இறைவன்

SUNDAR · மூத்த உறுப்பினர்

ஆச்சர்யமூட்டும் கீழ்படிதல்!

SUNDAR · மூத்த உறுப்பினர்

வேதாகம மனிதர்களுக்குள் எனக்கு மிகுந்த ஆச்சர்யத்தை உண்டாக்கும் அளவுக்கு ஒரு கீழ்படிதலை காண்பிதவர் ஒரு ஸ்திரியே! ஆண்டவராகிய இயேசு எப்படி ஒரு புறஜாதி ஸ்திரியாகிய சமாரிய ஸ்திரியின் விசுவாசத்தை பார்த்து "ஸ்திரியே உன் விசுவாசம் பெரிது" என்று வியந்து பாராட்டினாரோ அதேபோல் மிகுந்த கீழ்படித லுளள இந்த ஸ்திரியும் இஸ்ரவேலரல்லாத அந்நிய ஜாதியாகியா மோவாபி ஸ்திரியே!

ஆம்! "ரூத்" என்ற பெயர் கொண்ட அந்த ஸ்திரியின் ஆச்சர்யமூட்டும் கீழ்படிதலி மித்தம் அவளுக்கென்று ஒரு தனி புத்தகம் வேதாகமத்தில் ஒதுக்கப்பட்டிருபதில் ஆச்சர்யமேதுமில்லை!

பொதுவாக உலக நிலைப்படி மருமகள் மாமியார் என்றாலே எலியும் பூனையும்

போல இருவருக்கும் பிடிக்கவே பிடிக்காது. மருமகளுக்கும் மாமியாருக்கும் சண்டை நடக்காத வீடே இல்லை எனலாம்! இந்நிலையில் தன் மாமிக்கு அதிகமாக கீழ்படிந்த இந்த ஸ்திரியின் கதையை படிக்கும் போதெலாம் இவளால் எப்படி இவ்வளவு அதிகமான கீழ்படிதலுக்குள் கடந்துபோக முடிந்தது என்று எண்ணி எண்ணி வியக்கிறேன்

"ரூத்" எனப்படும் இந்த மோவாபிய ஸ்திரியின் கீழ்படிதலில் நாம் ஆராயும்போது அந்த கீழ்படிதலில் மூன்று முக்கிய அம்சங்கள் இருப்பதை அறிய முடியும் அதைபற்றி சுருக்கமாக இங்கு பகிர்ந்து கொள்ள விரும்புகிறேன்.

1. எதிபார்ப்பற்ற கீழ்படிதல்

2. அர்ப்பணிப்புடன் கூடிய கீழ்படிதல்

3 .நிபந்தனையற்ற முழுமையான கீழ்படிதல்!

1. எதிர்பார்ப்பற்ற கீழ்படிதல்

இந்த உலகில் மன்ஷர்கள் செய்யும் அனேக காரியங்கள் ஏதாவது ஒரு எதிர் பார்ப்பின் அடிப்படையிலேயே செய்யப்படுகிறது. ஆனால் இங்கோ தான் இரண்டு

மகன்களையும் இழந்து எந்த ஒரு உதவியும் செய்யமுடியாத நிலையில் இருக்கும் ஒரு வயதான மாமிக்கு இந்த ரூத் கீழ்படிந்தது என்பது, நிச்சயம் எந்த ஒரு

எதிர்பார்ப்பும் இல்லாத கீழ்படிதல்தான்.

ரூத் 1

11. நகோமி: என் மக்களே, நீங்கள் திரும்பிப்போங்கள்; என்னோடே ஏன் வருகிறீர்கள்? உங்களுக்குப் புருஷராகும்படிக்கு, இனிமேல் என் கர்ப்பத்திலே எனக்குப் பிள்ளைகள் உண்டாகுமோ?12. என் மக்களே, திரும்பிப்போங்கள்; நான் வயதுசென்றவள்; ஒரு புருஷனுடன் வாழத்தக்கவளல்ல;

அதாவது அவள் பின்னால் நீங்கள் போவதால் யாருக்கும் எந்த பயனும் ஏற்ப்பட போவதில்லை என்பதை தெளிவாக அறிந்திருந்தும் பணமோ பொருளோ அல்லது வேறு எந்த சொத்து சுமகமோ இல்லாத அவளை ரூத் விடாமல் பின்பற்றியது எந்த எதிர்பார்ப்பும் இல்லாத ஒரு ஆச்சர்யமான கீழ்படிதலே!

2 அற்பணிப்புடன் கூடிய கீழ்படிதல்:

"முழுமனதோடு முழுவதுமாக தன்னை அற்பணித்து" பிறருக்கு கீழ்படிந்து நடக்கும் நிலை என்பதுஒரு ஈடு இணை இல்லாதது. அப்படியொரு நிலையை இந்த ரூத்தின் கீழ்படிதலில் நாம் காணமுடியும்.

16. அதற்கு ரூத்: நான் உம்மைப் பின்பற்றாமல் உம்மைவிட்டுத் திரும்பிப் போவதைக்குறித்து, என்னோடே பேசவேண்டாம்; நீர் போகும் இடத்திற்கு நானும் வருவேன்; நீர் தங்கும் இடத்திலே நானும் தங்குவேன்; உம்முடைய ஜனம் என்னுடைய ஜனம்; உம்முடைய தேவன் என்னுடைய தேவன்.

17. நீர் மரணமடையும் இடத்தில் நானும் மரணமடைந்து, அங்கே அடக்கம்பண்ணப்படுவேன்; மரணமேயல்லாமல் வேறொன்றும் உம்மை விட்டு என்னைப் பிரித்தால், கர்த்தர் அதற்குச் சரியாகவும் அதற்கு அதிகமாகவும் எனக்குச் செய்யக்கடவர் என்றாள்.

ரூத் மிக உறுதியாக சொல்கிறாள். "நீர் இருக்கும் இடத்தில்தான் நான்

மரணமடையும் மட்டும் இருப்பேன். வேறு எதுவுமே நம்மை பிரிக்க முடியாது" என்று! சின்ன ஒரு மன கசப்பு வந்தாலே விட்டுவிட்டு எங்கேயாவது கண்காணா

தேசத்துக்கு ஓடிப்போக நினைக்கும் அநேகர் இருக்கும் இந்த உலகத்தில் ரூத் சொன்ன இந்த வார்த்தைகள் அவளுடைய கீழ்படிதலில் உள்ள முழு அர்ப்பணிப்பையும் முழு உறுதியையும் நமக்கு உணர்த்துகிறது.

3 .நிபந்தனையற்ற முழுமையான கீழ்படிதல்!
அநேகருக்கு கீழ்படியும் நல்ல எண்ணம் இருக்கும் ஆனால் " இதை சொன்னால் மட்டும் கேட்கமாட்டேன் அல்லது அதை செய்யசொன்னால் மட்டும் எனக்கு பிடிக்காது" என்ற நிபந்தனையோடு பலரது கீழ்படிதல் இருப்பதை பார்க்கலாம் . அனால் இங்கோ ரூத்த்துக்கு அவள் மாமி இவ்வாறு கட்டளையிடுகிறார்

ரூத் 3:4. அவன்(போவாஸ்) படுத்துக்கொண்டபோது, அவன் படுத்திருக்கும் இடத்தை நீ பார்த்திருந்து போய், அவன் கால்களின்மேல் மூடியிருக்கிற போர்வையை ஒதுக்கி நீ படுத்துக்கொள்;

இந்த காரியத்தை சற்று ஆழமாக பார்க்கும்போது, நகோமி ரூத்தின் நன்மைக்காக

இந்த காரியத்தை செய்ய சொன்னாலும் இந்த காரியம் எந்த ஒரு பெண்ணும் செய்ய கூச்சப்படும் ஒரு காரியமாகவே தெரிகிறது. அதாவது இன்னொரு

ஆண்மகன் படுத்திருக்கும் இடத்தில் போய், அவனது போர்வையை விலக்கி படுத்துகொள் என்று சொல்கிறாள். ஆனால் அதற்க்கு ரூத் சொல்வதை பாருங்கள்:

ரூத் 3:5. அதற்கு அவள்: நீர் எனக்குச் சொன்னபடியெல்லாம் செய்வேன் என்றாள்.
6. அவள் களத்திற்குப்போய், தன் மாமி தனக்குக் கற்பித்தபடியெல்லாம் செய்தாள்.

"நீர் என்ன சொன்னாலும் எந்த கேள்வியும் இல்லாமல் அப்படியே கீழ்படிவேன்" என்பதுவே ரூத்தின் நிபந்தனையற்ற முழுமையான கீழ்படிதலுக்கு ஆதாரம்!

நியாயப்பிரமாண கட்டளைப்படி "மோவாபியர்கள்" கர்த்தரின் சபைக்கு உட்படவே முடியாது!

உபாகமம் 23:3 அம்மோனியனும் மோவாபியனும் கர்த்தருடைய சபைக்கு உட்படலாகாது; பத்தாம்தலைமுறையிலும் என்றைக்கும் அவர்கள் கர்த்தருடைய

சபைக்கு உட்படலாகாது.

ஆனால் இந்த ரூத்தின் விஷேஷமான கீழ்படிதலிநிமித்தம் தேவன் அவளை இஸ்ரவேலரோடு செர்த்துகொண்டதோடு மட்டுமல்லாமல் நாம் ஆண்டவராகிய இயேசுவின் வம்சாவளியில் வரும் ஸ்திரி என்ற ஒரு மகிமையான ஸ்தானத்தை கொடுத்து உயர்த்தியதில் ஆச்சர்யம் எதுவும் இல்லை!

இப்படி ஒரு கீழ்படிதலுள்ள மனுஷனையே தேவன்தேடுகிறார். இப்படிபட்டவர்களை கொண்டே தேவன் பெரிய காரியங்களை சாதிக்க முடியும்! பட்சபாதம் பண்ணுகிர வரையோ தேவனுக்கு நிபந்தை போட்டு கீழ்படிபவரையோ, "இது அது அல்ல, அது இது அல்ல" என்பதுபோல் வசனத்தை புரட்டுகிரவகளை வைத்து தேவனால் ஓன்று செய்யவே முடியாது.

"எது செய்யக்கூடியது எது செய்யகூடாதது" என்பதை போதித்து சரியான வழியில் ஒருவரை நடத்த தேவஆவியானவருக்கு தெரியும். நீங்கள் அவரிடம் ரூத்தைபோல எந்தஒரு எதிர்பார்ப்பும் இல்லாமல் உயிரையும் கொடுக்கதுணியும் அர்ப்பணிப்புடன் கூடய முழுமையான கீழ்படிதலை காட்டினால் அவர் உங்களை எந்த ஜாதி எந்த மதம் என்றுகூட பார்க்காமல் உங்களை பயன்படுத்தமுடியும்! அப்படிபட்ட ஒருவரையே சாத்தானை ஜெயம்கொள்ளும் நிலைவரை உயர்த்த தேவனால் முடியும்!

Nesan · MODERATOR

வேதாக மனிதர்களில் அதிக கீழ்படிதல் உள்ளவர் என்று நான் கருதுவது இயேசுவின் தாயாகிய மரியாளைதான்.

இறை தூதன் ஒருவன் வந்து ஆண்டவரின் திட்டத்தை மரியாளிடம் சொன்னபோது, புருஷன் இல்லாது கர்ப்பவதி யாவது எவ்வளவு கேவலமானது என்பதும் அதனால் ஏற்ப்படும் நிந்தை மற்றும் பரியாசங்கள் அனைத்தையும் அறிந்திருந்தும் மிகுந்த விசுவாசத்துடன் அவர் ஆண்டவருக்கு அப்படியே கீழ்படிய துணிந்தது மிகுந்த ஆச்சர்யமான் ஓன்று

லூக் 1:38 அதற்கு மரியாள்: இதோ, நான் ஆண்டவருக்கு

அடிமை, உம்முடைய வார்த்தையின்படி எனக்கு ஆகக்கடவது என்றாள்

அந்த அன்னை போலவே நாமும் உலகத்தில் ஏற்ப்படும் நிந்தை அவமானத்தை சித்தித்து பார்க்காமல் இறைவனின் சித்தத்துக்கு கீழ்படிந்து நடந்தால் ஆண்டவரால் நம்மை பலருக்கு பயனுள்ள பாத்திரமாக வனைய முடியும்.