இறைவன்

SUNDAR · மூத்த உறுப்பினர்

வயல்களில் வளரும் மூன்றுவித களைகளும் தவறான உபதேசமும்!

Stephen · நமது நண்பர்

RE: வயல்களில் வளரும் மூன்றுவித களைகள்!

SUNDAR · மூத்த உறுப்பினர்

வயல்களில் வளரும் மூன்றுவித களைகளும் தவறான உபதேசமும்!

SUNDAR · மூத்த உறுப்பினர்

தவறான போதகத்தை நாம் அடையாளும் காண்பதற்கு அடுத்த வழி,. ஆண்டவராகிய இயேசுவின் வாயில் இருந்து புறப்பட்டு, நாம் எல்லோரும் செய்ய வேண்டும் என்று கட்டளையிட்ட இந்த கடைசி இரண்டு காரியங்களை ஒருவர் கைகொள்ளுகிறாரா? என்பதை ஆராய்வதன் மூலம் அறிந்துகொள்ள முடியும்:

மாற்கு 16:15 பின்பு, அவர் அவர்களை நோக்கி: நீங்கள் உலகமெங்கும் போய், சர்வ சிருஷ்டிக்கும் சுவிசேஷத்தைப் பிரசங்கியுங்கள்.
மத்தேயு 28:19 ஆகையால், நீங்கள் புறப்பட்டுப்போய் சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங்கொடுத்து,

20. நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்;

1.ஆத்துமா பாரமும் - சுவிசேஷம் சொல்லுதலும்:

இரட்சிப்பை பெறாத ஆத்துமாக்கள் மீதான பாரமும் பரிதபிப்பும் ஒருவருக்கு இல்லை என்றால் அவர் தவறான உபதேசத்தில் இருக்கிறார் என்பதை நாம் சுலபமாக கண்டுகொள்ளலாம். பெரும்பாலான பிற மத சகோதரர்கள் இன்னொரு வரிடம்போய் எங்கள் கடவுளை ஏற்றுக்கொள் என்றோ அல்லது எங்கள் மதத்துக்கு நீவந்துவிடு என்றோ அழைப்பதுஇல்லை. அதற்க்கு காரணம் அவர்கள் உண்மையான தேவஅன்பை ருசிக்கவில்லை என்றே நான் கருதுகிறேன். தானே தனது மதத்தைபற்றியோ அல்லது தங்கள் தெய்வத்தை பற்றியோ மேன்மையான ஒன்றை அறிந்திராததினால் அடுத்தவருக்கு எடுத்துசொல்ல அவர்களிடம் எதுவும் இல்லை.

ஆனால் நமக்கோ "மேலும் நமக்கு அருளப்பட்ட பரிசுத்த ஆவியினாலே தேவ அன்பு நம்முடைய இருதயங்களில் ஊற்றப்பட்டிருக்கிறபடியால், (ரோமர் 5.5), அழிந்துபோகும் ஆத்துமாக்களை எப்படியாவது மீட்கவேண்டும் என்ற பரிதபிப்பு, ஒரு உண்மையான தேவ பிள்ளைக்கு உண்டாகிறது. அந்த பரிதபிப்பு ஆண்டவருக்காக எதையாவது செய்வதற்கு நம்மை தூண்டுவதோடு இயேசுவை அறியாத ஜனங்களிடம் எப்படியாவது ஆண்டவரை பற்றியும் அவரின் அன்பை பற்றியும், இனி வரும் நித்தியத்தையும் நியாயதீர்ப்பை பற்றியும் சொல்ல தூண்டுகிறது.

ஆண்டராகிய இயேசுவுடன் இருந்து பின்னர் பரிசுத்த ஆவியினால் அபிஷேகம பெற்ற எல்லா அப்போஸ்த்தலர்களும் அவர்களோடு இருந்த ஆதி சபையார் எல்லோருமே சுவிசேஷத்தை எங்கும் சென்று பிரசங்கித்தனர்.

அப்போஸ்தலர் 8:40 பிலிப்பு ஆசோத்திலே காணப்பட்டு, அவ்விடத்திலிருந்து பிரயாணம் பண்ணி செசரியாவுக்கு வருகிறவரையில் சகல பட்டணங்களிலும் சுவிசேஷத்தைப் பிரசங்கித்துக் கொண்டுவந்தான்

அப்போஸ்தலர் 14:7 அங்கே சுவிசேஷத்தைப் பிரசங்கம்பண்ணினார்கள்.
அப்போஸ்தலர் 8:4 சிதறிப்போனவர்கள் எங்குந்திரிந்து, சுவிசேஷ வசனத்தைப் பிரசங்கித்தார்கள்.

தங்கள் ஜீவனை துச்சமாகஎண்ணி சுவிசேஷம் சொல்வதற்காக தங்களையே தேவனுக்காக அர்ப்பணித்தவர்கள் பலர். அவர்களின் அத்தகைய தன்னலமற்ற செயல்களால்தான் நாம்கூட இன்று தேவனை அறிந்திருக்கிறோம். அதேபோல் நாமும் நம்மால் இயன்றவரை இயேசுவை அறியாதவர்களுக்கு அவரை அறிவித்தலும் அவர்களுக்காக ஜெபித்தாலும் அவசியம்

மேலும் ஆண்டவரின் திட்டம் முழுமயாக பூர்த்தியடையவும் இந்த "சுவிசேஷம் சொல்லுதல்" என்ற கடமையை நாம் நிறைவேற்றுதல் அவசியமாகிறது.

மத்தேயு 24:14 ராஜ்யத்தினுடைய இந்தச் சுவிசேஷம் பூலோகமெங்குமுள்ள சகல ஜாதிகளுக்கும் சாட்சியாகப் பிரசங்கிக்கப்படும், அப்போது முடிவு வரும்.

இவ்வாறு ஆண்டவரின் அன்பை அடுத்தவருக்கு எடுத்துசொல்ல விருப்பமில்லாத அழிந்துபோகும் ஆத்துமாக்கள் மேல் கரிசனை இல்லாத ஒரு நிலை ஒருவருக்கு இருக்குமானால் அவர் தவறான உபதேசத்தில் இருக்கிறார் என்பதை உணர்ந்துகொள்வது நல்லது.

SUNDAR · மூத்த உறுப்பினர்

தவறான உபதேசத்தை அறிந்துகொள்ளும் வழிமுறைகளை பற்றி ஆராய்ந்து வருகிறோம்.

மத்தேயு 28: 20. நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்;

3. இயேசுவின் வார்த்தைகளை கைக்கொள்ளும்படி உபதேசித்தல்:

மேலே சொல்லப்பட்ட வசனத்துக்கு ஏற்ப, எவரொருவர் இயேசுவின் "இயேசுவின் வார்த்தைகளை கைக்கொள்ளும்படி போதிக்க வில்லையோ" அவர் தவறான ஒரு
உபதேசத்தில் இருக்கிறார்! அலலது ஆரோக்ய உபதேசத்தை விட்டு சாத்தானால் திசைதிருப்ப பட்டிருக்கிறார் என்பதை சுலபமாக அறிந்துகொள்ள முடியும்.

புதியஏற்பாடு புத்தகம் முழுவதும் அனேக வசனங்கள் மிகதெளிவாக இயேசுவின்
கற்பனைகளை கைக்கொள்ளவேண்டும் என்பதை நமக்கு திரும்ப திரும்ப போதிக்கின்றன.

இயேசுவிடம் அன்பாயிருக்கிறேன் என்று சொல்லிதிரிபவர்கள் எல்லோரும் அவரது கற்பனையை கைக்கொள்ளவேண்டும்

யோவான் 14:15 நீங்கள் என்னிடத்தில் அன்பாயிருந்தால் என் கற்பனைகளைக் கைக்கொள்ளுங்கள்.
யோவான் 5:3 நாம் தேவனுடைய கற்பனைகளைக் கைக்கொள்வதே அவரிடத்தில் அன்புகூருவதாம்;

யோவான் 14:23 இயேசு அவனுக்குப் பிரதியுத்தரமாக: ஒருவன் என்னில் அன்பாயிருந்தால், அவன் என் வசனத்தைக் கைக்கொள்ளுவான்

அவ்வாறு இயேசுவின் கற்பனையை கைகொள்ளுபவரிடத்தில பிதாவும் அன்பாயிருப்பார்:

யோவான் 14:21 என் கற்பனைகளைப் பெற்றுக்கொண்டு அவைகளைக் கைக்கொள்கிறவனே என்னிடத்தில் அன்பாயிருக்கிறான், என்னிடத்தில் அன்பாயிருக்கிறவன் என் பிதாவுக்கு அன்பாயிருப்பான்

இயேசுவின் கற்பனையை கைக்கொள்ளுவதால் மட்டுமே அவரின் ஒருவர் நிலைத்திருக்க முடியும்:

I யோவான் 3:24 அவருடைய கட்டளைகளைக் கைக்கொள்ளுகிறவன் அவரில் நிலைத்திருக்கிறான். அவரும் அவனில் நிலைத்திருக்கிறார்

இயேசுவின் வார்த்தைகளை கேடடு அவைகளின்படி செய்கிறவனே காற்றினாலும் புயலினாலும் அசைக்கமுடியாத கன்மலையின்மேல் வீட்டை கட்டிய புத்தியுள்ள
மனிதன். இயேசுவின் வார்த்தைப்படி செய்ய விரும்பாதவன் மணலின்மேல் வீடு கட்டியவன். சோதனை வந்தால் அது வீழ்ந்து நொறுங்கும்

மத்தேயு 7:24 நான் சொல்லிய இந்த வார்த்தைகளைக் கேட்டு,இவைகளின்படி செய்கிறவன் எவனோ, அவனைக் கன்மலையின்மேல் தன் வீட்டைக் கட்டின புத்தியுள்ள மனுஷனுக்கு ஒப்பிடுவேன்.

இயேசுவை அறிந்திருக்கிறேன் அவரைத்தான் நான் தெய்வமாக கும்பிடுகிறேன் என்று சொல்லியும் அவரது கற்பனையை கைகொள்ள விரும்பாதவன் ஒரு பொய்யன்!

I யோவான்2:4 அவரை அறிந்திருக்கிறேனென்று சொல்லியும், அவருடைய கற்பனைகளைக் கைக்கொள்ளாதவன் பொய்யனாயிருக்கிறான்,அவனுக்குள் சத்தியமில்லை.

அவரது கற்பனையை நாம் கைக்கொள்ளுவதால் மட்டுமே நாம் அவரை
அறிந்திருக்கிறோம் என்பதை நம்மாலேயே அறிய முடியுமாம்

.
I யோவான் 2:3 அவருடைய கற்பனைகளை நாம் கைக்கொள்ளுகிறவர்களானால், அவரை அறிந்திருக்கிறோமென்பதை அதினால் அறிவோம்

இதுபோல் இன்னும் அனேக வசனங்கள் இயேசுவின் கற்பனையை கைக்கொள்ள வேண்டும் என்பதை நமக்கு வலியுறுத்துகின்றன

எனவே அன்பானவர்களே:

எளிதில் அடையாளம் காணக்கூடிய களைகளாகிய மாம்சத்தில்வந்த இயேசுவை அறிக்கை பண்ணாதவர்களை பற்றி நாம் சுலபமாக அறிந்துகொள்ளலாம்.

மாம்சத்தில் வந்த இயேசுவை ஏற்றுக்கொண்டு, அவரை தேவனாக அல்லது தேவனின் குமாரனாக ஏற்காதவர்களை நாம் சற்று ஆழ்ந்து ஆராய்ந்து அறிந்து கொள்ள முடியும்.

ஆனால்:

கிறிஸ்த்தவத்துக்குள்ளே கிறிஸ்த்தவர்போல இருந்துகொண்டு தேவனை விட்டு தவறான வழியில் விசுவாசிகளை திசைதிருப்பும் சாத்தானின் தந்திரத்தை அறிந்து கொள்ள மூன்று வழிகளை சொல்லியிருக்கிறேன்.

1. பரிசுத்த ஆவியானவரை ஏற்காத நிலை.

2. ஆத்தும பாரம் அல்லது சுவிசேஷபாரம் இல்லாமை

3. இயேசுவின் கற்பனைகளை கைக்கொள்ளும்படி போதிக்காத நிலை

இக்காரியங்களை கருத்தில்கொண்டு சரியான உபதேசத்தை கண்டுகொள்ளும்படி அன்புடன் வேண்டுகிறேன்.