இறைவன்

SUNDAR · மூத்த உறுப்பினர்

குறைகள், குறைவுகள் எல்லாமே நன்மைக்கே!

Nesan · MODERATOR

பொதுவாக, இந்த உலகவாழ்க்கையில் எந்த குறையும்
இன்றி அனைத்து இன்பங்களையும் பெற்று வளமாக வாழ்பவர்கள், இறைவனை தேடுவதற்கோ அல்லது அவரை அறிந்துகொள்வதற்கோ அதிகம் அக்கறை காட்டுவது இல்லை.

சகல வசதியும் படைத்த எனது நெருங்கிய நண்பன் ஒருவனிடம் நான் நித்தியத்தை குறித்து பேச்சை எடுத்தாலே அதை ஏதோவேண்டாத வார்த்தையாகவே கருதி விலக்கிவிடுவதொடு எனக்கும்கூட "இறைவன் இறைவன் என்று அலையாதே" என்று சொல்லி அதிக அறிவுரைகூற ஆரம்பித்துவிடுவான். பரிதபிக்கபட்டவனாக இருக்கும் அவனை நினைக்கும் போது எனக்கு யோபு சொன்ன கீழ்கண்ட வசனம்தான் நியாபகத்துக்கு வரும்.

யோபு 21:14 அவர்கள் தேவனை நோக்கி: எங்களைவிட்டு விலகியிரும், உம்முடைய வழிகளை அறிய விரும்போம்;

துயரப்படுபவர்களாகவும்,லாசரு போன்ற ஏழைகளாகவும்,
பிறரின் துன்பங்களை பார்த்து பரிதபிக்கிறவர்களாகவும் எப்பொழுதும் ஏதாவது குறை உள்ளவர்களாகவும் நம்மை படைத்ததற்காக நமது ஆண்டவருக்கு நாம் நன்றி சொல்லுவோம். அப்படி ஒரு நிலையில் நாம் படைக்கபட்டதால்தான் இன்று இறைவனை அறிந்துகொண்டோம் என்றே நான் கருதுகிறேன்.

துயரப்படும் நமக்கு நிச்சயம் ஆறுதல் உண்டு!

மத்தேயு 5:4 துயரப்படுகிறவர்கள் பாக்கியவான்கள்; அவர்கள் ஆறுதலடைவார்கள்.