இறைவன்

Sugumar S T wrote:

---

சிலுவையை சுமப்பது என்றால், மேலும் எனென்ன அடங்கும் என்பதை தெரிந்தவர்கள் விளக்குமாறு கேட்டு கொள்கிறேன்..

---

சகோ. சுகுமார் அவர்களே நல்லதொரு விளக்கம் மற்றும் கேள்வியை முன்வைத்தீர்கள். ஒரு கிறிஸ்த்தவர் இப்படியெல்லாம் ஆழமாக  சித்தித்தால் நிச்சயம் அனேக உண்மைகளை தேவன் தெரிவிக்க வாய்ப்புண்டு.

ஆண்டவராகிய இயேசு சிலுவையில் என்னென்னத்தை எல்லாம் சுமந்தார்என்பதை அறிந்துகொண்டார் அவர் நம்மை எதை சுமக்க சொல்கிறார் என்பதை அறிந்துகொள்ள முடியும்.    

ஏசாயா 53:11 அவர் தமது ஆத்தும வருத்தத்தின் பலனைக் கண்டு திருப்தியாவார்; என் தாசனாகிய நீதிபரர் தம்மைப் பற்றும் அறிவினால் அநேகரை நீதிமான்களாக்குவார்; அவர்களுடைய அக்கிரமங்களைத் தாமே சுமந்துகொள்வார்.

I பேதுரு 2:24 நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள்.

நமது அக்கிரமங்களையும் பாவங்களையுமே இயேசு சிலுவையில் சுமந்தார் அந்த அக்கிரமங்களாகிய பாவங்களே அவருக்கு மரணத்தை கொண்டுவந்தது. இந்த கருத்தின் அடிப்படையில் கீழ்கண்ட வசனங்களை ஆராய்ந்தால்.

லூக்கா 14:27தன் சிலுவையைச் சுமந்து கொண்டு எனக்குப் பின்செல்லாதவன் எனக்குச் சீஷனாயிருக்கமாட்டான்.

மத்தேயு 13:21 ஆகிலும் தனக்குள்ளே வேரில்லாதவனாய், கொஞ்சக்காலமாத்திரம் நிலைத்திருப்பான்; வசனத்தினிமித்தம் உபத்திரவமும் துன்பமும் உண்டானவுடனே இடறலடைவான்.

இவ்வாறு வசனத்திநிமித்தம்   பாடுகளை அனுபவிக்க விரும்பாதவர்கள் விரைவில் இடரலடைபவர்கள். தாங்கள் சொல்வதுபோல்  வசதியான சுகபோக வாழ்க்கையை விரும்பும்  அநேகர் வேத வசனத்தை கைகொண்டு நடந்து அதனால் வரும்  பாடுகளை அனுபவிக்க சற்றும் விருப்பம் இல்லாதவர்களாக இருக்கறார்கள். இன்றைய  கிறிஸ்த்தவ உலகில் இருக்கும் பெரிய பெரிய போதக ஸ்டார்களே அதற்க்கு சாட்சி.  ஆனால் இவர்களும் கிறிஸ்த்தவர்கள் என்று தங்களை சொல்லி கொள்பவர்கள்தான். இவர்களை பற்றி வேதம் என்ன சொல்கிறது.       

மத்தேயு 7:26 நான் சொல்லிய இந்த வார்த்தைகளைக் கேட்டு, இவைகளின்படி செய்யாதிருக்கிறவன் எவனோ, அவன் தன் வீட்டை மணலின்மேல் கட்டின புத்தியில்லாத மனுஷனுக்கு ஒப்பிடப்படுவான்.
27. பெருமழை சொரிந்து, பெருவெள்ளம் வந்து, காற்று அடித்து, அந்த வீட்டின்மேல் மோதினபோது அது விழுந்தது; விழுந்து முழுவதும் அழிந்தது என்றார்.

அதாவது கிறிஸ்த்தவர்கள் என்று சொல்லிக்கொள்ளும் எல்லோருமே  அவரவர் கிரியின் அடிப்படையில் கிறிஸ்த்துவுக்குள் தங்களுக்கென்று ஒரு நித்திய வீட்டை கட்டிக்கொண்டுதான் இருக்கிறோம். ஆனால் அவர் சொன்ன வார்த்தையின்படி நடந்து அதன் மூலம் வரும் பாடுகளை  அனுபவிக்க விருப்பமில்லாமல் நாங்களும் கிறிஸ்த்தவர்கள் என்று சொல்லி கொண்டு இருப்பவர்கள் கட்டும் வீடு ஒருநாளில் முழுவதும் விழுந்து அழிந்து போகும் என்பது உறுதி!

வெளி 2:10 நீ படப்போகிற பாடுகளைக்குறித்து எவ்வளவும் பயப்படாதே; இதோ, நீங்கள் சோதிக்கப்படும்பொருட்டாகப் பிசாசானவன் உங்களில் சிலரைக் காவலில் போடுவான்; பத்துநாள் உபத்திரப்படுவீர்கள். ஆகிலும் நீ மரணபரியந்தம் உண்மையாயிரு, அப்பொழுது ஜீவகிரீடத்தை உனக்குத் தருவேன்.

பாடுகளை சகித்து மரண பரியந்தம் உண்மையாக இருப்பவனுக்கே  ஜீவகிரீடம் கிடைக்கும்!