இறைவன்

ஆணடவராகிய இயேசு மனுக்குலத்தின் பாவத்துக்காக சிலுவையில் மரித்து உயிர்தெளுந்தபோது நடந்த சில விசேஷ சம்பவங்களை  மத்தேயு இவ்வாறு குறிப்பிடுகிறார்:

மத்தேயு 27:50. இயேசு மறுபடியும் மகாசத்தமாய்க் கூப்பிட்டு, ஆவியை விட்டார்.

51. அப்பொழுது, தேவாலயத்தின் திரைச்சீலை மேல்தொடங்கிக் கீழ்வரைக்கும் இரண்டாகக் கிழிந்தது, பூமியும் அதிர்ந்தது கன்மலைகளும் பிளந்தது.
52 கல்லறைகளும் திறந்தது, நித்திரை அடைந்திருந்த அநேக பரிசுத்தவான்களுடைய சரீரங்களும் எழுந்திருந்தது.
53. அவர் உயிர்த்தெழுந்தபின்பு, இவர்கள் கல்லறைகளைவிட்டுப் புறப்பட்டு, பரிசுத்த நகரத்தில் பிரவேசித்து அநேகருக்குக் காணப்பட்டார்கள்.

"அதாவது இயேசு உயிர்தெழுந்த பிறகு, நித்திரை அடைந்திருந்த அல்லது அதற்க்கு முன்னர் மரித்திருந்த பல பரிசுத்தவான்களின் சரீரங்கள்எழுத்து அவர்கள் கல்லறையில் இருந்து புறப்பட்டு நகரத்துக்குள் பிரவேசித்து அநேகருக்கு காணப்பட்டார்களாம்." என்று மத்தேயு குறிப்பிடுகிறார்.

ஆனால் பவுல் தீமோத்தேயுக்கு எழுதிய   நிருபத்தில் :  

II தீமோ 2:16. சீர்கேடான வீண்பேச்சுகளுக்கு விலகியிரு; அவைகளால் (கள்ளப்போதகர்களான) அவர்கள் அதிக அவபக்தியுள்ளவர்களாவார்கள்; 17. அவர்களுடைய வார்த்தை அரிபிளவையைப்போலப் படரும்; இமெநேயும் பிலேத்தும் அப்படிப்பட்டவர்கள்;
18 அவர்கள் சத்தியத்தை விட்டு விலகி, உயிர்த்தெழுதல் நடந்தாயிற்றென்று சொல்லி, சிலருடைய விசுவாசத்தைக் கவிழ்த்துப்போடுகிறார்கள்.

இந்த வார்த்தைகளின்படி'உயிர்த்தெழுதல் நடந்தாயிற்றென்று" என்று சொல்லும் சிலரை பவுல் கள்ள போதகர்கள்போல எழுதியுள்ளார்.   

பவுல் இவ்வாறு எழுத காரணம் என்ன?

மத்தேயு சொல்வதுபோல் உண்மையில் பரிசுத்தவான்கள் உயிர்த் தெழுந்தார்களா?
அல்லது பவுல் சொல்வதுபோல் உயிர்த்தெழுதல் நடந்தாயிற்று என்று சொல்லுவது கள்ள போத்கமா? அல்லது பவுலும் மத்தேயுவும் வேறு வேறு உயிர்தெழுதல்  பற்றி கூறுகின்றனரா?  

உண்மை அறிந்தவர்கள் சற்று விளக்கவும்!