிள்ளையைப்போல் தேவனுடைய ராஜ்யத்தை ஏற்றுக்கொள்ளாவிட்டால், அதில் பிரவேசிக்கமாட்டான் என்று மெய்யாகவே உங்களுக்குச் சொல்லுகிறேன் என்றார்.

நான் சிறு பிள்ளையாக இருக்கும்போது எனது தாயார் பல கதைகள் சொல்வது உண்டு கொஞ்சமும் உண்மை இல்லாத மாயாவி கதைகளைப்போல் இருக்கும் அந்த கதைகளை கூட உண்மை என்று எண்ணி அதை நம்பிய நாட்கள் உண்டு. அதேபோல் தேவனை பற்றிய உண்மைகள் மனித அறிவால் ஏற்றுக்கொள்ள முடியாத அனேக உண்மைகள் நிறைந்தவை அவரை அறிவதற்கும் மனதில் ஒன்றுமே இல்லாத வெற்றுதன்மை இருந்தால் மட்டுமே தேவன் தன்னுடைய கருத்துக்களால் அந்த மனதை நிரப்பபமுடியும். ஏற்கெனவே நிரம்பியிருக்கும் ஒரு பத்திரத்தில் எவ்வளவு தண்ணியை ஊற்றினாலும் அது வேஸ்டாக போவது போல் ஏற்கெனவே பலவித கருத்துக்கள் அனுமானங்கள் இதுதான் உண்மை என்ற தத்துவங்கள் எனக்கு எல்லாம் தெரியும் என்ற அகங்காரம் மற்றும் எதையும் செவிகொடுத்து கேட்க மனமில்லாத தன்மை, எல்லாவற்றிலும் பிறரை குற்றம்கண்டுபிடிக்கும் மனப்பாங்கு போன்றவைகளால் நிறைந்துள்ள மனதுக்குள் தேவன் எந்தஒரு கருத்தை புகுத்த நினைத்தலும் அது ஏற்றுக் கொள்ளபட்டாமல் வழிந்து வீணாகத்தான் போகும்.

எனவே தன்னை பற்றிய உண்மைகளை அறிய ஒரு மனிதன் திறந்த மனதோடும் தனது கருத்துக்கள் அனைத்தையும் விட்டுகொடுக்கும் பக்குவத்துக்குள் வர வேண்டும் என்று தேவன் எதிர்பார்ப்பதால், ஆண்டாண்டு காலமாக தங்கள் பரம்பரையில் ஊரிப்போன பழைய கதைகளை விட்டு வெளியில் வந்து இரட்சிப்பை பெற "ஆண்டவராகிய இய்சுவை திறந்த மனதோடு ஏற்றுக்கொள்ள வேண்டும்" என்ற ஒரு இடரலை எல்லோர் முன்னாலும் தேவன் வைக்கிறார்.

இன்றைய உலகில் எந்த ஒருமதத்தை சேர்ந்தவர்களும் பிற மதத்தவரை மிகுந்த பிரயாசத்துடன் தெரு தெருவாக அலைந்து பணம் செலவழித்து "எங்கள் தெய்வத்தை ஏற்றுக்கொள்" என்று போதிப்பது கிடையாது.. எந்த மதத்தை சேர்ந்தவர்களும் பிறருடைய துன்பத்தை தன் துன்பம்போல் பாவித்து கண்ணீருடன் தேவனிடம் மற்றாடுவது கிடையாது. எந்தஒரு மதத்தினரும் "ஆண்டவராகிய இயேசுவை ஏற்றுக்கொள் அது ஓன்று மட்டுமே உன்னை நித்தயத்துக்கு அழைத்து செல்லமுடியும்" என்ற சுலபமான இரட்சிப்பை போதிப்பது கிடையாது அடுத்த்து எந்த மதத்தில் உள்ள தெய்வமும் "உனக்காக நான் மரித்தேன், உன்மேல் வரவிருந்த ஆக்கினையை நான் தாங்கினேன்" என்று சொல்வதும் கிடையாது. இறுதியாக எந்த தத்திலும் தேவனின் வழி நடத்துதலை நாமே அனுபவபூர்வமாக அறிந்துஉணரும்படிக்கு தேவனால் அனுப்பபட்டிருக்கும் "பரிசுத்த ஆவி" என்னும் தேற்றவாளரின் வழி நடத்துதல் கிடையாது. இப்படி எல்லாவிதத்திலும் ஒருவேறுபட்ட கருத்தை உடையதாகவும் அனேக உயிரோட்டமுள்ள உண்மை சாட்சிகளை தன்னுள் கொண்டதும், பாவிகளுக்கும் வேசிகளுக்கும் எல்லோருக்காகவும் மனதுருகும் தெய்வமான "இயேசுகிறிஸ்த்து" என்னும் மரித்து உயிரோடு எழுந்த தேவனை கொண்டதும் எந்த மதமும் கிடயாது.

இவ்வளவு வேறுபாட்டை கண்கான கண்டும் தங்கள் பிடிவாத குணத்தை தளர்த்தி ஆண்டவராகிய இயேசுவை சொந்த ரட்சகராக ஏற்றுகொள்ள மனதில்லாமல் இருப்பவர்கள் நிச்சயம் பரலோக ராஜ்யத்து தகுதியற்றவர்களாகவே இருக்க முடியும் என்பது தேவனின் தீர்மானம்

இவ்வாறு மனிதனின் விட்டுகொடுக்கும் தன்மையை சோதித்து அறிவதற்காக "இயேசுவைபற்றிய சுவிசேஷம் ஒரு இடறுதல்கல்லாக எல்லா மத நீதிமான்கள் முன்னாகவும் வைக்கப்படுகிறது"

எபிரெயர் 2:4 அடையாளங்களினாலும் அற்புதங்களினாலும் பலவிதமான பலத்த செய்கைகளினாலும், தம்முடைய சித்தத்தின்படி பகிர்ந்துகொடுத்த பரிசுத்த ஆவியின் வரங்களினாலும், தேவன்தாமே சாட்சிகொடுத்ததுமாயிருக்கிற இவ்வளவு பெரிதான இரட்சிப்பைக்குறித்து நாம் கவலையற்றிருப்போமானால் தண்டனைக்கு எப்படித் தப்பித்துக்கொள்ளுவோம்.

கர்த்தருக்கு சித்தமானால் தொடரும்.................

-- Edited by SUNDAR on Wednesday 5th of January 2011 11:38:07 AM