இறைவன்

SUNDAR · மூத்த உறுப்பினர்

ஜீவனுக்கு போகும் வழி குறுகியது!

SUNDAR · மூத்த உறுப்பினர்

தேவனுடைய வார்த்தைகளின்படி வாழ்வதைதவிர வேறு எந்த வழியும் விசாலமான வழியே. வேதத்தை படிப்பதோடு மட்டுமல்லாமல் அதில் சொல்லபட்டுள்ள ஒவ்வொரு வார்த்தையின்படியும் வாழ பிரயாசம் எடுப்பது அவசியம்.

ஆனால் இன்று கிறிஸ்த்தவர்கள் என்று தங்களை சொல்லிகொள்பவர்கள் அப்படி நடக்கிறார்களா? குறுகிய பாதையில் பயணிக்க சிரத்தை எடுக்கிறார்களா? என்று பார்த்தால் யாரோ ஒருசிலர் அவ்வாறு இருக்கலாம்.

ஆனால் தாங்கள் கிறிஸ்த்துவின் சொல்படி நடக்காமல் "அவரிடம் அது தவறு, இவரிடம் இதுதவறு, என்று சொல்லி தங்களை தாங்களே கிரிஸ்த்துவத்துக்கும் வேதத்துக்கும் பாதுகாவலராக எண்ணிக்கொண்டு அடுத்தவரை ஆயிரம் குறைகூறும் கூட்டமே பரவலாக எங்கும் காணப்படுகிறது.

யாக்கோபு 2:2 பொன்மோதிரமும் மினுக்குள்ள வஸ்திரமும் தரித்திருக்கிற ஒருமனுஷனும், கந்தையான வஸ்திரம் தரித்திருக்கிற ஒரு தரித்திரனும் உங்கள் ஆலயத்தில் வரும்போது, இருவரையும் சமமாக பாவிக்க வேண்டும் என்று வசனம் சொல்கிறது ஆனால் உண்மையில் அப்படி நடக்கிறதா? 1 லட்சம் காணிக்கை கொடுத்தால் 10 நிமிடம் சாட்சி சொல்லலாம். ஓசியில் சாட்சி சொல்ல வந்தால் சொல்ல விடாமல் மைக்கை பிடுங்குகிறார்கள்.

தாழ்மையை பற்றி அனேக வசனங்கள் சொல்வதோடு அந்த தாழ்மை எப்படியிருக்க வேண்டும் இயேசு முன்மாதிரியாக செய்துகாட்டினார் ஆனால் இன்றோ! சினிமா நட்ச்சத்திரங்களுக்கு சமமாக தங்களை உயர்த்தும் பலரை நாம் பார்க்க முடியும்.

ஒரு சாதாரண கேர்செல் லீடருக்கு "தான் ஒரு லீடர் இவர் என்ன எனக்கு புத்தி சொல்வது" என்ற பெருமை வந்துவிடுகிறது.

பிறகு பெரிய பாஸ்டர் அவர் திறமையை காண்பிப்பார் அல்லவா?

எபேசியர் 5:22 மனைவிகளே, கர்த்தருக்குக் கீழ்ப்படிகிறதுபோல, உங்கள் சொந்தப் புருஷருக்குங் கீழ்ப்படியுங்கள்.

எபேசியர் 5:24 ஆகையால், சபையானது கிறிஸ்துவுக்குக் கீழ்ப்படிகிறதுபோல மனைவிகளும் தங்கள் சொந்தப் புருஷர்களுக்கு எந்தக் காரியத்திலேயும் கீழ்ப்படிந்திருக்க வேண்டும்.

என்று வசனம் சொல்கிறது ஆனால் இங்கு அப்படி நடக்கிறதா? அநேகர் புருஷர்களோடு எதற்க்கெடுத்தாலும் சண்டை போடும் நிலையில் இருக்கிறார்கள். சிலர் தங்களுக்கு சாதகமான காரியங்களில் கீழ்படிகிரார்கள் கொஞ்சம் சிரமம் வந்தாலும் "நீயா நானா பார்க்கலாம்" என்று எதிர்த்து நிற்கிறார்கள்.

உள்ளதை உள்ளதென்று சொல்லுங்கள்/யாரையும் சபிக்காதீர்கள்/யாரிடமும் கசப்பு வைக்காதீர்கள் போன்ற வேதம் சொல்லும் இன்னும் அனேக காரியங்கள் இன்று மிக சாதாரணமாக உதாசீனபடுத்த படுவதை நாம் காணலாம்.

வேத வார்த்தைக்கு சிரத்தை எடுத்து கீழ்படியாமல் இவர்கள் எதை தேடி ஓடி, என்னத்தை சாதிக்க போகிறார்கள் என்பது எனக்கு புரியவில்லை. அப்படி அவர்கள் ஓடி ஓடி சுவிசேஷம் சொல்லி ஒரு புது விசுவாசியை உருவாக்கினாலும் அவர்களும் இவர்களைப்போலவே கீழ்படிய மனமில்லாதவர்களாக இருக்க போகிறார்கள், பிறகு யார் குறுகிய வழியில் பயணிப்பது?

அதனால்தான் ஆண்டவர் சொல்கிறார்

லூக்கா 13:24 அநேகர் உட்பிரவேசிக்கவகைதேடினாலும் அவர்களாலே கூடாமற்போகும் என்று உங்களுக்குச் சொல்லுகிறேன்.

உட்பிரவேசிக்க விரும்புகிறவர்களுக்கு கூட அது கூடாமல் போகும்போது, ஏனோ தானோ என்று இருப்பவர்கள் எம்மாத்திரம் ?

அன்றைய வேதபாரகர் பரிசேயரின் நிலையே இன்றும் தொடர்கிறது?

மத்தேயு 23:13 மனுஷர் பிரவேசியாதபடி பரலோகராஜ்யத்தைப் பூட்டிப்போடுகிறீர்கள்; நீங்கள் அதில் பிரவேசிக்கிறதுமில்லை பிரவேசிக்கப் போகிறவர்களைப் பிரவேசிக்கவிடுகிறதுமில்லை.

இன்று "தாங்கள் தேறினவர்கள்" என்று தங்களை தாங்களே மேலாக எண்ணி கொள்பவர்கள் இதைதான் செய்கிறார்கள். குறுகிய வழியை அவர்கள் அறிந்திருந்தும் தாங்களும் அந்த குறுகிய வாசலில் பயணிப்பது இல்லை, அதில் பயணிக்க விரும்புவோரையும் ஏதாவது இடைஞ்சல் ஏற்ப்படுத்தி மனமடிவாக்கி பயணிக்க விடுவது இல்லை. இந்த வேலையைதான் அவர்கள் சரியாக செய்துகொண்டிருக்கிறார்கள்.

இந்நிலையில் யார் அந்த குறுகிய வாசலை கண்டடைத்து அதில் பிரவேசிப்பது?

மத்தேயு 7:21 பரலோகத்திலிருக்கிற என் பிதாவின் சித்தத்தின்படி செய்கிறவனே பரலோகராஜ்யத்தில் பிரவேசிப்பானேயல்லாமல், என்னை நோக்கிக் கர்த்தாவே! கர்த்தாவே! என்று சொல்லுகிறவன் அதில் பிரவேசிப்பதில்லை.