இறைவன்

SUNDAR · மூத்த உறுப்பினர்

இயேசுவைவிட பிதாவாகிய தேவன் பெரியவரா / இயேசுவுக்கு சமமானவரா?

JOHN12 · வெற்றியாளர்

RE: இயேசுவைவிட தேவன் பெரியவரா / இயேசுவுக்கு சமமானவரா?

SUNDAR · மூத்த உறுப்பினர்

JOHN12 wrote:
சகோதரரே...
நாம் விவாதிகிறவைகள் எல்லாம் வேதாகமத்தில் உள்ளவை தான்..
நீங்கள் முன்வைத்துள்ள வசனம்
யோபு 36:26 இதோ, தேவன் மகத்துவமுள்ளவர்; நாம் அவரை அறிய முடியாது.
இது தேவனின் தாசனாகிய யோபு கூறி இருந்தால் முன் வைக்க தகுதியானதே..
இவ்வசனம் யோபின் வாயில் இருந்து வராமல், தன் புதிஈனத்தில் இருந்து கர்த்தரை குறித்து நிதானமாய் பேசாத எலிகூ பேசினதே..இவன் நிதானம் இல்லாமல் பேசினபடியால் தேவகோபம் இவன் மீது மூண்டதே..
நான் ஏற்கனவே ஒருபதிவில் இதனை தெரிவித்திருந்தேன்..

சகீதக்காரன் இவ்வாறு சொல்கிறார்:

சங்கீதம் 145:3 கர்த்தர் பெரியவரும் மிகவும் புகழப்படத்தக்கவருமாயிருக்கிறார்; அவருடைய மகத்துவம் ஆராய்ந்துமுடியாது.

இதை ஏற்கலாமா சகோதரே?

JOHN12 · வெற்றியாளர்

யோவான் 17:3 ஒன்றான மெய்த்தேவனாகிய உம்மையும் நீர் அனுப்பினவராகிய இயேசுகிறிஸ்துவையும் அறிவதே நித்தியஜீவன்.

மகத்துவத்தை பற்றிய ஆராய்ச்சி நிச்சயம் நித்திய ஜீவனுக்கு முன் முடியாது தான் சகோதரரே. நித்திய ஜீவன் என்பது தேவனை அறிகிற அறிவு.தேவனை அறிகிற அறிவிற்கு எல்லை இல்லை...

ஆராயா விட்டால் எங்கிருந்து அறிந்து கொள்ளமுடியும்..இந்த ஆராய்ச்சிக்கு முடிவிலி என சொல்லபடுகிற கால அளவு தேவைபடுகிறது..

நாம் தேவனை முழுமையாய் அறியும்படி முன்குறிக்கப்பட்ட காரியமே நித்திய ஜீவன்..

மகத்துவங்களை அறியலாம்.அந்த அறிவு பூமியில் பரிபூரனபடாது என்பதே என் தாழ்மையான கருத்து..

அதனால் தான் தேவ மகிமையை ஆலயத்தில் ஆராய்ச்சி செய்யும் தாவீது பின்வருமாறு கூறுகிறார்..

சங்கீதம் 27:4 கர்த்தரிடத்தில் ஒன்றை நான் கேட்டேன், அதையே நாடுவேன்; நான் கர்த்தருடைய மகிமையைப் பார்க்கும்படியாகவும், அவருடைய ஆலயத்தில் ஆராய்ச்சிசெய்யும்படியாகவும், நான் என் ஜீவனுள்ள நாளெல்லாம் கர்த்தருடைய ஆலயத்தில் தங்கியிருப்பதையே நாடுவேன்.

ஆராயாவிட்டால் தேவமகதுவங்களை ஆராய்ந்து முடியாது என கூறி இருக்க இயலாது..

சங்கீதம் 145:3 கர்த்தர் பெரியவரும் மிகவும் புகழப்படத்தக்கவருமாயிருக்கிறார்; அவருடைய மகத்துவம் ஆராய்ந்துமுடியாது.

I யோவான் 5:20 அன்றியும், நாம் சத்தியமுள்ளவரை அறிந்துகொள்வதற்கு தேவனுடைய குமாரன் வந்து நமக்குப் புத்தியைத் தந்திருக்கிறாரென்றும் அறிவோம்; அவருடைய குமாரனாகிய இயேசுகிறிஸ்து என்னப்பட்ட சத்தியமுள்ளவருக்குள்ளும் இருக்கிறோம்; இவரே மெய்யான தேவனும் நித்தியஜீவனுமாயிருக்கிறார்.

பிதாவை வெளிபடுத்தின குமாரன் ஆராய தான் சகோதரரே புத்தியை தந்துள்ளார்..தேவ மகத்துவங்களை நாம் ஆகவே ஆராயலாம்..

நம் முயற்சியை தேவன் அங்கீகரிப்பார்..

SUNDAR · மூத்த உறுப்பினர்

JOHN12 wrote:
பிதாவை வெளிபடுத்தின குமாரன் ஆராய தான் சகோதரரே புத்தியை தந்துள்ளார்..தேவ மகத்துவங்களை நாம் ஆகவே ஆராயலாம்..
நம் முயற்சியை தேவன் அங்கீகரிப்பார்..

சகோதரர் அவர்களே, நான் தேவனின் மகத்துவத்தை பேசக்கூடாது என்றோ, பேச முடியாது என்றோ சொல்ல வில்லை மேலும் தேவனின் மகத்துவத்தை யாரும் ஆராயக்கூடாது என்றும் எங்கும் சொல்ல வில்லை. நாம் நிச்சயம் தேவனை அறியும் அறிவில் வளரவேண்டும் அவரைப்பற்றி எப்பொழுதும் தியானித்து ரஸ்தபம் பண்ணவேண்டும் என்பதில் எந்த மாற்று கருத்தும் இல்லை. ஆனால் நமது மனுஷ ஆராய்ச்சியால் தேவனின் மகத்துவத்தை முழுமையாக அறிந்துவிட முடியாது என்பதே என்னுடய கருத்து.

யோபு 37:22 ஆகாயமண்டலத்திலே பிரகாசிக்கிற சூரியனை முதலாய் ஒருவரும் நோக்கிப் பார்க்கக்கூடாதே; தேவனிடத்திலோ பயங்கரமான மகத்துவமுண்டு.

யோபு 31:23 தேவன் ஆக்கினையிடுவார் என்றும், அவருடைய மகத்துவத்தை உத்தரிக்கக் கூடாது என்றும், எனக்குப் பயங்கரமாயிருந்தது.

தேவனுடைய மகத்துவம் ஒன்றோ இரண்டோ அல்ல! அவர் பயங்கரமான மகத்துவமுள்ளவர்! அவர் வார்த்தையில் மகத்துவம், அவர செயலில் மகத்துவம், அவரது வல்லமையில் மகத்துவம், அவரது இரக்கம்/ அன்பு/நீதி நேர்மை எல்லாமே, எல்லையில்லா மகத்துவம் உள்ளதுதான். அவற்றைபற்றி அவரே வேத புத்தகத்தில் நமக்கு தெரிவித்திருக்கிறார். அதைப்பற்றி யாரும் பேசலாம்! பேச முடியும்! தியானிக்க முடியும்! ஆராய முடியும்!

சங்கீதம் 66:2 அவர் நாமத்தின் மகத்துவத்தைக் கீர்த்தனம்பண்ணி, அவருடைய துதியின் மகிமையைக் கொண்டாடுங்கள்.

இந்த உலகில் உள்ள தேவனை நம்பும் அநேகர் தேவனின் மகத்துவத்தை ஓரளவுக்கேனும் அறிந்தே அவரை நம்புகிறார்கள். வான வெளியிலிருக்கும் சூரியன் கூட அவரது மகத்துவத்தை நமக்கு உணர்த்துகிறது. நாமும் தேவனையும் அவர் மகத்துவத்தையும் அறிந்திருக்கிறோம் அறிந்ததை பேசுகிறோம் மேலும் அறிய முயற்ச்சிக்கிறோம். ஆனால் இன்னும் அறிய முடியாதது பல மகத்துவங்கள் அவரிடம் உண்டு, அவரை யாராலும் முழுமையாக ஆராய்ந்து அறிந்துவிட முடியாது என்பதே வசனம் சொல்லும் கருத்து.

யோபு 11:7 தேவனுடைய அந்தரங்க ஞானத்தை நீர் ஆராய்ந்து, சர்வவல்லவருடைய சம்பூரணத்தை நீர் அறியக்கூடுமோ?

சங்கீதம் 145:3 கர்த்தர் பெரியவரும் மிகவும் புகழப்படத்தக்கவருமாயிருக்கிறார்; அவருடைய மகத்துவம் ஆராய்ந்துமுடியாது.

வசனம் "தேவனின் மகத்தும் அராய்ந்துமுடியாது" என்றும் சொல்லும் பட்சத்தில் "நான் தேவனையும் அவரது மகத்துவத்தை முழுதும் அறிந்துவிட்டேன், அவர் மூன்று ஆள்தத்துவம்தான்" என்று ஒருவர் சொல்வாராகில் அவ்வாறு அறிந்தவர்கள அதை அப்படியே நம்பட்டும், நான் அதை எங்கும் மறுக்கவில்லை அதற்க்கு எதிர்த்து நிற்க்கவும் இல்லை. காரணம் தாங்கள் குறிப்பிடும் மூன்று ஆள்த்துவங்கள் பற்றி எனக்கும் தெரியும் பிதா/குமாரன்/பரிசுத்த ஆவி பற்றி நான் இந்த திரியிலும் எழுதியிருக்கிறேன். ஆனால் என்னை பொறுத்தவரை, தேவனை நான் மூன்றுக்கு மேற்ப்பட்டவராக அறிந்திருப்பதாலும், அதற்க்கு வசன ஆதாரமும் இருப்பதால் மற்ற மனுஷர்கள் சொல்வதை கேட்டு, தேவன் இப்படித்தான் என்ற ஒரு முடிவான நிலைக்கு வர முடியவில்லை, வரவேண்டிய அவசியமும் இல்லை என்பதே என்னுடய கருத்து.

SUNDAR · மூத்த உறுப்பினர்

தேவனை பற்றிய புரிதலை விளக்கும்படிக்கு அனேக வசன ஆதாரத்தோடு கூடிய என்னுடைய இந்த பதிவுக்கு சரியான எதிர் கருத்து இருந்தால் தங்கள் கருத்துக்களை வசன ஆதாரத்தோடு பதிவிடும்படி அன்புடன் கேட்டுகொள்கிறேன்

SANDOSH · நமது நண்பர்

சகோதரர் சுந்தர் அவர்களே,

யோவான் 14:28 நீங்கள் என்னில் அன்புள்ளவர்களாயிருந்தால் பிதாவினிடத்திற்குப் போகிறேனென்று நான் சொன்னதைக் குறித்துச் சந்தோஷப்படுவீர்கள், ஏனெனில் என் பிதா என்னிலும் பெரியவராயிருக்கிறார்.

இதற்க்கு இணையாக,

யோவான் 10:29 அவைகளை எனக்குத் தந்த என் பிதா எல்லாரிலும் பெரியவராயிருக்கிறார்.

வேத வசனங்கள் தனித்தனியாயும், ஒன்று சேர்ந்தும் நமக்கு இறை வெளிப்பாட்டை தருவதாக இருக்கிறது. அனேக நேரங்களில் தனித்தனி வசனம் கூட இறை வெளிப்பாட்டை தருகிறது. அந்த வகையில் மேற்கண்ட வசனத்திலிருந்து,

பிதாவானவர் இயேசு கிருஸ்துவை விட பெரியவராயிருக்கிறார் என்ற சத்தியத்தை, அதுவும் இயேசு கிருஸ்து அவரே தன் வாயால் சொன்ன சத்தியத்தை அறிய முடியும்.

இந்த உண்மைக்கு மாறாக, வேதத்தில் இல்லாத திரித்துவம் என்ற கோட்பாட்டை போதிப்பவர்கள், இயேசு கிருஸ்துவும், பிதாவும் சமமானவர்களே என சொல்கிறார்கள். இவர்கள் இவ்வாறு சொல்வதற்கு காரணம் என்ன என்பதையும், அதை ஏன் அவ்வளவு ஆழமாக வலியுறுத்தி வருகிறார்கள் என்பதையும் நாம் அறிய வேண்டும். அதற்கு முன்பாக இன்னும் சில வேத வசனத்துக்கான விளக்கத்தை பார்ப்போம்.

யோவான் 5:18 அவர் ஓய்வுநாள் கட்டளையை மீறினதுமல்லாமல், தேவனைத் தம்முடைய சொந்தப் பிதா என்றுஞ்சொல்லித் தம்மை தேவனுக்குச் சமமாக்கினபடியினாலே, யூதர்கள் அவரைக் கொலைசெய்யும்படி அதிகமாய் வகைதேடினார்கள்.

இஸ்ரேலில் யூதர்கள், தங்களை மனிதர்கள் எனவும், தேவன் மாத்திரமே இறைவன் எனவும் நம்பிக்கை கொண்டிருந்தனர். அந்த நேரத்தில் இயேசு கிருஸ்து தன்னை இறைவனின் மகன் என்றார். மனிதனாய் இருக்கிற ஒருவர் தன்னை மனிதன் என்று சொல்லாமல், இறைவனோடு சம்பந்தம் உள்ளவராக காட்டி கொண்டதால், அவர் தன்னை தேவனுக்கு சமமாக்கி தேவ தூஷணம் செய்தார் என்று யூதர்கள் கருதினர்.

இந்த வசனமானது, இயேசு கிருஸ்துவை விட பிதா பெரியவராய் இருக்கிறார் என்ற வசனத்தை எந்த வகையிலும் அவமாக்கவில்லை என்பதை அறிய வேண்டும். இயேசு கிருஸ்துவும், எனக்கு மட்டுமல்ல, உங்களுக்கும் கூட தேவன் பிதாவாயிருக்கிறார் என்ற செய்தியையே தன் சீடர்களுக்கு சொன்னார். இதன் மூலம் நாம் எல்லாரும் பிதாவை தலைமையாய் கொண்ட ஒரே குடும்பமாய் இருக்கிறோம் என்பதே அவர் சொன்ன செய்தி. அந்த குடும்பத்தில் அவர் மூத்த சகோதரராயும், நாம் இளைய சகோதரராயும் இருக்கிறோம்.

இதன் மூலம் தேவன், மனிதன் என்ற உயர்வு, தாழ்வு இல்லாமல், நாம் அனைவரும் ஒரே குடும்பத்திற்குள்ளாக, தேவ குடும்பத்திற்குள்ளாக வந்தோம்.

அடுத்த வசனம்,

பிலிப்பியர் 2:6 அவர் தேவனுடைய ரூபமாயிருந்தும், தேவனுக்குச் சமமாயிருப்பதைக் கொள்ளையாடின பொருளாக எண்ணாமல்,

இயேசு கிருஸ்து தேவனுடைய ரூபமாயிருக்கிறார். அதனால் இவரும், பிதாவும் சமமானவர்கள் என்பதால் பிதா, இயேசு கிருஸ்துவை விட பெரியவர் அல்ல என்று சிலர் சொல்கின்றனர். ஆனால் இந்த வசனமும் முன் சொன்ன வசனங்களை பொய்யாக்கவில்லை. மகன் தந்தையை போலவே இருப்பதால், மகனும், தந்தையும் ஒரே அளவானவர்கள் என சொல்ல முடியாது. அப்போதும் பிதா தான் பெரியவர்.

(தொடரும்)

SANDOSH · நமது நண்பர்

திரித்துவத்தின் முக்கிய அம்சம் பிதா, இயேசு கிருஸ்து, பரிசுத்த ஆவியானவர் மூவரும் தெய்வீக அளவில் ஒரே அளவாக இருகிறார்கள் என்பதே. இதை நிரூபிக்க வேதத்தில் ஆதாரம் இல்லை. உதாரணமாக மூவரும் தெய்வீக அளவில் சமம் எனில் மூவரிடமும் ஜெபிக்கலாம் என்று அர்த்தம் வருகிறது. ஆனால் பரிசுத்த ஆவியானவரிடத்தில் ஜெபிக்க சொல்லி வேதம் எங்குமே சொல்லவில்லை. மாறாக அவர் நமக்காக ஜெபிப்பார் என்றே வேதம் சொல்கிறது. அது மட்டுமல்லாது இயேசு கிருஸ்து கூட பரலோகத்தில் நமக்காக பிதாவை நோக்கி வேண்டுதல் செய்கிறார் என வேதம் சொல்கிறது.

இதிலிருந்து தெய்வீக நிலையை எடுத்து கொண்டால் கூட பிதா-குமாரன்-பரிசுத்த ஆவி என மூவரும் வரிசைக்கிரமமாக இருப்பதை பார்க்க முடியும்.

இதை பற்றி கேட்டால் திரித்துவத்தை புரிந்து கொள்ள முடியாது என சொல்லி மழுப்பி விடுவார்கள். அப்படியானால் புரிந்து கொள்ள முடியாததை எதற்கு போதிக்க வேண்டும்?

இயேசு கிருஸ்துவின் தெய்வத்தன்மையை நிரூபிப்பதற்காக திரித்துவ கோட்பாட்டை கொண்டு வந்ததாக சொல்கின்றனர். ஆனால் இதற்கு வேறு சில நோக்கங்களும் உண்டு. அவைகளை இப்போது பார்ப்போம்.

1. தேவன் தந்த வேதமானது, எல்லா மக்களுக்கும் புரியும்படி மிக எளிமையாக எழுதப்பட்டுள்ளது. ஆனால் அதில் உள்ளதை அப்படியே போதித்தால், போதகரை, மேய்ப்பரை யாரும் மதிக்க மாட்டார்கள். ஆகவே முதலில் அதில் இருப்பதை புரியாதபடிக்கு செய்ய வேண்டும். பிறகு தங்களுக்கு அந்த புதிர் விடுபட்டு விட்டதாக காட்டி கொண்டு, அதைப் பற்றி போதிக்க வேண்டும்.

இப்படி செய்தால், சாதாரண விசுவாசிகளால் புரிந்து கொள்ள முடியாத ஏதோ ஒன்றை தங்கள் மேய்ப்பரோ, போதகரோ புரிந்து கொண்டதாக கருதி விசுவாசிகள் அவர்கள் மேல் மிகுந்த மரியாதை கொள்வார்கள். அவரை மிகவும் பெரியவராக மதிப்பார்கள். இதனால்தான் திரித்துவ கோட்பாட்டை மிகவும் ஆழமாக இன்றைய போதகர்கள் வலியுறுத்துகிறார்கள்.

2 கொரிந்தியர் 13.14. கர்த்தராகிய இயேசுகிறிஸ்துவினுடைய கிருபையும், தேவனுடைய அன்பும், பரிசுத்த ஆவியினுடைய ஐக்கியமும், உங்கள் அனைவரோடுங்கூட இருப்பதாக. ஆமென்.

மிகவும் எளிமையான மேற்கண்ட வசனத்தை, சாதாரண விசுவாசிகள் புரிந்து கொள்ள கூடாது என்பதற்காகவே உருவாக்கப்பட்டதுதான் இன்றைக்கு அனேகர் சொல்லும், நம்பும் திரித்துவ கோட்பாடு. இதை நேரடியாக வேதத்தில் இருந்து புரிந்து கொள்வது கடினம் என்பதால்தான், புதிதாக உருவாகும் பாஸ்டர், போதகர் போன்றோருக்கு வேத படிப்பு கற்று கொடுக்க வேத பாட சொலைகள் இருக்கின்றன.

தாங்கள் சொல்லும் திரித்துவத்தை எப்படி, எப்படியெல்லாம் சுற்றி வளைத்து நிரூபிப்பது என கற்று தர, எதிர்த்து பேசுபவர்களை எப்படி மிரட்ட வேண்டும், சபிக்க வேண்டும் என சொல்லி தர வேத பாட சாலைகள் இருக்கின்றன. திரித்துவ கோட்பாட்டால் இவர்கள் ஸ்தாபனங்களும் செழிக்கின்றன.

ஆக திரித்துவ கோட்பாட்டின் ஒரு நோக்கம், புரியாத ஒன்றை சொல்லி, பிறகு அதை விளக்குவதாக சொல்லி, அதன் மூலம் தங்களை அனேக விஷயங்கள் தெரிந்தவராக காட்டி கொண்டு, இவ்வாறு விசுவாசிகளை தங்கள் கட்டுப்பாட்டுக்குள் வைத்திருப்பதாகும்.

JOHN12 · வெற்றியாளர்

இயேசுவைவிட தேவன் பெரியவரா / இயேசுவுக்கு சமமானவரா?

JOHN12 · வெற்றியாளர்

RE: இயேசுவைவிட தேவன் பெரியவரா / இயேசுவுக்கு சமமானவரா?

SANDOSH · நமது நண்பர்

சகோதரர் ஜான் 12 அவர்களே,

//கிறிஸ்துவ ஆசாரியத்தில் துவைத்தம்,அவைத்தம் என்று பிரிவினை கிடையாது.ஒவ்வொருவனுக்கும் தனி தனி தேவன் இல்லை. ஒரே தேவனை வேதம் போதிக்கிறது.

யார் பெரியவர் போட்டி நிகழ இரண்டு தேவன் தேவை.. ஆனால் தேவன் ஒருவரே!! //

நீங்கள் சொன்னது சரியே. ஒரே தேவனை பற்றியே இயேசு கிருஸ்துவும், அவருடைய சீடர்களும் சொன்னவைகள்.

பவுல் எழுதியது :

1 கொரிந்தியர் 8.6. பிதாவாகிய ஒரே தேவன் நமக்குண்டு, அவராலே சகலமும் உண்டாயிருக்கிறது; அவருக்கென்று நாமும் உண்டாயிருக்கிறோம். இயேசுகிறிஸ்து என்னும் ஒரே கர்த்தரும் நமக்குண்டு; அவர்மூலமாய்ச் சகலமும் உண்டாயிருக்கிறது, அவர் மூலமாய் நாமும் உண்டாயிருக்கிறோம்.

1 தீமோத்தேயு 2.5. தேவன் ஒருவரே, தேவனுக்கும் மனுஷருக்கும் மத்தியஸ்தரும் ஒருவரே.
6. எல்லாரையும் மீட்கும் பொருளாகத் தம்மை ஒப்புக்கொடுத்த மனுஷனாகிய கிறிஸ்து இயேசு அவரே; இதற்குரியசாட்சி ஏற்ற காலங்களில் விளங்கிவருகிறது.
7. இதற்காகவே நான் பிரசங்கியாகவும், அப்போஸ்தலனாகவும், புறஜாதிகளுக்கு விசுவாசத்தையும் சத்தியத்தையும் விளங்கப்பண்ணுகிற போதகனாகவும் நியமிக்கப்பட்டிருக்கிறேன்; நான் பொய் சொல்லாமல் கிறிஸ்துவுக்குள் உண்மையைச் சொல்லுகிறேன்.

யாக்கோபு எழுதியது :

யாக்கோபு 1.1. தேவனுக்கும் கர்த்தராகிய இயேசுகிறிஸ்துவுக்கும் ஊழியக்காரனாகிய யாக்கோபு, சிதறியிருக்கிற பன்னிரண்டு கோத்திரங்களுக்கும் வாழ்த்துதல் சொல்லி எழுதுகிறதாவது:
27. திக்கற்ற பிள்ளைகளும் விதவைகளும் படுகிற உபத்திரவத்திலே அவர்களை விசாரிக்கிறதும், உலகத்தால் கறைபடாதபடிக்குத் தன்னைக் காத்துக்கொள்ளுகிறதுமே பிதாவாகிய தேவனுக்கு முன்பாக மாசில்லாத சுத்தமான பக்தியாயிருக்கிறது.

பேதுரு எழுதியது :

1 பேதுரு 1.2. பிதாவாகிய தேவனுடைய முன்னறிவின்படியே, ஆவியானவரின் பரிசுத்தமாக்குதலினாலே, கீழ்ப்படிதலுக்கும் இயேசுகிறிஸ்துவினுடைய இரத்தந் தெளிக்கப்படுதலுக்கும் தெரிந்துகொள்ளப்பட்ட பரதேசிகளுக்கு எழுதுகிறதாவது: கிருபையும் சமாதானமும் உங்களுக்குப் பெருகக்கடவது.
3. நம்முடைய கர்த்தராகிய இயேசுகிறிஸ்துவின் பிதாவாகிய தேவனுக்கு ஸ்தோத்திரம் உண்டாவதாக;

யோவான் எழுதியது :

1 யோவான் 1.5. தேவன் ஒளியாயிருக்கிறார், அவரில் எவ்வளவேனும் இருளில்லை; இது நாங்கள் அவரிடத்தில் கேட்டு, உங்களுக்கு அறிவிக்கிற விசேஷமாயிருக்கிறது.
6. நாம் அவரோடே ஐக்கியப்பட்டவர்கள் என்று சொல்லியும், இருளிலே நடக்கிறவர்களாயிருந்தால், சத்தியத்தின்படி நடவாமல் பொய்சொல்லுகிறவர்களாயிருப்போம்.
7. அவர் ஒளியிலிருக்கிறதுபோல நாமும் ஒளியிலே நடந்தால் ஒருவரோடொருவர் ஐக்கியப்பட்டிருப்போம்; அவருடைய குமாரனாகிய இயேசுகிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்.

யூதா எழுதியது :

யூதா 1.1. இயேசுகிறிஸ்துவினுடைய ஊழியக்காரனும், யாக்கோபினுடைய சகோதரனுமாயிருக்கிற யூதா, பிதாவாகிய தேவனாலே பரிசுத்தமாக்கப்பட்டவர்களும், இயேசுகிறிஸ்துவினாலே அழைக்கப்பட்டவர்களுக்கு எழுதுகிறதாவது:

குமாரனை விடவும் பிதா பெரியவராய் இருக்கிறார் என்பதே வேதத்தின்படி நாம் அறிவது. நம்மோடு ஒப்பிடுகையில் குமாரன் பெரியவராயும், குமாரனை விட பிதா பெரியவராயும் இருக்கிறார். இது இயேசு கிருஸ்துவின் பெருமையை எந்தவிதத்திலும் குறைவுபடுத்தாது. இயேசுவை சிறியவர் என்றோ, சிறுமையாக்கப்பட்டவர் என்றோ யாரும் சொல்லவில்லை. அப்படி சொல்வதாக நினைத்து கொள்வது உங்களுடைய கற்பனையே.

//குமாரனாக முன்குறிக்கபடுவதர்க்கு முன்பு "குமாரன் " என முன்குறிக்கப்பட்டு அழைக்கப்பட்ட ஆள்தத்துவதின் நாமம் என்ன? அவரது மகிமை என்ன? //

அவரது ஆள்தத்துவத்தின் நாமம் மெல்கிசேதேக்கு அவரது மகிமை மெல்கிசேதேக்கின் மகிமையாகும். அவர் கர்த்தருடைய தூதனானவர் என்ற பெயரிலும் இருந்தவர்.

//சத்துருக்களை பாதபடியாகி (சங்கீதம் 110 ) போடப்படும் வரைமட்டும் தான் பிதாவின் வளதுபாரிசதில் இயேசு அமர முடியுமா ?? அதன் பின் அவர் மகிமை என்ன??//

தனக்கென குமாரர்களை உருவாக்கின பின்பு இயேசு கிருஸ்து பிதாவுடன் ஐக்கியமாகி விடுவார். அப்போது அவர் பிதா என்றும் தேவன் என்றும் குறிப்பிடப்படுவார்.

JOHN12 · வெற்றியாளர்

சகோ.சந்தோஷ் அவர்களே,

//குமாரனை விடவும் பிதா பெரியவராய் இருக்கிறார் என்பதே வேதத்தின்படி நாம் அறிவது. நம்மோடு ஒப்பிடுகையில் குமாரன் பெரியவராயும், குமாரனை விட பிதா பெரியவராயும் இருக்கிறார். இது இயேசு கிருஸ்துவின் பெருமையை எந்தவிதத்திலும் குறைவுபடுத்தாது. இயேசுவை சிறியவர் என்றோ, சிறுமையாக்கப்பட்டவர் என்றோ யாரும் சொல்லவில்லை. அப்படி சொல்வதாக நினைத்து கொள்வது உங்களுடைய கற்பனையே.//

இல்லை சகோதரரே, நான் இவ்வாறு எண்ண காரணம் உண்டு.. தலைப்பை படியுங்கள். இது ஒரு ஒரு தலைபட்சமான தலைப்பு. இயேசுவை விட பிதா பெரியவரா? என தொடங்கியிருக்கவேண்டும்.

//அவரது ஆள்தத்துவத்தின் நாமம் மெல்கிசேதேக்கு அவரது மகிமை மெல்கிசேதேக்கின் மகிமையாகும். அவர் கர்த்தருடைய தூதனானவர் என்ற பெயரிலும் இருந்தவர்.//

குமாரன் வேறு,மேல்கிசேதேக்கு வேறு.. இவர் குமாரனுக்கு ஒப்பானவர்,வம்ச வரலாறு அற்றவர் . குமாரனில்லை!! (தனி தரியில் மெல்கிசேதேக்கை பற்றி எழுதியுள்ளேன்).தங்களுக்கு ஆட்சேபம் இருப்பின் அங்கு விவாதிக்கலாம்.

//தனக்கென குமாரர்களை உருவாக்கின பின்பு இயேசு கிருஸ்து பிதாவுடன் ஐக்கியமாகி விடுவார். அப்போது அவர் பிதா என்றும் தேவன் என்றும் குறிப்பிடப்படுவார்.//

அவர் நித்திய பிதா என்றும் தேவன்,வல்லமையுள்ள தேவன் எனவும் ஏற்கனவே அழைக்கப்பட்டுள்ளார்.

யோவான் 1:1 ஆதியிலே வார்த்தை இருந்தது, அந்த வார்த்தை தேவனிடத்திலிருந்தது, அந்த வார்த்தை தேவனாயிருந்தது.

ஏசாயா 9:6 நமக்கு ஒரு பாலகன் பிறந்தார்; நமக்கு ஒரு குமாரன் கொடுக்கப்பட்டார்; கர்த்தத்துவம் அவர் தோளின்மேலிருக்கும்; அவர் நாமம் அதிசயமானவர், ஆலோசனைக் கர்த்தா, வல்லமையுள்ள தேவன், நித்திய பிதா, சமாதானப்பிரபு என்னப்படும்.

ஆக, தேவகுமாரர்களை உருவக்கின'பிறகு' இயேசு கிருஸ்து பிதாவுடன் ஐக்கியமாகி விடுவார் என்பது தவறு. மேலும்,

யோவான் 10:30 நானும் பிதாவும் ஒன்றாயிருக்கிறோம் என்றார்.

ஐக்கியம் இல்லாமல் ஒன்றாயிருப்பது கூடாத காரியம். பிதா எப்போதும் குமாரனோடு ஐக்கியப்பட்டிருக்கிறார். சத்துருக்கள் பரிகரிக்கபடும் முன்னமே கூட இயேசு கிறிஸ்து பிதாவுடன் ஐக்கியத்தில் உள்ளவர் என்பதையும் தாங்கள் அறியவேண்டும். ஆகவே வெளிபடபோகும் குமாரனின் கோபம் பூமியில் அவரது மகிமையை தெரியப்படுத்தும்.

தேவனுக்கு மகிமை உண்டாகுக!!!

SANDOSH · நமது நண்பர்

சகோதரர் ஜான் 12 அவர்களே,

//இல்லை சகோதரரே, நான் இவ்வாறு எண்ண காரணம் உண்டு.. தலைப்பை படியுங்கள். இது ஒரு ஒரு தலைபட்சமான தலைப்பு. இயேசுவை விட பிதா பெரியவரா? என தொடங்கியிருக்கவேண்டும்.//

சகோதரரே, மிக சரியான ஒன்றை சுட்டி காட்டியிருக்கிறீர்கள். நன்றி. நான் அதை கவனிக்கவில்லை. இயேசு கிருஸ்து "வல்லமையுள்ள தேவன்" என்று அழைக்கப்படுகிறார். இந்த நிலையில் "இயேசுவை விட தேவன் பெரியவரா?" என்று கேள்வி கேட்பது, இயேசு கிருஸ்துவை தேவன் இல்லை என்று மறுதலிப்பது போல இருக்கிறது.

சகோதரர் சுந்தர் அவர்கள் வேத வசனத்தின்படியே "இயேசுவை விட பிதா பெரியவரா?" என்று தலைப்பை மாற்றுவார் என எதிர்பாக்கிறேன். இந்த திரியின் தலைப்பை வேத வசனத்திற்க்கு சரியாக மாற்றும்படி அவரை கேட்டுக் கொள்கிறேன்.

//குமாரன் வேறு,மேல்கிசேதேக்கு வேறு.. இவர் குமாரனுக்கு ஒப்பானவர்,வம்ச வரலாறு அற்றவர் . குமாரனில்லை!! (தனி தரியில் மெல்கிசேதேக்கை பற்றி எழுதியுள்ளேன்).தங்களுக்கு ஆட்சேபம் இருப்பின் அங்கு விவாதிக்கலாம்.//

நீங்கள் சொல்வது போலவே தனி திரியில் விவாதிக்கலாம்.

//தனக்கென குமாரர்களை உருவாக்கின பின்பு இயேசு கிருஸ்து பிதாவுடன் ஐக்கியமாகி விடுவார். அப்போது அவர் பிதா என்றும் தேவன் என்றும் குறிப்பிடப்படுவார்.//

இயேசு கிருஸ்து தேவன் என பிறக்கும் முன்பே அழைக்கப்பட்டார் என்பது சரியே. நான் அதை மறுக்கவில்லை. தனக்கென குமாரர்களை உருவாக்கின பின்பு இயேசு கிருஸ்து பிதாவுடன் ஐக்கியமாகி விடுவார் என்பதன் அர்த்தம் என்னவெனில், அப்போது பிதா மட்டுமே இருப்பார். குமாரன் இருக்க மாட்டார். ஆனால் இப்போதோ, பிதாவோடு கூட குமாரன் இருக்கிறார். அதனால் இயேசு கிருஸ்து "எதிர்கால பிதா" என அழைக்கப்படுகிறார். இந்த காரியம் பவுலுக்கும் வெளிப்படுத்தப்படவில்லை. ஆனால் யோவானுக்கு வெளிப்படுத்தப்பட்டது.

வெளி.21.5. சிங்காசனத்தின்மேல் வீற்றிருந்தவர்: இதோ, நான் சகலத்தையும் புதிதாக்குகிறேன் என்றார். பின்னும், அவர்: இந்த வசனங்கள் சத்தியமும் உண்மையுமானவைகள், இவைகளை எழுது என்றார். 6. அன்றியும், அவர் என்னை நோக்கி: ஆயிற்று, நான் அல்பாவும் ஓமெகாவும், ஆதியும் அந்தமுமாயிருக்கிறேன். தாகமாயிருக்கிறவனுக்கு நான் ஜீவத்தண்ணீரூற்றில் இலவசமாய்க் கொடுப்பேன்.

7. ஜெயங்கொள்ளுகிறவன் எல்லாவற்றையும் சுதந்தரித்துக்கொள்ளுவான்; நான் அவன் தேவனாயிருப்பேன், அவன் என் குமாரனாயிருப்பான்.

என்னுடைய பிதா, என்னுடைய தேவன் என சொல்லி எப்போதும், தன் பிதாவை மகிமைப்படுத்தின இயேசு கிருஸ்து, மேற்கண்ட வசனத்தில் நான் அவனுக்கு தேவனாயிருப்பேன் என்றும் அவன் எனக்கு குமாரனாயிருப்பான் என்றும் சொல்கிறார். இதைப் போல அவர் பூமியில் இருக்கும் போதோ, பரலோகத்தில் இருக்கும் போதோ (அதாவது இப்போதோ), சொன்னதில்லை என்பது குறிப்பிடத்தக்கது.

"எதிர்கால பிதா" என்பது "நித்திய பிதா" என்று மொழி பெயர்க்கப்பட்டுள்ளது. ஆதாரத்துக்கு கீழ்கண்ட லிங்கை பார்க்கவும்.

http://www.scripture4all.org/OnlineInterlinear/OTpdf/isa9.pdf

SANDOSH · நமது நண்பர்

2. அப்போஸ்தலர்கள் காலத்தில் இயேசுவின் சீடர்கள் தாழ்மை உள்ளவர்களாய், உண்மை உள்ளவர்களாய் இருந்தனர். அவர்கள் தங்களை உயர்த்தி கொள்ள எண்ணாமல், தாழ்மையோடு இருந்து சுவிசேஷத்தை அறிவித்தனர். ஆனால் அதற்கு பின்னான கால கட்டத்தில் வந்தவர்கள், மனிதர்களை அடிமை கொண்டு அதன் மூலம் கிருஸ்துவத்தை பரப்ப / போதிக்க முடிவு செய்தனர்,

அதற்காக ஆன்மிகத்தின் பெயரால் மனிதர்களை அடிமைகளாக்க வேண்டும் என நினைத்தனர். (ஒரு வேளை இதை அவர்கள் நல்ல மனத்தோடு கூட நினைத்திருக்கலாம்). ஆனால் அதை நிறைவேற்ற அவர்களுக்கு ஒரு தடை இருந்தது. அந்த தடையை போட்டவர் வேறு யாரும் அல்ல. இயேசு கிருஸ்துவே. அவர் சொன்னதாவது : நீங்கள் அனைவரும் சகோதரர்கள். கிருஸ்து ஒருவரே உங்களுக்கு போதகராகவும், குருவாகவும் இருப்பார். எனவே நீங்கள் உங்களுக்கு பட்டங்களை சூட்டி கொண்டு மனிதர்களிடமிருந்து உங்களை உயர்த்தி காண்பித்து கொள்ளாதீர்கள் என்பதே.

அவர் நானே நல்ல மேய்ப்பனாய் இருக்கிறேன். நான் என் ஆடுகளுக்காய் ஜீவனை கொடுத்தேன். என்றும் சொன்னார்.

மற்ற மனிதர்களின் மேல் ஆளுகை செய்ய வேண்டும் என நினைத்தவர்கள், தங்களுக்கு பட்டங்களை சூட்டிக் கொள்ள முடிவு செய்தனர். அதற்காக இயேசு கிருஸ்துவிடமிருந்து பட்டங்களை பிடுங்கி கொள்ள நினைத்தவர்கள், அதற்கு என்ன வழி என யோசித்தனர். அப்போது அவர்களுக்கு உதித்ததுதான் இன்று அவர்கள் சொல்லும் திரித்துவ கோட்பாடு. இதன் மூலம் இயேசு கிருஸ்துவை பிதாவுக்கு நிகராக்கின அவர்கள், இயேசு கிருஸ்துவின் போதகர், பாஸ்டர், குரு, வழி முதலிய பட்டங்களை அவரிடமிருந்து பிடுங்கி கொண்டு தங்களுக்கு அந்த பட்டங்களை சூட்டிக் கொண்டனர்.

ஆக தவறான, வேத வசன ஆதாரம் இல்லாத, திரித்துவ கோட்பாட்டின் நோக்கம், இயேசு கிருஸ்துவின் ஸ்தானங்களை தங்களுக்காக பிடுங்கி கொள்வதே. வேதத்தில் இல்லாத வார்த்தையான திரித்துவத்தை சுற்றி வளைத்து விமர்சிக்கும் இவர்கள், இயேசு கிருஸ்து நேரடியாக சொன்ன வசனங்களை கண்டு கொள்ளாமல் விட்டதேன்?

SUNDAR · மூத்த உறுப்பினர்

RE: இயேசுவைவிட பிதாவாகிய தேவன் பெரியவரா / இயேசுவுக்கு சமமானவரா?