இறைவன்

யெப்தா தன் மகளை பலி கொடுக்கவில்லை,அவள் கன்னியாகவே இருந்துவிட்டாள் என்பதே வேத வல்லுனர்களின் கருத்தாகும்.வேதத்திலும் இதற்கு ஆதாரமில்லை.தலைச்சன் மகனையே நரபலியாக கொடுப்பார்கள், பெண் பிள்ளையை அல்ல.எனவே தலைச்சன் பெண் பிள்ளையாக இருந்தால் பெற்றோர் மகிழுவார்கள்.

//நீங்கள் சொல்லும் கருத்தை நான் மறுக்கவில்லை உண்மை அதுவாக கூட இருக்கலாம் ஆனால் ஆதாராம் வேண்டும் அல்லவா அதற்காக தான் கேட்கின்றேன் ..................//

உபாகமம் 12:31 உன் தேவனாகிய கர்த்தருக்கு அப்படிச் செய்யாயாக; கர்த்தர் வெறுக்கிற அருவருப்பான யாவையும் அவர்கள் தங்கள் தேவர்களுக்குச் செய்து, தங்கள் குமாரரையும் தங்கள் குமாரத்திகளையும் தங்கள் தேவர்களுக்கு அக்கினியிலே சுட்டெரித்தார்களே.


நரபலி கர்த்தருக்கு அருவருப்பானது! வேதத்தை நன்கு அறிந்த யெப்தா மகளை நரபலி கொடுத்து இருக்க வாய்ப்பில்லை. சகோ. HMV சொல்லுவது போல அவள் திருமணமாகாமல் (ஒரு ஆண் போல) தன்னை தேவனுடைய பணிக்கு ஒப்புக்கொடுத்தாள் என்று நிதானிக்கலாம். சொன்ன பொருத்தனையை மாற்றி அமைக்கவும் வேதத்தில் (சில நிபந்தனைகளுக்கு உட்பட்டு) இடமுண்டு.

சகோ. சுதாகர், இது போன்ற கேள்வி கேட்டு பதில் பெறுவதால் தங்களுக்கு என்ன பிரயோசனம் என்று எனக்கு விளங்கவி
ல்லை. சுந்தர் அவர்களின் வேதத்திற்கு புறம்பான அனுபவங்களையும், போதனைகளையும் குறித்து கேள்வி எழுப்பலாமே?

-- Edited by EDWIN SUDHAKAR on Wednesday 12th of October 2011 01:33:17 PM

HMV wrote:

---

வேதத்தில் இல்லாததைக் கொண்டு நிரூபிக்க முயற்சிப்பவன் மடையன் மட்டுமல்ல, பைத்தியக்காரன் ஆவான். விகாரமான விளக்கங்களைக் கொடுப்பவன் விபச்சாரி ஆவான்.

---

இந்த கேள்வியை பொறுத்தவரை நான் இதுவரை எந்த ஒரு விளக்கமும் கொடுக்கவில்லை அப்படியிருக்கையில், இப்படி ஒரு வக்கிரமான வார்த்தைகளை பயன்படுத்த வேதம் எந்த இடத்தில் சொல்கிறது சகோதரரே?  வேதத்துக்கு புறம்பான இந்த கருத்தையும் வார்த்தைகளையும் பயன்படுத்தும் நீங்கள் யார்?

இப்படி வேதத்துக்கு புறம்பாக நியாயம் தீர்க்கும்  உங்களை,  உங்கள் வார்த்தைகளே நியாயம்தீர்க்கும் என்பதை மறந்துவிட வேண்டாம்.

 

 

 

Bro.HMV-க்காக ஒரு வசனத்தைத் தந்ததன் காரணமாக நானும் இத்திரியின் விவாதத்தினுள் இழுக்கப்பட்டுவிட்டேன்.

எபிரெயர் நிருபத்தில் ஆபேலின் பலியும் ஆபிரகாமின் பலிமுயற்சியும் சொல்லப்பட்டுள்ளது, ஆனால் யெப்தாவின் பலி சொல்லப்படவில்லை எனும் HMV-ன் விவாதம் சரியல்ல. ஒருசில விசுவாசிகளின் காரியங்களை விளக்கமாகச் சொன்ன எபிரெய ஆக்கியோன் சில விசுவாசிகளின் பெயரை மட்டும் குறிப்பிட்டுள்ளார், பல விசுவாசிகளின் பெயரைக்கூட குறிப்பிடவில்லை. இதற்கான காரணத்தை 11:32-ல் சொல்லியுள்ளார்.

ஆம், காலம் போதாததால் பல விசுவாசிகளின் விவரங்களையும் சொல்லவில்லை, பல விசுவாசிகளின் பெயரையும் சொல்லவில்லை. எனவே எபிரெயர் நிருபத்தில் யெப்தாவின் விவரம் சொல்லப்படாததால், அவர் தன் மகளைப் பலியிடவில்லை என்ற முடிவுக்கும் வரமுடியாது; அதில் யூதா, பெஞ்சமின், சாலொமோன் போன்றவர்களின் பெயர் இல்லாததால் அவர்களுக்கெல்லாம் நரகமே எனத் தீர்க்கவும் முடியாது.

மொத்தத்தில் எபிரெயர் நிருபத்தில் ஒருவரைப் பற்றியோ ஒருவரது சங்கதியைப் பற்றியோ எதுவும் சொல்லப்படாததை வைத்து அவர்களைக் குறித்து எந்த முடிவும் எடுக்க இயலாது. எனவே எபிரெயர் நிருபத்தில் சொல்லப்பட்டதை வைத்து தனது வாதத்தை வைக்கவேண்டாமென Bro.HMV-யைக் கேட்டுக்கொள்கிறேன்.

இனி, யெப்தா தன் மகளைப் பலிகொடுத்தாரா எனும் கேள்விக்கு வருகிறேன்.

வேதாகம வசனங்களில் ஒன்றுக்கொன்று இடையேயான தொடர்புகளின்படி பார்த்தால், யெப்தா தன் மகளை தகனபலியிட்டார் என்று சொல்லவே வாய்ப்பு உள்ளது.

நியாயாதிபதிகள் 11:30 அப்பொழுது யெப்தா கர்த்தருக்கு ஒரு பொருத்தனையைப் பண்ணி: தேவரீர் அம்மோன் புத்திரரை என் கையில் ஒப்புக்கொடுக்கவே ஒப்புக்கொடுத்தால், 31 நான் அம்மோன் புத்திரரிடத்திலிருந்து சமாதானத்தோடே திரும்பிவரும்போது, என் வீட்டு வாசற்படியிலிருந்து எனக்கு எதிர்கொண்டு வருவது எதுவோ அது கர்த்தருக்கு உரியதாகும், அதைச் சர்வாங்க தகனபலியாகச் செலுத்துவேன் என்றான்.

11:38 அவள் தன் தோழிமார்களோடும் கூடப்போய், தன் கன்னிமையினிமித்தம் மலைகளின்மேல் துக்கங்கொண்டாடி, 39 இரண்டுமாதம் முடிந்தபின்பு, தன் தகப்பனிடத்திற்குத் திரும்பிவந்தாள்; அப்பொழுது அவன் பண்ணியிருந்த தன் பொருத்தனையின்படி அவளுக்குச் செய்தான்;

ஆகிலும் உபாகமம் 12:31-ன் அடிப்படையில் திரு.ஜாண் வைத்துள்ள வாதத்தின்படி பார்த்தால், யெப்தா தன் மகளை பலியிட்டிருக்க மாட்டார் எனச் சொல்லவும் வாய்ப்புள்ளது.
அதேவேளையில், நரபலியை தேவன் அனுமதித்துள்ளார் என்பதற்கு பின்வரும் வசனங்கள் ஆதாரமாகத் தோன்றுகின்றன.

லேவியராகமம் 27:28 ஒருவன் தன் வசத்திலுள்ள நரஜீவனிலாவது, மிருகஜீவனிலாவது, காணியாட்சி நிலத்திலாவது, எதையாகிலும் கர்த்தருக்கென்று சாபத்தீடாக நேர்ந்துகொண்டால், அது விற்கப்படவும் மீட்கப்படவும் கூடாது; நேர்ந்துகொள்ளப்பட்டவைகளெல்லாம் கர்த்தருக்காகப் பரிசுத்தமாயிருக்கும். 29 நரஜீவனில் சாபத்தீடாக நியமிக்கப்பட்டவைகளெல்லாம் மீட்கப்படாமல் கொலைசெய்யப்படக்கடவது.

இவ்வசனங்களைக் கவனமாகப் படித்துப்பார்த்தால், இங்கு சொல்லப்பட்டுள்ள காரியம் “தேவனுக்குச் செலுத்தும் பலி” அல்ல, “சாபத்தீடானவற்றை விலக்குவது அல்லது அழிப்பது” என நாம் புரிந்துகொள்ளலாம்.

சாபத்தீடான எதையும் இஸ்ரவேலர்கள் தங்களிடம் வைத்திருக்கக் கூடாது என்பது தேவனின் கட்டளையாகும் (யோசுவா 6:18). ஆகிலும் சாபத்தீடாவற்றிலுள்ள வெள்ளி பொன் போன்றவை கர்த்தரிடத்தில் வரவேண்டும், அவை கர்த்தருக்குப் பரிசுத்தமாயிருக்கும் என யோசுவா 6:19 கூறுகிறது.

நரஜீவன்களில் சாபத்தீடாக நியமிக்கப்பட்டவை கொல்லப்படத்தான் வேண்டும் என லேவி. 27:29 கூறுகிறது. இங்கு “பலி” எனும் வார்த்தை பயன்படுத்தப்படவில்லை. “கொல்லுதல்” எனும் வார்த்தைதான் பயன்படுத்தப்பட்டுள்ளது. அமலேக்கியரில் சிறு குழந்தைகள் உள்ளிட்ட நரஜீவன்களை (1 சாமு. 15:3) தேவன் கொல்லச் சொன்னதற்கு சமமாகத்தான் லேவி. 27:29-லும் தேவன் கூறுகிறார் என நான் கருதுகிறேன்.

எனவே நரஜீவன்களின் பலியை தேவன் ஏற்பார் என்பதற்கு ஆதாரமான வேதவசனம் எதுவும் இல்லை என்றே நான் கருதுகிறேன். மாறாக நரஜீவன்களின் பலியை தேவன் அருவருக்கிறார் என்பதற்கு ஆதாரமான வசனம்தான் உள்ளது.

இதனடிப்படையில் பார்க்கையில், வேதத்தை அறிந்தவனான யெப்தா, தன் மகளைப் பலியிட்டிருக்க மாட்டார் எனக் கருதவே வாய்ப்புள்ளது.

யெப்தாவின் மகள் தன் கன்னிமைக்காகத்தான் 2 மாதம் துக்கங்கொண்டாடினாள் என வசனம் சொல்கிறதேயன்றி, தன் ஜீவனுக்காகத் துக்கங்கொண்டாடினாள் என வசனம் கூறவில்லை. கன்னிமையைக் காட்டிலும் ஜீவன் தானே முக்கியம்? எனவே ஜீவனை இழக்கவிருப்பவள் அதற்காக அல்லவா துக்கம் கொண்டாட வேண்டும்? அதைச் செய்யாமல் தன் கன்னிமைக்காகத் அவள் துக்கங்கொண்டாடியதை வைத்து பார்க்கும்போது, அவள் பலியிடப்பட்டிருக்க மாட்டாள் என்றே கருதத் தோன்றுகிறது.

ஆகிலும் எதையும் திட்டவட்டமாகச் சொல்வதற்கில்லை. இம்மாதிரி திட்டமாகத் தெரியாத விஷயங்களில் நாம் எதையும் தீர்மானமாகச் சொல்லாதிருப்பதே நல்லது என்பதே எனது கருத்து.

//இந்த காரியம் குறித்து ஆண்டவரிடம் விசாரித்து ஒரு முடிவுக்கு வரமுடியாமல் இருந்த காரணத்தால் நான் இதுவரை ஒரு முடிவான கருத்து எதையும் தெரிவிக்க வில்லை. எனவே மூலபாசையில் இது குறித்து என்ன எழுதியிருக்கிறது என்று தங்களிடம் பார்த்து பதிடும்படி கேட்க வேண்டும் என்று எண்ணியிருந்தேன் இந்நிலையில் தங்கள் நடுநிலையான விளக்கத்துக்கு நன்றி. //

This is funny :) . Bro. Sunder, I thank God that your god didn't advise you to tell your friends to follow jeptha! . You are still living in old testament time making yourself standing between God and man. I will come back soon to discuss your bible heresies in this forum