இறைவன்

பின்வரும் வசனங்களில் இருந்து மரணம் என்பது நித்திரையாகவும்,மரித்த அநேகரில் சிலர் நித்திய ஜீவனுக்கும்,சிலர் நித்திய அழிவிற்கும் விழித்து எழுவார்கள் என எதிர்காலத்தை குறிப்பதாகவும் உள்ளது..   
 
தானியேல் 12:2 பூமியின் தூளிலே நித்திரைபண்ணுகிறவர்களாகிய அநேகரில் சிலர் நித்தியஜீவனுக்கும், சிலர் நித்திய நிந்தைக்கும் இகழ்ச்சிக்கும் விழித்து எழுந்திருப்பார்கள்.

யோபு 4:20 காலைமுதல் மாலைவரைக்கும் மடிந்து, கவனிப்பார் ஒருவருமில்லாமல், நித்திய அழிவடைகிறார்கள்.

மத்தேயு 25:46 அந்தப்படி, இவர்கள் நித்திய ஆக்கினை அடையவும், நீதிமான்களோ நித்திய ஜீவனை அடையவும் போவார்கள் என்றார்.

மேற்கூறிய வசனங்களில் இருந்து மரணம்,அழிவு என்பவைகள் முடிவு அல்ல என்பதும் நீதிமான்களுக்கு நித்திய ஜீவனும்,பாவிகளுக்கு நித்திய நிந்தையும் முடிவாக சொல்லபடுகிறது...

நித்தியஜீவன் என்பது இயேசுவே..

யோவான் 14:6 அதற்கு இயேசு: நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்.

யோவான் 6:51 நானே வானத்திலிருந்திறங்கின ஜீவ அப்பம்; இந்த அப்பத்தைப் புசிக்கிறவன் என்றென்றைக்கும் பிழைப்பான்; நான் கொடுக்கும் அப்பம் உலகத்தின் ஜீவனுக்காக நான் கொடுக்கும் என் மாம்சமே என்றார்.

யோவான் 6:54 என் மாம்சத்தைப் புசித்து, என் இரத்தத்தைப் பானம்பண்ணுகிறவனுக்கு நித்தியஜீவன் உண்டு; நான் அவனைக் கடைசிநாளில் எழுப்புவேன்.வழியும்

I யோவான் 1:2 அந்த ஜீவன் வெளிப்பட்டது; பிதாவினிடத்திலிருந்ததும், எங்களுக்கு வெளிப்பட்டதுமான நித்தியமாயிருக்கிற அந்த ஜீவனை நாங்கள் கண்டு, அதைக்குறித்துச் சாட்சிக்கொடுத்து, அதை உங்களுக்கு அறிவிக்கிறோம்.

I யோவான் 2:25 நித்திய ஜீவனை அளிப்பேன் என்பதே அவர் நமக்குச் செய்த வாக்குத்தத்தம்.

I யோவான் 5:11 தேவன் நமக்கு நித்திய ஜீவனைத் தந்திருக்கிறார், அந்த ஜீவன் அவருடைய குமாரனில் இருக்கிறதென்பதே அந்தச்சாட்சியாம்.

ரோமர் 6:23 பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்.

யோவான் 6:47 என்னிடத்தில் விசுவாசமாயிருக்கிறவனுக்கு நித்தியஜீவன் உண்டென்று மெய்யாகவே மெய்யாகவே உங்களுக்குச் சொல்லுகிறேன்.

ரோமர் 5:21 ஆதலால் பாவம் மரணத்துக்கு ஏதுவாக ஆண்டுகொண்டதுபோல, கிருபையானது நம்முடைய கர்த்தராகிய இயேசு கிறிஸ்துவின் மூலமாய் நீதியினாலே நித்தியஜீவனுக்கு ஏதுவாக ஆண்டுகொண்டது..

யோவான் 12:25 தன் ஜீவனைச் சிநேகிக்கிறவன் அதை இழந்துபோவான்; இந்த உலகத்தில் தன் ஜீவனை வெறுக்கிறவனோ அதை நித்திய ஜீவகாலமாய்க் காத்துக்கொள்ளுவான்.

I தீமோத்தேயு 1:16 அப்படியிருந்தும், நித்திய ஜீவனை அடையும்படி இனிமேல் இயேசுகிறிஸ்துவினிடத்தில் விசுவாசமாயிருப்பவர்களுக்குத் திருஷ்டாந்தம் உண்டாகும்பொருட்டுப் பிரதான பாவியாகிய என்னிடத்தில் அவர் எல்லா நீடிய பொறுமையையும் காண்பிக்கும்படிக்கு இரக்கம்பெற்றேன்.

நாம் நித்திய வீட்டிற்கு செல்லவேண்டுமானால் நித்தியஜீவனுக்கு தகுதிவுடையவர்களாக இருக்க இயேசுவை விசுவாசிக்க வேண்டும் அவ்வாறல்லாது வேறுகாரியம் இல்லை ...

----------------------------------------------------------------------------

I தீமோத்தேயு 6:12 விசுவாசத்தின் நல்ல போராட்டத்தைப் போராடு, நித்தியஜீவனைப் பற்றிக்கொள்; அதற்காகவே நீ அழைக்கப்பட்டாய்; 

சகோ.நேசன் அவர்களே!!!

Bro.Nesan///"பரலோகம் போவதற்கு நித்திய ஜீவனை சுதந்தரிக்க வேண்டும்" என்றாலும்   "நித்திய ஜீவனை பெற்றால் பரலோகம் போகலாம்" என்பதும் ஒரே கருத்துதானே? ///

ஒரே கருத்து தான் சகோதரரே..
 
இந்த இரண்டு கருத்துப்படி பார்த்தாலும் இரண்டும் ஒன்றுபோல்தான் தெரிகிறது.  இந்நிலையில் "பரலோகம்  போகுதல்" நித்திய ஜீவனை சுதந்தரித்தல்   இரண்டுக்கும் ஏதாவது வேறுபாடு உண்டா?  


 நான் எழுதிய நிகழ்வுகளின் படிகளை தாங்கள்  கவனிக்கவில்லையா..

முதலாம் நிகழ்வு-நியாய தீர்ப்பு (அனைவருக்கும்)...

இரண்டாம் நிகழ்வு- நியாய தீர்ப்பின் பலனான நித்திய ஜீவன் மற்றும் நித்திய  நிந்தை...

மூன்றாம் நிகழ்வு-பரிசுத்தவான்கள் பரலோகத்திற்கு போகுதல் மற்றும் துன்மார்க்கர் நித்திய அழிவான அக்கினி கடலுக்கு தள்ளபடுதல்..

இவைகள் அடுத்தடுத்த நிகழ்வுகளே..

வித்தியாசம் என்பது இவைகள் நிகழும் காலங்களே..

Bro.nesan///அதாவது நித்திய ஜீவனை சுதந்தரித்தும் பரலோகம் போகமுடியாமல் போக வாய்ப்புண்டா?  அல்லது நித்திய  ஜீவன் இல்லாமல் பரலோகம் போக வாய்ப்புண்டா? ////

அவ்வாறு சொல்வதற்கில்லை..இறுதிநாளின் நியாய தீர்ப்பிற்கு முன்பாகவே ஏனோக்கு,எலியா உள்ளிடோர் கர்த்தரால் எடுதுகொள்ளபட்டுளனரே!!!
 
Bro.nesan///நித்திய ஜீவனை பெற்றால் பாலோகம் போய்விடலாம் தானே. பின்னர்  இரண்டையும் தனித்தனியாக பிரித்து கூற காரணம் என்ன? என்பதே எனது கேள்வி.///

நித்திய ஜீவன்-கர்த்தர் வாகுததம் பண்ணினது- பரம அழைப்பின் பந்தய பொருள் .
 
பரலோகம் செல்லுதல்-அதில் உள்ள சிறிய பெரிய இடங்கள்,பதவிகள்,நாமங்கள்-கர்த்தரின் கடாட்சம்,கூலி,பிரதிபலன்,கடன்..

 

 

சகோ.சுந்தர்:

//இரண்டுக்கும் உள்ள வேறுபாடுகள் குறித்த  தங்களின் நிலை என்னவென்பதை ஒரு சிறு விளக்கத்தோடு பதிவிட்டால்  புரிதலுக்கு  ஏதுவாக  அமையும்  என்று கருதுகிறேன்.//

கிறிஸ்துவுடனேகூட இருந்து, அவரோடு ஆளுகை செய்யும் ஒரு பிரிவினரைக் குறித்து பின்வரும் வசனங்கள் கூறுகின்றன.

வெளி. 20:6 முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை; இவர்கள் தேவனுக்கும் கிறிஸ்துவுக்கும் முன்பாக ஆசாரியராயிருந்து, அவரோடேகூட ஆயிரம் வருஷம் அரசாளுவார்கள்.

2 தீமோ. 2:12 அவரோடேகூடப் பாடுகளைச் சகித்தோமானால் அவரோடேகூட ஆளுகையும் செய்வோம்;

1 கொரி. 15:51 இதோ, ஒரு இரகசியத்தை உங்களுக்கு அறிவிக்கிறேன்; நாமெல்லாரும் நித்திரையடைவதில்லை; ஆகிலும் கடைசி எக்காளம் தொனிக்கும்போது, ஒரு நிமிஷத்திலே, ஒரு இமைப்பொழுதிலே, நாமெல்லாரும் மறுரூபமாக்கப்படுவோம். 52 எக்காளம் தொனிக்கும், அப்பொழுது மரித்தோர் அழிவில்லாதவர்களாய் எழுந்திருப்பார்கள்; நாமும் மறுரூபமாக்கப்படுவோம்.

1 தெச. 4:16 கர்த்தர் தாமே ஆரவாரத்தோடும், பிரதான தூதனுடைய சத்தத்தோடும், தேவ எக்காளத்தோடும் வானத்திலிருந்து இறங்கிவருவார்; அப்பொழுது கிறிஸ்துவுக்குள் மரித்தவர்கள் முதலாவது எழுந்திருப்பார்கள். 17 பின்பு உயிரோடிருக்கும் நாமும் கர்த்தருக்கு எதிர்கொண்டுபோக, மேகங்கள்மேல் அவர்களோடேகூட ஆகாயத்தில் எடுத்துக்கொள்ளப்பட்டு, இவ்விதமாய் எப்பொழுதும் கர்த்தருடனேகூட இருப்போம்.

இவ்வசனங்களை ஒருங்கிணைத்துப் பார்க்கையில், கிறிஸ்துவின் வருகையின்போது மறுரூபமாக்கப்படுவோர், மற்றும் உயிர்த்தெழுவோர் ஆகியோர் கிறிஸ்துவோடு எப்பொழுதும் இருந்து அவரோடு ஆளுகையும் செய்வார்கள் என அறிகிறோம். இவர்களுக்குத்தான் பிதாவின் வீட்டில் (பரலோகத்தில்) வாசஸ்தலம் ஆயத்தம் பண்ணப்போவதாக யோவான் 14:2-ல் இயேசு கூறுகிறார். இவர்கள் அழிவில்லாதவர்களாக எழுந்திருப்பதால், இவர்கள் மீது 2-ம் மரணத்திற்கு அதிகாரம் கிடையாது.

இப்பிரிவினரைத் தவிர மீதமுள்ளோரில், ஏற்கனவே துன்மார்க்கரெனத் தீர்மானிக்கப்பட்டவர்கள், நேரடியாக மரணத்திற்குத் தீர்க்கப்படும்படி, இறுதி நியாயத்தீர்ப்பின்போது உயிர்த்தெழுவார்கள் (வெளி. 20:11-13; மத்தேயு 25:31-46).

மற்றவர்கள், ஆயிர வருஷ அரசாட்சியில் உயிர்ப்பிக்கப்பட்டு, முதல் பிரிவினரான பரிசுத்தவான்களால் ஆளப்படுவார்கள். அப்போது அவர்களுக்கு நீதி கற்றுக்கொடுக்கப்படும். அவர்கள் 2-ம் மரணத்திற்கு தீர்க்கப்படுவதும், தீர்க்கப்படாததும் அவர்கள் நீதியைக் கற்றுக்கொள்வதன் அடிப்படையில் தீர்மானமாகும்.

ஏசாயா 26:9 ... உம்முடைய நியாயத்தீர்ப்புகள் பூமியிலே நடக்கும்போது பூச்சக்கரத்துக்குடிகள் நீதியைக் கற்றுக்கொள்வார்கள். 10 துன்மார்க்கனுக்குத் தயைசெய்தாலும் நீதியைக் கற்றுக்கொள்ளான்; நீதியுள்ள தேசத்திலும் அவன் அநியாயஞ்செய்து கர்த்தருடைய மகத்துவத்தைக் கவனியாதேபோகிறான்.

நீதியைக் கற்றதன் அடிப்படையில் 2-ம் மரணத்திற்கு தீர்க்கப்படாதவர்கள், நீதிமான்கள் எனத் தீர்க்கப்பட்டு, நித்தியஜீவனைப் பெற்று இப்பூமியைச் சுதந்தரித்துக் கொள்வார்கள்.

சங்கீதம் 37: 29 நீதிமான்கள் பூமியைச் சுதந்தரித்துக்கொண்டு, என்றைக்கும் அதிலே வாசமாயிருப்பார்கள்.

மற்றவர்கள் மரணமடைவார்கள்.

ஆயிர வருட அரசாட்சியின் பிரஜையாகாமல், நேரடியாக மரணத்திற்குத் தீர்க்கப்படுவோர் யாரெனக் கேட்கலாம். எனது அனுமானத்தின்படி, இரக்கமில்லாதவர்கள், பிறரது தப்பிதங்களை மன்னிக்காதவர்கள், பரிசுத்தஆவிக்கு விரோதமாக தூஷணம் செய்தவர்கள் மற்றும் மரணத்திற்கேதுவான பாவம் செய்தவர்கள் ஆகியோர் நேரடியாக 2-ம் மரணத்திற்குத் தீர்க்கப்படுவார்கள் எனக் கருதுகிறேன். என் கருத்துக்கு ஆதாரமான வசனங்கள்:

மத்தேயு 5:7 இரக்கமுள்ளவர்கள் பாக்கியவான்கள்; அவர்கள் இரக்கம் பெறுவார்கள்.

யாக்கோபு 2:13 இரக்கஞ்செய்யாதவனுக்கு இரக்கமில்லாத நியாயத்தீர்ப்புக் கிடைக்கும்; நியாயத்தீர்ப்புக்குமுன்பாக இரக்கம் மேன்மைபாராட்டும்.

மத்தேயு 6:14,15 மனுஷருடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார். 15 மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்.

மத்தேயு 12:32 எவனாகிலும் பரிசுத்த ஆவிக்கு விரோதமாகப் பேசினால் அது இம்மையிலும் மறுமையிலும் அவனுக்கு மன்னிக்கப்படுவதில்லை.

1 யோவான் 5:16  மரணத்துக்கு ஏதுவல்லாத பாவத்தைத் தன் சகோதரன் செய்ய ஒருவன் கண்டால், அவன் வேண்டுதல்செய்யக்கடவன், அப்பொழுது அவனுக்கு ஜீவனைக் கொடுப்பார்; யாருக்கென்றால், மரணத்துக்கு ஏதுவல்லாத பாவத்தைச் செய்தவர்களுக்கே; மரணத்துக்கு ஏதுவான பாவமுண்டு, அதைக்குறித்து வேண்டுதல்செய்ய நான் சொல்லேன். 17 அநீதியெல்லாம் பாவந்தான்; என்றாலும் மரணத்துக்கு ஏதுவல்லாத பாவமுமுண்டு.

சுருக்கமாகச் சொல்வதென்றால், கிறிஸ்துவினிமித்தம் பாடுபட்டு நிந்திக்கப்பட்டு, இவ்வுலகத்தில் உபத்திரவங்களைச் சகித்தவர்கள் பரலோகம் செல்வார்கள்;

மத்தேயு 5:11 என்னிமித்தம் உங்களை நிந்தித்துத் துன்பப்படுத்தி, பலவித தீமையான மொழிகளையும் உங்கள்பேரில் பொய்யாய்ச் சொல்வார்களானால் பாக்கியவான்களாயிருப்பீர்கள்; 12 சந்தோஷப்பட்டு, களிகூருங்கள்; பரலோகத்தில் உங்கள் பலன் மிகுதியாயிருக்கும்;

மற்றவர்கள் அவர்களின் நீதி நியாய கிரியைகளின்படி நியாயந்தீர்க்கப்பட்டு, அவர்களில் நீதிமான்கள் நித்தியஜீவனைப் பெறுவார்கள், அநீதிமான்கள் மரணமடைவார்கள்.

நீதிமான்கள் எல்லோருமே இவ்வுலகிலேயே இயேசுவை விசுவாசித்து ஏற்றவர்கள் எனச் சொல்லமுடியாது. ஒரு பிரிவினர் இவ்வுலகிலேயே இயேசுவை ஏற்றிருக்கலாம், மற்றவர்கள் 1000 வருட அரசாட்சியில் ஏற்றிருக்கலாம். எப்போதாக இருந்தாலும், இயேசுவை விசுவாசித்து ஏற்றுக்கொள்ளாமல் யாரும் நித்தியஜீவனைப் பெறமுடியாது.

anbu57 wrote:

---

சுருக்கமாகச் சொல்வதென்றால், கிறிஸ்துவினிமித்தம் பாடுபட்டு நிந்திக்கப்பட்டு, இவ்வுலகத்தில் உபத்திரவங்களைச் சகித்தவர்கள் பரலோகம் செல்வார்கள்;

மற்றவர்கள் அவர்களின் நீதி நியாய கிரியைகளின்படி நியாயந்தீர்க்கப்பட்டு, அவர்களில் நீதிமான்கள் நித்தியஜீவனைப் பெறுவார்கள், அநீதிமான்கள் மரணமடைவார்கள்.

---

"அதாவது  நித்திய ஜீவனை  பெற்றவர்களிலும் ஒரு குரூப் பரலோகம் போகும் ஒரு குரூப்  பூமியில்  வாழும்.  பரலோகத்தில்  இருக்கும் குருப் ஆழுகை  செய்யும் பூமியில் இருக்கும் குரூப் ஆழுகை செய்யப்படும்"