இறைவன்

எந்த ஒரு வீடும் ஒருவனால் உண்டாக்கப்படும், கட்டினவன் இல்லாமல் ஒரு வீடும் உண்டாகாது. இதன்படி  நாம் காண்கிற எல்லாவற்றையும் உண்டு பண்ணினவர் ஒருவர் இருக்கவே வேண்டுமென்றும் அவரைத்தான் தேவன் அல்லது கடவுள் என்றும் நாம் அறிய முடியும். (எபி. 3:3,4) இக்காரணத்தைக் கொண்டு தான் தாவீது “வானங்கள் தேவனுடைய மகிமையை வெளிப்படுத்துகிறது”. ஆகாய விரிவு, அவருடைய கரங்களின்  கிரியையை அறிவிக்கிறது. பகலுக்குப் பகல் வார்த்தைகளை பொழிகிறது. இரவுக்கு இரவு  அறிவைத் தெரிவிக்கிறது” என்று பாடினார். சங் 19 : 1,2 ;

தேவனைக் குறித்து அறியப்படுவது அவர்களுக்குள்ளே (அதாவது மனிதர்களுக்குள்ளே) வெளிப்படுத்தப்பட்டிருக்கிறது.  தேவனே அதை அவர்களுக்கு வெளிப்படுத்தியிருக்கிறார். எப்படியென்றால், காணப்படாதவைகளாகிய அவருடைய நித்திய வல்லமை, தேவத்துவம் என்பவைகள், உண்டாக்கப்பட்டிருக்கிறவைகளினாலே, உலகமுண்டானது முதற்கொண்டு, தெளிவாய்க் காணப்படும். ஆதலால் அவர்கள் போக்குச்சொல்ல இடமில்லை. ரோமர். 1 : 19,20.

துன்மார்க்கன் தன் கர்வத்தினால் தேவனைத் தேடான். அவன் நினைவுகளெல்லாம் தேவன் இல்லையென்பதே. தேவன் இல்லை என்று மதிகெட்டவன் தன் இருதயத்தில் சொல்லிக்கொள்ளுகிறான். சங் 10:4, 14:1,53:1.