இறைவன்

"எங்கள் அன்பின் பரலோக பிதாவே இந்த அருமையான நேரத்துக்காக உமக்கு நன்றி அப்பா. ஏதோ உம்முடைய பெரிதான கிருபையில், உம்முடய சித்தப்படி இந்த் தளம் தொடங்கப்பட்டு கடுமையான எதிர்ப்பின் மத்தியிலும் மூன்று வருடங்களாக நடந்து வருகிறது. இந்த தளத்துக்கும் எங்களுக்கு  நீங்களே பதுகாவலாராக இருந்து எங்களை வழி நடத்துகிறீர்என்பதை நாங்கள் ஐயமற அறிவோம் ஆண்டவரே!  

இங்கு எழுதப்பட்டுள்ள கருத்துக்களை வாசிக்கும் ஒவ்வொரு சகோதர சகோதரிக்கும் அந்த கருத்துக்களில் உள்ள  உண்மை தன்மையை அறிந்துகொள்ளும்படிக்கு தேவன் தாமே அவர்கள்  இருதயம் திறந்து உண்மையை விளங்க பண்ணி நாங்கள் முக்கியமாக வலியிருத்துவதும்  நீங்கள் எதிர்பாப்பதுமாகிய உம்முடைய சித்தத்துக்கும் உம்முடைய கற்பனைகளுக்கும்  கீழ்படிந்து வாழ தேவையான ஞானத்தையும் பெலத்தையும் தந்தருளுவீராக. இங்கு எழுதப்படும் கருத்துகளுக்கு எடிட்டரும் ஆசிரியருமாக இருந்து உமக்கு சித்தம் இல்லாத காரியங்கள் எதுவும் எழுதப்படாதபடிக்கு நீரே பார்த்துகொள்ளுங்கள் ஐயா!

சுற்றி வளைத்து நம்மை உள்ளே இழுத்து ஒன்றுமில்லாமல் ஆக்க முயலும் உலக காரியங்களில் மூழ்கிவிடாமல் உம்முடைய வேத வசனங்களை எப்பொழுதும் தியானிக்க வேண்டும்  என்ற ஒரே நோக்கத்தோடுதான் இந்த தளத்தை நாங்கள் ஆரம்பித்தோம் என்பதை நீர் அறிவீர்! எங்களின் அந்த இருதய வாஞ்சையை ஆராய்ந்து அங்கீகரித்தருளும் உம்முடைய  நாமம் வலைத்தளங்களிலும் மகிமைப்படுவதாக!

இங்கு எழுதப்பட்ட கருத்துக்களின் உண்மையை அறிந்து, உம்மால் ஞானத்தை பெற்று, நமக்கு உற்ற துணையாக நின்ற நமது அன்பு சகோதரர்கள் தொடர்ந்து தளத்தில் கருத்துக்களை எழுதமுடியாதபடிக்கு பல்வேறு தடங்கல்கள் உண்டாயிருப்பதை நீர் அறிவீர். ஒரு வேளை அது உம்முடைய சித்தப்படி நடந்திருக்குமானால் அதில் நாங்கள் தலையிடுவதர்க்கில்லை, நீர் எங்கள் நமைக்ககவே எல்லாவற்றையும் செய்யும் தேவன் ஆனால் ஒருவேளை அந்த தடங்கல்கள் சத்துருவின் கிரியையால்  உண்டாயிருக்குமானால் அந்த தடைகள் எல்லாம் உடனே நீங்கிபோடும்படி இயேசுவின் வல்லமை மிக்க நாமத்தில் நான் கட்டளையிட்டு உம்மிடம் மன்றாடுகிறேன். சத்துரு வெட்கப்பட்டு போகும்படி செய்யும்

சங் 70:3 ஆ ஆ, ஆ ஆ, என்பவர்கள் தாங்கள் அடையும் வெட்கத்தினால் பின்னிட்டுப் போவார்களாக. 4.உம்மைத் தேடுகிற யாவரும் உம்மில் மகிழ்ந்து சந்தோஷப்படுவார்களாக; 

உம்முடைய ராஜ்ஜியம் வருவதாக! உம்முடைய சித்தம் பரலோகத்தில் செய்யப்படுவதுபோல் பூலோகத்திலும் செய்யப்படுவதாக!  உம்முடைய நாமம் மாத்திரம் எந்நாளும் மகிமைப்படுவதாக!

இயேசுவின் இணையற்ற நாமத்தில் ஜெபிக்கிறோம் எங்கள் ஜீவலுள்ள நல்ல பிதாவே!  

ஆமென்!