இறைவன்

 

I யோவான் 4:20 தேவனிடத்தில் அன்புகூருகிறேனென்று ஒருவன் சொல்லியும், தன் சகோதரனைப் பகைத்தால், அவன் பொய்யன்; தான் கண்ட சகோதரனிடத்தில் அன்புகூராமலிருக்கிறவன், தான் காணாத தேவனிடத்தில் எப்படி அன்புகூருவான்?

 

அடுத்து  தேவனின் வார்த்தைக்கு  கீழ்படிதலில் வரும் இரண்டாம் சோதனையாகிய வெகுமதிகள்  அடிப்படையில்  சோதிக்கப்படுவதை பற்றி பார்க்கலாம்!   

 

 2. வெகுமதிகள், பரிசுகள் மற்றும் இனாம்!

 

பொதுவாக வெகுமதி அல்லது  பரிசு என்பது ஒரு போட்டியில் ஒருவர் வெற்றி பெற்றாலோ அல்லது செயற்கரிய வேலை ஒன்றை செய்து முடித்தலோ அல்லது ஒருவர் தனக்கு மனதுக்கு மிகவும் பிடித்த ஒருவருக்கு எந்தஒரு முகாந்திரமும் இல்லாமல் வழங்கும் பணம்/ பொருள்/பட்டம் இவற்றில் எதைவேண்டுமானாலும் குறிக்கலாம்.

 

இந்த வெகுமதிக்கு மயங்காத மனிதன் உலகில் மிக சொற்பமே எனலாம். எனவே தான் தற்காலங்களில் எந்தபொருளை வாங்க  போனாலும் அத்தோடு இலவசமாக ஒன்றை வழங்கி மனுஷர்களை தங்களை நோக்கி இழுக்கும் தந்திரம் பெருகியிருக்கிறது. அத்தோடு இப்பொழுது ஓட்டுபோடுவத்ர்க்குகூட வெகுமதிகள் வழங்கப்படுகிறது. அனேக இலவசதிட்டங்கள் அரசாங்கத்தால் கொண்டு வரப்படுகன்றன. அதேபோல் ஏதாவது  பணத்தையோ பொருளையோ அல்லது  மனதை மயக்கும் புகழ்ச்சியான பேச்சையோ வெகுமதியாக கொடுத்து ஒரு மனிதனை  தேவனின் வார்த்தைகளுக்கு முழுமையாக கீழ்படியவிடாமல் விலக வைப்பது என்பது பிசாசின் தந்திரங்களில் ஓன்று.  இந்த தந்திரத்தைதான் எரெபெயாம் ராஜாவின் மூலம் சாத்தான் கையாளுகிறான்.

 

இவ்வகை செயல்களை நாம் பல திரைப்படங்களில்கூட காணமுடியும் "எனது அதிகாரத்துக்கு நீ பயப்படவில்லையா? என்னோடு சமாதானமாக போய், நான் கொடுக்கும் வெகுமதியை ஏற்றுக்கொண்டு  என்னோடு சேர்ந்துவிடு" என்பதுதான் இந்த தந்திரம். இந்த தந்திரத்தின் மூலம் சாத்தான் அநேகரை சுலபமாக கவிழ்த்து விடுகிறான். எந்த முகாந்திரமும் இல்லாமல் ஓசியில் கிடைக்கும் எந்த ஒரு பொருளையோ அல்லது பணத்தையோ அல்லது அதற்க்கு சமமான ஒன்றையோ யாரிடமிருந்தும் வாங்குவது தேவனுக்கு உகந்ததல்ல.

 

பொதுவாக தேவனுடைய வார்த்தைக்கு கீழ்படிந்து ஒருதவறான தகவலை  எங்கும் சொல்லகூடாது என்று நாம்  தீர்மானித்திருக்கும் போது,  அவ்வாறு தவறான தகவலை கொடுத்தால் மட்டுமே சில நன்மைகள் அல்லது பண உதவிகள் வெகுமதிகள் கிடைக்கும் என்பது போன்ற ஒருநிலையை சாத்தான் உண்டாக்குவான். இங்கு அந்த வெகுமதிக்கு ஆசைப்பட்டு உண்மைகளை மறைத்து தவறான தகவல்களை கொடுப்பாவர் சாத்தானால் பிடிக்கப்பட்டு போவார்கள்.

 

இஸ்ரவேலை சபிப்பதற்கு  பிலேயாமை கூலி பொருத்தினான்  பாலாக் என்னும்
மோவாப்  ராஜா!  ஆனால் பிலேயாமோ தேவனுடய  வார்த்தைக்கு கீழ்படிந்து சபிக்கபோக மறுத்துவிட்டான். பாலாக்கோ மீனும் சில ஆட்களை அனுப்புகிறான்

 

எண்ணாகமம் 22:16 அவர்கள் பிலேயாமிடத்தில் போய், அவனை நோக்கி: சிப்போரின் குமாரனாகிய பாலாக் எங்களை அனுப்பி: நீர் என்னிடத்தில் வருகிறதற்குத் தடைபடவேண்டாம்;
17. உம்மை மிகவும் கனம்பண்ணுவேன்; நீர் சொல்வதையெல்லாம் செய்வேன்; நீர் வந்து எனக்காக அந்த ஜனங்களைச் சபிக்கவேண்டும் என்று சொல்லச்சொன்னார் என்றார்கள்

 

ஆகினும் பிலேயாம் மிக உறுதியாக கர்த்தரின் கட்டளையை மீறி இதை செய்ய மாட்டேன் என்று  கூறுகிறான்.   

 

18. பிலேயாம் பாலாகின் ஊழியக்காரருக்கு பிரதியுத்தரமாக: பாலாக் எனக்குத் தன் வீடு நிறைய வெள்ளியும் பொன்னும் தந்தாலும், சிறிய காரியமானாலும் பெரியகாரியமானாலும் செய்யும்பொருட்டு, என் தேவனாகிய கர்த்தரின் கட்டளையை நான் மீறக் கூடாது     

 

இவன் தேவனின்  வார்த்தையில் உறுதியிருந்தாலும் இவனது  உள்ளமோ பாலாக் கொடுக்கபோகும் கனம் மற்றும் கேட்டதெல்லாம்கிடைக்கும் என்ற வாக்கின்மேல் ஆவலாக  இருந்ததால்   தேவன் அவனை போகஅனுமதித்தார். இறுதியில பிலேயாமின் முடிவு மரணமே!    

 

ஒருவரின்  மகன் 10ம் வகுப்பு பொது தேர்வில் 450௦ மதிப்பெண்களுக்கு மேல் பெற்றதால், ஒரு பொது சேவை மையத்தார் ஒரு குறிப்பிட்ட வெகுமதி  மற்றும் எதிர்காலத்திலும் படிப்புக்கான ஒரு தொகை தருவதாக முன்வந்தனர். ஆனால் அவர்கள்  வசிக்கும் வீட்டின் வாடகை தொகையை குறைத்து  சொன்னால் தான் அந்த வெகுமதி கிடைக்கும் என்றநிலை உருவாகியது  அவர்கள் பக்கத்து வீட்டில்  உள்ளவர்கள்  அவ்வாறு  குறைத்து சொல்லி அந்த உதவியை  பெற்றுக் கொண்டனர். ஆனால் அதைவிட அதிகம் மதிப்பெண் எடுத்த  இவரது  மகனுக்கு  உண்மையை சொன்னதால் உதவி தொகை கிடைக்கவில்லை. இந்த செய்கையானது. இந்த உலக நிலயில் பார்த்தால் ஏதோ தோல்விபோல தெரியலாம் ஆனால் இச்செயல்  தேவனுக்குள், சாத்தான்மேல் ஒரு மிகப்பெரிய வெற்றி என்பதை ஆவிக்குரிய நிலையில் பார்த்தால் மட்டுமே தெரியும்   .

 

அதேபோல் வெகுமதி/ இனாம்/ பரிசு போன்றவற்றுக்காகவோ அல்லது வேறு எந்த ஒரு உலக காரியத்துகாகவோ பிரியப்பட்டு  தேவனினுக்கு கீழ்படியாமல் போவோமாகில் நாம் நிச்சயம் சாத்தானால் பிடிக்கப்படுவோம்.