இறைவன்

சுந்தர்:

//இங்குள்ள கருத்துக்கள் சொல்லபட்டுள்ள விதத்தில் யாருக்காவது  இடறல் உண்டாக்குவது போல் இருந்தால் அது எவ்வாறு இடரலுண்டாக்கும் என்ற  ஒரு சிறிய விளக்கத்தோடு  எமது பார்வைக்கு கொண்டுவரும்படி அன்புடன் வேண்டுகிறேன்.//

அன்பான சகோதரரே!

இப்பதிவில் தாங்கள் கேட்டுக்கொண்டதற்கிணங்க எனது கருத்தைப் பதிக்க ஆசிக்கிறேன்.

சுந்தர்:

//எல்லோருக்கும் மீட்பு என்ற திட்டமே தேவனிடம் இல்லை (அதாவது தேவனுக்கு எல்லோரும் மீட்கப்பட்டுவிட வேண்டும் என்ற சித்தம் இருந்தாலும் எல்லோரையும் மீட்கும் திட்டம் எதுவும் அவரிடம் இல்லை) என்று கருதுபவர்கள் தேவனை சரிவர புரியாதவர்கள். மனுஷர்களாகியநாமே நமக்கு ஏதாவது  விருப்பம் உண்டானால் அதை எப்படியாவது நிறைவேற்ற ஏதாவது ஒரு வழியை கண்டு பிடிக்கிறோம். இவ்வாறு இருக்கையில்:

என்று வசனம் சொல்வதால், தேவன் "எல்லோரும் மீட்கப்பட வேண்டும்" என்ற தன் சித்தத்தை நிறைவேற்ற  நிச்சயம் ஏதாவது ஒரு வழி வைத்திருப்பர் என்பதை நம்பி ஏற்க்க விரும்பாதோர், தேவனின் வல்லமையே சந்தேகிப்பவர்கள் என்றே நான் கருதுகிறேன்.//

இப்பதிவின் மூலம், “எல்லோருக்கும் மீட்பு” எனும் திட்டம் தேவனிடம் இருப்பதாகக் கூறுகிறீர்கள். தேவனிடம் ஒரு திட்டம் இருந்தால், அது நிச்சயம் நிறைவேறும் என்பதில் ஐயமில்லை; எனவே, “எல்லோருக்கும் மீட்பு” எனும் தேவதிட்டத்தின் நிறைவேறுதலின் அடிப்படையில் “எல்லோருக்கும் மீட்பு” என்பது உறுதியாகி விடுகிறது. கிட்டத்தட்ட இதே கருத்தைத்தான் “கோவைபெரியன்ஸ்” தளத்தாரும் கூறுகின்றனர்.

இக்கருத்தை நம்புபவர்கள், “நாம் எப்படி வாழ்ந்தாலும் பரவாயில்லை, தேவனின் “எல்லோருக்கும் மீட்பு” திட்டத்தின்படி நாமும் நித்திய ஜீவனைப் பெற்றுவிடுவோம்” எனக் கருத வாய்ப்புண்டு.

நீங்கள் சொல்கிறபடியான தேவதிட்டம் ஒன்று மெய்யாகவே இருந்தால், பிரச்சனை எதுவுமில்லை. ஏனெனில் அத்திட்டத்தின் மூலம், உலகிலுள்ள அத்தனைபேரும் மீட்கப்பட்டு, நித்திய ஜீவனைப் பெற்றுவிடுவார்கள்.

ஆனால் நீங்கள் சொல்வது போன்றதொரு தேவதிட்டம் இல்லாமற்போய்விட்டால்? அத்திட்டத்தை நம்பி இவ்வுலக வாழ்வை தங்கள் மனம்போல் வாழ்ந்தோரின் கதி என்னவாகும்? அவர்கள் நித்திய ஜீவனைப் பெறமுடியாமற் போகக்கூடுமல்லவா? அதாவது நீங்கள் சொல்கிற இந்த தேவதிட்டம் அவர்களுக்கு இடறலாகிப் போகக்கூடுமல்லவா?

நித்தியஜீவனைப் பெறுவதற்கு ஒவ்வொரு தனிமனிதனும் என்ன செய்யவேண்டுமென தேவன் எதிர்பார்க்கிறாரோ, அதைச் செய்யாமல் ஒருவனும் நித்தியஜீவனை சுதந்தரிக்க மாட்டான் என்பது எனது கருத்து. இதற்கு ஆதாரமாக ஏராளமான வேதவசனங்கள் உண்டு; அவை உங்களுக்கு நன்றாகத் தெரியும்.

இதை எண்ணிப்பார்த்து தொடர்ந்து செயல்படும்படி வேண்டுகிறேன்.