இறைவன்

உலகத்தையும் அதில்உள்ள அனைத்து  ஜீவராசிகளையும் படைத்த தேவன் அதை ஆண்டுகொள்ளும்படி மனிதர்களுக்கு  கைய்யளிக்கிறார்!  

 

ஆதியாகமம் 1:28 பின்பு தேவன் அவர்களை நோக்கி: நீங்கள் பலுகிப் பெருகி, பூமியை நிரப்பி, அதைக்  கீழ்ப்படுத்தி, சமுத்திரத்தின் மச்சங்களையும் ஆகாயத்துப் பறவைகளையும், பூமியின்மேல் நடமாடுகிற சகல ஜீவஜந்துக்களையும் ஆண்டுகொள்ளுங்கள் என்று சொல்லி, தேவன் அவர்களை ஆசீர்வதித்தார்

   

 

தனக்கு கொடுக்கப்பட்ட அந்த அதிகாரத்தை சரியாக பயன்படுத்தாத மனுஷன், தேவனின் சத்துருவான சாத்தானின் வஞ்சகத்தால் இழுப்புண்டு  தேவனின் வார்த்தையை மீறி தன்னிடம் இருந்த அதிகாரத்தை சாத்தானிடம் இழந்து போனான். இவ்வாறு உலகமும் அதிலுள்ளவைகள் எல்லாம் சாத்தானிடம் ஒப்புகொடுக்கப்பட்டது. சாத்தான் இந்த உலகத்தின் அதிபதியானான்.   

  

லூக்:4இவைகள் எல்லாவற்றின்மேலுமுள்ள அதிகாரத்தையும் இவைகளின் மகிமையையும் உமக்குத் தருவேன், இவைகள் எனக்கு ஒப்புக்கொடுக்கப் பட்டிருக்கிறது; 

இவ்வாறு ஆதாம், சாத்தானிடம் தனது மகிமை  அனைத்தையும் இழந்தபோது, தனக்கு சொந்தமான  இந்த உலகத்தில் வாழ  ஆதாம் தகுதியற்றவன் என்றும், அவனை இந்த   உலகிலிருந்து அகற்றும்படி தேவனின் சாத்தான்  கோரிக்கை வைக்கிறான். (சூதாட்டத்தில் நாட்டை இழந்தால் நாட்டைவிட்டு வெளியேறுவதுதானே நியாயம்)  இங்கு ஆதாமை உலகத்தில் இருந்து வெளியேற்ற மரணமே  வழி என்ற நிலை உருவாகிறது!  இப்படியொரு  நிலை உருவாகும்  என்பதை முன்னமே அறிந்ததால்தான் தேவன்  "நன்மை தீமை அறியத்தக்க விருட்சத்தின் கனியைப் புசிக்கவேண்டாம்; என்றும்  அதை நீ கனியை புசிக்கும் நாளில் சாகவே சாவாய்"  என்று கட்டளையிட்டிருந்தார்.

 

இப்பொழுது நீதிபரராகிய தேவன் சாத்தானின் கோரிக்கையையும் நிறைவேற்ற வேண்டும் அதேநேரம் "புசிக்கும் நாளிலே சாகவே சாவாய்" என்னும் தன்னுடைய வார்த்தையையும் நிறைவேற்றேவேண்டும் அடுத்து அதே ஆதாம் சந்ததியில் வரும் வித்தின் மூலம் சாத்தானுடைய தலையையும் நசுக்க வேண்டும்.

 

எனவே தேவன் சாத்தானுக்கு சொந்தமான உலகில் இருந்து ஆதாமை நீக்குவதற்கு பதிலாக அவனுக்கு ஈடாக தனது படைப்பில் பாவமில்லாத வேறொரு உயிரை நீக்குகிறார். அதுவே தற்காலிக ஜாமீன் அல்லது பலி! 

 

இரத்தம் பாவத்தை பரிகரிக்கும்!   இரத்தம் ஜீவனுக்கு கிரயமானது

 

எபிரெயர் 9:22   இரத்தஞ்சிந்துதலில்லாமல் மன்னிப்பு உண்டாகாது.

 

என்ற தேவனின் மாறாத பிரமாணத்தின்படி கொல்லப்பட்ட ஜீவனின்  இரத்தத்தால் ஆதாம் தற்காலிக  பாவ மன்னிப்பு பெற்றதோடு அந்த ஜீவனின் தோல் பாவத்தால் நிர்வாணமான அவனது உடலை மறைக்கும் உடையாக தேவனால் கொடுக்க பட்டது.  அதே நேரம் தேவனின் வார்த்தைப்படி அதே நாளில்தானே ஆதாம் ஆவியில் மரணத்தை சந்தித்தான்! அம்மரணம் அவனது மாம்சத்தில் நிறைவேற தொளாயிரத்து முப்பது வருஷம் ஆயிற்று!  தேவனுக்கு ஆயிரம் வருடங்கள் ஒரு நாள் என்ற கணக்கில் அந்நாளிலிருந்து ஆயிரம் வருடங்களுக்கு முன் ஆதாம்  மரித்துபோனான்.

 

இவ்வாறு முதல் பலி இந்த உலகில் பிரவேசித்தது!  அதை தொடர்ந்து மரணமும் பாவத்துக்கு மிருகங்களை பரிகாரமாக பலிசெலுத்தி தற்காலிக விடுதலைபெரும் நிலையும் உருவானது.  

 

தேவன் மஹா  நீதிபரர்! மனிதனானாலும் சாத்தானானாலும்  தூதர்களானாலும் பாரபட்ச மின்றி நியாயம் செய்பவர் என்பதை அறியவேண்டும். அவருடைய நீதியே அவருடைய சிங்காசனம்! அவருடைய பரிசுத்தமே அவரை சாத்தானை விட மனிதனைவிட  வல்லமையான நிலையில் வைத்திருக்கிறது என்பதை கருத்தில் கொண்டு, "தேவன் சாத்தானுக்கு பயந்து இதெல்லாம் செய்தாரா" என்று அர்த்தமற்ற முறையில் கேட்க வேண்டாம்! நீதி/நேர்மை/நியாயம் இவற்றின் வலிமை என்னவென்பதை அறியாதவர்கள் வேண்டுமானால் இவ்வாறு கேட்கலாம் மற்றபடி அவர் யாருக்கும் பயந்தவர் அல்ல அனால் நீதியானவர்!   

 

தேவனின் நியமணமாகிய "இரத்தம்சிந்துதல் இல்லாமல் பாவமன்னிப்பு இல்லை" என்ற  பிரமாணத்தின் அடிப்படையில் பாவமில்லா  ஒரு உயிருடைய இரத்தம்
பாவம் செய்தவனின் பாவத்தை பரிகரிக்கிறது. அந்த இரத்தம் பாவத்தால் இழந்துபோன  இந்த பூமியில் சிந்தப்படுகிறது

 

உபாகமம் 12:16 இரத்தத்தைமாத்திரம் புசிக்கவேண்டாம்; அதைத் தண்ணீரைப்போல் தரையிலே ஊற்றிவிடவேண்டும்.

 

ஆகினும் அந்த மிருகத்தின் ரத்தத்தால் அவன் நிரந்தர விடுதலை பெற முடியாது. ஏனெனில் மிருகத்தின் இரத்தம் மனிதனின் இரத்தத்துக்கு முற்றிலும் ஈடாகாது எனவே ஒரு  தற்காலிக விடுதலை மட்டுமே பெறுகிறான்.    

 

"கர்த்தர்  ஆட்டுக்கடாவின் இரத்தம் குடிப்பவர் அல்ல" என்று வசனம் சொல்லும் பட்சத்தில் இந்த பலி ஏன் கர்த்தருக்கு என்று செலுத்தப்பட்டது என்பதை கர்த்தருக்கு சித்தமானால் தொடர்ந்து பார்க்கலாம்.... .