இறைவன்

JOHN12 wrote:

---

என்னை ஏன் அடிக்கிறாய்? வேதத்தில் இந்த கேள்வியை கேட்டவர் நம் கர்த்தராகிய இயேசு கிறிஸ்து....

வேதத்தில் ஒருபுறம் அவர் வாய் திறவாமல் இருந்தார் என கூறி இருக்க..

 தேவன் ஏன் மேற்கூறிய கேள்வியை சேவகனிடத்தில் கேட்டார்.. தெரிந்த சகோதரர்கள் வேத ஆதாரத்துடன் விளக்கவும்..

---

சகோதரர்  அவர்களே என்னுடய கணிப்புபடி தாங்கள் குறிப்பிட்டுள்ள  வசனமாகிய "ஏன் அடிக்கிறாய்" என்ற இயேசுவின் கேள்வியானது, அவரை  மரண ஆக்கினைக்குள்  தீர்ப்பதற்கு முன்னால் இயேசுவால் கேட்கபட்டது. அந்த சமயத்தில் அவர் அடிப்பதற்கு கொண்டுபோகும் ஆட்டுக்குட்டி நிலையில் இல்லை.

மத்தேயு 27: 26. அப்பொழுது, அவன் (பிலாத்து)   பரபாசை அவர்களுக்கு விடுதலையாக்கி, இயேசுவையோ வாரினால் அடிப்பித்து, சிலுவையில் அறையும்படிக்கு ஒப்புக்கொடுத்தான்.

இவ்வாறு இயேசு  மரண ஆக்கினைக்குள் தீர்க்கபட்டு ஒப்புகொடுக்கபட்ட பிறகே  அவர் அடிப்பதற்கு கொண்டுபோகப்படும் ஆட்டுக்குட்டி நிலைக்கு வருகிறார். அதன்பின்னர் அவரை என்னவெல்லாமோ பாடு படுத்தினார்கள்  முள்முடியை சூட்டினார்கள், கோலினால் அடித்தார்கள், குட்டினார்கள்,  துப்பினார்கள், சிலுவையை சுமக்க வற்ப்புறுத்தினார்கள், கசப்பான காடியை  குடிக்க கொடுத்தார்கள் இன்னும் பல்வேறு விதமாக தண்டித்தவர்கள எவரையும்  பார்த்து அவர் எதிர்த்து  எந்த கேள்வியும் கேட்கவில்லை என்பதை நாம் அறிய முடியும்

எனவே தேவ ஆட்டுக்குட்டியாகிய இயேசு அடிப்பதற்காக ஒப்புகொடுத்து  தீர்மானம் ஆனபிறகு, வசனம் சொல்வதுபோல் அடிக்கப்படும்படி கொண்டு போகப்படுகிற ஒரு ஆட்டுக் குட்டியைப்போல அவர் வாயை  திறக்காமல் இருந்தார் என்பது சரியாகிறது. 

வேறு  மறைவான காரணங்கள் இருந்தால் தெரிவிக்கவும்.