இறைவன்

சகோ.நேசன் அவர்களே,

நீங்கள் கூறியது போன்ற ஆட்களை தேவனிடம் நடத்தும் காரியம் எளிதானதல்ல தான்.ஏனெனில் இவர்கள் விதை நிலத்தில் விதைக்க படாத விதையை போன்றவர்கள்.ஆனாலும் தேவனால் கூடாதது ஒன்றும் இல்லை.இரட்சிப்பு தேவனுடையது என எழுதப்பட்டுள்ளதே!!

நான் அறிந்த படி, நீங்கள் குறிப்பிடும் சாராரை பின்வருமாறு பகுக்கலாம்.

1. அப்பம் திண்பதற்காக(தேவைகளுக்காக) மாத்திரம் இயேசுவை நாடிவரும் வேசிகளின் மனநிலை உள்ளவர்கள்.
2. அற்புதங்களை தேவனிடம் பெற்று அனுபவித்திருந்தாலும் பின்மாற்றம் அடையும் தேவ அன்பை உணராதிருக்கும் ஜனங்கள்.
3. நம் தேவனை அறிந்திருந்தும், பாரம்பரியப்படி முரட்டாட்டமாக விக்கிரக ஆராதானையை விரும்பும் ஜனங்கள்.

இத்தகைய ஆத்துமாக்களை ஆதாய படுத்திக்கொள்ள நான் கூறக்கூடிய சில யுக்திகள்,

1. இவர்களை தேவன் அண்டையில் நடத்த நம் வாழ்வு அதிகமான தேவ ஐக்கியம் உள்ள வாழ்வாக இருத்தல் வேண்டும்.
2. இவர்கள் மேல் தேவ பொறுமையை நாடி நாம் முதலாவது ஜெபிக்க வேண்டும்.
3. அனுதினமும் தேவ வரங்களை நாடி ஜெபிக்க வேண்டும்.அற்புத வரங்கள் இத்தகையபேதைகள் முன்பும் நம் தேவனை மகிமைப்படுத்தும்.ஞானத்தை போதிக்கும் வசனமும்,அறிவை உணர்த்தும் வசனமும்,தீர்க்கதரிசனவரங்களும் எப்போதும் இப்படியானாவர்களை கண்டிக்க, தேவனண்டையில் வழிநடத்த உதவும்.

தேவனுக்கு எப்போதும் மகிமை உண்டாகுக!!!