இறைவன்

JOHN12 wrote:

---

சகோ.சுந்தர் அவர்களே!!

வேதம் இந்த ஜாமீன் கையொப்பம் போடும் காரியத்தை குறித்து பின்வருமாறு கூறுகிறது...

நீதிமொழிகள் 22:26 கையடித்து உடன்பட்டு, கடனுக்காகப் பிணைப்படுகிறவர்களில் ஒருவனாகாதே.

நீதிமொழிகள் 17:18 புத்தியீனன் தன் சிநேகிதனுக்கு முன்பாகக் கையடித்துக்கொடுத்துப் பிணைப்படுகிறான்.

நீதிமொழிகள் 11:15 அந்நியனுக்காகப் பிணைப்படுகிறவன் வெகு பாடுபடுவான்; பிணைப்படுவதை வெறுப்பவன் சுகமாயிருப்பான்.

தேவன் நம் அனைவருக்கும் பிணைக்கபட்டதே நமக்கு போதும்..

---

என்ற வசனப்படி, கொடுக்கவேண்டியது அவசியம் அல்லவா? அது குறித்து தங்கள் கருத்தை நான் அறியலாமா?

சகோதரரே..

                உலக நண்பர்களில் சிலர் பணத்துக்காக,தேவைகளுக்காக மாத்திரமே சிநேகிதத்தை நாடுவார்கள்..அவர்கள் தேவை நம் மூலமாகவோ,மற்றொருவர் மூலமாகவோ சந்திக்கபட்டலோ சில காலம் அவர்களை நாம் காண முடியாது.. பிறகொரு தேவை இருக்கும் போது மாத்திரம் துக்கத்தை முன்வைத்து பஞ்சப்பாட்டு பாடுவார்கள்...

              அவர்களை நான் கடிந்து கொள்வேன்.. அப்பம் திண்ண மாத்திரம் தம்மை தொடர்பவர்களை நம் தேவனுக்கும்  பிடிக்கிறதில்லை...

              சிலர் எவ்வளவு தோல்வியானாலும் அடுத்தவர் பணத்தில் தான் முன்னேற RISK எடுப்பார்கள்..அவர்கள் கடன் வாங்குபவர்களை பற்றி சிறிதும் கவலை படுவதில்லை,திருப்பி செலுத்துவது பற்றியும் அவர்களுக்கு கவலை கிடையாது...

              தேவன் இப்படியான உலகமக்கள் முன் நடந்து கொள்ளும்படியான உலக ஞானத்தையும் நமக்கு தந்துள்ளார்... ஆகவே ஏற்ற  வேளையில் ஏற்ற படி நடந்து கொள்ளுவோம்..

             கர்த்தர் ஏவுபவர்களுக்கு மாத்திரம் உதவுவது நல்லது...
கடன் கொடுப்பதை பார்க்கிலும்,சிறிய வட்டிக்கு கொடுப்பதை பார்க்கிலும் பலனை எதிர்பாராமல் செய்யும் நம் அளவிற்கான உதவியே நல்லது என நான் பொதுவாக கருதுகிறேன்..

இதனையே நான் முடிந்தவரை கடைபிடிக்கிறேன்..

GLORY TO GOD..

anbu57 wrote:

---

நம்மிடம் கேட்பவர் தகுதியான காரணத்திற்காகத்தான் கேட்கிறாரா என்பதை முடிந்த அளவு ஆய்வு செய்து கொடுப்பதே சரி என்பது எனது கருத்து. “புறாவைப் போல் கபடற்றவர்களாக இருக்கும்படி” சொன்ன இயேசு, “சர்ப்பத்தைப் போல் வினாவுள்ளவர்களாகவும் இருக்கும்படி” சொல்லியுள்ளாரே!! 

---

தங்கள் கருத்து உண்மைதான் சகோதரே! ஒருவர் தீய நோக்கத்தோடு நம்மிடம் பணம் கேட்கும்போது அது வேத விரோத செயலுக்கு பயன் படுத்தப்படுமானால் நாம் நிச்சயம் பணம் கொடுக்கபோவது இல்லை. அதை தேவனும் கடிந்துகோள்ளமாட்டார் என்றே நான் கருதுகிறேன். ஆனால் என்னிடம் பணம் கேடடு ஏமாற்றியவர்கள் எல்லோருமே ஏதாவது ஒரு தகுந்த காரணத்துக்காக கேட்டவர்கள்தான் அவர்கள் முன்னேற வேண்டும் என்ற நல்ல நோக்கத்தில்தான் நானும் பணம் கொடுத்தேன் ஆனால் அவர்களால் அனேக பிரச்சனைக்குள் கடந்து வர நேர்ந்தது.   

நான் முன்பு சொன்ன ராஜசேகர் போலவே மும்பையில் ரவி என்றொரு நண்பர் இருந்தார் அவரும் என்னிடம் ஒருமுறை என்னிடம் அவரது தொழிலை விருத்திசெய்ய ரூபாய் ௫5000/- கேட்டார் நானும் கொடுத்தேன் ஓரிரு மாதங்களில் அவர் மும்பை காலிசெய்துகொண்டு சொந்த ஊராகிய கோயமுத்துருக்கு போய்விட்டார். நான் ஒருமுறை சொந்த ஊருக்கு வந்தபோது அவரது முகவரியை கண்டுபிடித்து சென்று பணத்தை கேட்கலாம் என்று போனபோது, அவரது வீட்டு நிலைமை மற்றும் அவரது வயதான தாயார் ஒரு சிறிய பெட்டிக்கடை வைத்து குடும்பத்தை நடத்தும் நிலை இவைகளை பார்த்தபின் அந்த பணத்தை திரும்ப கேட்பதர்க்குகூட எனக்கு மனதில்லாமல் திரும்பு வந்துவிட்டேன். மாதம் 2000 ரூபாய் சம்பளத்துக்கு வெலை செய்த அந்த 1990 களில் எனக்கு 5000 என்பது மிகப்பெரிய தொகை. அந்த பணமும் இன்று வரை திரும்ப வரவில்லை.

அடுத்து எனது மேலான நண்பன் ஒருவர் மிகவும் நல்லவன் நேர்மையானவன்! மும்பையில் காய்கறி வியாபாரம் பார்த்துவந்த இவன் என்னிடம் ஓர்நாள் என்னுடய வியாபாராத்துக்கு கொஞ்சம் அதிக முதல் தேவைப்படுகிறது நீ தனியாகத்தானே இருக்கிறாய் உன்னிடம் சேமிப்பு பணம் எது இருந்தாலும் என்னிடம் கொடுத்துவை நான் அதை பயன்படுத்தி கொள்கிறேன் நீ எப்பொழுது கேட்டாலும் உடனே அதை திருப்பி கொடுத்துவிடுவேன் என்று சொன்னதனால் நான் என்னிடம் இருந்த சேமிப்பு பணம் எல்லாவற்றையும் அவனிடம் கொடுத்து வைத்திருந்தேன். ஒருநாள் ஏதோ ஒரு காரணத்துக்காக என்னிடம் இரவு உணவுக்குகூட பணம் இல்லாமல் போய்விட்டது. வியாபாரம் முடிந்து வரும் வழியில் அவனை மடக்கி என்னிடம் இரவு சாப்பாட்டுக்கு பணம் எதுவும் இல்லை ஒரு 2 ரூபாய் கொடு என்று கேட்டபோது அவன் "என்னிடம் ஒரு ரூபாய் கூட இல்லை"என்று சொன்னதோடு பையில் கைவைத்து காண்பித்து "இதில் இருக்கும் பணம் எல்லாம் வியாபார பணம், இந்த பணத்தை நான் யாருக்கும் கொடுப்பது கிடையாது" என்று ஏதோ நான் அவனிடம் கடன் கேட்பதுபோல் சொல்லி விட்டு கடந்து சென்றான். அவனிடம் கொடுத்து வைத்த பணத்தை முழுவதுமாக இன்றுவரை என்னால் வாங்கமுடியவில்லை. 

இதுபோல் இக்காட்டான சூழ்நிலை என்று சொல்லி பணம் கேடடு வந்து நின்றவர்கள் அநேகர் பணம் வாங்கியபின்னர் அதை திருப்பி கொடுக்க மனதில்லாமல்போய், நாம் பணத்தை திருப்பி கேட்கும்போது அவர்களுக்கு நாம் விரோதியாகும் நிலைகூட ஏற்படுகிறது. அதே நேரம் ஒருவர் இக்காட்டான நேரத்தில் நம்மிடம் பணம் கேட்கும்போது நாம் பணம் இருந்து இல்லை என்று சொல்லி கொடுக்க மறுத்தால் அங்கு இயேசுவின் வார்த்தைகளை  மீறி நடக்கிறோமோ என்ற குற்ற மனபான்மை மனதில் உண்டாகிறதே!?