இறைவன்

JOHNJOSH · இனியவர்

தேவனின் திட்டத்தில் நமது ஜெபத்தின் பங்கு என்ன?

JOHN12 · வெற்றியாளர்

RE: தேவனின் திட்டத்தில் நமது ஜெபத்தின் பங்கு என்ன?

SUNDAR · மூத்த உறுப்பினர்

JOHNJOSH wrote:

அப்படி தேவன் நிர்ணயித்தபடிதான் நடக்கும் என் என்றால் தேவனின் திட்டத்திலே நமது ஜெபத்தின் பங்குதான் என்ன ஐயா?

நம் மீதான தேவனின் திட்டம் எல்லாமே நமக்கு நன்மை செய்வதுதான்.

ஆவிக்குரிய இஸ்ரவேலராகிய நம்மை ஆசீர்வதிப்பதே கர்த்தருக்கு பிரியம் என்பது மாறாத உண்மை.

ஆதியாகமம் 5:2 அவர்களை ஆணும் பெண்ணுமாகச் சிருஷ்டித்து, அவர்களை ஆசீர்வதித்து, அவர்களைச் சிருஷ்டித்த நாளிலே அவர்களுக்கு மனுஷர் என்று பேரிட்டார்.

எண்ணாகமம் 24:1 இஸ்ரவேலை ஆசீர்வதிப்பதே கர்த்தருக்குப் பிரியம்

நம்மீது அவர் கொண்டிருக்கும் நினைவுகள் எல்லாமே தீமைக்கல்ல சமாதானத்துக்கேதுவானதுதான்

எரேமியா 29:11 நீங்கள் எதிர்பார்த்திருக்கும் முடிவை உங்களுக்கு கொடுக்கும்படிக்கு நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர்சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே.

ஆகினும் தேவனின் அந்த நன்மைகள் /ஆசீர்வாதங்கள் போன்றவற்றை சமாதானத்தோடு சுதந்தரித்துக்கொள்ள முடியாமல் நம்முடைய பாவங்களும் மீறுதல்களும் தடையாக நிற்கின்றன. அதனால் தேவன் நம்மை பல நேரங்களில் வெறுக்கவும் வழி ஏற்ப்படுகிறது.

ஏசாயா 59:2 உங்கள் அக்கிரமங்களே உங்களுக்கும் உங்கள் தேவனுக்கும் நடுவாகப் பிரிவினை உண்டாக்குகிறது; உங்கள் பாவங்களே அவர் உங்களுக்குச் செவிகொடாதபடிக்கு அவருடைய முகத்தை உங்களுக்கு மறைக்கிறது.

எசேக்கியேல் 18:30 நீங்கள் மனந்திரும்புங்கள், உங்களுடைய எல்லா மீறுதல்களையும் விட்டுத் திரும்புங்கள்; அப்பொழுது அக்கிரமம் உங்கள் கேட்டுக்குக் காரணமாயிருப்பதில்லை.

என்பது தேவன் நம்மை நோக்கி சொல்லும் வார்த்தைகள்.

இந்நிலையில் இயேசுவின் இரத்தத்தால் பாவங்கள் அக்கிரமங்கள் நீக்கபட்ட நாம் தேவனை நோக்கி முழு மனதோடு ஜெபிக்கும்போது மூன்று நன்மைகள் உண்டாகிறது

1. நாம் தேவனை நோக்கி ஜெபிக்கும் அந்நேரத்தில் பாவங்களை தவிர்த்து நமது மனதை ஒருமனபடுத்த முடியும் அதன் மூலம் நாம் தேவனோடு ஒப்புரவாகவும் அவர் சித்தத்துக்கு இசைந்து நடக்கவும் முடியும் .

2. எல்லா நாமத்துக்கும் மேலான இயேசுவின் நாமத்தை பயன்படுத்தி ஜெபிப்பதன் மூலம் தேவனின் திட்டங்கள் நிறைவேற தடைசெய்யும் சாத்தானின் தந்திரங்களை தகர்க்க முடியும்.

3. ஒருமனபட்ட ஜெபத்தின் மூலம் இயற்க்கைக்கு அப்பாற்ப்பட்ட காரியங்களை அறியவும் உணரவும் நம்மால் முடியும் அந்த விசேஷ காரியங்கள் நமது விசுவாசத்தை அசைக்க முடியாத நிலைக்கு கொண்டுசெல்லும். "விசுவாசத்தினால் எல்லாம் கூடும்"என்று வசனம் சொல்கிறதே!

எனவே தேவனின் திட்டங்கள் நமது நன்மைக்கு எதுவாக இருந்தாலும். நமக்கு ஜெபம் மிக மிக அவசியம் !