இறைவன்

ஒருமுறை ஒரு கிராமத்துக்கு என் தந்தையோடு சென்றேன், அங்கே செல்ல பேருந்து கிடையாது, வயல்-வரப்புகளைத் தாண்டி செல்லவேண்டும்.  அப்போது மிகவும் இளைஞனாக இருந்தேன். ஒரு வயதான முதியவரிடம் "இயேசுவைத் தெரியுமா?" என்றேன். "எனக்கு  அவங்க வீடு தெரியாது,  கடைக்காரரிடம் கேளுங்கள் அவருக்குத் தெரியும்" என்றார். இயேசுவைப்பற்றி கேள்விப்படாத சிலர் வாழ்ந்த கிராமம் அது. பின்புதான் தேவனைப்பற்றி விளக்க ஆரம்பித்தேன். அதே கிராமத்தில் ஒருவரிடம் "கெட்ட வார்த்தை பேசுவது சரியா?" என்றேன். "தப்புதான்" என்றார்.  "திருடினால்?" என்றேன்... "வரண்டுவது தப்புதான்" என்றார். "பொய், கொலை... என்று சொல்லிக்கொண்டே போகும் போது இதெல்லாம் தவறு என்று யார் இவர்களுக்கு சொன்னது? என்ற எண்ணம் எழுந்தது.   ஆனால் இதெல்லாம் இவர்களுடைய இருதயத்தில் எழுதப்பட்டுள்ளது.

புறஜாதியார் அவர்கள் செய்யும் பாவம் மற்றும் பாவம் அல்லாத கிரியைகளைக் கொண்டே நியாயத்தீர்ப்பு அடைவார்கள். நியாயத்தீர்ப்பு தங்களுக்கு தெரியாத ஒரு அளவுகோல் வைத்து அல்ல தெரிந்த அளவுகோல் வைத்துதான்.  ஆனால் புறஜாதியாரில் அவர்களுடைய அளவுகோலின்படி பாவம் செய்யாதவர் யார்?


யோவான் 8ம் அதிகாரத்தில் நாம் அறிந்த சம்பவம் இங்கே நம் நினைவிற்காக: 
அவர்(இயேசு) நிமிர்ந்து பார்த்து: உங்களில் பாவமில்லாதவன் இவள்மேல் முதலாவது கல்லெறியக்கடவன் என்று சொன்னார்...அவர்கள் அதைக் கேட்டு, தங்கள் மனச்சாட்சியினால் கடிந்துகொள்ளப்பட்டு, பெரியோர்முதல் சிறியோர்வரைக்கும் ஒவ்வொருவராய்ப் போய்விட்டார்கள். இயேசு தனித்திருந்தார். (இங்கே பாவம் செய்யாதவர் இயேசு மட்டுமே! இல்லையென்றால் அவரும் சென்றிருக்கவேண்டும்)

இயேசுவைப்பற்றி கேள்விப்பட்டு அதை தள்ளிவிட்டவர்களும் ஆக்கினைத்தீர்ப்பு அடைவார்கள். இயேசுவை ஏற்றுக்கொண்டு பாவத்தில் ஜீவிப்பவர்களும் ஆக்கினைத்தீர்ப்பு அடைவார்கள்.

II கொரிந்தியர் 5:10 ஏனென்றால், சரீரத்தில் அவனவன் செய்த நன்மைக்காவது தீமைக்காவது தக்க பலனை அடையும்படிக்கு, நாமெல்லாரும் கிறிஸ்துவின் நியாயாசனத்திற்கு முன்பாக வெளிப்படவேண்டும். 

தேவன் நீதியுள்ள நியாயாதிபதி. தீட்டும், தீங்குள்ளதொன்றும் அதற்குள் (பரலோகத்திற்குள்) பிரவேசிப்பதில்லை.

I பேதுரு 4:18 நீதிமானே இரட்சிக்கப்படுவது அரிதானால், பக்தியில்லாதவனும் பாவியும் எங்கே நிற்பான்?

இவ்வசனங்களின் அடிப்படையில் ஜீவா புஸ்தகத்தில் பெயர் எழுதப்பட்டு கிறுக்கி போடபட்டவர்களே இரண்டாம் மரணமாகிய அக்கினியும் கந்தகமும் எரியும் கடலில் பங்கடையும் நிலை இருக்கிறது என்பதை அறிதல் நலம். எனவே பிறரை நியாயம் தீர்த்துக்கொண்டு திரிவதை காட்டிலும் இயேசுவை ஏற்றுக்கொண்டுள்ள நாம் அதிக ஆக்கினை அடையாமல் தப்பிக்கசெய்ய வேண்டிய காரியங்களில் கவனம் செலுத்துவது மிக மிக அவசியம்.

ஆகினும் இயேசுவை ஏற்றுக்கொண்டவர்களின் மிகப்பெரிய மேன்மை மேன்மை என்ன என்பதையும் அறிதல் அவசியம்!  

-- Edited by SUNDAR on Wednesday 28th of August 2013 12:18:47 PM

ஒருவேளை ஒரு நபர் மனசாட்சின்யின்படி பாவி என்று விளங்கினால் அவன் நரகத்திருக்கு தள்ளப்படுவான்... எதற்கு Risk ...
இயேசுவை ஏற்றுக்கொள்வோம்... Sorry ... இயேசு நம்மை எற்றுகொள்ளட்டும்...

-- Edited by Sugumar S T on Tuesday 15th of April 2014 07:26:24 PM

///பூமியிலுள்ள யாவருக்கும் சுவிசேஷம் பிரசங்கிக்கப்படும் அப்பொழுது தான் முடிவு வரும் என்று வேதத்தில் சொல்லப்பட்டுள்ளது//// . இது  உண்மை தான் சகோதரி .  ஏற்கனவே சுவிசேஷத்தை கேள்விப்படாமல் நிறைய பேர் மரித்து  விடடார்களே .சரி அதை விடுங்கள் 

 நீங்கள் சொல்கிறபடி ////இயேசுவை ஏற்றுக்கொள்ளாத யாவரும் நரகத்திட்கு தான் செல்ல வேண்டி வரும்////

 ஏன் இப்படி வேதம் சொல்கிறது என்றால்  

மன சாட்சியின் படி  தீர்க்கப்படும் எவருமே பரலோகம் போக மாட்டார்கள். ஏனெனில் மனசாட்சியின் படி தீர்க்கப் பட்டால் கூட எவருமே நீதிமான்கள் கிடையாது. நாம் நீதி என்று நினைப்பது எல்லாம் கர்த்தரின் பார்வையில் கந்தை துணி போன்றது.

 

சுவிசேஷத்தை கேள்விப்படாதவர்கள் மனசாட்சி படி விசாரிக்கப் படுவார்கள். அப்படி விசாரிக்கப்பட்டாலும் அவர்கள் நீதிமான்களாய் தீர்க்கப் பட மாட்டார்கள் . எனவே அவர்கள் பரலோகம் போக முடியாது. இதனால் தான் வேதம் அப்படி சொல்கிறது.

//சுவிசேஷத்தை கேள்விப்படாமல் அநேகர் மரித்து இருக்கிறார்கள் என்று உங்களுக்கு ஆணித்தரமாக சொல்ல முடியுமா நண்பா?//

இயேசுவின் இரட்சிப்பை பற்றிய செய்தியே சுவிஷேஷமாக அறிவிக்கப்படுத்திகிறது.

இயேசுவின் சிலுவை மரணத்திற்கு முன்னர் மரித்தவர்களுக்கு எப்படி சுவிசேஷம் அறிவிக்கப்பட்டிருக்கும்?

கொஞ்சம் விளக்கமாக சொல்லுங்கள் சிஸ்ட்டர்.

'யேசுவின் சிலுவை மரணம் தான் சுவிஷேசம்' என்று சொல்வது தவறு சிஸ்டர் .

இயேசு சிலுவையில் மரித்தார் என்று தெரிந்தவர்கள் எல்லாம் சுவிசேஷத்தை அறிந்தவர்களா? அப்படியானால் இயேசு மரித்தார் என்பதை நம்பும் யாவரும் இரட்சிக்க பட்டிருக்க வேண்டும் அல்லவா? நானும் ஒரு காலத்தில் இயேசு சிலுவையில் மரித்தார் என்பதை நம்பினவன்தான். ஆனால் இரட்சிக்க படாமல் இருந்தேன்.

சுவிசேஷம் என்றால் நல்ல செய்தி அல்லவா? இயேசு மரித்தார் என்பதை மட்டும் சொல்வது துர் செய்தி அல்லவா? மரண செய்தி நல்ல செய்தியா?

சுவிசேஷம் என்பது 'இயேசு என்னுடைய பாவங்களுக்காக மரித்தார் என்பதையும்; அடக்கம் பண்ணப்பட்டு உயிர்த்தார் என்பதையும் இச்செயலால் நமக்கு மீட்பு உண்டு என்பதையும் அறிவதேயாகும் '

அதாவது சுந்தர் அண்ணா சொல்வது போல "இயேசுவின் இரட்சிப்பை பற்றிய செய்தியே சுவிஷேஷமாகும்''

 

//சுவிசேஷத்தை கேள்விப்படாமல் அநேகர் மரித்து இருக்கிறார்கள் என்று உங்களுக்கு ஆணித்தரமாக சொல்ல முடியுமா நண்பா?// 

இயேசு மரித்தார் உயிர்த்தார் என்பதை அறிந்த பலர் இந்த செயலால் தமக்கு பாவ விமோசனம் உண்டு என்பதை அறியவில்லை. இப்படி பட்டவர்கள் சுவிசேஷத்தை அறிந்தவர்களா?


இப்படி முழு சுவிசேஷமும் அறியாமல் யாருமே மரிக்கவில்லை என்று சொல்கிறீர்களா?

என்னுடைய நண்பன் ஒருவன் எனது பள்ளி நாட்களில் இதை அறியாமல் மரித்து போனான் . அந்த நாட்களில் நான் கூட சுவிசேஷத்தை அறியவில்லை. என்னுடைய பாட்டன் இயேசுவை கூட அறியவில்லை. நமது முன்னோர்கள் பலருக்கு இயேசு என்றால் யாரென்றே தெரியாது. இவர்கள் இன்னும் மரிக்கவில்லையா?

எனவே சுவிசேஷம் அறியாமல் பலர் இறந்துள்ளனர் என என்னால் ஆணித்தரமாக கூற முடியும்.

அன்பான சகோதரரே,

இயேசு சிலுவையில் மரித்தது தான் சுவிஷேசம் என்று நான் கூறியது சுருக்கமாக சொன்னேன் அதாவது விளக்கமாக சொன்னால் இயேசு எனது பாவங்களுக்காக மரித்து மீண்டும் மூன்றாவது நாள் உயிரோடு எழுந்தார் இன்றும் ஜீவிக்கிறார் மற்றும் எம்மை பாவம் கழுவி சுத்திகரிக்க வல்லவர் என்பது தான் சுவிஷேசம் நீங்கள் என்னை தவறுதலாக புரிந்துள்ளீர்கள் சகோதரனே,

ஒவ்வொருவருக்கு ஒவ்வொரு விதமாக சுவிஷேசம் கடந்து போகும்

அதாவது ஒருவர் ஒரு கைப்பிரதியில் இயேசு மட்டுமே தெய்வம் என்பதை வாசித்தாலே அது அவருக்கு சுவிஷேசம் தான்

இன்னுமொருவருக்கு ஒரு சகோதரன் போய் இயேசு நமது பாவங்களுக்கு மரித்தார் அவரே தெய்வம் என்று கூறினாலோ அதுவும் அந்த சகோதரனுக்கு சுவிஷேசம் தான்

இவ்வாறு சுவிஷேசம் முழு விபரமாய் சொல்லப்படாவிட்டாலும் அவைகளும் சுவிஷேசம் தான் அதை உரியவர்கள் தான் தேடி அறிந்து கொள்ள வேண்டும்.

நான் இந்து மாதத்தில் இருந்து ஆண்டவரை ஏற்று கொண்டேன் எனக்கு சுவிஷேசமாக சொல்லப்பட்டது எப்படியெனில் இயேசு எனது பாவங்களுக்காக மரித்தார் என்றும் அவர் என் பாவத்தை மன்னிக்க தயார் என்பது தான் அதட்கு பின்னர் நான் நினைத்தேன் தெய்வங்களில் இயேசுவும் ஒருவர் என்று தான் ஆனால் ஆண்டவர் என்னிடம் பேச ஆரம்பித்தார் தான் தெய்வங்களில் ஒருவர் அல்ல என்றும் அவர் மட்டுமே தெய்வம் என்றும் உணர்த்தினார் அப்பொழுது நான் ஆண்டவரிடம் கேட்டேன் அப்படியானால் இந்து மதத்தில் எத்தனை அதிசயங்கள் நடக்கிறது அது எப்படி என்று அதட்கு ஆண்டவர் கூறினார் அந்த அதிசயங்களை செய்பவன் சாத்தான் என்று அப்போ நான் கேட்டேன் அது யார் என்று ஆண்டவர் சொன்னார் தூதனாய் இருந்தவன் அவனது மேட்டிமையான எண்ணத்தின் நிமித்தம் தன்னால் பூமிக்கு தள்ளப்பட்டவன் என்றும் பேசினார்

இவ்வாறு எனக்கு சுவிஷேசம் சொன்னவர்கள் எனக்கு சொல்லித்தரவில்லை மாறாக ஆண்டவர் தான் சொல்லி தந்தார்

எனவே முழுமையான விபரங்களோடு தான் சுவிஷேசம் ஒவ்வொருவருக்கும் போகும் என்று கூற முடியாது.

அதை ஆண்டவரே முடிவு செய்வார் ஆனால் எப்படியாவது சகலருக்கும் சுவிஷேசம் கடந்து போகும்

அப்படி சுவிஷேசம் யாவருக்கும் கடந்து போகாமல் இருக்குமாயின் ஆண்டவர் நீதி இல்லாதவராக விளங்குவார் எனவே அப்படியல்ல நமது தேவன் நீதி தவறாத பரிசுத்தர்.