இறைவன்

EDWIN SUDHAKAR wrote:

---

இயேசு கிறிஸ்து நம்முடைய பாவங்களுக்காக மறித்து நம்முடைய சாபங்களை நீக்கினார்
என்று வேதம் சொல்கின்றது.

கலாத்தியர் 1:4 அவர் நம்மை இப்பொழுதிருக்கிற பொல்லாத பிரபஞ்சத்தினின்று விடுவிக்கும்படி நம்முடைய பிதாவாகிய தேவனுடைய

சித்தத்தின்படியே நம்முடைய பாவங்களுக்காகத் தம்மைத்தாமே ஒப்புக்கொடுத்தார்;

I பேதுரு 2:24 நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச்

சிலுவையின்மேல் சுமந்தார்; அவருடைய தழும்புகளால் குணமானீர்கள்.

கலாத்தியர் 3:13 மரத்திலே தூக்கப்பட்ட எவனும் சபிக்கப்பட்டவன் என்று எழுதியிருக்கிறபடி, கிறிஸ்து நமக்காகச் சாபமாகி,

நியாயப்பிரமாணத்தின் சாபத்திற்கு நம்மை நீங்கலாக்கி மீட்டுக்கொண்டார்.

ஆனால் ஆதாம் காலத்தில் கொடுக்கப்பட்ட   அதே சாபம் இன்றும் இருக்கின்றது

 

ஆதியாகமம் : 3

16. அவர் ஸ்திரீயை நோக்கி: நீ கர்ப்பவதியாயிருக்கும்போது உன் வேதனையை மிகவும் பெருகப்பண்ணுவேன்; வேதனையோடே பிள்ளை பெறுவாய்; உன் ஆசை உன் புருஷனைப் பற்றியிருக்கும், அவன் உன்னை ஆண்டுகொள்ளுவான் என்றார்.

17. பின்பு அவர் ஆதாமை நோக்கி: நீ உன் மனைவியின் வார்த்தைக்குச் செவிகொடுத்து, புசிக்கவேண்டாம் என்று நான் உனக்கு விலக்கின விருட்சத்தின் கனியைப் புசித்தபடியினாலே, பூமி உன் நிமித்தம் சபிக்கப்பட்டிருக்கும்; நீ உயிரோடிருக்கும் நாளெல்லாம் வருத்தத்தோடே அதின் பலனைப் புசிப்பாய்.

18. அது உனக்கு முள்ளும் குருக்கும் முளைப்பிக்கும்; வெளியின் பயிர்வகைகளைப் புசிப்பாய்.

19. நீ பூமியிலிருந்து எடுக்கப்பட்டபடியால், நீ பூமிக்குத் திரும்புமட்டும் உன் முகத்தின் வேர்வையால் ஆகாரம் புசிப்பாய்; நீ மண்ணாயிருக்கிறாய், மண்ணுக்குத் திரும்புவாய் என்றார்.

 

இயேசு கிறிஸ்து பாவத்துக்கும் சாபத்துக்கும் மறித்து உயிர்த்தும் கூட இந்த சாபம் இன்னும் நீங்கவில்லை ஏன் ?
 

இந்த சாபமானது இயேசுவை எற்றுகொண்டவர்களை கூட விட வில்லையே ஏன் ?

இயேசு கிறிஸ்து சிலுவையில் எந்த பாவத்திற்காக சாபதிர்க்காக  மரித்தார் ?

-- Edited by EDWIN SUDHAKAR on Tuesday 9th of April 2013 12:19:35 PM

====================================================================================================================

EDWIN SUDHAKAR wrote:

---

இயேசு கிறிஸ்து பாவத்துக்கும் சாபத்துக்கும் மறித்து உயிர்த்தும் கூட இந்த சாபம் இன்னும் நீங்கவில்லை ஏன் ?

இந்த சாபமானது இயேசுவை எற்றுகொண்டவர்களை கூட விட வில்லையே ஏன் ?

இயேசு கிறிஸ்து சிலுவையில் எந்த பாவத்திற்காக சாபதிர்க்காக  மரித்தார் ?

 

---

அன்பான சகோதர்களே,

t dinesh wrote:

_______________________________________________________________________________________

சுந்தர் அண்ணா சொல்வதை என்னாலும் ஏற்றுக் கொள்ள முடிகிறது.

ஆதாம் ஏவாளை தேவன் நித்திய காலமாக வாழும் படிக்கே படைத்தார்.

பாவமும் அதனால் வந்த சாபமுமே அவர்களுக்கு மரணத்தை கொடுத்தது.

பூமியை நித்தியமாக இருக்கும் படிக்கே தேவன் படைத்திருப்பார்.

பாவத்தால் பூமி அசுத்தமானதால் இப் பூமியை மனிதனின் நித்திய வாழ்வுக்கான இடமாக பயன் படுத்த முடியாது.

மனித சரீரம் கறைப்பட்டுள்ளதால் அதையும் நித்தியமாக வாழ வைக்க முடியாது.

அதாவது நித்தியத்துக்கான தகுதியை இழந்த மானிட சரீரமும் பூமியும் கட்டாயம் அழிந்தே போகும்.

அதனால் தான் தேவன் கடைசி எக்காளம் தொனிக்கும் போது நம்மை மறு ரூபமாக்குகிறார்.

நமது மண்ணும் கறையுமான சரீரம் அழிக்கப்பட்டு நித்தியத்துக்கு தகுதியான சரீரம் கொடுக்கப் படுகின்றது.

அதே போல கறைப்பட்ட பூமியும் அழிக்கப்பட்டு புதிய பூமி உண்டாக்கப் படுகின்றது.

எனவே சுந்தர் அண்ணா சொன்னது போல இந்த சரீரம் இருக்கும் வரையில் நோவும் துக்கமும் உண்டு

தேவனுடைய இரட்சிப்பின் திட்டம் புதிய வானம் புதிய பூமி புதிய சரீரத்தில் தான் நிறைவேறும் என நினைக்கிறேன்

இயேச சிலுவையில் நமது பாவத்தை சுமந்து தீர்த்ததால்தான் நித்தியமாகவே மரணத்தில் அழிந்து கொண்டிருக்க வேண்டிய சரீரத்துக்கு

முடிவுண்டாக்கி புதிய சரீரத்தை நமக்கு கொடுத்து நித்திய ஜீவனுக்குள் நம்மை நடத்துகிறார். 

அங்கே பாவமும் இல்லை, சாபமும் இல்லை, நோயும் இல்லை.

____________________________________________________________________________________________

தினேஷ் அவர்களே சுருங்க சொன்னாலும் சூப்பரா சொன்னீங்க..

மிக அருமையான கேள்வி.

//கலாத்தியர் 3:10. நியாயப்பிரமாணத்தின் கிரியைக்காரராகிய யாவரும் சாபத்திற்குட்பட்டிருக்கிறார்கள்; நியாயப்பிரமாண புஸ்தகத்தில் எழுதப்பட்டவைகளையெல்லாம் செய்யத்தக்கதாக அவைகளில் நிலைத்திராதவன் எவனோ அவன் சபிக்கப்பட்டவன் என்று எழுதியிருக்கிறதே.//

இன்றும் நாம் நியாயப்பிரமாணத்திலேயே வாழ்ந்துகொண்டிருப்பதாலும், முற்றிலும் ஆவியானவருக்குக் கீழ்ப்பட்டிருகாத்தும் காரணமாக இருக்குமோ?

//கலாத்தியர் 5:18. ஆவியினால் நடத்தப்படுவீர்களானால், நீங்கள் நியாயப்பிரமாணத்திற்குக் கீழ்ப்பட்டவர்களல்ல.

19. மாம்சத்தின் கிரியைகள் வெளியரங்கமாயிருக்கின்றன, அவையாவன: விபசாரம், வேசித்தனம், அசுத்தம், காமவிகாரம்,

20. விக்கிரகாராதனை, பில்லிசூனியம், பகைகள், விரோதங்கள், வைராக்கியங்கள், கோபங்கள், சண்டைகள், பிரிவினைகள், மார்க்கபேதங்கள்,

21. பொறாமைகள், கொலைகள், வெறிகள், களியாட்டுகள் முதலானவைகளே; இப்படிப்பட்டவைகளைச் செய்கிறவர்கள் தேவனுடைய ராஜ்யத்தைச் சுதந்தரிப்பதில்லையென்று முன்னே நான் சொன்னதுபோல இப்பொழுதும் உங்களுக்குச் சொல்லுகிறேன்.//

மாம்சத்தின் கிரியை முற்றிலுமாக அழிந்து, ஆவிக்குறியவர்களாக மாறும் பொழுது சாபங்கள் நீங்குமோ?

இன்னும் சரியான விளக்கத்தை மூத்தவர்கள் பகிருமாக வேண்டுகிறேன்.