இறைவன்

ஒருவருக்கா?

ஒரு தாய்க்கு இரண்டு குழந்தைகள். அந்த தாய் முதல் குழந்தையை பார்த்து என் செல்லமே, என் உயிரே என்று கொஞ்சுகிறாள். பிறகு இரண்டாவது குழந்தையும் பார்த்து அதே போல கொஞ்சுகிறாள். இப்போது ஒரு சந்தேகம் வரலாம் தாயிடம் இருப்பதோ ஒரு உயிர். அந்த உயிர் ஒன்று முதல் குழந்தைக்கு சொந்தமானதாக இருக்க வேண்டும் அல்லது இரண்டாவது குழந்தைக்கு சொந்தமானதாக இருக்க வேண்டும் அல்லது என் உயிர் இருவருக்கும் பாதி, பாதி என்றாவது சொல்ல வேண்டும். எப்படி ஒரு ஒரு குழந்தையும் என் உயிர் என்று தனித்தனியாக சொல்ல முடியும்? என்ற சந்தேகம் வரலாம். ஆனால்

அந்த தாய் சொன்னதும் சரியானதே அன்பு என்பது முழுமையானது அந்த முழுமை தன் குழந்தைகள் அனைவருக்கும் தனிதனியாக சொந்தமானது. இதுவே அன்பின் தனித்தன்மை. தேவனும் உன்னத பாட்டில்

6.9. என் புறாவோ, என் உத்தமியோ ஒருத்தியே;

என்று சொல்கிறார். இதன் பொருள் ஒருவர் மட்டுமே அவருக்கு விருப்பமானவள் என்பதல்ல. அன்பின் மிகுதியால் தன் முழு மனத்துடன் அவருக்கு பிரியமானவர்கள் ஒவ்வொருவரை பற்றியும் தனித்தனியாக தேவன் சொல்லும் வார்த்தையே அது.

இதை போன்ற வார்த்தை பிரயோகங்களை இன்னொரு சந்தர்பத்திலும் தேவன் பயன்படுத்துகிறார். ஒரு கூட்டத்தை நோக்கி பேசினாலும் தனிதனியாக பேசுவது போல் பேசுவதே அது.

7. ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன்; ........

இங்கே காதுள்ளவன் என்று ஒருமையிலே சொல்லியிருப்பதால் காதுள்ளவன் ஒருவதான் என்று அர்த்தம் இல்லை. காதுள்ளவர்கள் எவர்களோ என்பதே இதன் அர்த்தமாகும். அப்படியானால் இப்படியே சொல்லாமல் அப்படி சொல்ல என்ன காரணம்? இது பேசுவதிலுள்ள ஒரு பாணி. கூட்டத்திற்க்குதானே இந்த வார்த்தையை சொல்லுகிறார்கள் என்று சாதாரணமாக இந்த வார்த்தையை எடுத்து கொள்ளாதிருக்க ஒரு கூட்டத்தை பார்த்து பேசினாலும் தனிதனியாக பேசுவது போல் பேசுவதே அது.

ஒரு சிலர் இந்த வார்த்தையை தொடர்ந்து வரும்

7. ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன்; ஜெயங்கொள்ளுகிறவனெவனோ அவனுக்கு தேவனுடைய பரதீசின் மத்தியிலிருக்கிற ஜீவவிருட்சத்தின் கனியைப் புசிக்கக்கொடுப்பேன் என்றெழுது.

ஜெயங்கொள்ளுகிறவனெவனோ என்பது ஒருமையில் வந்துள்ளதால் அது ஒருவரைத்தான் குறிக்கும் என்று சொல்கின்றனர் ஆனால் மேலே சொன்ன காரணமே இதற்கும் பொருந்தும். இயேசு வந்தது முதல் இதுவரை பவுலை போன்ற ஊழியர்கள் அனேகர் வந்துள்ளனர். ஒருவருக்கு என்றால் அவர்களில் ஏழு பேர் நிச்சயம் இதை ஏற்கனவே பெற தகுதியுள்ளவர்களாயிருப்பார்கள். அப்படியானல் ஏழு பேருக்கு மட்டுமே பொருந்தும் (ஆசியாவிலுள்ள ஏழு சபைகளுக்கு மட்டுமே பொருந்தும்)  வசனத்தை எல்லோர் கையிலும் கொடுக்க வேண்டியது என்ன?

மேலும் இதை படிக்கும் போது நீ, நீங்கள், உங்கள் என்பது மாறி மாறி வருவதை காணலாம். இப்போது மேலும் இதை பற்றி பார்க்கலாம்.

1. எபேசு

2.7. ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன்; ஜெயங்கொள்ளுகிறவனெவனோ அவனுக்கு தேவனுடைய பரதீசின் மத்தியிலிருக்கிற ஜீவவிருட்சத்தின் கனியைப் புசிக்கக்கொடுப்பேன் என்றெழுது

22.2. நகரத்து வீதியின் மத்தியிலும், நதியின் இருகரையிலும், பன்னிரண்டுவிதமான கனிகளைத்தரும் ஜீவவிருட்சம் இருந்தது, அது மாதந்தோறும் தன் கனியைக் கொடுக்கும்; அந்த விருட்சத்தின் இலைகள் ஜனங்கள் ஆரோக்கியமடைகிறதற்கு ஏதுவானவைகள்.

2.சிமிர்னா

11. ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன்; ஜெயங்கொள்ளுகிறவன் இரண்டாம் மரணத்தினால் சேதப்படுவதில்லை என்றெழுது.

6. முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை. இவர்கள் தேவனுக்கும் கிறிஸ்துவுக்கும் முன்பாக, ஆசாரியராயிருந்து, அவரோடேகூட ஆயிரம் வருஷம் அரசாளுவார்கள்.

இப்படி இன்னும் சொல்லலாம்.

பவுலின் ஓட்டம் :

தான் சென்ற எல்லா நாடுகளிலும் இயேசுவை பற்றி சொல்லி அவர்களை ஏற்று கொள்ள வைக்கவும், அவர்களை விசுவாசத்தில் முன்னேற வைக்க வைப்பதும் பவுலுக்கு மிக பெரிய சவாலாக இருந்தது. அதற்காக ஒரு சில கருவிகளை பவுல் பயன்படுத்த வேண்டி இருந்தது. அவைகளில் ஒரு கருவியே இந்த வசனம்

1.கொரி 9.24. பந்தயச் சாலையில் ஓடுகிறவர்களெல்லாரும் ஓடுவார்கள்; ஆகிலும், ஒருவனே பந்தயத்தைப் பெறுவானென்று அறியீர்களா? நீங்கள் பெற்றுக்கொள்ளத்தக்கதாக ஓடுங்கள்.

விசுவாசிகளிடையே விசுவாசத்தை தூண்டி விடுவதற்காக சொல்லப்பட்ட இந்த வசனத்தை ஒரு சிலர் அப்படியே அர்த்தம் கொண்டு ஒருவர் மாத்திரமே பந்தய பொருளை பெறுவார்கள் என்று சொல்லுகிறார்கள். அப்படியானால் அதை பவுலே பெற்று கொண்டிருப்பார். மற்றவர்களுக்கு கிடைக்க வாய்ப்பில்லை. ஒரு இடத்தில் இப்படி சொன்ன பவுல் இன்னொரு இடத்தில் என்ன சொல்கிறார் என்று பார்ப்போம்.

7. நல்ல போராட்டத்தைப் போராடினேன், ஓட்டத்தை முடித்தேன், விசுவாசத்தைக் காத்துக்கொண்டேன்.

8. இதுமுதல் நீதியின் கிரீடம் எனக்காக வைக்கப்பட்டிருக்கிறது, நீதியுள்ள நியாயாதிபதியாகிய கர்த்தர் அந்நாளிலே அதை எனக்குத் தந்தருளுவார்; எனக்கு மாத்திரமல்ல, அவர் பிரசன்னமாகுதலை விரும்பும் யாவருக்கும் அதைத் தந்தருளுவார்.

பவுல் முன்பு சொன்னது எது போன்றது என்றால் நம் பிள்ளை நன்றாக படிக்க வேண்டும் என்பதற்காக அவனிடம் முதல் மதிப்பெண் எடுத்தால் உனக்கு சைக்கிள் வாங்கி தருவேன் என்று சொல்வது போன்றது. இது போல ஒரு சில கருவிகளை பவுல் உபயோகித்துள்ளார். அவைகளை பற்றி தனி பதிவில்.

ஓட்ட பந்தயம் என்பது அனைவருக்கும் சமமான வாய்ப்பை ஏற்படுத்தி கொடுத்து (ஓடும் தூரம், எல்லை கோடு, மைதானம்) இலக்கை அடைய முயல்வது. இது எப்போதும் மனிதனுக்கு பொருந்தாது. ஒரு மனிதனின் வாழ்க்கை போல அடுத்த மனிதனுக்கு இருப்பதில்லை. நாம் ஒவ்வொருவரும் தனித்தனியாக ஓடி நாம் அடைய வேண்டிய அதிகபட்ச இலக்கை அடைய வேண்டும் என்பதே இதன் உட்கருத்து.  ஒருவனே பந்தயத்தை பெறுவான் என்று சொன்னது, அழைக்கப்பட்டவர்கள் அனேகர் தெரிந்து கொள்ளப்பட்டவர்களோ சிலர் என்று இயேசு சொன்னதற்கு ஒப்பாகும். இது ஓட்டப் பந்தயம் சுலபமல்ல என்பதை சொல்வதற்காக சொல்லப்பட்ட வார்த்தையாகும்.

தேவன் ஒருவர் செய்த செயல்கள், மற்றும் அவர் தன் மேல் வைத்திருக்கும் அன்பு இந்த அடிப்படையிலேயே மனிதர்களை பார்க்கிறார். மற்ற மனிதர்களுடன் ஒப்பிட்டு பார்த்து ஒரு மனிதனை அவர் அளவிடுவதில்லை. தேவன் ஓட்டப் பந்தயம் நடத்துகிறவர் அல்ல (ஒரு சிலர் சொல்வது போல). மற்ற மனிதர்களுடன் ஒப்பிட்டு ஒரு மனிதனின் தகுதியை தீர்மானிப்பது உலகத்தின் வழி. அது கடவுளின் வழி அல்ல.

அடுத்தவனை விட அதிக மார்க்கு வாங்க வேண்டும் என்று சொல்லியே இந்த உலகம் குழந்தைகளின் மனதில் நஞ்சை கலக்கிறது. இதன் மூலம் அந்த குழந்தையின் மனதில் பொறாமை, வஞ்சகம் முதலியன உருவாகின்றன. இதில் வெற்றி பெற்ற குழந்தைகள் பெருமைக்கு அடிமையாவதும், தோற்றவர்கள் தாழ்வு மனப்பான்மைக்கு அடிமையாவதும் அவர்கள் பிற்காலத்தில் பாவத்திற்க்கு இடமளிக்க வழி வகுக்கிறது. மனிதன் தன் சூழ்னிலைகளோடு போட்டி போட வேண்டுமே தவிர மற்ற மனிதன் ஒருனாளும் பிறனுக்கு போட்டி அல்ல. மற்ற மனிதர்களோடு ஒப்பிடுவது என்பது ஆன்மீக வாழ்க்கைக்கு உகந்தது அல்ல. அது ஆன்மிகமும் அல்ல.

மேலும் ஓட்ட பந்தயம் என்பது அனைவருக்கும் சமமான வாய்ப்பை ஏற்படுத்தி கொடுத்து (ஓடும் தூரம், எல்லை கோடு, மைதானம்) இலக்கை அடைய முயல்வது. இது எப்போதும் மனிதனுக்கு பொருந்தாது. ஒரு மனிதனின் வாழ்க்கை போல அடுத்த மனிதனுக்கு இருப்பதில்லை. நாம் ஒவ்வொருவரும் தனித்தனியாக ஓடி நாம் அடைய வேண்டிய அதிகபட்ச இலக்கை அடைய வேண்டும் என்பதே இதன் உட்கருத்து. 

இந்தியாவில் தன் சரக்கை விற்க வந்த பெப்சி கம்பெனியும், கொகோ கோலாவும் முதலில் ஒருவருடன் ஒருவர் போட்டி போட்டு கொண்டு அவர்கள் இலாபம் குறையவே, பிறகு இந்தியனை சுரண்டுவதுதான் நமக்கு தேவையே தவிர ஒருவருடன் போட்டி போடுவது அல்ல என்பதை உணர்ந்து கொண்டு அவர்களுக்குள் போட்டியிடாமல் உடன்பாடு செய்து கொண்டு இந்தியனை நன்றாக சுரண்டி வருகின்றன.