இறைவன்

SUNDAR · மூத்த உறுப்பினர்

அதிகம் ஒப்புவிக்கபட்டவனிடம் அதிகம் கேட்கப்படும்!

SUNDAR · மூத்த உறுப்பினர்

RE: அதிகம் ஒப்புவிக்கபட்டவனிடம் அதிகம் கேட்கப்படும்!

EDWIN SUDHAKAR · வெற்றியாளர்

அதிகம் ஒப்புவிக்கபட்டவனிடம் அதிகம் கேட்கப்படும்!

SUNDAR · மூத்த உறுப்பினர்

EDWIN SUDHAKAR wrote:

சகோதரர் சுந்தர் அவர்களே,

வேதத்தில் கற்பனையை கை கொள்கிறவன் ஒரு தீங்கும் அறியான் என்று சொல்ல பட்டு உள்ளது

அதே போல் உங்கள் வார்த்தைகளில் பல வார்த்தைகள் துன்பத்திற்கு காரணம் மனிதனுடைய தவறே என்று சொல்லியுள்ளீர்கள்

எனக்கு ஒரு சந்தேகம்

ஸ்தேவான்
எரோமியா
பவுல் மற்றும்
இயேசுவின் சீடர்கள் இவர்கள் அனைவரும்

எத்தனையோ கஷ்டங்கள் வேதனைகளை அனுபவித்து இருக்கின்றார்கள் இறந்தும் இருக்கிறார்கள்

இவர்கள் தேவனுடைய கற்பனையை கை கொல்லவில்லையா..?

அல்லது இவர்களுடைய வேதனை துன்பம் மரணம் அனைத்திற்கும் காரணம் அவர்களுடைய தவறா....?

சகோ. எட்வின் அவர்களே! தங்கள் கேள்வி நியாயமான ஓன்று தான். என்னுடைய மனதிலும் பலமுறை எழுவதும், என் வீட்டிலும் அடிக்கடி புலம்புவதுமான ஒரு கேள்வியே!

ஒரு வகுபறையில் கடைசி பெஞ்சில் இருக்கும் படிக்காத மாணவர்கள் குறித்து ஆசிரியருக்கு எந்த அக்கரையும் இருக்காது. மேலும் படிக்காத கீழ்படியாத பிள்ளைகள் குறித்து பெற்றோருக்குகூட அக்கறை இருக்காது. ஆனால் நன்றாக படிக்கும், முதல் பெஞ்சில் இருக்கும் மாணவர்கள் எப்பொழுதும் ஆசிரியர் பார்வையில் இருப்பதோடு வீட்டில் பெற்றோர் மற்றும் எல்லோருமே அவர்களை குறித்து விசாரித்து ஊக்குவிப்பதும் ஒரு பாடத்தில் மதிப்பெண் குறைந்தால்கூட அவர்களை கடிந்துகொண்டு போதிப்பதும் இயல்புதானே!

அதுபோல் ஏதாவது சாக்குபோக்கு சொல்லிக்கொண்டு தேவனுடய வார்த்தைப்படி

கீழ்படிந்து வாழவிருப்பாத 99 பேர் பற்றி சாத்தானும் கவலைப்படுவதில்லை, தேவனும் பெரிதாக எதுவும் செய்ய விரும்புவது இல்லை! ஆனால் அவரது சித்தத்தை நிறைவேற்ற விளையும் ஒவ்வொரு மனுஷன் மேலேயும் சத்துருவின் கண்களும், தூதர்களின் கண்களும், தேவனின் கண்களும் நோக்கமாக இருக்கின்றன! இந்நிலையில், தேவனோடு மிகநெருங்கி பழகி அவர் சித்தம் அறிந்து, அதன்படி வாழவிளைபவன் செய்யும் ஒவ்வொரு சிறு பிழைகூட மிகப் பெரிய தண்டனையை கொண்டுவரும்.

தேவனை முகமுகமாக அறிந்த மேன்மையான மனுஷனாகிய மோசேயின் வரலாறை சற்று நினைவுபடுத்தி பாருங்கள்.அவன் செய்த தவறு என்ன வென்பது ஒரு போருடேஅல்ல அதை செய்ததுயார் என்பதன் அடிப்படையிலேயே தண்டனை தீர்மானிக்கப்படுகிறது. ஆகினும் மோசே என்னும் அந்த தேவமனிதன் இம்மையில் கானானுக்குள் பிரவேசிக்கும் பாக்கியத்தை இழந்து போனாலும், நித்திய கானானுக்குள் பிரவேசிக்கும் பாக்கியத்தை பெற்றிருப்பார் என்பதை அவர் மறுரூப மலையில் தரிசனமாகி இயேசுவுடனே சம்பாஷித்ததை வைத்து அறிய முடியும்!

சங்கீதக்காரன் புலம்புவதை பாருங்கள்!

சங்கீதம் 73:14 நாள்தோறும் நான் வாதிக்கப்பட்டும், காலைதோறும் தண்டிக்கப்பட்டும் இருக்கிறேன்

தேவனின் வார்த்தைகளை கண்டுகொள்ளாமல் சொகுசாக வாழ்பவனுக்கு எதுவுமே தெரியாது. அவர்களுக்கு உணர்வுள்ள இருதயமும் இல்லை அவனை யாரும் கண்டுகொள்ளபோவதும் இல்லை. ஆனால்.

பிரசங்கி 9:12 மச்சங்கள் கொடிய வலையில் அகப்படுவதுபோலவும், குருவிகள் கண்ணியில் பிடிபடுவதுபோலவும், மனுபுத்திரர் பொல்லாதகாலத்திலே சடிதியில் தங்களுக்கு நேரிடும் ஆபத்தில் அகப்படுவார்கள்.

தேவனின் வார்த்தைப்படி வாழவிளைபவ்னுக்கு காலைதோறும் தண்டனையும் நாள்தோறும் வாதிக்கபடுதலும் நிச்சயம் உண்டு!

இங்கு எரேமியா, பவுல் போன்ற தேவ மனுஷர்கள் தேவனின் வார்த்தைகள் படி வாழ்ந்தவர்கள்தான்! ஆனால் மோசே மீறியது போல அற்பமான மீறுதலுக்கு கூட அவர்கள் அனுபவிக்கும் தண்டனை மிக கடினமானதாக இருக்கும்!

அதற்க்கு என்னுடய வாழ்க்கையில் நடந்த ஒரு சம்பவமே சாட்சி!

பையில் வைத்திருக்கும் பணத்தை எடுத்து கீழேபோடு என்று சொன்னார். ஆனால் நான் கீழேபோடவில்லை. அது பெரிய மீறுதல் போல் எனக்கு தெரியவும் இல்லை. திடீர் என்று பசி எடுத்தால் சாப்பிடவேண்டுமே என்ற நோக்கத்திலேயே பணத்தை வைத்திருந்தேன். ஆனால் அந்த சிறிய மீறுதலுக்கு நான் அனுபவித்த தண்டனை மிகப்பெரிது என்றே சொல்லவேண்டும்!

அதுபோல் தேவனை நன்றாக அறிந்த மனுஷர்கள் செயும் தவறுகள் சத்துரு தூஷிப்பதர்க்கு வழி செய்வதால், அம்மனிதர்களின் சிறு சிறு மீறுதல்கள்கூட அவர்களுக்கு பெரிய தண்டனைகளை வாங்கிகொடுக்கிறது! தலைமை நீதிபதியின் மகன் தவறு செய்தால் உலகமே அதை அருவருக்குமே! சர்வலோக நியாயாதி பதியில் பிள்ளை தவறுசெய்தால் சாத்தான் பிராதுபண்ணாமல் சும்மா விடுவானா ஆகினும் இதுபோன்ற கடும் தண்டனைகள் மூலம் அம்மனிதன் உணர்வடைந்து ஒருநாளில் தேவனின் சித்தத்தை சரியாக செய்துமுடிக்க வாய்ப்புண்டு.

எனவே இங்கு மீறுதலின் தன்மை வேண்டுமானால் மாருபடலாமேயன்றி, தவறு இல்லாமல் தண்டனை என்பது நிச்சயம் இல்லை. நமது மீறுதலே நம்மை தண்டனைக்கு நேராக வழிநடத்தும்! என்பதில் எந்த மாற்று கருத்தும் இல்லை!

பிரசங்கி சொல்வதுபோல் இங்கு துன்பம் என்பதும் பாடுகள் என்பதும் உலகத்தாருக்கு வருவதுபோலவே தேவ மனிதர்களுக்கும் வரத்தான் செய்கிறது!

பிரசங்கி 9:2 எல்லாருக்கும் எல்லாம் ஒரேவிதமாய்ச் சம்பவிக்கும்; சன்மார்க்கனுக்கும் துன்மார்க்கனுக்கும், நற்குணமும் சுத்தமு முள்ளவனுக்கும் சுத்தமில்லாதவனுக்கும், பலியிடுகிறவனுக்கும் பலியிடாதவனுக்கும், ஒரேவிதமாய்ச் சம்பவிக்கும்

இந்த திரியில் நான் விளக்குவதுபோல், உலகத்தாரை விட மிக கடுமையான தண்டனைகள்கூட தேவனின் வழியில் வாழ்பவர்களுக்கு வரும்! ஆனால் "உலகத்தாரோ என்னதான் துன்பம் வந்தாலும் நடக்கும் காரியத்துக்கான காரணத்தை அறியாமல் இந்த மாயையான உலகத்தின்மீதே நோக்கமுள்ளவர்களாக கண்கள் மூடப்பட்ட நிலையில், இருதயம் அடைபட்ட நிலையில் வாழ்வார்கள ஆனால தேவனின் வழியில் நடப்பவர்களுக்கு, நடக்கும்/நடக்கபோகும் அத்தனை காரியத்துக்கும் சரியான காரணத்தை தேவனிடமிருந்த அறிந்து கொள்ள முடியும் அத்தோடு அவர்களுக்கு தங்கள் வாழ்க்கையை பற்றிய ஒரு திடநம்பிக்கை (HOPE) தேவனுக்குள் நிச்சயம் உண்டு! அந்த நம்பிக்கை ஒருபோதும் வீண்போவது இல்லை இம்மையில் சாத்தானின் பிடியில் இருக்கும் இந்த உலகில் அவர்கள் அனேக துன்பங்களை அனுபவித்தாலும்:

சகரியா 14:7 ஒருநாள் உண்டு, அது கர்த்தருக்குத் தெரிந்தது; அது பகலுமல்ல இரவுமல்ல; ஆனாலும் சாயங்காலத்திலே வெளிச்சமுண்டாகும்.

அப்பொழுது இழந்த எல்லாவற்றையும் நாம் நித்தியத்துக்கும் சுதந்தரித்துகொள்ளும் பாக்கியம் உண்டு என்பதே தேவவார்த்தையின்படி வாழ்வதிலுள்ள மேன்மை!

வெளி 21:7 ஜெயங்கொள்ளுகிறவன் எல்லாவற்றையும் சுதந்தரித்துக்கொள்ளுவான்;

குறிப்பு:

நான் அறிந்தவரை வேதபுத்தகத்தில் தேவனின் தாசனாகிய தாவீதுபற்றி சொல்லும் போது மட்டுமே வசனம் இவ்வாறு சொல்கிறது:

இராஜாக்கள் 15:5 தாவீது ஏத்தியனாகிய உரியாவின் சங்கதி ஒன்றுதவிர கர்த்தர் தனக்குக் கட்டளையிட்டதிலே தான் உயிரோடிருந்த நாளெல்லாம் ஒன்றையும் விட்டு விலகாமல், அவர் பார்வைக்குச் செம்மையானதைச் செய்துவந்தான்.

யோபுவைபற்றி சொல்லும்போது "உத்தமன், சன்மார்க்கன் மற்றும் தேவனுக்கு பயந்தவன்" என்றே வேதம் சொல்கிறது! தாங்கள் குறிப்பிட்டுள்ள மற்ற தேவ மனிதர்கள் நிலைபற்றி உறுதியாக வேதம் தெரிவிக்காதவரை நாம் ஒருமுடிவுக்கு வரமுடியாது. மேலும் பிரசங்கி 8:5 கற்பனையைக் கைக்கொள்ளுகிறவன் ஒரு தீங்கையும் அறியான்; என்று வசனம் சொல்வதையும் நாம் மறுக்க முடியாதே!

-- Edited by SUNDAR on Thursday 28th of July 2011 03:44:49 PM

Muthu · இளையவர்

RE: அதிகம் ஒப்புவிக்கபட்டவனிடம் அதிகம் கேட்கப்படும்!

SUNDAR · மூத்த உறுப்பினர்

இந்த உலகத்தில் தேவனை அதிகம் அறிந்து அவர் சித்தப்படி சரியாக வாழ விரும்பும் எந்த ஒரு மனுஷனையும் இந்த உலகத்தின் அதிபதியாகிய சாத்தான் அவ்வளவு சீக்கிரம் இந்த் உலக இன்பத்தை அனுபவிக்க விட்டுவிட மாட்டான். அதற்க்கு ஆதி கிறிஸ்த்தவர்களும் ஆண்டவரால் நடத்தபட்ட தீர்க்கதரிசிகளுமே சாட்சி! அப்படி ஒருவர் உலக இன்பங்களை அனுபவித்து வாழ்கிறார் என்றால் அவர தன்னுடய ஆவிக்குரிய வாழ்வை ஒருமுறை அலசிப்பார்ப்பது அவசியம்.

துன்பமும் பாடுகளும் சங்கடமும் வேதனையும் சோதனையும் தேவ பிள்ளைகளை அதிகமாக வாட்டுகிறது. ஆனால் இவை அனைத்தும் அவர்களை பரிசுத்தபடுத்தி ஜொலிக்க வைக்கதானேயன்றி அவர்களை கவிழ்த்துபோடுவதர்க்கு வருவது இல்லை.

சத்துருவின் திட்டங்களை எல்லாம் தேவன் நமக்கு சாதகமாகவே திருப்பி விடுகிறார் ஆகினும் இந்த சரீரமானது தேவனால் உயிர்ப்பிக்கப்படும்வரை

அது சாத்தானுக்கு சொந்தமானதாக இருப்பதால் அதில் அவன் வேதனை களை கொண்டுவது வாடிக்கையான ஓன்று! எனவே சாவுக்கேதுவான இந்த சரீரம் இருக்கும் வரை மனுஷனுக்கு நோவும் இருக்கத்தான் செய்யும்!