இறைவன்

அன்பு சகோதரி, இந்த விஷயத்தில் பலருடைய கருத்து பலவேராக இருக்கலாம் ஆனால் நான் எனக்கு தேவன் அளித்த கிருபையின் அடிப்படையில் இந்த கருத்தை பதிவிடுகிறேன். "ஆண்டவர் சித்தம்தான் கண்டிப்பாக நடக்கும்" என்றால் "உம்முடைய சித்தம் பூமியில் செய்யப்படுவதாக" என்று நாம் ஜெபிக்க வேண்டும் என்று நம் ஆண்டவர் சொல்லியுருக்கமாடடார். தேவ சித்தத்தை நம் வாழ்வில் நிறைவேற விடாமல் தடுக்க நம் ஒருவரால் மட்டுமே முடியும். எனவே கண்டிப்பாக அவர் சித்தம் நம் வாழ்வில் நடக்கும் என்று சொல்லிவிட முடியாது. சிம்சோனை போல் இடுப்பு பண்ணி அதை கெடுத்துப்போட முடியும்.

உங்களுக்கு யார்மேலாவது ஈர்ப்பு இருக்குமானால் நான் சொல்லும் ஆலோசனை:

நம் கண்முன்னே வருபவர்கள் பெரும்பாலும் நம்மை சோதிக்கவும் நம்மை கண்ணியில் விழப்பண்ணவுமே முயற்சிக்கிறார்கள். எனவே அவர்களில் ஒருவரை நாம் தேர்ந்தெடுக்கும் முன் "தேவனே உமக்கு சித்தம் இல்லை என்றால் இந்த ஆளை என் கண் முன்னாள் இருந்து அகற்றி விடுங்கள்" என்று முழு மனதோடு முடித்த அளவு ஜெபித்தால் அவசியம். தேவனை முதலில் வைக்க வேண்டும் வேறு யாராக இருந்தாலும் இரண்டாவது இடத்தில் வைத்து தேவனுக்காக யாரையும் நிராகரிக்க தயங்காமல் முழு மனதோடு ஜெபிக்க வேண்டும்.

அநேக ஜெபங்களுக்கு பின்னும் அந்த ஆள் நம் கண் முன்னர் அனுமதிக்கப்படடால் அது தேவன் உங்களுக்காக கொண்டுவந்த ஆளாககூட இருக்க வாய்ப்பிருக்கிறது. அதன் பின்னே உங்கள் இருதய எண்ணங்களை எல்லாம் ஒரு தகப்பனிடம் சொல்வதுபோல் சொல்லி ஒரு வேளை உமக்கு பிடித்தம் இல்லை என்றால் நீங்கள் என்னை தடை பண்ணிவிடுங்கள் ஆண்டவரே என்று அவர் கையில் மொத்த பொறுப்பையும் ஒப்படைத்து விடுங்கள். மனதில் விருப்பம் இருந்தால் அவர் சமூகத்தில் அதையும் சொல்லி ஒப்புக்கொடுங்கள் ஆனால் தேவனை முன்னிருத்துங்கள் அவர் வேண்டாம் என்றால் விட்டுவிட தயாராக இருப்பதாக மனபூர்வமாக சொல்லுங்கள்.

பொதுவாக "நம் சுய விருப்பத்தின்படி சாயாமல் தேவனை சார்ந்துகொண்டு அவர் வார்த்தைக்கு கீழ்ப்படிந்து செய்லபடடால்" சகலத்தையும் தேவன் நன்மையாக முடித்து தருவார். தேவன் தம் பிள்ளைகளுக்கு மேன்மையானதையே தர விரும்புகிறார் என்பதை மறக்க வேண்டாம்.