இறைவன்

SUNDAR · மூத்த உறுப்பினர்

தேவனாகிய கர்த்தர் மாத்தி யோசித்தாரா?

SUNDAR · மூத்த உறுப்பினர்

அதியில் தேவன் ஆதாம் ஏவாளை படைத்தபோது ஏதேன் தோட்டத்தில் எல்லாமே நல்லதாகவே இருந்தது.

ஒரே ஒரு தேவையில்லாதது இருந்தது அதுதான் "நன்மை தீமை அறியும் கனி".எனவே ஆண்டவர் மற்ற

எல்லா கனியையும் சாப்பிடலாம் என்று ஒட்டு மொத்தமாக குறிப்பிட்டுவிட்டு, தீமையான கனியை மட்டும்

பெயர் சொல்லி சுட்டி அதை சாப்பிட வேண்டாம் என்று எச்சரித்தார்.

மனிதன் நன்மை தீமை கனியை புசித்த பின்னர் அவர் நன்மை எது தீமை எது என்பதை அறியவேண்டிய கட்டாய நிலை

உண்டானது. எனவே தேவனாகிய கர்த்தர் நியாய பிரமாணத்தை சொல்லி கொடுத்து நன்மை எது தீமை எதுவென்று வரையறுத்தார்.

ஒரு மனுஷன் செய்யவேண்டிய காரியத்தை செய்யாததைவிட செய்யக்கூடாத காரியங்களை செய்வதே

அதிக துன்பத்துக்குள் கொண்டுவரும் எனபதை ஏதேன தோட்டத்தில் ஆதாம் ஏவாள் செய்கை மூலம் அறியமுடியும்.

இதை அறிந்த தேவன் மனுஷர்களை துன்பத்தில் இருந்து விடுவிக்கும் பொருட்டு செய்கூடாத காரியங்களை மிக திட்டமாக

வரையறுத்து சொன்னார். எனவேதான் 10 கற்பனைகளில் 8 கற்பனைகள் செய்யக்கூடாதவைகளை சொல்லி எச்சரித்தார்.

தேவனின் கற்பனைகளை மீருவதையே மனுஷன் ஆதியில் இருந்து தன் முக்கிய வேலையாக கொண்டு செயல்படுவதை

நாம் பழைய ஏற்பாடு முழுவதும் பார்க்க முடியும்.

ஒய்வு நாளில் மன்னாவை சேர்க்க புறப்பட வேண்டாம் என்று கர்த்தர் சொன்னாலும் அங்கும் சிலர் புறப்பட்டு சென்று

அவர் வார்த்தையை மீறினர். அந்நிய தேவர்களை வணங்க வேண்டாம் என்று எத்தனை முறை சொன்னாலும் மீண்டும்

மீண்டும் இஸ்ரவேலர்கள் அந்நிய தேவர்களை வணங்க சென்றுள்ளதை நாம் பார்க்கலாம்.

அதுபோல தேவனின் கற்பனைகளையும் அவர்கள் கைகொள்ளாமல் முற்றிலும் விலகி அவமாக்கிபோட்டார்கள் .

எரேமியா 31:32 என் உடன்படிக்கையை அவர்கள் மீறி அவமாக்கிப்போட்டார்களே என்று கர்த்தர் சொல்லுகிறார்.

மத்தேயு 15:6 உங்கள் பாரம்பரியத்தினாலே தேவனுடைய கற்பனையை அவமாக்கிவருகிறீர்கள்.

இறுதியில் மனுஷன் முற்றிலும் தீமையிலேயே ஊறிப்போய் அநியாயத்தை தண்ணீர்போல குடிக்க ஆரம்பித்த பிறகு

அவனுக்கு நன்மை என்ன வென்பதே தெரியாமல் போனது

சங்கீதம் 14:3 எல்லாரும் வழிவிலகி, ஏகமாய்க் கெட்டுப்போனார்கள்; நன்மை செய்கிறவன் இல்லை, ஒருவனாகிலும் இல்லை.

என்ற நிலை உருவானது.

இந்த நிலையில் பூமிக்கு வந்த ஆண்டவராகிய இயேசு கிறிஸ்த்து மலை பிரசங்கத்தில் ஒரு மனுஷன் எப்படி இருக்க வேண்டும்

என்பதை போதிக்க வேண்டிய அவசிய நிலை ஏற்ப்பட்டது.

அண்ணன் தம்பிக்குள் சண்டை/ சகோதர சகோதரிக்குள் சண்டை / பெற்றோர் பிள்ளைகளுக்குள் சண்டை/

சொந்த பந்தங்களுக்குள் சண்டை/ உள்ளே சண்டை வெளியே சண்டை அத்தோடு வஞ்சனையும் கேடும்

பொறாமையும் கபடும் நிறைந்துள்ள திருகுள்ள இருதயத்தை சுத்திகரித்து முதலில் மனுஷன் மனுஷனாக

இருதயத்தில் சுத்தமுள்ளவனாக இருக்க வேண்டும் என்பதை போதிக்க வேண்டியதாயிற்று.

சுருக்கமாக சொன்னால்:

ஏதேன தோட்டத்தில் மனுஷன் நேராக நின்றான் ஒரே ஒரு தீமை இருந்தது. எனவே அதுதான் தீமை என்று சுட்டி காட்ட முடிந்தது.

ஆனால் இன்றோ மனுஷன் வௌவால் போல் தலைகீழாக நிற்கிறான் எல்லாமே அவனுக்கு தலைகீழாக தெரிகிறது

எனவே நன்மை எதுவென்று சுட்ட வேண்டிய அவசியம் தேவனுக்கு வந்தது.

எனவேதான் பழைய ஏற்பாட்டில் செய்யகூடாததை அதிகம் போதித்த, தேவன் புதிய ஏற்பாட்டில் செய்ய வேண்டியதை

அதிகம் போதித்தார் என்றே நான் கருதுகிறேன்.

-- Edited by SUNDAR on Monday 17th of March 2014 08:38:19 PM