இறைவன்

"லூசிபர் நன்மை தீமை அறிந்தவனாக இருந்தான்  அவனே ஏவாளை வஞ்சித்தான்" என்பதில்  எந்த மாற்று  கருத்தும் இல்லை.

 

லூசிபர் வஞ்சித்ததாலேயே  ஆதாம் ஏவாள் இருவரும் பாவம் செய்தனர். 

 

இன்று தேவனால் படைக்கபட்ட நம்மையும் எப்பொழுது கெடுக்கலாம் என்று பிசாசு சுற்றி திரிவதாக வேதம் சொல்கிறது.

 

எனவே பரிசுத்தமான  தேவனால் படைக்கபட்ட ஒருவரை வஞ்சிக்க ஒரு தீயவன் தேவைப்படுகிறான்..

 

லூசிபரும் தேவனால் படைக்கபட்டவனே ஒரு காலத்தில்  தன்  வழிகளில் குறைவற்று இருந்தவனே!   

 

 

 

 

இவ்வாறு தன்  வழியில் குறைவற்றிருந்த அவனை தீயவனாக்கியது யார்?

 

நான் கேட்பது விளங்க தாங்கள் சற்று பின்னோக்கி  செல்ல வேண்டும் 

 

லூசிபர் மற்றும் தேவ தூதர்கள் யாரும் படைக்கப்படவில்லை. ஆதியில் தேவனும் அவர் குமாரனும் மட்டுமே அங்கு இருக்கிறார்கள் என்று வைத்து கொள்வோம் அந்த நிலையில் நண்மையை தவிர வேறு எதுவும் இருந்திருக்க முடியாதுதானே?   

  

தேவன் பரிசுத்தர் எனவே இந்த உலகமோ எதுவும் தோன்றும் முன்னர் பரிசுத்தராகிய தேவன் மாத்திரம் இருந்திருக்கும் போது "நன்மை" தவிர வேறு எதுவுமே இருந்திருக்க வாய்ப்பில்லை தானே?

 

பின்னர் தேவன் தூதர்களை படைக்கிறார் என்று வைத்துகொள்வோம் அங்கு நன்மை மட்டுமே அறிய முடியும்!  தீமையை அறியவேண்டி என்ன இருக்க போகிறது? 

  

புரியவில்லை எனில் ஒரு உதாரணம் சொல்கிறேன்:

 

பெரிய காம்பவுண்ட் சுவருடன் ஒரு வீடு இருக்கிறது. அங்கு நன்மையே உருவான எனது அப்பா இருக்கிறார். அங்கு எல்லாமே நன்மையாகவே இருக்கிறது. நல்ல பழங்கள்/ நல்ல விளையாட்டு பொருட்கள்/ நல்ல மிருங்கங்கள் எல்லாமே அங்கு இருக்கிறது.

 

இப்பொழுது என் அப்பா என்னை அங்கு படைக்கிறார் என்று வைத்துகொள்வோம் எனக்கு தீமை என்றால் என்னவென்றே தெரியாதே! அந்த வீட்டுக்குள் இருக்கும் நன்மை மாத்திரம்தானே எனக்கு தெரியும். நான் தீமை செய்யவும் முடியாதே. நான் தீமையை அறிய வேண்டிய அவசியமும் இல்லையே!     

 

இவ்வாறு இருக்க என்னை நன்மை/தீமை அறிந்தவனாக படைக்க வேண்டிய அவசியம் என்ன?  இல்லாத ஒன்றை நான் எப்படி அறியமுடியும்? ஏன் அறிய வேண்டும்? 

 

அப்படி நான் அறியவேண்டும் என்றால் அந்த தீமை எங்கிருந்து வந்தது?  

 

இதுவே எனது கேள்வி .