இறைவன்

SUNDAR · மூத்த உறுப்பினர்

பாவஞ்செய்வதை நியாயப்படுத்த துணியும் கிறிஸ்த்தவ கூட்டம்!

Nesan · MODERATOR

SUNDAR wrote:
கிறிஸ்த்தவர்கள் என்று தங்களை சொல்லிகொள்ளும் பல அதிமேதாவிகள் "பாவம் செய்வதில் தவறில்லை, அனால் அந்த பாவத்தினிமித்தம் குற்ற மனசாட்சி அடைவதுதான் தவறு" என்று எழுதுவதை பார்க்கும்போது மிகுந்த ஆச்சர்யமாக இருக்கிறது.

குற்ற மனசாட்சியை கொண்டு வருவது சாத்தானா அல்லது தேவனா?

யூதாஸ் கூட இயேசுவை காட்டிகொடுத்தபின்னர் குற்ற மனசாட்சிக்குள் கடந்து சென்றான் என்றும் அந்த மன சாட்சியின் குரலை சகிக்க முடியாமலேயே நான்று கொண்டு செத்தான் என்றும் எண்ண தோன்றுகிறது.

மத்தேயு 27:3. அப்பொழுது, அவரைக் காட்டிக்கொடுத்த யூதாஸ், அவர் மரணாக்கினைக்குள்ளாகத் தீர்க்கப்பட்டதைக் கண்டு, மனஸ்தாபப்பட்டு, அந்த முப்பது வெள்ளிக்காசைப் பிரதான ஆசாரியத்திடத்திற்கும் மூப்பரிடத்திற்கும் திரும்பக் கொண்டுவந்து:
4 குற்றமில்லாத இரத்தத்தை நான் காட்டிக்கொடுத்ததினால் பாவஞ்செய்தேன் என்றான். அதற்கு அவர்கள்: எங்களுக்கென்ன, அது உன்பாடு என்றார்கள்.
5. அப்பொழுது, அவன் அந்த வெள்ளிக்காசை தேவாலயத்திலே எறிந்துவிட்டு, புறப்பட்டுப்போய், நான்றுகொண்டு செத்தான்.

இங்கு குற்றமனசாட்சியை கொண்டு வந்தது சாத்தான் போலவே தோன்றுகிறது.

இன்றும் கூட நம்முடைய மனதில் சில நேரங்களில் "ஏய் நீ அந்த தப்பை செய்துவிட்டாயே, ஏய் நீ இந்த தவறை செய்து விட்டாயே" என்று குற்றம் கண்டுபிடித்து குறை சொல்லி இறைவனை விட்டு நம்மை பிரிக்க முயலும் ஒரு குரலை சில நேரங்களில் நம் மனதில் கேட்க முடியும். அது நிச்சயம் சாத்தானின் சத்தம் என்றே நான் எண்ணுகிறேன்.

"இறைவனுக்கு விரோதமாக நீ பாவம் செய்துவிட்டான் எனவே நீ இறைவனுக்கு அருவருப்பானாய்" என்பதுபோல்

சொல்லி, அது ஆண்டவரைவிட்டு நம்மை பிரிக்கவே நினைக்கிறது.

இயேசு நம்முடைய எல்லா பாவங்களுக்காகவும் மரித்திருக்கும் நிலையில் நாம் குற்றமான சாட்சி அடைய வேண்டியது அவசியமா?

(நேரம் கிடைக்கும்போது பதில் தரலாம்)

anbu57 · வெற்றியாளர்

RE: பாவஞ்செய்வதை நியாயப்படுத்த துணியும் கிறிஸ்த்தவ கூட்டம்!

HMV · இனியவர்

anbu57 wrote:
1 யோவான் 1:9 நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்.

மன்னிப்பவர் யாருங்க ஐயா, இயேசுகிறிஸ்துவா, பிதாவாகிய தேவனா..? இயேசுகிறிஸ்து மன்னிக்கிறவர் என்றால் அவர் எந்த ஸ்தானத்திலிருந்து மன்னிக்கிறார் என்பதையும் சற்று விளக்குங்களேன்...

anbu57 · வெற்றியாளர்

HMV wrote:
//மன்னிப்பவர் யாருங்க ஐயா, இயேசுகிறிஸ்துவா, பிதாவாகிய தேவனா..? இயேசுகிறிஸ்து மன்னிக்கிறவர் என்றால் அவர் எந்த ஸ்தானத்திலிருந்து மன்னிக்கிறார் என்பதையும் சற்று விளக்குங்களேன்...//

சகோ.HMV அவர்களே! மன்னிப்பவர் யாராயிருந்தால் என்ன? நமக்குத் தேவை மன்னிப்பு.

சகல அதிகாரமும் உடையவர் பிதாவாகிய தேவனே! அவர் வானத்திலும் பூமியிலும் சகல அதிகாரத்தையும் இயேசுவுக்குக் கொடுத்துள்ளதா மத்தேயு 28:18 கூறுகிறது. குறிப்பாக மன்னிக்கும் அதிகாரமும் அவருக்குக் கொடுக்கப்பட்டுள்ளதாக மத்தேயு 9:6 கூறுகிறது. மாத்திரமல்ல, இயேசுவின் சீஷருக்கும்கூட மன்னிக்கும் அதிகாரத்தை இயேசு கொடுத்துள்ளதாக இவ்வசனம் கூறுகிறது.

யோவான் 20:23 எவர்களுடைய பாவங்களை மன்னிக்கிறீர்களோ அவைகள் அவர்களுக்கு மன்னிக்கப்படும், எவர்களுடைய பாவங்களை மன்னியாதிருக்கிறீர்களோ அவைகள் அவர்களுக்கு மன்னிக்கப்படாதிருக்கும்.

இப்படியிருக்க, நம்முடைய பாவங்களை யார் மன்னித்தால் என்ன? ஆகிலும், உங்கள் கேள்வி தொடர்பான வேறு சில வசனங்களையும் தருகிறேன்.

மத்தேயு 6:14,15 மனுஷருடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார். மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்.

1 யோவான் 2:1 ஒருவன் பாவஞ்செய்வானானால் நீதிபரராயிருக்கிற இயேசுகிறிஸ்து நமக்காகப் பிதாவினிடத்தில் பரிந்து பேசுகிறவராயிருக்கிறார். 2 நம்முடைய பாவங்களை நிவிர்த்தி செய்கிற கிருபாதாரபலி அவரே; நம்முடைய பாவங்களை மாத்திரம் அல்ல, சர்வலோகத்தின் பாவங்களையும் நிவிர்த்தி செய்கிற பலியாயிருக்கிறார்.

அடுத்து, “இயேசுகிறிஸ்து மன்னிக்கிறவர் என்றால் அவர் எந்த ஸ்தானத்திலிருந்து மன்னிக்கிறார்” எனும் கேள்விக்கு வருவோம்.

இம்மாதிரி கேள்விகளெல்லாம் நமக்குத் தேவையில்லை என்பது எனது கருத்து. மேலும் இக்கேள்விக்கும் இத்திரிக்கும் சம்பந்தமில்லை என்பதால், உங்கள் கேள்வியை தனி திரியில் கேளுங்கள். யாரேனும் பதில் சொன்னால் அறிந்துகொள்ளுங்கள்.

Nesan · MODERATOR

HMV wrote:
anbu57 wrote:
1 யோவான் 1:9 நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்.
மன்னிப்பவர் யாருங்க ஐயா, இயேசுகிறிஸ்துவா, பிதாவாகிய தேவனா..? இயேசுகிறிஸ்து மன்னிக்கிறவர் என்றால் அவர் எந்த ஸ்தானத்திலிருந்து மன்னிக்கிறார் என்பதையும் சற்று விளக்குங்களேன்...

இறைவன் மன்னிப்பதற்கு தயை பெருத்தவராக இருப்பதாலும் தமக்கு பயப்படுகிறவர்களுக்கு மன்னிப்பை தருகிறவராகவும் இருப்பதாலேயே அந்த மன்னிப்பை இயேசுவின் மூலம் அருளும்படிக்கு தன்னிலிருந்து இயேசுவை உண்டாக்கினார்.

ஏசாயா 55:7 துன்மார்க்கன் தன் வழியையும், அக்கிரமக்காரன் தன் நினைவுகளையும்விட்டு, கர்த்தரிடத்தில் திரும்பக்கடவன்; அவர் அவன்மேல் மனதுருகுவார்; நம்முடைய தேவனிடத்திற்கே திரும்பக்கடவன்; அவர் மன்னிக்கிறதற்குத் தயை பெருத்திருக்கிறார்

சங்கீதம் 130:4 உமக்குப் பயப்படும்படிக்கு உம்மிடத்தில் மன்னிப்பு உண்டு.

அதாவது மனுஷ குமாரனாகிய இயேசுவுக்கு பாவங்களை மன்னிக்கும் அதிகாரம் உண்டு.

மத்தேயு 9:6 பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டென்பதை நீங்கள் அறியவேண்டும் என்று சொல்லி, திமிர்வாதக்காரனை நோக்கி: நீ எழுந்து உன் படுக்கையை எடுத்துக்கொண்டு, உன் வீட்டுக்குப் போ என்றார்.

அந்த அதிகாரத்தை அவருக்கு கொடுத்தவர் இறைவன்!

மத்தேயு 9:8 ஜனங்கள் அதைக்கண்டு ஆச்சரியப்பட்டு, மனுஷருக்கு இப்படிப்பட்ட அதிகாரத்தைக் கொடுத்தவராகிய தேவனை மகிமைப்படுத்தினார்கள்.

மேலும் அந்த அதிகாரத்தை இயேசு தன்னிடம் மாத்திரம் வைத்து கொள்ளாமல் சீஷர்களுக்கும் கொடுத்துள்ளார்

யோவான் 20:23 எவர்களுடைய பாவங்களை மன்னிக்கிறீர்களோ அவைகள் அவர்களுக்கு மன்னிக்கப்படும், எவர்களுடைய பாவங்களை மன்னியாதிருக்கிறீர்களோ அவைகள் அவர்களுக்கு மன்னிக்கப்படாதிருக்கும் என்றார்

இவ்வாறு இறைவனின் மன்னிக்கும் தன்மையானது இயேசு

வழியாக மனுஷர்களை வந்து அடைகிறது.