இறைவன்

நண்பரே..

அப்போஸ்தலர் 2:23 அப்படியிருந்தும், தேவன் நிர்ணயித்திருந்த ஆலோசனையின்படியேயும், அவருடைய முன்னறிவின்படியேயும் ஒப்புக்கொடுக்கப்பட்ட அந்த இயேசுவை நீங்கள் பிடித்து, அக்கிரமக்காரருடைய கைகளினாலே சிலுவையில் ஆணியடித்துக் கொலைசெய்தீர்கள்.

மத்தேயு 23:34 ஆகையால், இதோ, தீர்க்கதரிசிகளையும் ஞானிகளையும் வேதபாரகரையும் உங்களிடத்திலே அனுப்புகிறேன்; அவர்களில் சிலரைக் கொன்று சிலுவைகளில் அறைவீர்கள், சிலரை உங்கள் ஆலயங்களின் வாரினால் அடித்து, ஊருக்கு ஊர் துன்பபடுத்துவீர்கள்.

இதில் 'உங்களிடத்தில்' 'நீங்கள்' என்று வருகிற பதங்கள் யாரை குறிக்கிறதோ அவர்களே இயேசுவை சிலுவையில் அறிந்தவர்கள்.. 

சகோதரா, கிறிஸ்து எதற்காக யாருக்காக மரித்தார் நீங்களே உணர்ந்து அறிவது தான் மென்மையானது. 

இதற்கு ஆயிரம் பதிவுகளும், அனேக விளக்கங்கள் இருந்தாலும். உங்களது வாழ்வில் தேவனாகிய இயேசு எதற்காக மரித்தார் என நீங்களே தேவ சமூகத்தில் அறிந்து உணருவீர்கலானால் தேவராஜ்ஜியம் உங்கள் இருதயத்தில் ஸ்தாபிக்கப்படும்.

லூக்கா 17:21 இதோ, இங்கே என்றும், அதோ, அங்கே என்றும் சொல்லப்படுகிறதற்கும் ஏதுவிராது; இதோ, தேவனுடைய ராஜ்யம் உங்களுக்குள் இருக்கிறதே என்றார். 

Glory to God!!!

சகோதரர்  சுந்தர் அவர்களே!!

நான் கூறுவதன் பொருளறிந்து பின் பதியுங்கள்.. அது ஏதாவது தவறான பொருளை தந்ததா ??

எந்த பலிப்பொருள் பிசாசின் நிமித்தம் செத்தது?. பாவ நிவாரணத்திற்க்கு மாத்திரமா பலி செலுத்தப்படும்? தங்களுக்கு தெரியாதா?. சமாதான பலி,தகன பலி என்றும் இருக்கிறதே.அது பாவத்தின் நிமித்தமா செலுத்தப்படுகிறது?? இயேசுவை குற்றநிவாரண பலியாக மாத்திரம் தான் வேதம் சித்தரிக்கிறதா என்ன?!!அப்படி தான்  என்றால் அவர் உயிர்த்தெலுந்த பின் முதலாவது சமாதானத்தை எவ்வாறு கட்டளையிட முடியும்???

யாத்திராகமம் 20:24 மண்ணினாலே பலிபீடத்தை எனக்கு உண்டாக்கி, அதின்மேல் உன் ஆடுகளையும் உன் மாடுகளையும் சர்வாங்க தகனபலியாகவும் சமாதானபலியாகவும் செலுத்துவாயாக; நான் என் நாமத்தைப் பிரஸ்தாபப்படுத்தும் எந்த ஸ்தானத்திலும் உன்னிடத்தில் வந்து, உன்னை ஆசீர்வதிப்பேன்.

லூக்கா 24:36 இவைகளைக்குறித்து அவர்கள் பேசிக்கொண்டிருக்கையில், இயேசு தாமே அவர்கள் நடுவிலே நின்று: உங்களுக்குச் சமாதானம் என்றார்.

இயேசு நமக்காக பலியானார், பலியைச் செலுத்ினவர்கள் பிரதான ஆசாரியார்கள். ஆலாயத்துக்கு (எருசலேம்) புறம்பான பலிபீடம் சிலுவை.. இயேசுவின் பிரதான நான்கு காயங்கள் நான்கு பலிபீடா கொம்புகளுக்கு ஒப்புமை கொள்ளப்படவேண்டியாவைகள்..

யாத்திராகமம் 27:2 அதின் நாலு மூலைகளிலும் நாலு கொம்புகளை உண்டாக்குவாயாக; அதின் கொம்புகள் அதனோடே ஏகமாய் இருக்கவேண்டும்; அதை வெண்கலத் தகட்டால் மூடவேண்டும்.

இப்படி ஒரு  வசனத்தை மேலோட்டமாக காட்டி இவர்தான் காரணம் என்று சொல்வதற்கு வேத வசனம் தேவையில்லை. வரலாற்று புத்தகமே  

அநாதி திட்டத்தை தாங்கள் இவ்வளவு லேசில் வணைகிறது வியப்பை தருகிறது.. உங்களை பொறுத்தவரையில் எல்லாவற்றிற்கும் பிசாசே காரணம் என்றால் அது அவ்வாறே இருக்கட்டும். ஆனால்நான் வேதத்தில் இருந்து காண்பித்த வசனங்களை தாங்கள் எவ்வாறு வரலாற்று புத்தக ஆதாரமாக கூற முடியும்? 

தேவன் இயேசுவை வெட்டினார் என வேதத்தில் உள்ளது.. தங்களுக்கு தெரியுமா??? அறிந்து கொள்ளுங்கள்..

சகரியா 13:7 பட்டயமே, என் மேய்ப்பன்மேலும் என் தோழனாகிய புருஷன்மேலும் எழும்பு என்று சேனைகளின் கர்த்தர் சொல்லுகிறார், மேய்ப்பனை வெட்டுவேன், அப்பொழுது ஆடுகள் சிதறிப்போகும்; ஆனாலும் என் கரத்தைச் சிறுவர்மேல் திரும்ப வைப்பேன்.

மத்தேயு 26:31 அப்பொழுது இயேசு அவர்களை நோக்கி: மேய்ப்பனை வெட்டுவேன், மந்தையின் ஆடுகள் சிதறடிக்கப்படும் என்று எழுதியிருக்கிறபடி, இந்த இராத்திரியிலே நீங்கள் எல்லாரும் என்னிமித்தம் இடறலடைவீர்கள்.

மாற்கு 14:27 அப்பொழுது இயேசு அவர்களை நோக்கி: மேய்ப்பனை வெட்டுவேன், ஆடுகள் சிதறடிக்கப்படும் என்று எழுதியிருக்கிறபடி, இந்த இராத்திரியிலே நீங்கள் எல்லாரும் என்னிமித்தம் இடறலடைவீர்கள்.

 உண்மையில் இயேசு வெட்டப்பட்டதாக வேதபுத்தகதிலும், எந்த வரலாற்று புத்தகத்திலும் இல்லை!! அப்படியானால் என் இந்த வசனம்?? இதன் பொருள் தங்களுக்கு தெரியுமா?? அறிந்திருந்தீர்கலானால் தெரிவியுங்கள்.. 

இயேசு நமக்காக மரித்தார்.. உங்களுக்கு இன்னொரு உண்மையை சொல்லவா?? இயேசு மனித சாயலேற்று பிறப்பதற்காக மனுஷர் தேவ சாயலை உண்டானார்கள்!!

இடறின பிசாசிற்காக  இயேசு மரிக்காமல்,  பிசாசை இடரும் படி செய்ததாக நீங்கள் கூறும் அசுத்த ஆவிக்காக மரிக்காமல், மனுஷனுக்காக இயேசு ஏன்  மரித்தார்!!மனுசரஷு பாவத்தின் நிமித்தம் மரித்தார்.. பிசாசின் பாவத்திற்காக அல்ல..

ரோமர் 6:10 அவர் மரித்தது, பாவத்திற்கென்று ஒரேதரம் மரித்தார்; அவர் பிழைத்திருக்கிறது, தேவனுக்கென்று பிழைத்திருக்கிறார்.

அவர் எல்லோருக்காகவும் மரித்தார் 

II கொரிந்தியர் 5:14 கிறிஸ்துவினுடைய அன்பு எங்களை நெருக்கி ஏவுகிறது; ஏனென்றால், எல்லாருக்காகவும் ஒருவரே மரித்திருக்க, எல்லாரும் மரித்தார்கள் என்றும்;

பிசாசு இயேசுவை கொன்றான் என்றால்,இயேசு வெற்றி சிறந்தார் என வேதம் கூறுவதெப்படி?? அவன் அறியாதவனாய் இயேசுவை கொலை செய்தான் என்றால் தானியெலை பார்க்கிலும் ஞானவானாய் இருப்பதெப்படி??? 

நான் தேவனில்லாமல், search  engine இல் வசனத்தை எடுத்துப்போட்டு அனைவரின் நேரத்தையும் வீண்டடித்து எனக்குப் பெருமை உண்டாகத் தேடுகிறேனா?? ஆழத்தை தொடாமல், நுனிப்புள்ளை மேய்ந்து, மனக்கண்ணை பிரகாசம் பண்ணினேன் எனக்கூறும் காரியம் எத்துனை பேரை இன்னும் இடரப்பண்ணும்? என்ன பக்தி விருத்தியை உண்டாகும்? தேவன் பதில் அளிக்கட்டும்..  

மெய்யான தெய்வத்திற்கே மகிமை உண்டாகுக!!!

--------------------------------------------------------------------------------------------------------------

ரோமர் 1:21 அவர்கள் தேவனை அறிந்தும், அவரைத் தேவனென்று மகிமைப்படுத்தாமலும், ஸ்தோத்திரியாமலுமிருந்து, தங்கள்சிந்தனைகளினாலே வீணரானார்கள், உணர்வில்லாத அவர்களுடைய இருதயம் இருளடைந்தது.

I am Follower of Jesus wrote:

---

 

இயேசு கிறிஸ்த்து எதற்காக பலியானார் என்பது தான் முக்கியமே தவிற யார் அடித்தது என்பது அல்ல (வேறு யார் நாம் தான்)

நம்முடைய மீறுதல்களினிமித்தம் அவர் காயப்பட்டு, நம்முடைய அக்கிரமங்களினிமித்தம் அவர் நொறுக்கப்பட்டார்; நமக்குச் சமாதானத்தை உண்டுபண்ணும் ஆக்கினை அவர்மேல் வந்தது; அவருடைய தழும்புகளால் குணமாகிறோம்(ஏசா 53:5 )

மேலும்
 கர்த்தரோ அவரை நொறுக்கச் சித்தமாகி, அவரைப் பாடுகளுக்குட்படுத்தினார்; அவருடைய ஆத்துமா தன்னைக் குற்றநிவாரணபலியாக ஒப்புக்கொடுக்கும்போது, அவர் தமது சந்ததியைக் கண்டு, நீடித்தநாளாயிருப்பார், கர்த்தருக்குச் சித்தமானது அவர் கையினால் வாய்க்கும் (ஏசா 53:10)

---

I am Follower of Jesus wrote: (வேறு யார் நாம் தான்)

சகோ.சுந்தர் அவர்களே,

நான் தொடர்பில்லாமல் கேள்விகளை கேட்கவில்லை

தேவன் இயேசுவை வெட்டினாரா இல்லையா?? அப்படியானால் பிசாசு கொல்லவில்லையா? பதில் கூறுங்கள். தேவனா கொன்றார்!!! 

மனுஷ கொலை பாதகனான பிசாசு இயேசுவை கொன்றிருப்பானேயானால் பிசாசின் மேல் ரத்தபழி விழாமல் இயேசுவின் ரத்தபழி மனுஷர் மேல் விழக்காரணம் என்ன??

தன் ஜீவனை விட அதிகாரம் உடைய ஒரே மனிதர் இயேசு? அவரை பிசாசு கொன்றான் என நீங்கள் காட்டும் காரியம் எப்படிபட்டது ? 

மத்தேயு16 :22,23. அப்பொழுது, பேதுரு அவரைத் தனியே அழைத்துக்கொண்டுபோய்: ஆண்டவரே, இது உமக்கு நேரிடக்கூடாதே, இது உமக்குச் சம்பவிப்பதில்லை என்று அவரைக் கடிந்துகொள்ளத் தொடங்கினான்.

                                     அவரோ திரும்பிப் பேதுருவைப்பார்த்து: எனக்குப் பின்னாகப்போ, சாத்தானே, நீ எனக்கு இடறலாயிருக்கிறாய்; தேவனுக்கேற்றவைகளைச் சிந்தியாமல் மனுஷருக்கு ஏற்றவைகளைச் சிந்திக்கிறாய் என்றார். 

இயேசு உலகத்தின் பாவத்திற்காக மரிப்பது,பிசாசிற்கு தெரிந்த ஒரு காரியம். அவனை தானியேலை பார்க்கிலும் ஞானவான் என்கிற காரியம் எத்துனை உண்மை.. அவன் இயேசு மரிக்கூடாது என்பதற்காகவே, பேதுருவின் வழியாக இயேசுவை கடிந்து கொண்டான்!!!

சகோதரரே, நான் என் பலிகளை பற்றி எழுதினேன் என இப்போது சகோதரர் உணர கூடும்..

சகோதரா.. வழிவிலகி போன நீசர்கள்,இயேசுவைபுறக்கணிப்போர்  அனைவரும் இயேசுவின் ரத்தபழியை சுமப்பர் என்பதே என் கட்டுரையின் சாரம்.. ரத்த பழியை சுமப்பவரே ஏசுவை கொலைசெய்தவர் ஆகிறார் என்பதை இனியும் நான் சொல்ல தேவை இல்லை!!

Glory to GOD!!!!!!!!!

சகோ சுந்தர் அவர்களே,

நாம் பேசும் விஷயங்களையே இன்னும் ஆழமாய் பேசுவோம். கீழ்கண்ட வசனத்தில் தேவன் அனுமதித்ததாக இல்லை. 

//சகரியா 13:7 பட்டயமே, என் மேய்ப்பன்மேலும் என் தோழனாகிய புருஷன்மேலும் எழும்பு என்று சேனைகளின் கர்த்தர் சொல்லுகிறார், மேய்ப்பனை வெட்டுவேன், அப்பொழுது ஆடுகள் சிதறிப்போகும்; ஆனாலும் என் கரத்தைச் சிறுவர்மேல் திரும்ப வைப்பேன்.

மத்தேயு 26:31 அப்பொழுது இயேசு அவர்களை நோக்கி: மேய்ப்பனை வெட்டுவேன், மந்தையின் ஆடுகள் சிதறடிக்கப்படும் என்று எழுதியிருக்கிறபடி, இந்த இராத்திரியிலே நீங்கள் எல்லாரும் என்னிமித்தம் இடறலடைவீர்கள்.//

தேவன் வெட்டினதாக  ஏற்று கொள்கிறீர்களா?? அப்படியானால் பிசாசு  இயேசுவைக்  கொல்ல மனிதர்களை எழுப்பினான் என்பதும்,தேவன் மனிதர்கள் கொள்ள அனுமதித்தார் என்பதும் எவாறு உண்மையாககூடும்.. சொல்லுங்கள்!!!

தேவன் வெட்டினார் என்றால் பலி பொருளாக வெட்டினாரா? இல்லை அறுப்புண்டு போகும்படி மேசியாவை சங்கரித்தாரா?? காய்பா எனும் பிரதான ஆசாரியன் தீர்க்க தரிசனம் உரைத்து சொன்னது தேவ சித்தத்தை என்பதை அறியீர்களா?? அவன் பின் வருமாறு கூர்நானே!!!

யோவான்11 :49. அப்பொழுது அவர்களில் ஒருவனும் அந்த வருஷத்துப் பிரதான ஆசாரியனுமாகிய காய்பா என்பவன் அவர்களை நோக்கி: உங்களுக்கு ஒன்றுந் தெரியாது;50. ஜனங்களெல்லாரும் கெட்டுப்போகாதபடிக்கு ஒரே மனுஷன் ஜனங்களுக்காக மரிப்பது நமக்கு நலமாயிருக்குமென்று நீங்கள் சிந்தியாமலிருக்கிறீர்கள் என்றான்.51. இதை அவன் சுயமாய்ச் சொல்லாமல், அந்த வருஷத்துப் பிரதான ஆசாரியனானபடியினாலே இயேசு யூதஜனங்களுக்காக மரிக்கப்போகிறாரென்றும்,52. அந்த ஜனங்களுக்காகமாத்திரமல்ல, சிதறியிருக்கிற தேவனுடைய பிள்ளைகளை ஒன்றாகச் சேர்க்கிறதற்காகவும் மரிக்கப்போகிறாரென்றும், தீர்க்கதரிசனமாய்ச் சொன்னான்.

பிரதான ஆசாரியனின் (காய்பா ) மூலமாய் இந்த பலி செலுத்தபட்டிருக்கிறது. இயேசு பலிபொருள் என்று காய்பா அறிந்திருந்தான். பலி செலுத்தப்படும் போது பிரதான ஆசாரியன் மீது பழி சுமத்தபடுகிரதில்லை என்பதை சகோதரர் அறிந்திருப்பீர்கள். (இதை முன்னிட்டே இயேசு பிறக்கும் பொது பிரதான ஆசாரியரா அல்லது மரிக்கும்போதா அல்லது உயிர்தெழுந்த பின்னரா ?  என்று நீண்ட நாளுக்கு முன்பு தங்களிடம் கேட்டிருந்தேன் .தாங்கள் பதில் தர வேண்டும்!!)இயேசுவிற்கு எப்போதும் பிதா செவிகொடுக்கிறார் என்பதை தாங்கள் அறிந்திருக்க கூடும். சிலுவையில் அடித்து கொடுமை படுத்தினவர்களை இயேசு மன்னித்தார்.. மன்னிக்கும்படி பிதாவையும் மன்னிக்கும் படிக்கு விண்ணப்பம் பண்ணினார். அந்த விண்ணப்பம் அங்கிகரிக்க பட்டிருக்க இதில் யார் கொலை செய்தார் என்பதை சகோதரர் கூறுங்கள்..

தேவன் வெட்டினார் என்றால்-கொலை செய்தது தேவன் என்பதாகிவிடும் 

பிசாசு என்போமாகில்-தேவாலய உப்பரிக்கையிலே அவரை கொல்லாமல் விட்டது எப்படி ?ஏன் என்கிற கேள்வி வரும்.. அவன் இயேசுவின் மரித்தளின் காலவேளையும் உயிர்தேளுதலின் காலவேளையையும் அறியாதிருந்தான் என்கிற கூற்றும் உடைத்தெரியப்படும்!!

போர் சேவகர்கள்,கூடமாய் எதிர்த்து கோஷமிட்டவர்கள், பரிசேயர்,பிலாத்து,பிரதான ஆசியர் என்போமாகில் இயேசுவின் மன்னிப்பு வேண்டி பிதாவிடம் வேண்டின ஜெபத்திற்கு தேவன் செவிகொடுக்கவில்லை என்றாகிவிடும்.

இயேசுவின் ரத்தபலி மனமாறாமல் இருக்கிற பாவிகளின் மீதே சுமத்தபடுகிறது.. பாவிகளே இயேசுவை கொன்றவர்கள்..இன்னும் கொன்றுகொண்டே இருக்கிறவர்கள். 

//அபிஷேகம் பண்ணபட்ட கேருப்  எப்படி சாத்தான் ஆனான்? தேவனுக்கு விரோதமாக சிதித்ததாலேயே அவன் சாத்தான் ஆனான். அவன்பெயர் ஆதியில்  சாத்தான் அல்ல!அதேபோல் எந்த மனுஷன் தேவனின் திட்டத்துக்கு விரோதமாக சிந்தித்தாலும் அவன் சாத்தனே!

The original Hebrew term, satan, is a noun from a verb meaning primarily to, “obstruct, oppose,” as it is found in Numbers 22:22, 1 Samuel 29:4, Psalms 109:6.

தேவ திட்டத்தின் கெடுப்பவனும் எதிர்த்து  நிற்ப்பவன் எவனும் சாத்தனே! மற்றபடிசாத்தானான லூசிபரின் உண்மை  உண்மை பெயர் "ேருப்"தான்.//

சகோதரரே.. 

கெருபின்,செருபின் என்கிற பதங்கள் கேருப்கலையே குறிக்கின்றன.. கேருப் என்பது ஒரு பேர் அல்ல..ஒர்தொடெக்ஸ் மதத்தில் பார்க்கும்போது எழு பிரதான தூதர்களி குறிப்பிடுகிறார்கள்.. ரபெல்,மிக்கேல்,கக்பிரிஎல்,உரியல்,ரகுவேல்,சரகுவேல்,ரிமிஎல் என்பதாக!!! ஆனால் வேதத்தில் சில பெயர்களே உள்ளன!!! 

இதை பற்றி தனி திரியில் சமயம் அமைந்தால் பார்க்கலாம்.. கேருப் என்பது தாங்கள் குறிபிடுவது போல சாத்தானின் பெயர் அல்ல பெயர் அல்ல.. பரலோகத்தில் உள்ள நான்கு ஜீவன்களும் கேருபீன்கள் என வேதம் சொல்லும்போது எவ்வாறு கேருப் சாத்தாநின் பெயரை இருக்கும்.. அது பணிவிடை ஆவிகளின் ஒரு உயர் நிலை!! தேவனின் படைப்பு இப்படி !?(எசேக்கியேல் 10).அவைகள் தேவனின் வாகனம்!! 

எந்த கெருபின் பெயரும் வேதத்தில் இல்லை. பிசாசை தவிர. அவன் ('அவன்' என்றால் ஆன் பால் என்று அருத்தம் இல்லை)பெயர் லூசிபர்!!!

 ///தேவனுடைய சித்தமும் எல்லோரும் மீட்கப்பட வேண்டும் என்று இருப்பதால் அவர் சித்தமே என்னுடைய சித்தமாக கொண்டு செயல்படுகிறேன்.  யாருடைய விருப்பம் நிறைவேறும் என்று பொறுத்திருந்து பார்க்கலாம்!//

கர்த்தருக்கு மகிமை உண்டாகுக!!!

சகோதரர் சுந்தர் அவர்களே,

யார் இயேசுவை கொன்றார்கள்? என பார்க்கும் முன் சில உண்மைகளை அறிந்து கொள்வது முக்கியம்.

1. இயேசு கிருஸ்துவின் ஜீவனை அல்லது ஆவியை அவரை விட்டு எடுக்கும் .அதிகாரம் எந்த மனிதர்களுக்கும் கிடையாது. பிசாசுக்கும் கிடையாது. அவரே தன் ஜீவனை ஒப்புக் கொடுத்தால் மட்டுமே அவர் இறக்க முடியும். இந்த அதிகாரத்தை பிதாவாகிய தேவனே இயேசுவுக்கு வழங்கினார். அந்தப்படியே அவர் சிலுவையின் பாதிப்பால் இறப்பதற்க்கு சில மணி நேரங்கள் முன்பாகவே தன் ஆவியை பிதாவிடம் ஒப்புக் கொடுத்து விட்டு இறந்தார்.

சிலுவை அவர் உடலை மட்டுமே பாதித்தது. அவரது ஆவியை அவரே ஒப்புக் கொடுத்தார். அவர் அவ்வாறு ஒப்புக் கொடுக்காமல் இருந்திருந்தால் சில மணி நேரங்கள் கழித்து சிலுவையில் உண்டான பாதிப்பால் அவர் மரணமடைந்திருப்பார் (அதுவும் அவர் விரும்பினால் மட்டுமே). ஆனால் அதற்கு முன்பாகவே அவர் தன் ஜீவனை பிதாவிடம் ஒப்புக் கொடுத்தார்.

இதுவே இயேசு கிருஸ்துவின் மரணத்தை பற்றின சரியான பார்வையாகும். இயேசு கிருஸ்துவின் ஜீவனை எடுக்கும் அளவிற்க்கு மனிதர்களோ, பிசாசோ பெரியவர்கள் கிடையாது.

2. //ஐயா, எத்தனையோ நன்மைகள் செய்த நம் இயேசப்பா ஆகாதவர் என்று தள்ளப்பட்டு அதிகமான அடிகள் அடிக்கபட்டு முள்முடி சூட்டபட்டு அதிக வேதனை பட்டு, மிக கொடூரமான முறையில் சிலுவையில் அடித்து கொலை செய்யபட்டார். //

இந்த உலகில் எத்தனையோ மனிதர்கள் பல்வேறு கொடூரமான  முறையில் கொலை செய்யப்பட்டிருக்கிறார்கள். மதம், நாடு, இனம், குலம், காதல் இப்படி எத்தனையோ காரணங்களுக்காக கொடூரமான முறையில் அனேகர் கொலை செய்யப்பட்டிருக்கின்றனர். தாங்கள் கொண்ட நோக்கத்துக்காக அவர்கள் தங்கள் உயிரையும் பொருட்படுத்தாமல் அதை தியாகம் செய்துள்ளனர். இவ்வாறு சித்ரவதை பட தங்களை ஒப்புக் கொடுத்தவர்கள், மற்ற மக்கள் தங்களை பரிதாபத்தோடு பார்ப்பதை விரும்ப மாட்டார்கள். ஏனெனில் இவர்களின் மரணம் பரிதாப மரணம் அல்ல. வீர மரணம்.

இவர்களின் தியாகம், தீவிரம், துணிச்சல் இவைகளை உணர முடியாத சாதாரண மக்கள் மட்டுமே இவர்களின் மேல் பரிதாபம் கொள்ளுவார்கள். இயேசு கிருஸ்துவின் மரணமும் பரிதாப மரணம் அல்ல. அது வீர மரணம். (ஆனால் அவரது மரணத்தை பரிதாப மரணமாக காட்டுவது என்பது கிருஸ்துவ மதத்தை பரப்ப நினைப்பவர்களால் செய்யப்படும் ஒரு யுக்தி)

பாவத்தினால் மனிதர்கள் துன்பமடைவது பொறுக்க முடியாமல் தன்னுடைய குமாரனை தேவன் அனுப்பினார். அவரும் வந்து தேவ சித்தத்தை நிறைவேற்றினார். ஆனால் மனிதர்கள் பார்த்து அய்யோ பாவம் ! என உச்சு கொட்டும் அளவுக்கு, மிகவும் பரிதாபமான காட்சிக்குரியவர் அல்ல இயேசு கிருஸ்து என்பதை அறிய வேண்டும்.  அவர் துன்பப்பட்டதை கண்டு அழுத மக்களை பார்த்து அவர் சொன்னது நினைவில் கொள்ளத்தக்கது.

லூக்கா.23.27. திரள்கூட்டமான ஜனங்களும் அவருக்காகப் புலம்பி அழுகிற ஸ்திரீகளும் அவருக்குப் பின்சென்றார்கள்.
28. இயேசு அவர்கள் முகமாய்த் திரும்பி: எருசலேமின் குமாரத்திகளே, நீங்கள் எனக்காக அழாமல், உங்களுக்காகவும் உங்கள் பிள்ளைகளுக்காகவும் அழுங்கள்.
29. இதோ, மலடிகள் பாக்கியவதிகளென்றும், பிள்ளைபெறாத கர்ப்பங்களும் பால்கொடாத முலைகளும் பாக்கியமுள்ளவைகளென்றும் சொல்லப்படும் நாட்கள்வரும்.
30. அப்பொழுது மலைகளை நோக்கி: எங்கள்மேல் விழுங்களென்றும், குன்றுகளை நோக்கி: எங்களை மறைத்துக்கொள்ளுங்களென்றும் சொல்லத்தொடங்குவார்கள்.
31. பச்சைமரத்துக்கு இவைகளைச் செய்தால், பட்டமரத்துக்கு என்ன செய்யமாட்டார்கள் என்றார்.

கர்ம வினை இல்லாத இயேசு கிருஸ்துவின் நிலையே இவ்வளவு பரிதாபமானது என்றால் கர்ம வினையில் மாட்டி தவிக்கும் மனிதர்களின் நிலை எவ்வளவு பரிதாபகரமானது? யாரு, யாரை பார்த்து பரிதாபபட வேண்டும் என்ற விவஸ்தை வேண்டும். 

3. ஒரு ஆடு மேய்ப்பவர் (அதாங்க பாஸ்டர்),  ஆண்டவரே, உம்முடைய வருகையில் என்னை பரலோத்துக்கு எடுத்து கொள்ளும், என எப்போதும் வேண்டி கொள்வார். ஒரு நாள் அவர் ஒரு கனவு கண்டார். அதில் ஆண்டவர், மகனே உன் வேண்டுதலை கேட்டேன். உன்னை பரலோகத்துக்கு எடுத்து கொள்ள போகிறேன். நாளை நீ இறக்க போகிறாய். அதன் பிறகு நீ பரலோகத்துக்கு வர முடியும் என்றார்.

அது கேட்டு அதிர்ச்சியடைந்தவர், ஆண்டவரே எதோ ஒரு வேகத்தில் அப்படி வேண்டி கொண்டேன். அதையெல்லாம் பெரிசா எடுத்துக்க வேண்டாம். எனக்கு எவ்வளவோ பொறுப்பு இருக்கு. இப்ப வந்தா நான் ஒருவன் மட்டும் தான் வர முடியும். ஆனால நான் உயிரோடு இருந்தால் அனேக ஆத்துமாக்களை உடனடியாக பரலோகத்துக்கு அனுப்ப முடியும். என் பையனை பெரிய படிப்பு படிக்க வைத்து, ஆடு மேய்க்க (அதாங்க பாஸ்டர்) அனுப்பனும். சபைக்கு ஏசி போடணும். பல லட்சத்துக்கு தசம் பாக  காணிக்கை வாங்க வேண்டும். லேட்டஸ்ட் மாடல் கார் வாங்க வேண்டும். இப்படி பல தேவைகள் இருப்பதால் என்னை பரலோகத்துக்கு எடுத்து கொள்ள வேண்டாம் என்று சொன்னார்  

மேற்கண்டது கற்பனையாக இருப்பினும், அனேக மனிதர்கள் இந்த நிலையில்தான் இருக்கிறார்கள் என்பதையும், நாமும் இந்த நிலையில்தான் இருப்போம் என்பதையும் நாமறிவோம்.

மாயையான இந்த உலகிலும், அதில் உள்ளவற்றின் மேலும் ஆசை கொண்டு, அதிலேயே தங்கி எந்த பிரச்சனையுமில்லாமல் எப்போதும் இந்த உலகை அனுபவிக்க வேண்டும் என்று மனிதர்கள் நினைக்கின்றனர். ஆனால் இயேசு கிருஸ்துவுக்கு மாயையான இந்த உலகில் எந்த பிடிப்புமில்லை. பரலோகத்தில் இருந்து இறங்கி வந்த அவருக்கு தன் வேலையை முடித்து பரலோகத்துக்கு செல்வது மட்டுமே குறிக்கோள். தன் உயிரின் மீது ஆசையில்லாத அவருக்கு மரணம் என்பது ஒரு பொருட்டல்ல. தன் சரீர மரணத்துக்கு பயந்து, கெத்சமனே தோட்டத்தில் அவர் பிராத்தனை செய்ததாக சிலர் கூறுகின்றனர். இது தவறான செய்தியாகும். இயேசு கிருஸ்து சரீர மரணத்தை கண்டு ஒரு போதும் .பயந்தவர் அல்ல.

பூமியில் வாழ்வதை விட, தான் வந்த வேலையை முடித்து விட்டு பரலோகம் செல்லவே அவர் பெரிதும் விரும்பினார். மேலும் பரலோகத்திற்க்கு சென்ற பிறகே, அவர் முழு மனித குலத்துக்கும் ஆவியை தர முடியும்,  நன்மை செய்ய முடியும் என்பதால், அவர் மரணமடைந்து பரலோகத்துக்கு செல்லும் நாளை விரும்பினவராக இருந்தார்.

சரீர மரணத்தை கண்டு பயப்படும் சாதாரண மனிதன் போல, இயேசு கிருஸ்து சரீர மரணத்தை கண்டு பயப்படுபவர் இல்லை.

 (தொடரும்)