இறைவன்

நியாயப்பிரமாணமும் தீர்க்கதரிசனகளும் எவை? என்று ஆண்டவராகிய இயேசு விளக்கியபோது அவர் கீழ்கண்ட வார்த்தைகளை விளக்கமாக தந்தார்.   

லூக்கா 6:31 மனுஷர் உங்களுக்கு எப்படிச் செய்யவேண்டுமென்று விரும்புகிறீர்களோ, அப்படியே நீங்களும் அவர்களுக்குச் செய்யுங்கள்.  (இதுவே நியாயப்பிரமாணமும் தீர்க்கதரிசனங்களுமாம்)

ஆண்டவர்  சொன்ன இந்த முக்கியமான வசனத்தை பலர் சரியாக புரிந்துகொள்ளாமல் ஏனோ தானோஎன்று யோசித்து பொருள் கொண்டு விடுவதால், அந்த வசனத்தின் முக்கிய கருத்துக்களை அறியமுடியாமல் போக வாய்ப்புண்டு எனவே அதன் சரியான விளக்கம் என்னவன்பதையும் நாம் அறிவது அவசியம். 

இவ்வசனத்தின் மைய கருத்து என்னவெனில்! 

மனுஷர்கள் உங்களை "சார்" என்று அழைக்க வேண்டும் என்று நீங்கள் எதிர்பார்த்தால் நீங்கள் எல்லோரையும் "சார்" என்று அழையுங்கள் 

மனுஷர்கள் உங்கள்மீது கோபபடகூடாது திட்டக் கூடாது என்று எதிர்பார்த்தல் நீங்கள் யார் மீதும் கோபபடாதீர்கள் யாரையம் திட்டாதீர்கள். 

மனுஷர்கள் உங்களுக்கு தரவேண்டிய பணத்தை சரியான நேரத்தில் தரவேண்டும் என்று எதிர்பார்த்தால் நீங்கள் மற்றவர்களுக்கு கொடுக்கவேண்டிய பணத்தை சரியான நேரத்தில் திருப்பி கொடுங்கள்.

மனுஷர்கள் உங்களுடன் உண்மையை பேசவேண்டும் என்று எதிர்பார்த்தால் நீங்கள் மற்றவர்களோடு உண்மையை பேசுங்கள் 

மனுஷர்கள் யாரும் உங்களை ஏமாற்றிவ்டகூடாது என்று எதிர்பார்த்தால் நீங்கள் யாரையும் ஏமாற்றாதீர்கள்.

மனுஷர்கள் உங்களுக்கு தாராளமாக கொடுக்கவேண்டும் என்று எதிர்பார்த்தால் நீங்கள் மற்றவர்களுக்கு தேவையானதை அள்ளி கொடுங்கள் (நீங்கள் அளக்கிற அளவின்படியே உங்களுக்கு அளக்கப்படும்)

மன்ஷர்கள் உங்களுடைய வார்த்தைகளை கவனிக்க வேண்டும் என்று எதிர்பார்த்தால் நீங்கள் மற்றவர்கள் சொல்வதை கவனியுங்கள்.  

மனுஷர்கள் உங்களுக்கு பணிவிடை செய்யவேண்டும் என்று எதிர்பார்த்தால் நீங்கள் அவர்களுக்கு பணிவிடை செய்யுங்கள். 

மனுஷர்கள் உங்களை வாழ்ந்த வேண்டும் போற்ற வேண்டும் மதிக்கவேண்டும் என்று எதிர்பார்த்தால் நீங்கள் மற்றவரை வாழ்த்துங்கள் போன்றுங்கள் மதியுங்கள்.

இப்படி சொல்லிக்கொண்டே போகலாம்.................   

ஆஹா! இப்படி எல்லோரும் செய்ய ஆரம்பித்தால் இந்த உலகமே சொர்க்கமாகிவிடுமே! பிறகு கற்பனைகள்/ கட்டளைகள் எதற்கு? எல்லோருமே தேவ மனுஷர்களாகிவிடுவார்களே!