இறைவன்

SUNDAR · மூத்த உறுப்பினர்

பரிசுத்தாவியைபெற வேதாகமம் காட்டும் வழிகள்!

EDWIN SUDHAKAR · வெற்றியாளர்

சுந்தர் எழுதியது

//////இவ்வாறு யார் யாருக்கு எப்பொழுது ஆவியானவரின் வரத்தை அருளுவது என்பது ஆண்டவரின் கரத்தில் இருக்கிறது என்றே நான் கருதுகிறேன். /////////////////

சுந்தர் அவர்களே கருதுவது அல்ல நிச்சயம் அது தான் உண்மை

ஞானஸ்தானம் எடுக்காமல் தீர்கதரிசனம்சொன்னர்களை பார்த்து இருக்கிறேன்
வேதத்தில் கூட கர்த்தருடைய ஆவியானவர் சவுல் மற்றும் சிம்சோன்இவர்களை விட்டு விலகினார் என்று வேதம் சொல்கிறது
ஆனால் திரும்பவும் தேவ ஆவியானவர் அவர்கள் மேல் வந்து இறங்குகிறார்....................

உண்மையாக எல்லாம் தேவனுடைய கிருபையே
எல்லாம் அவர்கரத்தில் உள்ளது............................
அவர் எப்படி நினைகிறாரோ அப்படியே செய்வார்

லூக்கா 11:13 பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரம பிதாவானவர் தம்மிடத்தில் வேண்டிக்கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா என்றார்.

வாஞ்சையோடு கேட்கிறவர்களுக்கு நிச்சயம் தேவன் தம்முடைய ஆவியை கொடுப்பார்...................

chillsam · இனியவர்

பழைய ஏற்பாட்டு காலத்தின் பரிசுத்தாவியரின் பணிக்கும் புதிய ஏற்பாட்டின் பரிசுத்தாவியரின் பணிக்கும் நிரம்ப வித்தியாசம் உண்டு;இரண்டையும் போட்டு குழப்பிக் கொள்ள வேண்டாமென்றெண்ணுகிறேன்;

ஞானஸ்நானம் பெறாத ஒருவர் தீர்க்கதரிசனமாக எதைச் சொன்னார் என்பதைக் கொண்டு அவர் சொன்னது தீர்க்கதரிசனமா என்பதையும் வரையறுத்துவிடமுடியும்;

முக்கியமானதொரு அடையாளமாவது ஒருவர் தீர்க்கதரிசனம் என்று சொல்வது வாழ்வியல் சம்பந்தமான பொருளில் என்றால் அது தீர்க்கதரிசனமல்ல;

அது அந்த நபருடன் நேரடியாக ஆலோசனையாகவே பகிர்ந்துக் கொள்ளக்கூடிய விஷயம்தான்;நேருக்கு நேராக சொன்னால் எடுபடாது என்றுணர்ந்தே தீர்க்கதரிசனம் என்ற பெயரில் கூறுகிறார்கள்;

இது ஆவியைப் பெற்று சொல்பவர்க்கும் பெறாமலே சொந்த உணர்ச்சியிலிருந்து சொல்பவர்க்கும் சேர்ந்தே பொருந்தும்.

EDWIN SUDHAKAR · வெற்றியாளர்

சில்சாம் எழுதியது.

/////// பழைய ஏற்பாட்டு காலத்தின் பரிசுத்தாவியரின் பணிக்கும் புதிய ஏற்பாட்டின் பரிசுத்தாவியரின் பணிக்கும் நிரம்ப வித்தியாசம் உண்டு;இரண்டையும் போட்டு குழப்பிக் கொள்ள வேண்டாமென்றெண்ணுகிறேன்;////.....

சில்சாம் அவர்களே பழைய ஏற்பாட்டு காலத்தின் பரிசுத்தாவியரின் பணிக்கும்

புதிய ஏற்பாட்டின் பரிசுத்தாவியரின் பணிக்கும் நிரம்ப வித்தியாசம் உண்டு என்று சொல்கிறீர்கள்

என்ன வித்யாசம் என்று நான் தெரிந்து கொள்ள ஆசையாய் இருக்கிறேன்.........

chillsam · இனியவர்

// சில்சாம் அவர்களே பழைய ஏற்பாட்டு காலத்தின் பரிசுத்தாவியரின் பணிக்கும் புதிய ஏற்பாட்டின் பரிசுத்தாவியரின் பணிக்கும் நிரம்ப வித்தியாசம் உண்டு என்று சொல்கிறீர்கள் என்ன வித்தியாசம் என்று நான் தெரிந்து கொள்ள ஆசையாய் இருக்கிறேன்.........//

நண்பரே நீங்கள் இந்த வித்தியாசத்தை அறியாதவர் என்று என்னால் எண்ணமுடியவில்லை; ஆனாலும் பரிசுத்தாவியானவரைக் குறித்து நண்பர் சுந்தர் அவர்கள் எழுதியுள்ள கட்டுரையை நிதானமாகப் படிக்க வேண்டுகிறேன்;இப்போதைக்கு அதுவே போதும்;

குறிப்பான ஏதேனும் கேள்விகள் இருக்குமானால் நீங்கள் தாராளமாகக் கேட்கவும்; நான் எனக்குத் தெரிந்த பதிலைக் கூற ஆயத்தமாக இருக்கிறேன்.

மேலும் இது விவாதிக்கும் பகுதியோ அல்லது இந்த பொருள் விவாதக்குரிய பொருளோ அல்ல என்பதையும் கவனிக்க வேண்டுகிறேன்;நன்றி

SUNDAR · மூத்த உறுப்பினர்

சமீபத்தில் நான் ஊருக்கு சென்றிருந்த போது, எனது தம்பி நடத்திகொண்டிருக்கும் சபையில் செய்தி வேளையில் ஒரு அரை மணி நேரம் எனக்கு ஒதுக்கும்படி கேட்டுக்கொண்டேன். அந்த அரை மணி நேரத்தில் ஆவியானவரின் அபிஷேகம் பற்றிய முக்கியத்துவத்தை பல வசன ஆதரங்களுடன் எடுத்துகாட்டி , எல்லா கிறிஸ்த்தவர்களும் நிச்சயம் அபிஷேகம் பெறவேண்டும் என்று வலியுறுத்தி போதித்துவிட்டு, அபிஷேகம் பெற விரும்புகிறவர்கள் முன்னே வாருங்கள் அவர்களுக்காக விசேஷ ஜெபம் ஏறெடுக்கப்படும் என்று சொல்லி அழைத்தேன்.

ஒரே ஒரு சகோதரியை தவிர யாரும் முன் வரவில்லை. எல்லோரும் ஏற்கெனவே அபிஷேகம் பெற்றவர்கள் போலும்!?

முன்னால் வந்து முழங்காலில் நின்ற அந்த சகோதரிக்கு ஆவியானவரை அறிய வேண்டும் என்ற வாஞ்சை இருப்பதை அறிய முடிந்தது. ஜெபிக்க ஆரம்பித்த சில நிமிடங்களிலேயே ஆவியானவர் வல்லமையாக இறங்க, அந்த வல்லமையை தாங்க முடியாமல் சகோதரி தரையில் சாய்ந்து விட்டர்கள். முதல் முதலில் இப்படி வல்லமயாக் அபிஷேகம் இறங்குவதும் பிறகு நாளாக ஆக ஆக நமக்கு ஆவியானவரின் அபிஷேகத்தை தாங்கும் பலம் வருவதும் உண்டு.

இந்த சகோதரிக்கு நடந்த காரியத்தை பார்த்துகொண்டிருந்த இன்னொரு சகோதரி எழுந்து ஓடிவந்து "எனக்கும் ஜெபியுங்கள் நானும் அபிஷேகம் பெறவேண்டும் என்று கேட்டு கொண்டார்கள்" சரி என்று சொல்லி நானும் மிகவும் மற்றாடி இரண்டு முறை அதிக நேரம் ஜெபித்தும் எந்த ஒரு மாற்றமும் இல்லாமல் அந்த சகோதரி அப்படியே நின்றார்கள். இறுதியில் அவர்கள் அபிஷேகம் பெறாமலே திரும்பி சென்றார்கள்.

ஆவியானவரின் அபிஷேகம் பெறுவதற்கு ஆண்டவரை அனுபவபூர்வமாக அறியவேண்டும் என்ற விசுவாசத்துடன் கூடிய தாகம் வேண்டும். அத்தோடு ஜெப வேளையில் மனதை சிதற விடாமல் ஒரே நோக்கமாக ஆண்டவரை நோக்கி மன்றாட வேண்டும்.

மற்றபடி எல்லோரும் பெறுகிறார்கள் எனக்கும் வேண்டும் என்று ஏனோதானோ என்று தேடுவதோ அல்லது, அது என்ன ஆவியானவர்? அறிந்துதான் பார்த்துவிடுவோமே! என்றோ, நான் பெரியவன் எனக்கு அவர் நிச்சயம் அருளப்பட வேண்டும் என்ற எண்ணத்திலோ தேடுபவர்களுக்கு ஆவியானவரின் கிருபை கிடைப்பதில்லை.

நாம் பிறருக்கு அவருடைய அபிஷ்கத்துக்காக ஜெபிபபது என்பது அவர்களை ஒருமனபாட்டுக்குள் நடத்தமட்டுமே, மற்றபடி நமது கையில் எதுவுமே இல்லை!

chillsam · இனியவர்

// அந்த வல்லமையை தாங்க முடியாமல் சகோதரி தரையில் சாய்ந்து விட்டர்கள். முதல் முதலில் இப்படி வல்லமயாக் அபிஷேகம் இறங்குவதும் பிறகு நாளாக ஆக ஆக நமக்கு ஆவியானவரின் அபிஷேகத்தை தாங்கும் பலம் வருவதும் உண்டு...நமது கையில் எதுவுமே இல்லை //

தனிப்பட்ட சிலரது அனுபவத்தையும் கருத்துக்களையும் போதனையாகக் கொள்ளக்கூடாது என்பதற்கு சுந்தர் அவர்களின் மேற்கண்ட கருத்து ஒரு உதாரணமாகும்;

தொடர்ந்து...

http://chillsam.activeboard.com/forum.spark?aBID=134567&p=3&topicID=34879991

SUNDAR · மூத்த உறுப்பினர்

பழைய ஏற்பாட்டு காலத்தில் கர்த்தரின் மகிமையை கண்டு முகம் குப்புற விழுந்த பலர் இருந்தபோதிலும், புதிய ஏற்பாட்டு காலத்தில் இயேசுவின் வார்த்தையை

கேடடு தரையில் விழுந்த பவுலை தவிர, பரிசுத்த ஆவியின் அபிஷேகம் இறங்கியபோது யாரும் கீழே விழுந்து புரண்டதர்கான ஆதாரம் எதுவும் வேத புத்தகத்தில் இல்லை.

ஆகவே நான் ஜெபித்தபோது அந்த சகோதரி கீழே விழுந்து புரண்டதர்க்கு காரணம் வேறு அசுத்த ஆவியாக இருக்குமோ என்ற சந்தேகம் எழுகிறது!

மாற்கு 9:20 அவனை அவரிடத்தில் கொண்டுவந்தார்கள். அவரைக் கண்டவுடனே, அந்த ஆவி அவனை அலைக்கழித்தது; அவன் தரையிலே விழுந்து, நுரைதள்ளிப் புரண்டான்.

எப்படியோ அங்கு ஜெபித்தபோது ஒரு தேவ பிரசன்னத்தை உணர முடிந்த்து. இனி அடுத்த முறை போகும்போதுதான் அது எவ்வித ஆவி என்பதை ஆராய்ந்து அறியவேண்டும்.

chillsam · இனியவர்

மாற்று கருத்துக்கு இதமான சமிக்ஞை காட்டுவதற்கும் கூட ஆவியானவரின் வழிநடத்துதல் வேண்டும்;அந்த வகையில் தங்கள் ஆவியைக் குறித்து நான் தேவ சமூகத்தில் ஆனந்தமடைகிறேன்;

ஆவியானவர்,அக்கினி,அபிஷேகம்,வல்லமை,வரங்கள்,அந்நியபாஷை போன்ற கருகலான பொருளில் தியானங்களை விரைவில் சமர்ப்பேன்;சற்று பொறுத்திருங்கள்;

anbu57 · வெற்றியாளர்

RE: பரிசுத்தாவியைபெற வேதாகமம் காட்டும் வழிகள்!

SUNDAR · மூத்த உறுப்பினர்

anbu57 wrote:
தான் ஜெபிக்க ஆரம்பித்த சில நிமிடங்களில் தன் முன்னே முழங்காலில் நின்ற சகோதரியின் மீது ஆவியானவரின் வல்லமை இறங்கியதாக சகோ.சுந்தர் ஆணித்தரமாகக் கூறியுள்ளார்.
ஆனால் அடுத்த நாளிலேயே, அந்த சகோதரியின் மீது இறங்கிய ஆவி அசுத்த ஆவியாக இருக்குமோ என சந்தேகப்படுவதாகக் கூறுகிறார்.

சந்தேகத்திற்குரியதான ஒரு விஷயத்தில், இது ஆவியானவரின் வல்லமைதான் என ஆரம்பத்தில் எவ்வாறு கூறினார்?

சகோதரர் அன்பு அவர்களே என்னை பொறுத்தவை அந்நேரத்தில் அவர்கள்மேல் இறங்கியது பரிசுத்த ஆவியானவர் அபிஷேகம்தான் என்றே கருதுகிறேன். மற்றபடி அவர்களின் கனிகளை வைத்துதான் அது வேறு ஆவியா என்பதை என்னால் உறுதியாக் தீர்மானிக்க முடியும். (எனவேதான் அடுத்த முறை போகும்போது அது பற்றி அறிந்து சொல்கிறேன் என்ற கருத்தில் எழுதினேன்.)

ஆனால் இந்த காரியம் முடிந்தபிறகு எனது தம்பியாகிய அந்த சபை பாஸ்டரும் சரி இங்கு நம்மோடு விவாதித்த இந்த பாஸ்டரும் சரி அது அசுத்த ஆவி என்று சொல்கின்றனர்.

அவர்களோடு எதித்து நின்று வாதிட நான் விரும்பவில்லை ஏனெனில் நான் இவ் விஷயத்தில் அதிக அனுபவமற்றவன். நான் ஜெபித்தபோது ஒரு சகோதரி கீழே விழுவதும் இதுதான் முதல் முறை. மற்றும் அது ஆவியானவர்தான் என்பதை நிரூபிக்க திரும்ப அதேபோல் ஒரு சூழ்நிலைக்கு கடந்து சென்று நிரூபிபதர்க்கு எந்த ஆதாரமும் என்னிடம்இல்லை. மேலும் நான் அபிஷேகம் பெற்றதாக கருதும் அந்த சகோதரியின் வாழ்க்கை நடைமுறை நிலைகளை ஆராயாமல் அவர்கள் பெற்றது ஆவியானவரின் அபிஷேகம்தான் எனபதை என்னால் உறுதியாக சொல்ல முடியாது .

எனவே அவர்களது கருத்தையும் ஒதுக்க விரும்பாமல் இரண்டுக்கும் இடை நிலையில் நின்றுவிட்டேன்.

anbu57 wrote:
////இப்படி மாற்றி மாற்றி அவர் கூறினால், அவரிடம் பேசுகிற ஆவியானவரும் சந்தேகத்திற்குரியவராகத்தானே இருக்கமுடியும்?////

இது நிச்சயம் ஆராய வேண்டிய கருத்துதான்.

என்னுடைய கருத்துப்படி எனக்கு போதித்த ஆவியானவர்
என்னை நடத்தும் விதத்தை வைத்தே நான் அது ஆவியானவரின் வார்த்தைகள் என்பதை அறிந்துகொள்கிறேன்
அவர் என்னை கண்டித்து நடத்தும் விதத்தை கீழ்கண்ட கட்டுரையில் கொடுத்துள்ளேன். அதில் ஏதாவது தவறு இருக்கிறதா என்று ஆராயுங்கள்

ஆவியானவர் உங்களில் வாசம் செய்கிறாரா?

ஒருவேளை அது உண்மையான ஆவியானவராக இல்லாமல் இருந்தாலும், அவர் போதிக்கும் காரியங்களில் யாருக்கும் எந்த தீங்கும் இல்லமால் ஒரு தாழ்மையான நிலையாக உண்மையான உத்தமமான காரியமாக இருக்கும் பட்சத்தில்
அதை தேவன் என்றும் தள்ளிவிடுவது இல்லை என்ற கருத்திலேயே அவர் வார்த்தைகளுக்கு நான் கீழ்படிகிறேன்.

ஒருவருக்குள் இருக்கும் ஆவி எப்படிபட்டது என்பதை அவர்கள் நடத்தை மூலம் மட்டுமே அறியமுடியும். மற்ற காரியங்களாகிய ஆடுதல் அன்னியபாஷை பேசுதல் கீழே விழுதல் அல்லது மேலே எம்பி குதித்தல் போன்ற வேறு எந்த காரியத்தை வைத்தும் என்னால் தீர்மானிக்க முடியாது

மற்றபடி நம்முள் இருக்கும் ஆவியானவர் உணமயானவரா? என்பதை அறிவதற்கு வேறு எந்த கருவியோ அல்லது வழி முறைகளோ இருப்பது போல் எனக்கு தெரியவில்லை சகோதரரே!

இருந்தால் சொல்லுங்கள் அந்த வழிமுறையையும் வைத்து என்னுள் இருக்கும் ஆவியானவர் உண்மையானவரா
என்பதை அராய்ந்து பார்த்துவிடலாம்!

Nesan · MODERATOR

ஒருவர் இயெசு கிறிஸ்துவை எற்றுக்கொண்டவுடனேயே பரிசுத்த ஆவியானவரை பெற்றுவிட்டதாக கருதுவது ஒரு தவறான கருத்து. இந்த கருத்தின் அடிப்படயில் இன்று இரட்சிப்பை பெற்ற அனேகர் இன்னும் பரிசுத்த ஆவியானவரை வாஞ்சித்து பெற்றுக கொள்ளாமல் இருப்பதை நாம் அறிய‌ முடிகிறது. அதுவே இன்றய கிரிஸ்த்தவ மார்க்கபேதஙகளுக்கு அதிகமதிகமாக வழிசெய்கிறது.

பரிசுத்த ஆவியை பெற்றவர்கள், ஆவியானவரை ஒரு தனி ஆள்தத்துவம் உள்ளவர் என்பதை அறிந்து கொள்வதோடு இறைவனின் அன்பு இருதயத்தில் ஊற்றப்படுவதால் அதிகமதிகம் இரக்கம் உள்ளவர்களாகவும் அடுத்தவர்களூக்காக பரிதபிப்பவர்களாகவும் பிறரை குறை கண்டுபிடிக்க தீவிரிக்காமல் அவருக்காக ஜெபிக்க தீவிரம் உடயவர்களாகவும் இருப்பர். இன்னும் சொல்லப் போனால் பிறருக்காக அழும் மனநிலயில் இருப்பார்கள்.

புதிய உடன்ப்டிக்கையின் அடிப்படயில் பரிசுத்த ஜீவியம் செய்வதர்க்கு ஆவியானவர் அபிஷேககம் மிக மிக அவசியம்! பரிசுத்த ஆவியை பெற்ற எவரும் அவரை சார்ந்துதான் தன்னுடய வாழ்க்கையையும் கருததுக்களயும் முன்வைப்பர்.

எனவே அன்பானவர்களே இந்த திரியில் முதல் பதிவில் சொல்லப்பட்டுள்ள வழி முறைகளில் எதாவது ஒரு முறையில் பரிசுத்த ஆவியை பெற்று தஙகள் கிரிஸ்த்தவ வாழ்க்கயை மேம்படுத்த வேண்டுகிறேன். ஏற்க்கெனவே ஆவியை பெற்றுக்கொண்ட வர்கள் ஆவியில் அனலாய் இருக்கும்படி வேண்டுகிறேன்.

சென்னை சின்னமலையில் உள்ள புது வாழ்வு A G சபையில் ஒவ்வொரு மாதமும் மூன்றாம் ஞாயிறு அன்று பரிசுத்த ஆவி அபிஷேகத்துக்கு என்று விசேஷமான குழு பிரார்த்தனை எறேடுக்கப்படும் அங்கு வரும் அநேகர் ஆவியில் அபிஷேகம் பெற்று வித விதமான அனுபவத்துக்குள் கடந்து செல்வதை பார்க்க முடியும் தாங்களும் அது போல் ஒரு அனுபவத்தோடு அபிஷேகம் பெற வாஞ்சித்தால் அந்த கூடுகையை பயன்படுத்திகொள்ளுமாறு அன்புடன் வேண்டுகிறோம்

SUNDAR · மூத்த உறுப்பினர்

பரிசுத்தாவியைபெற வேதாகமம் காட்டும் வழிகள்!