இறைவன்

பிரதர் தாங்கள் சொல்லும் கருத்தின் சாராம்சத்தின்படி பார்த்தால் "அன்பை" தன படைப்புகளிடம் இருந்து எப்படியாவது பெற்றுவிட வேண்டும் என்ற ஒரே நோக்கத்திற்காக தேவன் இத்தனை கொடுமைகளை உலகத்தில் அனுமதித்து நடத்திக்கொண்டு இருக்கிறார் என்று நினைக்கிறீர்களா?

ஒரு பொருளை உருவாக்கும் அறிவியலார் அது சரியில்லை என்றால் அதில் இருக்கும் குறைபாடுகளை கண்டறிந்து அதன் பின்னர் அவைகளை நிவர்த்தி செய்து வேறு ஒரு பொருளை உண்டாக்குகிறார்கள்.

அதேபோல்
ஆதாம் ஏவாள் என்ற இருவர் மாத்திரம் பாவத்தில் வீழ்ந்தபோது அவர்கள் இருவரை மாத்திரம் அழித்துவிட்டு அவர்கள் பாவம் செய்த காரணத்தை கண்டறிந்து அதற்க்கு ஒரு எல்லை வைத்து வேறு புதிய ஜோடியை படைத்திருந்தால்.

சிறிய சிறிய கொலை கொள்ளை பாவ காரியங்களை விடுங்கள்

1. ஒரு உலகத்தையே சிறியவர் பெரியவர் என்று பாராமல் நீரினால் அழித்து அனைவரையும் துள்ள துடிக்க கொல்ல வேண்டிய அவசியம் வந்திருக்காதே.

2. முதல் இரண்டாம் உலகப்போர் என்று எண்ணற்ற ஜனங்களை கொடூரமாக கொன்றோழிக்க வேண்டியது வந்திருக்காதே.

3. சமீபத்தில் இலங்கையில் நடந்த கொடூர இனஒழிப்பு நடக்க வாய்ப்பிருக்காதே.

4. என்னை அதிகம் பாதிக்கும் பிற ஜீவன்களின் வேதனைகள் - ஒரு தெரு நாய் -கொடிய சொரியுடன் ஆற்றி தேற்றுவார் இல்லாமல் தெருவில் அலையும் பாவத்தை பார்த்து நான் கண்கலங்க வேண்டிய நிலை வந்திருக்காது/ காட்டில் வாழும் ஒரு பாவமரியா விலங்குகள் ஒன்றை ஒற்று அடித்து உயிரோடு உரித்து திங்கும் அந்த கொடிய நிலைமை தொடர்ந்திருக்காது.

5. எல்லாவற்றிக்கும் மேலாக இறுதியில் ஒருகூடட ஜனங்கள் நித்திய அக்கினிக்கு போவார்கள் என்று வேறு பொதுவாக நம்பப்படும் நிலை இருக்கிறது.

"அன்பு" என்ற ஒன்றை தன படைப்புகளிடம் இருந்து பெறுவதற்கு தேவன் இதை எல்லாம் அனுமதித்துள்ளனர் என்று நாம நினைத்தால் அது எந்த விதத்தில் நியாயம் பிரதர். சற்று யோசியுங்கள்.

t dinesh Wrote...
///இப்படி நான் கூறவில்லையே அண்ணா... என்னுடைய கருத்தில் இல்லாததை வலிந்து எடுக்கிறீர்கள்... அன்பை பெறுவதற்காக தேவன்இவைகளை அனுமதித்தார் என்று நான் சொல்லவில்லையே? அன்பை பெறுவதற்காகவும் கொடுப்பதற்காகவும் நம்மை படைத்தார்என்றுதான் சொன்னேன்///

இந்த திரியை தொடங்கியது நான் தான் என்றாலும் இன்னும் இன்னும் புதிய விடயங்களை இது தொடர்பாக விளங்கி கொண்டு வருகிறேன்.

தேவன் மனுக்குலத்தை படைத்ததற்கு பல நோக்கங்கள் இருப்பினும் இன்னும் இரண்டு முக்கிய நோக்கங்கள் இருந்ததை நான் வேதத்தின் வாயிலாக அறிந்தேன். அதை இங்கு பதிவிடுகிறேன்.

தேவன் இந்த உலகத்தையும் அதிலுள்ளவற்றையும் படைத்து அவற்றை ஆளுகை செய்வதற்காகவும் , பரிபாலிப்பதற்காகவும் மனிதனை படைத்தார் என்று நினைக்கிறேன்.

தேவன் படைத்த எல்லாவற்றையும் பார்த்தார் அது நன்றாகவே இருந்தது. ஆனால் அவற்றை ஆளுகை செய்வதற்கும், அவற்றை கவனித்துக் கொள்வதற்குமான ஒரு மேன்மையான ஆளுகையுள்ள ஒரு படைப்பாகவே தேவன் மனிதனை படைத்தார் என்று கருதுகிறேன்.

கீழே நான் பதியும் வசனங்களை நன்கு கவனித்தால் இவ்வுண்மை புரியும்

1. ஆளுகை செய்வதற்கு..

ஆதியாகமம் 1:26 பின்பு தேவன்: நமது சாயலாகவும் நமது ரூபத்தின்படியேயும் மனுஷனை உண்டாக்குவோமாக; அவர்கள் சமுத்திரத்தின் மச்சங்களையும், ஆகாயத்துப் பறவைகளையும், மிருகஜீவன்களையும், பூமியனைத்தையும், பூமியின்மேல் ஊரும் சகலப் பிராணிகளையும் ஆளக்கடவர்கள் என்றார்.

இவ்வசனத்தை நன்கு கவனித்தால் மனிதனை படைப்போமாக என்று சொல்லும் போதே படைப்பதற்கான காரணத்தையும் கூறிவிடுகிறார்.


அடுத்து மனிதனுக்காக தேவன் கொடுக்கும் முதலாவது கட்டளையைப் பாருங்கள் அதுவும் அப்படியே காணப்படுகிறது.

ஆதியாகமம் 1:28 பின்பு தேவன் அவர்களை நோக்கி: நீங்கள் பலுகிப் பெருகி, பூமியை நிரப்பி, அதைக் கீழ்ப்படுத்தி, சமுத்திரத்தின் மச்சங்களையும் ஆகாயத்துப் பறவைகளையும், பூமியின்மேல் நடமாடுகிற சகல ஜீவஜந்துக்களையும் ஆண்டுகொள்ளுங்கள் என்று சொல்லி, தேவன் அவர்களை ஆசீர்வதித்தார்.

2.பரிபாலிப்பதற்கு

கிழே உள்ள இரண்டு வசனங்களையும் பார்த்தால் தேவனுடைய படைப்புக்களை பரிபாலிப்பதுவும் அவனை படைத்ததன் நோக்கம் என்பது தெளிவாகிறது.
ஆதியாகமம் 2:15 தேவனாகிய கர்த்தர் மனுஷனை ஏதேன் தோட்டத்தில் அழைத்துக்கொண்டு வந்து, அதைப் பண்படுத்தவும் காக்கவும் வைத்தார்.
இதன்படி தேவன் மனிதனுக்கு முதலாவது கொடுத்த வேலை தான் வைக்கப்பட்ட இடத்தை பண்படுத்தி பராமரிப்பது.

 

ஆதியாகமம் 2:19 தேவனாகிய கர்த்தர் வெளியின் சகலவித மிருகங்களையும், ஆகாயத்தின் சகலவிதப் பறவைகளையும் மண்ணினாலே உருவாக்கி, ஆதாம் அவைகளுக்கு என்ன பேரிடுவான் என்று பார்க்கும்படி அவைகளை அவனிடத்தில் கொண்டுவந்தார்; அந்தந்த ஜீவஜந்துக்கு ஆதாம் எந்தெந்தப் பேரிட்டானோ அதுவே அதற்குப் பேராயிற்று.
இந்த வசனமும் தேவனுடைய படைப்புக்களை பரிபாலிக்கும் பொறுப்பை மனிதனிடம் தேவன் விட்டுவிடுவதையே காட்டுகின்றது.

முடிவாக
தேவன் மனிதனுக்கு கொடுத்த முதல் கட்டளை உலகையும் அதிலுள்ளவற்றையும் ஆண்டு கொள்ளுங்கள் என்பது.
தேவன் மனிதனுக்கு முதல் கொடுத்த வேலை பூமியை பண்படுத்தி தன்னுடைய படைப்புக்களை பராமரிப்பது.
இதிலிருந்தே தெரிகிறது தேவன் உலகில் மனிதனை ஏன் படைத்தார் என்பது.

மேலும் தான் அன்பு காட்டுவதும், உறவாடுவதும் தேவன் மனிதனை படைத்த நோக்கங்களாக இருப்பினும் நான் மேலே சொன்ன காரணங்களும் பொருத்தமானவை என்பதே என்னுடைய தாழ்மையான கருத்து.