இறைவன்

SANDOSH · நமது நண்பர்

இயேசு கிருஸ்துவை ஆராதிக்கலாமா?

Nesan · MODERATOR

சகோதரர் சந்தோஷ் சொல்வதுபோல் பழைய ஏற்ப்பட்டு முறைமையின்படி பார்த்தால், மத சம்பந்தமான சடங்குகளை செய்வதே இறைவனை ஆராதிப்பது என்றும் அவ்வாறு ஆராதிப்பவர்கள் ஆசாரியர்கள் என்றும் சொல்லபட்டுள்ளது.

கர்த்தருடைய சந்நிதியிலே நின்று அவருக்கு ஆராதனை செய்வதற்கும், அவர் நாமத்தைக் கொண்டு ஆசீர்வதிப்பதற்கும், கர்த்தர் லேவியின் கோத்திரத்தைப் பிரித்தெடுத்தார். உபா 10:8

அந்த ஆராதனை தேவனாகிய கர்த்தருக்கு மட்டுமே உரியது என்றும் வேதம் சொல்கிறது.

உன் தேவனாகிய கர்த்தருக்குப் பயந்து, அவருக்கே ஆராதனைசெய்து, அவருடைய நாமத்தைக் கொண்டே ஆணையிடுவாயாக.உபா 6:13

இயேசு: அப்பாலே போ சாத்தானே; உன் தேவனாகிய கர்த்தரைப் பணிந்துகொண்டு அவர் ஒருவருக்கே ஆராதனை செய்வாயாக என்று எழுதியிருக்கிறதே என்றார். மத் 4:10

ஏனெனில், மாம்சத்தின்மேல் நம்பிக்கையாயிராமல், ஆவியினாலே தேவனுக்கு ஆராதனைசெய்து, கிறிஸ்து இயேசுவுக்குள் மேன்மைபாராட்டுகிற நாமே விருத்தசேதனமுள்ளவர்கள்.பிலி 3:3

ஆராதனை என்பது தேவனுக்குறியது மட்டுமே. இந்நிலையில் "தேவனாகிய கர்த்தரும்" "கர்த்தராகிய இயேசுவும் ஒருவருக்குள் ஒருவர் என்பதை நிரூபிக்கும் வசனங்கள் மூலம் மட்டுமே இயேசு ஆராதனைக்கு பாத்திரமானவர் என்பதை நிரூபிக்க முடியும் என்பது எனது கருத்து.

anbu57 · வெற்றியாளர்

சகோ.சந்தோஷ் அவர்களே! வாழ்த்துக்கள்!!

சுருக்கமாக, ஆராதனை குறித்த இன்றைய தவறான கண்ணோட்டத்தை எடுத்துரைத்துள்ளீர்கள். ஆகிலும் பெர்க்மான்ஸ் குறித்த தங்களது குறிப்பில் தவறு இருப்பதாகக் கருதுகிறேன்.

//இயேசு கிருஸ்துவின் மேல் பக்தி செலுத்துவதற்க்குரிய பல பாடல்களை இயற்றிய தேவ ஊழியர் பெர்க்மான்ஸ் அவர்கள் கூட,

பிதாவே ஆராதிக்கிறோம், இயேசுவே ஆர்ப்பரிக்கிறோம், ஆவியானவரே அன்பு செய்கிறோம். என வேத வசனங்களின் கருத்து மாறாமல் பாடியிருப்பது குறிப்பிடத்தக்கது. //

இயேசுவுக்கு ஆராதனை என்ற கோட்பாட்டிற்கு மூல காரணரே இந்த பெர்க்மான்ஸ்தான் என்று சொன்னால் அது மிகையாகாது. இவர்தான் தனது பெரும்பாலான பாடல்களில் “இயேசுவுக்கு ஆராதனை” எனும் வரிகளை இணைத்தவர். உதாரணமாக பின்வரும் பாடலைக் கேட்டுப் பாருங்கள்.

http://www.youtube.com/watch?v=P3vyWmJkpck

இதுபோல் நிறைய பாடல்கள் உண்டு. கத்தோலிக்க விசுவாசத்தில் மேரிக்கு ஆராதனை செய்த பழக்கமோ என்னவோ, மேரிக்குப் பதிலாக தற்போது இயேசுவுக்கு ஆராதனை என்கிறார். கத்தோலிக்க பாரம்பரியத்திலிருந்து வந்ததால்தான் அவரை அருட்தந்தை என பலரும் அழைக்கின்றனர்.

நானறிய சுமார் 30 வருடங்களுக்கு முன்னால் “இயேசுவுக்கு ஆராதனை” என்ற பேச்சு எங்குமே ஒலித்ததில்லை, குறிப்பாக CSI சபைகளில் நிச்சயம் ஒலித்ததில்லை. இந்த பெர்க்மான்ஸ் கத்தோலிக்கத்தை விட்டு வந்தபின்னர்தான் “இயேசுவுக்கு ஆராதனை” என்ற பேச்சு CSI சபை உட்பட எல்லா திரித்துவ சபைகளிலும் ஒலிக்கலாயிற்று.